Oroma Kambu Iyemo
Kambu Iyemo
Ɔpɔlu gba a ka kwupu kwɔlɛ le laa Ɔshɔshi uwu Oromu. Igbomo a ka ngwu mu kari unga A.D. 56 nana kari unga 57 kwuyengwu bɔkɔ a nda tee a mbwa anu itama iyi iso iyi Ɔzhizɔsi fo.
Ɔpɔlu a gyi tee le so mu Ɔzhɛrusalɛ dɛ gba e be re mu Oromu mbala Osipeni le. Igbomo a ka kwupu kwɔlɛ kwuyengwu e yi mu ɛnwuyimo iyi luzɛ ndɔlɛ. A ka mba kwupu kwɔlɛ ka la zɔ mba ɔgwuzɛ uwu ikwidufulo uwu Umbwalu mbala lunzɛ undu lu fa laa umbwalu Okrasi.
Mizhikembo iyi a gbɛlɛ enzu umba ɔshɔshi mu Oromu ɛnyi akwɛyi e so mbo Ukpo ilɛma uwu e yi mu ilɛma kwuwo mbo, akwɛyi e so reshi ingyi iso ingyi kwupu wu kwɔlɛ: <<Iso Iyeshi ɛlɛ i zɔ ewo iyi bɔkɔ Ukpo e shi enzu ototo midu wu: i ngyi mu ikwidufulo mu iyemo nzhii ba mu imbwama>> (1.17).
Akwɛyi Ɔpɔlu a ya iso ɛlɛ ma. A zɔ tee enzu lɛɛbi, laa Azhu loo, laa enzu umba bɔkɔ akwu Azhu mo loo, u yi ugɔ uwu ototo mbaa God, moo uwewe akwu onzu uwu ingbomo. Ikwidufulo mu Ɔzhizɔsi Okrasi gba i shi enzu ototo mbaa Ukpo le. Akwɛyi Ɔpɔlu e so ewo iyi bɔkɔ kwunyɔ ungwepo ungwu Ukpo e shi kwuwongwu ilomesu mbala Okrasi le te kwu yi. Umbwalu Okrasi awu oloto mbala God, Kwundu uwu Ukpo a wa wu ma mbaa ekpasu iyi ingbomo mbala luku. Mu ɛmɛ iyɛkwu 5-8 iyi kwupu kwɔlɛ, Ɔpɔlu e kyo e so iso meka iyi Ɛrama iyi Ukpo mbala ekpasu iyi Kwundu uwu Ukpo mu luzɛ undu umbwalu Okrasi. Akwɛyi e kyikyi e so ewo iyi bɔkɔ Azhu mbala enzu umba bɔkɔ akwu Azhu mo ɔ ri mu ikama iyi Ukpo a ka laa enzu lɛɛbi. A zɔ tee itomo iyi bɔkɔ Azhu o to Ɔzhizɔsi mo awu akwu ikama iyi Ukpo a ka le kaa le bo laa enzu lɛɛbi kɛlɛ mbaa esheshi iyi Ukpo mu Ɔzhizɔsi Okrasi. Ɔpɔlu e shi egbo tee Azhu o towo Ɔzhizɔsi mo iyɔkpɔɔ mo. Mu imbwama iyi kwupu kwɔlɛ Ɔpɔlu e so iso meka iyi bɔkɔ luzɛ undu Umbwalu Okrasi ifate lalu yi, iyi idɛnyi ipwumo iyi enzu. Ekyo e so iso meka iyi ɛduma iwomo la Ukpo, ɛduma iyi Wambwalu Okrasi o wo la ɛzhi mba mbala laa esu, mbala eyo meka iyi iso iyi bɔkɔ egbo iyi onzu i so wu. A mbwa kwupu kwɔlɛ mu ɛnyi igbɛlɛma mbala Ukpo iduma.
Iso Iyi I Yi Memi
Kambu iyemo mbala reshi ingyi iso (1.1-17)
Onzu uwunawuna e yi ugɔ uwu isama (1.18—3.20)
Ɔgwuzɛ uwu isama uwu Ukpo (3.21—4.25)
Kwunyɔ ungwepo mu Okrasi (5.1—8.39)
Izirɛ mu ikama iyi Ukpo (9.1—11.36)
Luzɛ undu Umbwalu Okrasi (12.1—15.13)
Imbwama iyi iso mbala ɛnyi igbɛlɛma iyafyafyi wu (15.14—16.27)
Currently Selected:
Oroma Kambu Iyemo: ETP
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria