Oko-ki-igabo 12
12
Ayo Oyakubu Ngmo, Ayo Obitrus Shetu
1Ipu kishi mani Ose Ohiridus kwotu ko da awogboso Oyesu egye. 2Oyo Oyakubu oyene ko Oyohana yi ngmo kpe ewakpa. 3Ohiridus mani oza ni oya ni shase ko Oyahuda otu ni, oki yo Obitrus yikwu kweyi yo shetu. Omani gbodagye ishi kimya kikyoga ni gbo Oyisi lo ni. 4Ni oyo Obitrus kwu ni, oyo toruduru, oyo dikpo ka awadakare ene mana gbeho nu. Ohiridus ya yimu shini ana byo wese shini ase na kwepwo iyi kananoho itikpi kimya ko Sheyi.
5Ayo Obitrus to oruduru, awogboso ke tinarigwu kotata ikweyi nu kotata shini Owuso na tabo.
Ayo Obitrus Ngma Sho Shetu
6Otu ko gbeno ni Ohiridus ya byo wese ko kepwo ni, Obitrus ya gbola otutetehe kawadakare epa. Ayo gbo kpa ashirika epa, kweyi adakare bokwunu koko wa ofunu owe ko oruduru. 7Ebebeni oyoleho ka Adole bose danu kweyi ola yu ipu koda. Odo Obitrus abo ashikwu kweyi shiyi mo, <<Nyiso papa!>> Kweyi ashirika she abo nu.
8Ebeni oyoleho ka danu mo, <<Kpo oshiye wo shoko shini okpo okpabawu wo likpo.>> Kweyi Obitrus ya mani. Oyoleho ki kamo <<Kpo obagidi shikpiye shini ogbosun.>> 9Obitrus gboso bose shoruduru, anu ke gye moza ni oyoleho yaya mani ya gbodagye okwokwoshi lalo; oya ma byo owa ana la. 10Ashigbo kawadakare kikyikyo kpa akomwepa, awo owofunu kogye ko gipu kogya. Ofunu gwa dawa abiyinu kweyi abwanu gese. Abose yawu go owe oye ebebeni oyoleho sho Obitrus bita.
11Ebeni Obitrus kwikye wiyinu kweyi okamo <<Nabani ngye mo Adole so oyoleho nu abo kowa yun ngma shabo ko Ohiridus kpo oza ni ase ko Oyahuda yotuse moya gbodagye ni.
12Ishini Obitrus gye mani ni, ogole ko Omeremu ene ko Oyohana ni aba yogwu mo Omarkus ni, ase lewa gbayi ba tinarigwu. 13Ebeni Obitrus gwabo ofunu kole, oyole oye nonya iyenu wo Oroda wa shoko mese. 14Ishini opwoko wako Obitrus ni otu nu sha kotata kweyi onyinya kwikye gipu kole gbo gwofunu kelo, kweyi ga kamo Obitrus hagye ese oma. 15Aka danu mo, <<Oya nyoza!>> Ohokoko nu mo owokwokwoshi. Aka danu mo, <<Oya wo oyoleho nu la.>>
16Obitrus ke tayayo ya gwabo ofunu, awa gwofunu kweyi amo, kweyi igbashi yuwa kwu. 17Anu ke yuwabo mo ana sha kweyi okadawa oza ni Adole ya ome ni oyo ngma shoruduru ni. Oka dawa mo, <<Ala kado Oyakubu kpa ayene shishini oza mani,>> ebeni oshuwa bita gebye hoha.>>
18Ishini ebenya ni, oshi yawadakare kwu kweyi aba tawashu kpi iyiwa mo, oji gbodagye kpo Obitrus? 19Ohiridus zoko dawa mo ana tikpo nu, ake mo lo. Mani oni oyuwa dawo gbeho oka kweyi ozoko mana yuwa ngmo.
Ebeni Ohiridus shokpagye ko Oyahudiya bita go Okesariya ga yagye ebeni kishi gbayayi.
Ikwu ko Ohiridus
20Otu ko Ohiridus bya kpase ko Otaya kpo Osidon, mani oni akpikweyi gbayi kweyi gebe komo. Ikyikyo agebe ko Obilatus niwo oteyi kole ko ose ni, ga kwikpo nu mona tuwabo. Ebeni agebe ko Ohiridus ga shagye koyagye komene, ikweyi koni okpagye wa ba pyo ozarore wa bwo okpagye ko ose la.
21Eno ni atu ni, Ohiridus shoshiye ko ose nu, oyagye ebe nu, kweyi okela dawase mani. 22Asheha kamo, <<Omani woko keka pini kela la, waka asuse lalo!>> 23Ebebeni oyoleho ka Adole wayo Ohiridus gwotonu ikweyi koni odo Owuso abokpa lo ni. Iyu ho kweyi ogekwu.
24Ela ko Owuso ke yagye gohobu ebebenya.
25Ishini Obarnabas kpo Oshawulu yoko wa kweyi ni akwikye bwo Ojerusele wa kpo Oyohana ni aba yogwu mo Omarkus ni.
