Mavanga 15
15
Lukutukunu lu Yelusalemi
1Mwa ndambu yi bantu yifuma ku kizunga ki Yuda yihaana ndongosolo ku zimpangi ti: «Lulendi baka mpulusu ko tala ti luzengoso bubakala ko bonso buna tumina Misiku mi Mose.» 2Pawuli na Banabase bavutasana na bayumana nawu. Ni hahoho, balomba ku Pawuli na Banabase, mpe ku bantu bahiika, batomboka ku Yelusalemi mu kwe yenikina zintumwa na bakuluntu mwanki bahidika musamu bewowo. 3Ni hahoho, dibundu di Antiose dikubika nzyetolo awu. Bahyokila yi bizunga bi Fenisi na Samaliya mu kwe yadi mpolo yi mvilukulu yi balembolo ba Bayudayo. Yi yangidika bubwingi zimpangi zizingi. 4Bu batuula ku mbanza yi Yelusalemi, bababwana ku dibundu, ku zintumwa na ku bankuluntu, mpe Pawuli na Banabase babayadila misamu mimvimba Nzambi mi kahidika nawu. 5Kansi, mwa ndambu yi bantu mu kabu di Bafalisi bayiza ba minkwikidi, ditelama na dita ti: «Bufwanakani ti bazenga bubakala bu yobobo balembolo ba Bayudayo na lufweti batuma bavumina Misiku mi Mose.» 6Zintumwa na bakuluntu bakutakana mu sungimina dyambu bedyodyo. 7Ku manima ma mvutasani yingolo, Petelo wutelama na wuta ti: «Mpangi zani, yeno luzebi ti, tuka bilumbu bintete, Nzambi wunsoola ha kati dyeno, mwanki na samuna Musamu Wumbote ku balembolo ba Bayudayo. Bayuwa wo mpe ba kwikila. 8Nzambi wuzebi mitima mi bantu, wubalonka kimbangi kyandi mu bahaana Mpeve Yilongo bonso bu kasa ku yeto. 9Kasa kani diswasani ko ha kati di yawu na yeto, mu dyambu ti wuvedisa mitima myawu mu kiminu. 10Bila nki luna tontila Nzambi, mu kwika milongoki bizitu bilembana mu nata zinkaka zeto na yeto bende mpe e? 11Kansi, tukwikidi ti mu mulemvo wu Mfumu Yesu, yeto tubeki mpulusu bonso yawu mpe.»
12Dibundu dimvimba didingama, mpe bayuwa Banabase na Pawuli bedi yala mpolo zi bidimbu na bimangu bimvimba Nzambi bihidika mu nzila awu ku balembolo ba Bayudayo. 13Bu bamana zonza, Zaki wuta ti: «Mpangi zani, yuweeno! 14Simoni wutuyadidi bwedi Nzambi kasila ku ntonono mu soola mukangu wu kavwidi ha kati di balembolo ba Bayudayo. 15Mimvimba bemyomyo myenzi detila na misamu mizonza mimbikudi, mu dyambu ti wusonama:
16“Ku manima, mbo navutuka,
mpe mbo nabwesa tunga nzo yi
Davidi yi mana bwonzomoka,
Mbo nabwesa tunga bibaka
mbo natedimisa byo.
17Mwanki bantu basidi, baasosa Mfumu,
bumosi mpe baa mu zinsi zimvimba
muna samunu nkumbu ani,
Mfumu teedi bo, yandi wuhidika bima bimvimba,
18bizabakana tuka ntama.”
19Ni hahoho, mbenzi ti tukwamisandi balembolo ba Bayudayo, batambudi mu sadila Nzambi. 20Kansi, tubasonikineeno kwandi babika mu dya bibulu bi baheeni munkayulu ku biteki, mu dya bibulu bifwidi wulembolo zengo ngongodinga mpe menga, na musa kindumba. 21Tuka mbandu zintama, bantu bakwe longanga Misiku mi Mose mu kadi mbanza, mboki mu kadi saba, mikwe tangungu mu nzo zi lusambulu zi Bayudayo.»
Mukanda wutambuku ku balembolo ba Bayudayo
22Ni hahoho, zintumwa na bankuluntu bayuwasana na dibundu dimvimba mu soola ha kati dyawu Yuda wu bakwe tumisinanga ti Basabase na Silase. Babakala bole baba tomini tya ku zimpangi mwanki benda ku mbanza yi Antiose ha kimosi na Pawuli na Banabase. 23Babahaana mukanda wubasonika ebu: «Yeto zintumwa, bankuluntu na zimpangi, ku yeno zimpangi zilembolo ba Bayudayo zii ku mbanza yi Antiose mu kizunga ki Siliya na ki Silisi, mbote zeno!
24Tuyudi ti bantu bafumini ku yeto, bayizidi ku yeno mu kotisa mvwanzi mpe mu luzungisa mitu mu zonzolo awu. Kayeto ko tu baheeni luve. 25Ni hahoho, bu tuyuwasani, ni tusoodidi bantu batulutambikidi. Bana kwiza ha kimosi na mpangi zeto zi zola Banabase na Pawuli, 26yawu badi babakala bayekodi luzingu lwawu mu dyambu di nkumbu yi Mfumu eto Yesu-Klisto. 27Tutambikidi Yuda na Silase, yawu baaluzabikisa mu ndinga awu misamu mi tukengi. 28Buyenikini bumbote ku Mpeve Yilongo na ku yeto mu lembolo lukwika bizitu bihiika tala ti ka misamu bemimi ko mi vudidi mfunu: 29ka mu dyanga bibulu bi baheeni munkayulu ku biteki ko, na bibulu bifwidi wulembolo zengo ngongodinga mpe na menga, na ka musanga kindumba ko. Bumbote tala ti luhidikidi misamu bemimi mimvimba ko. Beeno bumbote!»
30Yawu basala sisa dibundu, ni bayenda ku mbanza yi Antiose ku bakutikisa bantu mu bahaana mukanda. 31Batanga wo, mpe bamvimba bayangalala mu syamusunu yi ba momo. 32Yuda na Silase, bu baba yawu bende mimbikudi, bazonza misamu mimingi mu syamisa zimpangi na babakindisa mu ntangu yiyingi. 33Bazakala hoho mwa ntangu yifwana, ku manima zimpangi ni zibavutula mu kiyenge ku yobobo babatambika. 34[Silase wuyena ti bumbote mu saala.]
35Pawuli na Banabase bazakala ku mbanza yi Antiose. Hakimosi na babingi bahiika, balonga na basamuna Musamu Wumbote, Mambu ma Mfumu.
Pawuli na Banabase bakabukidi
36Mwa bilumbu bihyoka, ku manima Pawuli wuta ku Banabase ti: «Tuvutuka mu kwe vunga zimpangi zii mu zimbanza zimvimba zi tube kwe samuni Mambu ma Mfumu, mu zaba bwedi bana dyatila.» 37Banabase wutya mu nata mpe Yoane, wu bakwe tumisinanga ti Malako, 38kansi Pawuli katya ko ba munata, mu dyambu ti, yandi wubasiisa bu baba ku mbanza yi Pamfili na kedi bwesa kwe yenzingi nawu ko mu kisalu kyawu. 39Mpaka zihyokila kitezo, kadi muntu ni kayendisa ku ndambusu andi. Banabase wusoola Malako, ni bakota mu masuwa mu kwenda ku kizanga ki Sipeli. 40Pawuli wusoola Silase na wuyenda. Mpangi zi mutuula ku nsye lusakumunu lu Mfumu. 41Bayunga mu kizunga ki Siliya na ki Silisi mu kwe kindisi Mabundu.
Currently Selected:
Mavanga 15: dde Ddo
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Mavanga 15
15
Lukutukunu lu Yelusalemi
1Mwa ndambu yi bantu yifuma ku kizunga ki Yuda yihaana ndongosolo ku zimpangi ti: «Lulendi baka mpulusu ko tala ti luzengoso bubakala ko bonso buna tumina Misiku mi Mose.» 2Pawuli na Banabase bavutasana na bayumana nawu. Ni hahoho, balomba ku Pawuli na Banabase, mpe ku bantu bahiika, batomboka ku Yelusalemi mu kwe yenikina zintumwa na bakuluntu mwanki bahidika musamu bewowo. 3Ni hahoho, dibundu di Antiose dikubika nzyetolo awu. Bahyokila yi bizunga bi Fenisi na Samaliya mu kwe yadi mpolo yi mvilukulu yi balembolo ba Bayudayo. Yi yangidika bubwingi zimpangi zizingi. 4Bu batuula ku mbanza yi Yelusalemi, bababwana ku dibundu, ku zintumwa na ku bankuluntu, mpe Pawuli na Banabase babayadila misamu mimvimba Nzambi mi kahidika nawu. 5Kansi, mwa ndambu yi bantu mu kabu di Bafalisi bayiza ba minkwikidi, ditelama na dita ti: «Bufwanakani ti bazenga bubakala bu yobobo balembolo ba Bayudayo na lufweti batuma bavumina Misiku mi Mose.» 6Zintumwa na bakuluntu bakutakana mu sungimina dyambu bedyodyo. 7Ku manima ma mvutasani yingolo, Petelo wutelama na wuta ti: «Mpangi zani, yeno luzebi ti, tuka bilumbu bintete, Nzambi wunsoola ha kati dyeno, mwanki na samuna Musamu Wumbote ku balembolo ba Bayudayo. Bayuwa wo mpe ba kwikila. 8Nzambi wuzebi mitima mi bantu, wubalonka kimbangi kyandi mu bahaana Mpeve Yilongo bonso bu kasa ku yeto. 9Kasa kani diswasani ko ha kati di yawu na yeto, mu dyambu ti wuvedisa mitima myawu mu kiminu. 10Bila nki luna tontila Nzambi, mu kwika milongoki bizitu bilembana mu nata zinkaka zeto na yeto bende mpe e? 11Kansi, tukwikidi ti mu mulemvo wu Mfumu Yesu, yeto tubeki mpulusu bonso yawu mpe.»
12Dibundu dimvimba didingama, mpe bayuwa Banabase na Pawuli bedi yala mpolo zi bidimbu na bimangu bimvimba Nzambi bihidika mu nzila awu ku balembolo ba Bayudayo. 13Bu bamana zonza, Zaki wuta ti: «Mpangi zani, yuweeno! 14Simoni wutuyadidi bwedi Nzambi kasila ku ntonono mu soola mukangu wu kavwidi ha kati di balembolo ba Bayudayo. 15Mimvimba bemyomyo myenzi detila na misamu mizonza mimbikudi, mu dyambu ti wusonama:
16“Ku manima, mbo navutuka,
mpe mbo nabwesa tunga nzo yi
Davidi yi mana bwonzomoka,
Mbo nabwesa tunga bibaka
mbo natedimisa byo.
17Mwanki bantu basidi, baasosa Mfumu,
bumosi mpe baa mu zinsi zimvimba
muna samunu nkumbu ani,
Mfumu teedi bo, yandi wuhidika bima bimvimba,
18bizabakana tuka ntama.”
19Ni hahoho, mbenzi ti tukwamisandi balembolo ba Bayudayo, batambudi mu sadila Nzambi. 20Kansi, tubasonikineeno kwandi babika mu dya bibulu bi baheeni munkayulu ku biteki, mu dya bibulu bifwidi wulembolo zengo ngongodinga mpe menga, na musa kindumba. 21Tuka mbandu zintama, bantu bakwe longanga Misiku mi Mose mu kadi mbanza, mboki mu kadi saba, mikwe tangungu mu nzo zi lusambulu zi Bayudayo.»
