PĀ GƏ̄ 1
1
Makətūbə̄ kə́ ta kəga dɔ
(Pā gə̄ 1—41)
Rɔ̄nel̄ kə́ rɔ̄kum
1-2Rɔ̄nel̄ i kə deē ń un kɔjə̄ yā ngé kem ndul gə̄ rāań kəla aĺ ní.
Ni dəba ra gətóo dɔ róbə yā ngé rāā majaĺ gə̄ tə́ aĺ ō
ndi kə ngé lur loo gēé aĺ ō,
ba gḛy i ndū najə̄ yā Kɔ́ɔ̄ɓē ō,
gír̄ dɔ tə́ ndɔ̄ɔ́ ō kadaá ō ní.
3Ni to i tītə̄ kāgə̄ kə́ əhɔn̄ kadə man̄ tə́ beē,
adə̄ a a̰a̰n̄ i kə dɔ nāaneé ō,
mbīn ndəlē aĺ ō.
Yá̰a̰ malang ń ni-rāā ní teē majə.
4Banī yā ngé kem ndul gə̄ i tītə̄ ń noō alé,
nin̄ ton̄ i tītə̄ təsá kə́ nél tə̄ndā tḭ̄ḭ̄ kə̄ loo gə̄ tə́ beē.
5Adə̄ ndɔ̄ gān̄g sarya tə́ anī ngé kem ndul gə̄ a asən̄ ra dɔɔ́ aĺ ō,
ngé rāā majaĺ gə̄ a asən̄ kudə loo kán̄ naā yā de kə́ súmūú gə̄ tə́ aĺ ō.
6Tɔdɔ̄ Kɔ́ɔ̄ɓē ger̄ róbə yā de kə́ súmūú gə̄.
Banī róbə yā ngé kem ndul gə̄ i róbə́ kə́ ta to siriri.
Currently Selected:
PĀ GƏ̄ 1: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.