Currently Selected:
Oko-ki-igabo 12: ALA
Highlight
Share
Copy
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA
Oko-ki-igabo 12
12
Ayo Oyakubu Ngmo, Ayo Obitrus Shetu
1Ipu kishi mani Ose Ohiridus kwotu ko da awogboso Oyesu egye. 2Oyo Oyakubu oyene ko Oyohana yi ngmo kpe ewakpa. 3Ohiridus mani oza ni oya ni shase ko Oyahuda otu ni, oki yo Obitrus yikwu kweyi yo shetu. Omani gbodagye ishi kimya kikyoga ni gbo Oyisi lo ni. 4Ni oyo Obitrus kwu ni, oyo toruduru, oyo dikpo ka awadakare ene mana gbeho nu. Ohiridus ya yimu shini ana byo wese shini ase na kwepwo iyi kananoho itikpi kimya ko Sheyi.
5Ayo Obitrus to oruduru, awogboso ke tinarigwu kotata ikweyi nu kotata shini Owuso na tabo.
Ayo Obitrus Ngma Sho Shetu
6Otu ko gbeno ni Ohiridus ya byo wese ko kepwo ni, Obitrus ya gbola otutetehe kawadakare epa. Ayo gbo kpa ashirika epa, kweyi adakare bokwunu koko wa ofunu owe ko oruduru. 7Ebebeni oyoleho ka Adole bose danu kweyi ola yu ipu koda. Odo Obitrus abo ashikwu kweyi shiyi mo, <<Nyiso papa!>> Kweyi ashirika she abo nu.
8Ebeni oyoleho ka danu mo, <<Kpo oshiye wo shoko shini okpo okpabawu wo likpo.>> Kweyi Obitrus ya mani. Oyoleho ki kamo <<Kpo obagidi shikpiye shini ogbosun.>> 9Obitrus gboso bose shoruduru, anu ke gye moza ni oyoleho yaya mani ya gbodagye okwokwoshi lalo; oya ma byo owa ana la. 10Ashigbo kawadakare kikyikyo kpa akomwepa, awo owofunu kogye ko gipu kogya. Ofunu gwa dawa abiyinu kweyi abwanu gese. Abose yawu go owe oye ebebeni oyoleho sho Obitrus bita.
11Ebeni Obitrus kwikye wiyinu kweyi okamo <<Nabani ngye mo Adole so oyoleho nu abo kowa yun ngma shabo ko Ohiridus kpo oza ni ase ko Oyahuda yotuse moya gbodagye ni.
12Ishini Obitrus gye mani ni, ogole ko Omeremu ene ko Oyohana ni aba yogwu mo Omarkus ni, ase lewa gbayi ba tinarigwu. 13Ebeni Obitrus gwabo ofunu kole, oyole oye nonya iyenu wo Oroda wa shoko mese. 14Ishini opwoko wako Obitrus ni otu nu sha kotata kweyi onyinya kwikye gipu kole gbo gwofunu kelo, kweyi ga kamo Obitrus hagye ese oma. 15Aka danu mo, <<Oya nyoza!>> Ohokoko nu mo owokwokwoshi. Aka danu mo, <<Oya wo oyoleho nu la.>>
16Obitrus ke tayayo ya gwabo ofunu, awa gwofunu kweyi amo, kweyi igbashi yuwa kwu. 17Anu ke yuwabo mo ana sha kweyi okadawa oza ni Adole ya ome ni oyo ngma shoruduru ni. Oka dawa mo, <<Ala kado Oyakubu kpa ayene shishini oza mani,>> ebeni oshuwa bita gebye hoha.>>
18Ishini ebenya ni, oshi yawadakare kwu kweyi aba tawashu kpi iyiwa mo, oji gbodagye kpo Obitrus? 19Ohiridus zoko dawa mo ana tikpo nu, ake mo lo. Mani oni oyuwa dawo gbeho oka kweyi ozoko mana yuwa ngmo.
Ebeni Ohiridus shokpagye ko Oyahudiya bita go Okesariya ga yagye ebeni kishi gbayayi.
Ikwu ko Ohiridus
20Otu ko Ohiridus bya kpase ko Otaya kpo Osidon, mani oni akpikweyi gbayi kweyi gebe komo. Ikyikyo agebe ko Obilatus niwo oteyi kole ko ose ni, ga kwikpo nu mona tuwabo. Ebeni agebe ko Ohiridus ga shagye koyagye komene, ikweyi koni okpagye wa ba pyo ozarore wa bwo okpagye ko ose la.
21Eno ni atu ni, Ohiridus shoshiye ko ose nu, oyagye ebe nu, kweyi okela dawase mani. 22Asheha kamo, <<Omani woko keka pini kela la, waka asuse lalo!>> 23Ebebeni oyoleho ka Adole wayo Ohiridus gwotonu ikweyi koni odo Owuso abokpa lo ni. Iyu ho kweyi ogekwu.
24Ela ko Owuso ke yagye gohobu ebebenya.
25Ishini Obarnabas kpo Oshawulu yoko wa kweyi ni akwikye bwo Ojerusele wa kpo Oyohana ni aba yogwu mo Omarkus ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA