Leewwitotika Maxaafa 16
16
Cubbo Biratixxa Barra
1Lame Aaroonixxi oose seeri beloxxa giira Mageni edo aaxxe shiqati rerteechchi uduma, Mageni Muuse, 2«Dayyi atiki Aarooni duuchchi wodda kadebaaki ani duumanchchiki tabotiinke tuphanjo'ni leellannoxxe barra calla langaxxe woyyitte kutaba e'yaashsha kuli; konne ajaja sa'oole reyaan.#Ibr. 6:19. 3Langaxxe woyyitte kutaba e'ya dande'aaki cubbo biratike tolchi'a jibbichcha mitte, ciincatike tolchi'a gedhechcho labbaka mitte shiqisheechchi uduma kada hassissaan.» #Ibr. 9:7. 4Aarooninna langaxxe woyyitte kuta giddi'a e'yeba edi darre biso anshshedhe qeesomiinxi oddo'wwaaxxi seemmuwwa: layinotixxa qeerraxxa seemmanna gonfa, sabbatanna, ruufa umoke'ni mirqedhaken. 5Isira'eeliki ardinna cubbo biratike tolchi'a lame korbeeyye re'e, ciincatike tolchchi'a mitte labbaka gedhechcho Aarooniba idangowwaal.
6«Isixxanna isike mini hadixxa cubbo biratee mitte jibbichcha tolchowwaal. 7Ookkoneechchi uduma lame re'e eettene Magenii ulfinniki afemammake duunkaaniinxe huddume'ni Magenii edo shiqishowwaal; 8Ookonna Aarooni mitte hixa ‹Magenokee› langaka ‹Azazeli'a› hiyyaaka beessisa afeexxa lame kino aadheexxi hixa ibisowwaal.#16:8 Azazeli Tenne Ibrititotixxe hiyyaxxi toggitte tika ege'nendeexebaani; mise giddo gammoojjichcha bogike durriisa kada gophabaan. 9Aarooninna hixi Magenoke fulchemmaka recco cubbo biratee tolchowwaal. 10Hixi Azazeeli'a fulemmaka recco hedhondinni hedhee'na Magenii edo shiqishe ke'eexxi ardiinxa cubbo bukki assedhe gammooje'a me'aashsha assaan» hiyye.
11Aarooninna cubbo isixxanna isike mini hadixxa biratee jibichcha tolchowwaal; 12Tolchimalchoke'n giira aadheexxi lame oobo kaddaaxxa eloka fishshaaka foole affeeke hixaanixxa bulle aadheexxi langaxxe woyyitte kutaba e'yowaal; 13Okkonna Magenii edo aadhe e'yeexxe giira'ni ixaana worowwaal; uude reyabaashshanna Taabotiinka tuphanjo ixaaniinxi wiliille buqqowaal. 14Jibichchiinxa munde shiixxoxxa adheexi qubichchiki cuupha'ni Taabotiinke tuphanjo'ni edi darree'ni fixowwaal; ittanni munde eettenenaa'ni aadheexxi Kakotike Taaboti edo torbaanele fixowwaal.
15Okkonechchi uduma ardiinxa cubbo biratee recco gorra'owwaal; mundetanna langaxxe woyyitte kuta giddi'a aadhe e'yeexxi jibichchiinxa munde assemashshani Tabotiinke tuphanjo'ninna Kakotike Taaboti edo fixowwaal.#Ibr. 9:12. 16Konne qicinni langaxxa woyyitte kuta Isira'eelike ardixxe battenaa'ninna cubbonaa'ni ca'a assatee battumma biratiki seeri muuxemaan; duunkaanikinna batto'eeke olla'a'ni hedhaammaxxee batte biratiki seeri iittani muuxemaan. 17Aarooni ifixxa, isike mini hadixxanna Isira'eelike ardixxa cubbo biratee langaxxe woyyitte kuta giddi'a e'yaa wodda ayyinna duunkaani giddo hedhoqqe; 18Ookkoneechchi uduma Duuchchi Woddike Gootti edo hedheeke tolchimalchibaa fuleexxi tolchimalchokee cubbo birowwaal; jibichchiinxenaa'ninna recciinxe mundenaa'ni shiixxoxxa aadheexxi tolchimalchiinke kasa'ni hedheeke cunnuchchuwwa'ni issowwaal; 19Mundetenaa'ni shiixxoxxa aadheexxi qubichchiki cuupha'ni tolchiin booncho'ni torbaanele fixowwaal; konne qicini Isira'eelike ardanaa'ni batte birati tolchimalcho ca'a assaani.
Ardiinxa Cubbo Bukki Assedhe Me'aaka Recco
20Aarooni langaxxa woyyitte kuta, Mageni ulfinniki leellammaka duunkaana, gatteexxa kutanna tolchimalchokee cubbo biratika seera muuxeechchi uduma Azazeli'a filemeeka recco aadheexi Mageni edo shiqishaan. 21Lame anga recciinke umo'ni uggaan; ardiinxa fuggo, cubbotana balleessa duuchcha faaci'aan; teenneeranna recciinke umo'ni uggaani; okkonechchi uduma tenne huje'a tukkesemeeke manji ookkone recco gane gammojichcha bogiba adhdhe me'aani. 22Cubbo insa'neexxa duuchcha bukki assedhe me'aaka recco mitti manji hedhabaake gammoje qiilla boga'ni iyyemare wocci assaani.
23«Aaroninna duunkaani giddi'a e'yowwaal; langaxxe woyyitte kutaba'a e'yebaa edi darre oddo'weemmaxxa qeesetixxa seemma fulchedhe ookkoni uggowaal;#Hiz. 44:19. 24Woyyichcha boonchcho'ninnaa biso anshedhe aaditte seemma oddo'wowaal; okko'ni fule isixxanna ardiinxa cubbo biratee ciincatika tolcha tolchowaal. 25Cubbo biratee tolchemeeke horixxa ha'yo tolchimalchoke'n ciinceesowaal; 26Azazeli'a filemeeka recco gane gammooje qiilli giddi'a adhdhe me'emmaki manji hige dagaa wodda olla'i giddi'a e'yeba edi darre seemma borccedhowaal; bisokanna anshedhowwaal; 27Cubbo biratee tolchinemmakinna munde insa'neexxeni cubbo birate langaxxe woyyitte kuta giddi'a e'yinshemmaka jibichchanna recco olla'a okkone gadho fulhcine bayyinse giirati gunbowwaal; ittani goga insa'neeka, maalanna godobi giddira duuchcha gunbowwaal.#Ibr. 13:11. 28Konnecho duuchcha gubeeki manji olla'i giddi'a higeba edi darre seemma isixxa borcedhowwaal; bisokanna anshedhowwaal.
Cubbo Biratixxa Barra Ulfeessa
29«Konnechchi butta hedheeka seeruwwa dagaake baro duuchcha'ni duuchchi woddixxe aada assexxine heqqexxinaani. Torbeesoki agenji e'yeeshshanni tommeesoxxe barra'ni Isira'eelik ardinna insa'neexxe oddo'ni hexxaaxi keesumma mitte yaane afo'o insa'neeke'ni manqoqe; barra ettene'ninna hujete hinaachcho hunjoqen.#Lew. 23:26-32; Lak. 29:7-11. 30Eettene barra battetenaa'ni ca'a hitinaashsha cubbo ha'nooxxa birraan; okkoo'ni Mageni edo batte bidhdhitineeke kaddinaan; 31Eettene barra sanbatiinxe barrashsha hafuura adhdhatixxe barra kaddowaal; eettene barra'ninna ha'no ifi salphisine; isenna duuchchi woddixxe aada kaddaan. 32Anniinxe bakka'ni hariireme qeesoletike sooreessa kadaaki qeesichchi woyyitte qeesetixxa seemma oddo'we cubbo biraani. 33Isinna langaxxe woyyitte kutaxxa, Mageni ulfinniki leellammake duunkaaniinxa, tolchimalchiinxa, qeesetixxanna ardi duuchchiinxa cubbo biraan.
34«Kunni seeruwwi duuchchi woddi'a heqqemowwaal; tinni aadanna woggate'ni mittele Isira'eelike ardiinxa cubbo duuchcha biratee muuxendowwaal.»
Konne qicini Muuse Mageni ajajeeshshani asse.
Currently Selected:
Leewwitotika Maxaafa 16: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia
Leewwitotika Maxaafa 16
16
Cubbo Biratixxa Barra
1Lame Aaroonixxi oose seeri beloxxa giira Mageni edo aaxxe shiqati rerteechchi uduma, Mageni Muuse, 2«Dayyi atiki Aarooni duuchchi wodda kadebaaki ani duumanchchiki tabotiinke tuphanjo'ni leellannoxxe barra calla langaxxe woyyitte kutaba e'yaashsha kuli; konne ajaja sa'oole reyaan.#Ibr. 6:19. 3Langaxxe woyyitte kutaba e'ya dande'aaki cubbo biratike tolchi'a jibbichcha mitte, ciincatike tolchi'a gedhechcho labbaka mitte shiqisheechchi uduma kada hassissaan.» #Ibr. 9:7. 4Aarooninna langaxxe woyyitte kuta giddi'a e'yeba edi darre biso anshshedhe qeesomiinxi oddo'wwaaxxi seemmuwwa: layinotixxa qeerraxxa seemmanna gonfa, sabbatanna, ruufa umoke'ni mirqedhaken. 5Isira'eeliki ardinna cubbo biratike tolchi'a lame korbeeyye re'e, ciincatike tolchchi'a mitte labbaka gedhechcho Aarooniba idangowwaal.
6«Isixxanna isike mini hadixxa cubbo biratee mitte jibbichcha tolchowwaal. 7Ookkoneechchi uduma lame re'e eettene Magenii ulfinniki afemammake duunkaaniinxe huddume'ni Magenii edo shiqishowwaal; 8Ookonna Aarooni mitte hixa ‹Magenokee› langaka ‹Azazeli'a› hiyyaaka beessisa afeexxa lame kino aadheexxi hixa ibisowwaal.#16:8 Azazeli Tenne Ibrititotixxe hiyyaxxi toggitte tika ege'nendeexebaani; mise giddo gammoojjichcha bogike durriisa kada gophabaan. 9Aarooninna hixi Magenoke fulchemmaka recco cubbo biratee tolchowwaal. 10Hixi Azazeeli'a fulemmaka recco hedhondinni hedhee'na Magenii edo shiqishe ke'eexxi ardiinxa cubbo bukki assedhe gammooje'a me'aashsha assaan» hiyye.
11Aarooninna cubbo isixxanna isike mini hadixxa biratee jibichcha tolchowwaal; 12Tolchimalchoke'n giira aadheexxi lame oobo kaddaaxxa eloka fishshaaka foole affeeke hixaanixxa bulle aadheexxi langaxxe woyyitte kutaba e'yowaal; 13Okkonna Magenii edo aadhe e'yeexxe giira'ni ixaana worowwaal; uude reyabaashshanna Taabotiinka tuphanjo ixaaniinxi wiliille buqqowaal. 14Jibichchiinxa munde shiixxoxxa adheexi qubichchiki cuupha'ni Taabotiinke tuphanjo'ni edi darree'ni fixowwaal; ittanni munde eettenenaa'ni aadheexxi Kakotike Taaboti edo torbaanele fixowwaal.
15Okkonechchi uduma ardiinxa cubbo biratee recco gorra'owwaal; mundetanna langaxxe woyyitte kuta giddi'a aadhe e'yeexxi jibichchiinxa munde assemashshani Tabotiinke tuphanjo'ninna Kakotike Taaboti edo fixowwaal.#Ibr. 9:12. 16Konne qicinni langaxxa woyyitte kuta Isira'eelike ardixxe battenaa'ninna cubbonaa'ni ca'a assatee battumma biratiki seeri muuxemaan; duunkaanikinna batto'eeke olla'a'ni hedhaammaxxee batte biratiki seeri iittani muuxemaan. 17Aarooni ifixxa, isike mini hadixxanna Isira'eelike ardixxa cubbo biratee langaxxe woyyitte kuta giddi'a e'yaa wodda ayyinna duunkaani giddo hedhoqqe; 18Ookkoneechchi uduma Duuchchi Woddike Gootti edo hedheeke tolchimalchibaa fuleexxi tolchimalchokee cubbo birowwaal; jibichchiinxenaa'ninna recciinxe mundenaa'ni shiixxoxxa aadheexxi tolchimalchiinke kasa'ni hedheeke cunnuchchuwwa'ni issowwaal; 19Mundetenaa'ni shiixxoxxa aadheexxi qubichchiki cuupha'ni tolchiin booncho'ni torbaanele fixowwaal; konne qicini Isira'eelike ardanaa'ni batte birati tolchimalcho ca'a assaani.
