Efesiɛ́ŋ 1
1
Mbígélíd
1Yaŋuá Póle, medenyi má Yésuse Klístus, uguá guɔyɛd guá Uhaluá, yɔɔ́guɔ́ŋɔn ɔbɔ́bɔninaá na Uhaluá, abánya uguá gibéyi giá guísi giá Efɛ́s, abádáabanaá Yésuse Klístus. 2Ánaá Síe wasɔ Uhaluá na Ɔgúná Yésuse Klístus bánúhuá magɔg na bumbénu.
Magɔg má kanda nsúgie
3Ánaá díbúlúgenye Uhaluá, Síe wa Ɔgúná wasɔ Yésuse Klístus,
umedísúgún bifɔn gidigid biá Gileénde uguá Klístus guonoólín ugumɔn.
4Umediéyíd uguá Klístus áneé dibá bég agányɛ umanyɛ udilɔŋ guísi,
gá gueleé dibá budányɛ kanda biíle egég gá eŋís, uguég guá ginɔ́nɛ́n.
5Uhaluá umebué gudiéyid áneé dibá baán bég uguá Yésuse Klístus.
Nɔ́ úmɔyá uguég guá beseé.
6Ánaá díbúbúlúgenye gɔg Uhaluá,
gég gá giandá giá mpuán igiɛ́ úmadíhuá gá gilé uguá Muɔ́n weg wa ginɔ́nɛ́n.
7Uguég, na manɔ́ŋ még dínya abaháŋánɔ,
uguég súsɔ́n Uhaluá úmadíyíbínɛ́n bilɔga biásɔ uguég guá giod giá magɔg,
8Uhaluá umadíhuá magɔg amagányɛ na díbun meéne na nugedie gidigid.
9Uwadídambunɛn giseyi giég giá guɔyɛd,
igiɛ́ úmagɔ́d feké uguég guá beseé áneé gíónóbíhónye uguá Klístus,
10nugedie unugányɛ nunyɛ áneé: Ginɛŋ gíénémesíeg,
Uhaluá wanágúsɛ́d
muand gidigid umúnya ugumɔn naá umúnya uguísi, uguá ihiligine hiá ofuŋ táŋ húmomi uhúnya Klístus.
11Uguásɔ guá búlada na Klístus dimábia súsɔ́n yasɔ ndáŋa ya gisódie, gá giagiá Uhaluá umebué gudiéyid uguég guá nugedie,
gúu Uhaluá wálanɔ́ buá gidigid hana úmagɔ́d na guɔyɛd guég.
12Basuá gɔg dimeébué guág nubídágídɛ́n nuásɔ uguá Klístus, ánaá dígúmenye gɔg buyáŋáŋá buá Uhaluá.
13Uguég, súsɔ́n unúɔ́b nugálɔ nuá gindényé, Ginɔ́g giá Nsɔ́m igínúsódonyeé,
egélém, unúádáab Klístus, Uhaluá uwanúág gilɛns. Gilɛns igigányɛ gínyɛ
Gileénde giá Budányɛ igiɛ́ úmanúdánɛ́n.
14Gileénde giá Budányɛ giáguɔ́ gínyɛ ndáŋa ya busió ya bunɛ́m ubuɔ́ díánádáŋáabánɔ agá Uhaluá.
Dianádáŋáab buɔ́ uguá ginɛŋ igiɛ́ díénédúgúgenu busió gidigid gá bufal.
Ánaá dídɔ́ŋa gɔg bilɛ́l gá nigúmi niá Uhaluá.
Mbísógóli ya Póle
15Buand buáguɔ́, yaŋuá súsɔ́n, gubul dabdab hana yɔɔ́b guágɔdɛ́m guánɔ uguá Ɔgúná Yésuse naá hana núgódionu ginɔ́nɛ́n na beédeébi gidigid, 16ndiɔ́dɔgɔn guéŋen Uhaluá mbíyigie gánɔ gá busió, yeénúbídúmenye uguámɛ guá mbísógóli. 17Yɔɔ́guɔŋɔn Uhaluá wa Ɔgúná wasɔ Yésuse Klístus, Síe unyaá ohónón na nigúmi, áneé unúhuá Gileénde giá nugedie, gígíánánúdambuninaá Uhaluá nuond nulɛns yɔ́ uguá hómohómue. 18Yɔɔ́guɔŋɔn yɔ́ áneé unúág gise giég agánɔ gá ɔdɛ́m, gá gueleé nulɛns bunubídágídɛ́n ubuɔ́ ɔdɔ́ŋína huég húnúhuánaá. Nuálinsan bunɛ́m buá nigúmi niég na bigínd biég, ibiɛ́ núábanɔ́ na badányɛdányɛ bég. 19Yɔ́nduguɔŋɔn yɔ́ áneé wal áneé nulɛns giandá giá buŋaŋa igiɛ́ úmadambɔ́n gásɔ gá busió, basuá diádáabanaá yɔ́. Uhaluá umedíye buŋaŋa buég gidigid na bugaga buég. 20Uhaluá umedíye muɔ́ uguá Klístus ugúa ginɛŋ igiɛ́ úmahuɛnyɛ yɔ́ uguá nigué uwond uweduguminye yɔ́ ugumɔn ɔmbɔ́g huég uhunɛ́m. 21Gúu gɔg, Bémeyíde údúmbanaá magaga na maŋaŋa na muhiligine gidigid. Waádúmban buá gidigid ubúgódionu buŋaŋa ugumɔn na ɔhɛ́n gidigid uhuɔ́ bómoneé, búdibá pɛ́ŋ gá guísi guá hínen, gɔgaá, súsɔ́n uguá guísi ugúóloneé. 22Ɛɛ́ɛ, Uhaluá umaág muand gidigid uguísi guá dugɔ́nd duá Klístus. Uwedéníginye yɔ́ ɔduá huá Gimbi giá beédébi bá Klístus. 23Gimbi giá beédébi bá Klístus gínyɛ nuɔ́l nuá Klístus, Klístus unyɛ guɔ́ binɛŋ gidigid, úmuanyɛ úmoóhónyé guɔ́m gidigid.
Currently Selected:
Efesiɛ́ŋ 1: EKM
Highlight
Share
Copy
Want to have your highlights saved across all your devices? Sign up or sign in
Efesiɛ́ŋ 1
1
Mbígélíd
1Yaŋuá Póle, medenyi má Yésuse Klístus, uguá guɔyɛd guá Uhaluá, yɔɔ́guɔ́ŋɔn ɔbɔ́bɔninaá na Uhaluá, abánya uguá gibéyi giá guísi giá Efɛ́s, abádáabanaá Yésuse Klístus. 2Ánaá Síe wasɔ Uhaluá na Ɔgúná Yésuse Klístus bánúhuá magɔg na bumbénu.
Magɔg má kanda nsúgie
3Ánaá díbúlúgenye Uhaluá, Síe wa Ɔgúná wasɔ Yésuse Klístus,
umedísúgún bifɔn gidigid biá Gileénde uguá Klístus guonoólín ugumɔn.
4Umediéyíd uguá Klístus áneé dibá bég agányɛ umanyɛ udilɔŋ guísi,
gá gueleé dibá budányɛ kanda biíle egég gá eŋís, uguég guá ginɔ́nɛ́n.
5Uhaluá umebué gudiéyid áneé dibá baán bég uguá Yésuse Klístus.
Nɔ́ úmɔyá uguég guá beseé.
6Ánaá díbúbúlúgenye gɔg Uhaluá,
gég gá giandá giá mpuán igiɛ́ úmadíhuá gá gilé uguá Muɔ́n weg wa ginɔ́nɛ́n.
7Uguég, na manɔ́ŋ még dínya abaháŋánɔ,
uguég súsɔ́n Uhaluá úmadíyíbínɛ́n bilɔga biásɔ uguég guá giod giá magɔg,
8Uhaluá umadíhuá magɔg amagányɛ na díbun meéne na nugedie gidigid.
9Uwadídambunɛn giseyi giég giá guɔyɛd,
igiɛ́ úmagɔ́d feké uguég guá beseé áneé gíónóbíhónye uguá Klístus,
10nugedie unugányɛ nunyɛ áneé: Ginɛŋ gíénémesíeg,
Uhaluá wanágúsɛ́d
muand gidigid umúnya ugumɔn naá umúnya uguísi, uguá ihiligine hiá ofuŋ táŋ húmomi uhúnya Klístus.
11Uguásɔ guá búlada na Klístus dimábia súsɔ́n yasɔ ndáŋa ya gisódie, gá giagiá Uhaluá umebué gudiéyid uguég guá nugedie,
gúu Uhaluá wálanɔ́ buá gidigid hana úmagɔ́d na guɔyɛd guég.
12Basuá gɔg dimeébué guág nubídágídɛ́n nuásɔ uguá Klístus, ánaá dígúmenye gɔg buyáŋáŋá buá Uhaluá.
13Uguég, súsɔ́n unúɔ́b nugálɔ nuá gindényé, Ginɔ́g giá Nsɔ́m igínúsódonyeé,
egélém, unúádáab Klístus, Uhaluá uwanúág gilɛns. Gilɛns igigányɛ gínyɛ
Gileénde giá Budányɛ igiɛ́ úmanúdánɛ́n.
14Gileénde giá Budányɛ giáguɔ́ gínyɛ ndáŋa ya busió ya bunɛ́m ubuɔ́ díánádáŋáabánɔ agá Uhaluá.
Dianádáŋáab buɔ́ uguá ginɛŋ igiɛ́ díénédúgúgenu busió gidigid gá bufal.
Ánaá dídɔ́ŋa gɔg bilɛ́l gá nigúmi niá Uhaluá.
Mbísógóli ya Póle
15Buand buáguɔ́, yaŋuá súsɔ́n, gubul dabdab hana yɔɔ́b guágɔdɛ́m guánɔ uguá Ɔgúná Yésuse naá hana núgódionu ginɔ́nɛ́n na beédeébi gidigid, 16ndiɔ́dɔgɔn guéŋen Uhaluá mbíyigie gánɔ gá busió, yeénúbídúmenye uguámɛ guá mbísógóli. 17Yɔɔ́guɔŋɔn Uhaluá wa Ɔgúná wasɔ Yésuse Klístus, Síe unyaá ohónón na nigúmi, áneé unúhuá Gileénde giá nugedie, gígíánánúdambuninaá Uhaluá nuond nulɛns yɔ́ uguá hómohómue. 18Yɔɔ́guɔŋɔn yɔ́ áneé unúág gise giég agánɔ gá ɔdɛ́m, gá gueleé nulɛns bunubídágídɛ́n ubuɔ́ ɔdɔ́ŋína huég húnúhuánaá. Nuálinsan bunɛ́m buá nigúmi niég na bigínd biég, ibiɛ́ núábanɔ́ na badányɛdányɛ bég. 19Yɔ́nduguɔŋɔn yɔ́ áneé wal áneé nulɛns giandá giá buŋaŋa igiɛ́ úmadambɔ́n gásɔ gá busió, basuá diádáabanaá yɔ́. Uhaluá umedíye buŋaŋa buég gidigid na bugaga buég. 20Uhaluá umedíye muɔ́ uguá Klístus ugúa ginɛŋ igiɛ́ úmahuɛnyɛ yɔ́ uguá nigué uwond uweduguminye yɔ́ ugumɔn ɔmbɔ́g huég uhunɛ́m. 21Gúu gɔg, Bémeyíde údúmbanaá magaga na maŋaŋa na muhiligine gidigid. Waádúmban buá gidigid ubúgódionu buŋaŋa ugumɔn na ɔhɛ́n gidigid uhuɔ́ bómoneé, búdibá pɛ́ŋ gá guísi guá hínen, gɔgaá, súsɔ́n uguá guísi ugúóloneé. 22Ɛɛ́ɛ, Uhaluá umaág muand gidigid uguísi guá dugɔ́nd duá Klístus. Uwedéníginye yɔ́ ɔduá huá Gimbi giá beédébi bá Klístus. 23Gimbi giá beédébi bá Klístus gínyɛ nuɔ́l nuá Klístus, Klístus unyɛ guɔ́ binɛŋ gidigid, úmuanyɛ úmoóhónyé guɔ́m gidigid.
Currently Selected:
:
Highlight
Share
Copy
Want to have your highlights saved across all your devices? Sign up or sign in