Mukanda wutambuku ku balembolo ba Bayudayo
22Ni hahoho, zintumwa na bankuluntu bayuwasana na dibundu dimvimba mu soola ha kati dyawu Yuda wu bakwe tumisinanga ti Basabase na Silase. Babakala bole baba tomini tya ku zimpangi mwanki benda ku mbanza yi Antiose ha kimosi na Pawuli na Banabase. 23Babahaana mukanda wubasonika ebu: «Yeto zintumwa, bankuluntu na zimpangi, ku yeno zimpangi zilembolo ba Bayudayo zii ku mbanza yi Antiose mu kizunga ki Siliya na ki Silisi, mbote zeno!
24Tuyudi ti bantu bafumini ku yeto, bayizidi ku yeno mu kotisa mvwanzi mpe mu luzungisa mitu mu zonzolo awu. Kayeto ko tu baheeni luve. 25Ni hahoho, bu tuyuwasani, ni tusoodidi bantu batulutambikidi. Bana kwiza ha kimosi na mpangi zeto zi zola Banabase na Pawuli, 26yawu badi babakala bayekodi luzingu lwawu mu dyambu di nkumbu yi Mfumu eto Yesu-Klisto. 27Tutambikidi Yuda na Silase, yawu baaluzabikisa mu ndinga awu misamu mi tukengi. 28Buyenikini bumbote ku Mpeve Yilongo na ku yeto mu lembolo lukwika bizitu bihiika tala ti ka misamu bemimi ko mi vudidi mfunu: 29ka mu dyanga bibulu bi baheeni munkayulu ku biteki ko, na bibulu bifwidi wulembolo zengo ngongodinga mpe na menga, na ka musanga kindumba ko. Bumbote tala ti luhidikidi misamu bemimi mimvimba ko. Beeno bumbote!»
30Yawu basala sisa dibundu, ni bayenda ku mbanza yi Antiose ku bakutikisa bantu mu bahaana mukanda. 31Batanga wo, mpe bamvimba bayangalala mu syamusunu yi ba momo. 32Yuda na Silase, bu baba yawu bende mimbikudi, bazonza misamu mimingi mu syamisa zimpangi na babakindisa mu ntangu yiyingi. 33Bazakala hoho mwa ntangu yifwana, ku manima zimpangi ni zibavutula mu kiyenge ku yobobo babatambika. 34[Silase wuyena ti bumbote mu saala.]
35Pawuli na Banabase bazakala ku mbanza yi Antiose. Hakimosi na babingi bahiika, balonga na basamuna Musamu Wumbote, Mambu ma Mfumu.
Pawuli na Banabase bakabukidi
36Mwa bilumbu bihyoka, ku manima Pawuli wuta ku Banabase ti: «Tuvutuka mu kwe vunga zimpangi zii mu zimbanza zimvimba zi tube kwe samuni Mambu ma Mfumu, mu zaba bwedi bana dyatila.» 37Banabase wutya mu nata mpe Yoane, wu bakwe tumisinanga ti Malako, 38kansi Pawuli katya ko ba munata, mu dyambu ti, yandi wubasiisa bu baba ku mbanza yi Pamfili na kedi bwesa kwe yenzingi nawu ko mu kisalu kyawu. 39Mpaka zihyokila kitezo, kadi muntu ni kayendisa ku ndambusu andi. Banabase wusoola Malako, ni bakota mu masuwa mu kwenda ku kizanga ki Sipeli. 40Pawuli wusoola Silase na wuyenda. Mpangi zi mutuula ku nsye lusakumunu lu Mfumu. 41Bayunga mu kizunga ki Siliya na ki Silisi mu kwe kindisi Mabundu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.