Ardiinxa Cubbo Bukki Assedhe Me'aaka Recco
20Aarooni langaxxa woyyitte kuta, Mageni ulfinniki leellammaka duunkaana, gatteexxa kutanna tolchimalchokee cubbo biratika seera muuxeechchi uduma Azazeli'a filemeeka recco aadheexi Mageni edo shiqishaan. 21Lame anga recciinke umo'ni uggaan; ardiinxa fuggo, cubbotana balleessa duuchcha faaci'aan; teenneeranna recciinke umo'ni uggaani; okkonechchi uduma tenne huje'a tukkesemeeke manji ookkone recco gane gammojichcha bogiba adhdhe me'aani. 22Cubbo insa'neexxa duuchcha bukki assedhe me'aaka recco mitti manji hedhabaake gammoje qiilla boga'ni iyyemare wocci assaani.
23«Aaroninna duunkaani giddi'a e'yowwaal; langaxxe woyyitte kutaba'a e'yebaa edi darre oddo'weemmaxxa qeesetixxa seemma fulchedhe ookkoni uggowaal;#Hiz. 44:19. 24Woyyichcha boonchcho'ninnaa biso anshedhe aaditte seemma oddo'wowaal; okko'ni fule isixxanna ardiinxa cubbo biratee ciincatika tolcha tolchowaal. 25Cubbo biratee tolchemeeke horixxa ha'yo tolchimalchoke'n ciinceesowaal; 26Azazeli'a filemeeka recco gane gammooje qiilli giddi'a adhdhe me'emmaki manji hige dagaa wodda olla'i giddi'a e'yeba edi darre seemma borccedhowaal; bisokanna anshedhowwaal; 27Cubbo biratee tolchinemmakinna munde insa'neexxeni cubbo birate langaxxe woyyitte kuta giddi'a e'yinshemmaka jibichchanna recco olla'a okkone gadho fulhcine bayyinse giirati gunbowwaal; ittani goga insa'neeka, maalanna godobi giddira duuchcha gunbowwaal.#Ibr. 13:11. 28Konnecho duuchcha gubeeki manji olla'i giddi'a higeba edi darre seemma isixxa borcedhowwaal; bisokanna anshedhowwaal.
Cubbo Biratixxa Barra Ulfeessa
29«Konnechchi butta hedheeka seeruwwa dagaake baro duuchcha'ni duuchchi woddixxe aada assexxine heqqexxinaani. Torbeesoki agenji e'yeeshshanni tommeesoxxe barra'ni Isira'eelik ardinna insa'neexxe oddo'ni hexxaaxi keesumma mitte yaane afo'o insa'neeke'ni manqoqe; barra ettene'ninna hujete hinaachcho hunjoqen.#Lew. 23:26-32; Lak. 29:7-11. 30Eettene barra battetenaa'ni ca'a hitinaashsha cubbo ha'nooxxa birraan; okkoo'ni Mageni edo batte bidhdhitineeke kaddinaan; 31Eettene barra sanbatiinxe barrashsha hafuura adhdhatixxe barra kaddowaal; eettene barra'ninna ha'no ifi salphisine; isenna duuchchi woddixxe aada kaddaan. 32Anniinxe bakka'ni hariireme qeesoletike sooreessa kadaaki qeesichchi woyyitte qeesetixxa seemma oddo'we cubbo biraani. 33Isinna langaxxe woyyitte kutaxxa, Mageni ulfinniki leellammake duunkaaniinxa, tolchimalchiinxa, qeesetixxanna ardi duuchchiinxa cubbo biraan.
34«Kunni seeruwwi duuchchi woddi'a heqqemowwaal; tinni aadanna woggate'ni mittele Isira'eelike ardiinxa cubbo duuchcha biratee muuxendowwaal.»
Konne qicini Muuse Mageni ajajeeshshani asse.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia