Leewwitotika Maxaafa 15
15
Battoosaaka Manjuntetika Shamina
1Mageni Muusenna Aarooni'i hiyyee qici, 2«Isira'eelike manni'a hitine kuldinaa qici: ‹Hoone manjona'ninna ilatik biso isikena'ni shamini fuloole iikki manji batto'eeken. 3Tinninna ilatike bisonaa'ni shamini uurrichchibelo fula'noolenna yookaan fula waaloolenna iikki manji batto'eeken.
4« ‹Iikki shamini isinaa'n fula'neek manji hanna diiphaxxi hiini ma'nanna bottotteexxe kaddaan; isi hana ofo'laaxxi hiini yaanenna battooteexxe kaddaan. 5Ma'na isixxa tuqaake kado, 6Yookaan manjichchi ofo'leexxe heene yaane duuchcha'ni ofo'laaki manji duuchchi seemmanna biso isika anshshedhiyyo hassissaan; isinna hashshi qico'ni batto'aan.
7« ‹Ilatike bisonaa'ni shamini fulaaka manjo tuqaaki manji seemmanna biso isika anshedhowwaal; hashshi qico'ninna batto'aani. 8Ilatike bisonaa'ni shamini fulaaki manji batto'ebaake manjo'ni hancufa tufoole, ikki hancufi tuqemmaki manji seemma borcedhe biso isika anshedhowaal; hancufi tuqemmaki manji ikkinna hashshi qico'ni batto'aan.
9« ‹Ilatike bisonaa'ni shamin fulaaki manji ofo'laaki huuni koorinna batto'eeken; 10Ilatike bisonaa'ni shamini fulaaki manji ofo'leeka miya duuchcha tuqaaki hashshi qico'ni batto'aan; ilatike bisinaa'ni shamini fulaaki manji ofo'leeka hoone miyanna abideeki manji seemma borcedhe bisokanna anshedhowwaal; isinna hashshi qico'ni batto'aan.
11« ‹Ilatike bisonaa'ni shamini fulaaki manji anga anshedhebaangi mitte manjo tuqoole ikki manji seemma borcedhe bisokanna anshedhowwaal; hashshi qico'ninna batto'aani.
12« ‹Ilatike bisonaa'ni shamini fulaaki manji tuqeeka hooneenna faariinka miya butuchche; haqichchiki hujemeeka miya duuchcha wodi'iki anshshe.
13« ‹Ilatike bisonaa'ni shamini fulaaki manji dhukkubi ikki fayyeechchi uduma battooma bidhdho'a torbaane barra qico'ni turowwaal; okkonechchi uduma seemma borcedhowaal; ca'ichcha muummetike wodi'ini bisokanna anshedhowwaal; battoomakenaa'ni ca'a hiyyaan. 14Saddeeteesoxxe barra'ni lame guugenjo yookaan lame shiixaramma guugenjo Magenii ulfinniki afemammake duunkaaniinxe hulabaa iyyedage Magenii edo qeesichchoke'ni uwwowwwaal; 15Qeesichchikinna shiqqeexxe lame ci'uwwanaa'ni mitte cubbo biratike tolchi'a, gatteexxa mitte ciincatike tolchi'a shiqishowwaal; konne qicinni battooma biratiki seeri muuxemaan.
16« ‹Manjo mittenaa'ni hortetik wodi'i fuloole, biso isika anshedhowwaal; isinna hashshi qico'ni batto'aan. 17Hortetik wodi'i heene seemmanna kadi bonkichcho tuqoole borcinowwaal; itti seemmanna kadi bonkichchi hashshi qico'ni batto'aan; 18Meyyaxxinna labbaki mitteba dhiinphe ke'naaxe yanna'ni lamiingi biso anshe'nowaal; hashshi qico'ni battoonaan.
19« ‹Melaalle melaalletixxi aada leellitaa wodda torbaane barra qico'ni battootaan; iseenna tuqaaki ayyinna hashshi qico'ni batto'aan.
20« ‹Melaalletixxi aada leelliteexxe yanna'ni melaalle ofoldaachcho kadi diiphphaachchi duuchchi batto'eeken. 21Ma'na isexxanna tuqaaki duuchchi seemma isixxa borcedhe bisokanna anshedhowwaal; isinna hashshi qico'ni batto'aan; 22Ofoldaachcho tuqaaki duuchchi seemma borcedhe bisokanna anshedhowwaal; hashshi qico'ni batto'aan. 23Diiphphaachcho yookaan ofoldaachcho tuqaaki galgali qico'ni batto'aan.
24« ‹Melaalletixxi aada leellitaaxxe yanna'ni iseni diiphaaki labbaki isinna iseshshani batto'aan; tennexxee torbaane barra qico'ni botto'eeken; isinna diiphaaxxi ma'na battooteexxeni.
25« ‹Manjichcho mitte melaalletixxi aada dagge saxxammaxxa yanna saxxe yo'oxxe barra'a dunendoole yookaan aada uurritammaxxa yanna saxxe uurritebaangi dunda'noole uurrita qico'ni aaditte melaalletixxe aada kaddammashshani battooteexxen. 26Tenne yanna'ni diiphphammaxxi ma'nanna kadi ofoldaaxxi yaane duuchcha battooteexxeni. 27Eettene ise tuqqemmaxxa yaanuwwa tuqaaki duuchchi batto'ammaxxe seemma borcedhe bisokanna anshshedhowwaal; isinna hashshi qico'ni batto'eeken.
28« ‹Munde uurritoole torbaane barra qico'ni turtowaal; okkonechchi uduma ca'a hiteexxe kaddaan. 29Saddeeteesoxxe barra'ni lame guuggenjo yookaan lame shiixaramma guugenjo iyyedagge Magenii ulfinniki leellammake duunkaani edo qeesichchoke'ni uutowwaal. 30Qeesichchikinna mitte cubbo biratike tolcha asse, helxene kinni ciincatike tolcha asse shiqishowwaal; konne qicini qeesichchi duunenda'neexxe battite yaane'a Magenii edo biraan.
31« ‹Mgenikinna Muusee oddo insa'neexxe'ni hedheeka ani ulfinniki leellanaka seemmati giissine fooqo battoosine rennabaashsha Isira'eeliki ardi ifi battoosabaashsha xonxomachchiisi.› »
32Kunni seeruwwi manjo mittenaa'ni fulaake manjuntetike shaminixxenna hortetike wodi'in batto'aake manjike seeruwwan. 33Ittani melaalletixxe aada'ni hexxexxe dubarte'aanna, dubarte melaalletixxe aadani hexxeexe dubartenni welti diiphaake labbali'a kulaake seeran.
Currently Selected:
Leewwitotika Maxaafa 15: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia
