Leewwitotika Maxaafa 13
13
Bisiinke Dhukkubika Seera
1Mageni Muusenna Aaroonii, 2«Ayyinna biso isike'ni miseri yookaan fissi hiyyaachchi yookaan baraarra biso isike'ni birasa'e mundo fakkaatoole qeesichcho Aaroonibaa yookaan qeesete kaddeexxe isixxe oosenaa'ni mittiinbaa iyyedangowwaal. 3Qeesichchikinna mada eettene uudowaal; madatiba hexxeexxi orda gola'litoole, madatinna giddi'a qonfo hitoole iikki dhukkubi mundoke hiyyoten; qeesichchikinna ikki manji batto'eexxa ege'nishowwaal. 4Yaane kinni mada ittinna gola'lite giddi'a qonfo hita gophphoole, iittanni madatixxe bakka'ni hexxeexxi orda gola'la gophphoole qeesichchi torbaane barra'a okkone manjo'ni mine iso'ni cufe turaashsha assowaal; 5Qeesichchikinna torbeesoxxe barra'ni higgeenna uudowwaal; uudee'naa mada itti jijjirende ba'latebaangi hexxemmashani hexxoole ta'anna madatike manjo'ni torbaane barra'a mine iso'ni cunfe turaashsha assowwaal. 6Qeesichchikinna higgeenna torbeesoxxe barra'ni uudowwaal; uude'na mada itti qoortee'naa afoole mada itti qanxo calla kaddeexxanna manjichchi ikki batto'eebaaxxa ege'nishowwaal; manjichchikinna batto'eebaaxxa ege'nishatee seemma borccedhowwaal; 7Yaane kinni qeesichchi uude batto'eebaaxxa ege'nisheechchi udumi'a mada itti ha'yitoole ikki manjichchi qeesichchiinbaa illeema higowwaal; 8Qeesichchinna higgeenna uudowwaal; mada itti ba'late ha'yitoole mada itti mundoke kaddemmaxxee, mundiki batto'eeke manjo kadeexxa ege'nishowwaal.
9«Ayyeenna mundiinki dhukkubi abidoole manjo okkone qeesichchiinba idangowwaal; 10Qeesichchikinna mada eettene uudowwaal; bisoke'ni hedheeki miseri gola'loole, bisoke'ni iima hedheeki ordichchinna jijjireme gola'lee'na miseri ikkinna malaoole, 11Isenna bisoke'ni turteexxe mundiinxe mada kaddemmaxxe qeesichchi dhukkulichchi manji ikki batto'eexxa ege'nishowwaal; batto'eexxa farri assine kulleeke kademmaxxee mine cunfee'naa hedho'a hasissabaan.
12«Mundiinki dhukkubi lekkatike qe'yinaa'ni umiin qico'ni geyoole, 13Qeesichchi higgeenna uudowwaal; dhukkkulichchi manjika biso duuchcha biree'naa uudoole, bisi duuchchi gola'le mudeeke kadammaxxe qeesichchi manjichchi ikki batto'eebaaxxa ege'nishowwaal; 14Yaane kinni bisoke'ni mala yaassaaxxi mada hexxoole batto'aan. 15Qeesichchikinna higgeena uudee'naa mada haanni hitee'naa afoole, ikki manji mundiinke dhukkubinni batto'eexxa ege'nishowwaal; 16Mada itti fayyite higgeenna gola'litoole higgeenna qeesechchiinbaa hige maraan; 17Qeesichchikinna uude mada itti fayyite gola'litee'naa afoole ikki manji batto'eekebaan; qeesichchikinna manjichchi batto'eebaaxxa ege'nishaan.
18«Manjo mitte'ni fayyiteexxe madaki gadaneessi hedhoole, 19Udumii'ni kinni ikki gadaanessi hedhemmaba miseriinsha hedheechchi fule gola'loole yookaani diimattaashsha hexxeexxi baararra mada hexxemmaba leellitoole qeesichchiinbaa marowwaal; 20Qeesichchikinna uudaa wodda mada hexxeexxi bakka wele bisi irra giddi'a qonfo hitoole bisoke'ni hexxeexxi ordanna gola'litoole miserakenaa'ni ke'eeke mundiinke dhukkuba kademmaxxee manjichchi ikki batto'eexxa ege'nishshowwaal. 21Yaane kinni qeesichchi uudeexxi bisoke'ni iima hexxeexxi orda gola'la gophphe wele bisinaa'ninna qonfo hita gophphoole bisiinxi bifa jijjirendemaxxee qeesichchi okkone manjo torbaane barra'a mine iso'ni cuffe turraashsha assowaal; 22Madatinna ba'lata'ni me'itoole, mada iitti mundoke kaddemmaxxee ikki manji batto'eexxa qeesichchi ege'nishowwaal. 23Yaane kinni baararratinna jijjirendebaangi ba'lata'ni me'a gophphoole miseriinke gadaaneessa kademmaxxe qeesichchi manji ikki batto'eebaaxxa ege'nishshowwaal.
24«Giira gubbe manji hedhoole gubatemaki bisi ikki gola'loole yookaan diimmate gola'loole; 25qeesichchi uudowwaal; mada hexxeeke boonchchixxi orda gola'lite itti bakka qonfo hitoole giiratixxe gubachchonaa'ni dageeke mundiinke dhukkuban; tennexxee qeesichchi ikki manji batto'eexxa ege'nishowwaal. 26Yaane kinni mada hexxe boonchchixxi orda gola'la gophphoole ittanni madatixxi bakkanna giiddi'a qonfo hita gophphe bifatixxe jijjirenshsha calla kaddoole qeesichchi okkone manjo torbaane barra'a mine iso'ni cuffe turraashsha assowaali. 27Torbeesoxxe barra'ni qeesichchi illeema hige uudowwaal; mada itti ba'latoole mundoken hiyyoten; tennexxee qeesichchi manji ikki batto'eexxa ege'nishowwaal. 28Yaane kinni mada hexxeexxi bakka mitte jijjiranna leellisha gophphe bifatixxe jijjirensha calla kaddoole mada itti giiratixxe gubachchoke gadaneessa kademmaxxee qeesichchi manji ikki batto'ebaaxxa ege'nishowwaal.
29«Mitte labbake'ni yookaani meyyaxxe'ni umoke'ni kadi areedake'ni mada misexxi hexxoole, 30Qeesichchi mada eettene uudowwaal; mada itti giddi'a qonfo hite madate'ni hexxeexxi orda baaxxuntetiba jijjirendoolenna fillidoottoole mundoke kademmaxxee manji ikki batto'eexxa qeesichchi ege'nishowwaal. 31Yaane kinni qeesichchi uudaa wodda mada itti giddi'a qonfo hita gophphe, madatiba hexxeexxe ordaxxi bifa kinni fayyaxxe kada gophphoole, hoqooqissaaxxe mada'a qeesichchi okkone manjo torbaane barra qico'ni mine iso'ni cuffe turraashsha assowaal; 32Torbeessoxxe barra'ni higgeenna qeesichchi uudowwaal; mada itti ba'lata'ni me'a gophphoole, orda baaxxuntetibaa jijjirema gophphoolenna mada giddi'a qonfo hita gophphoole, 33Ikkin manji madati qarqara hexxeexxa orda haadowwaal; qeesichchi higgeenna wele torbaane barra'a mine iso'ni cuffe turraashsha assowaal. 34Torbeessoxxe barra'ni higgeenna qeesichchi mada eettene uudowwaal; mada itti ba'lata gophphe giddi'anna qonfo hita gophphoole manji ikki batto'ebaaxxa qeesichchi ege'nishshowwaal; manji ikkinna seemma isixxa borcedhowwaal; ca'ichchakenna kadaan. 35Yaane kinni batto'eebaaxxa qeesichchi ege'nisheechchi uduma mada itti wirri hite ha'yitoole, 36Qeesichchi illeema uudowwaal; mada itti ba'latoole orda itti baaxxoottolenna baaxxo'a gophphoole manjichchi ikki batto'ee'en. 37Yaane kinni qeesichchiinxe uushsho'ni mada itti ba'lata gophphee'na fayyaxxi orda fuldoole mada itti fayyiteexxe kaddemmaxxee manjichchi ikki batto'eebaaxxa qeesichchi ege'nishowwaal.
38«Manjo Labbakike biso'ni yookaani mayyaxxike biso'ni baararra gola'litaaxxi hexxoole, 39Qeesichchi okkone manjo uudowwaal; baararra hexxeexxi bakka hara gola'litebaaxxe kadoole miidhdhama lumoka bisoke'ni geesisabaachcho kademmaxxee manji ikki batto'eekebaan.
40«Mitti manjik umi ca'a hiyye mudoole itti molote kaddemmaxxee manji ikki batto'eekebaan. 41Mitti manji umi edii'ninna umiinxe wirtobaa'ni umiinki ordichchi ca'a hiyyoole molete kaddemmaxxee ikki manji batto'eekebaan. 42Yaane kinni molote'ni yookaan albake'ni diimmate gola'litaaxxi mada leellitoole itti mada mundiinke dhukkuban. 43Qeesichchikinna uudeexxi molete'ni yookaan faaxote'ni hana leelliteexxi mada bisoke'ni fulammake mundiinxe madashsha diimmata'neeke miserixxa mada afoole, 44Ikki manjinna mundiinki dhukkubi umo isike'ni hedheeke dhukkulichcha kademmaxxe batto'eeken; tennexxee batto'eexxa qeesichchi ege'nishowwaal.
45«Konne qicinni mundiinke dhukkubinni abidemeeki manji dadaarendeexxa seemma oddo'wowaal; umokanna fi'loqen, suumetanna buqedhowwaal; okkonechchi uduma, ‹Ani batto'eenekeni! Ani batto'eenekeni› hiyya'ni raarowwaal. 46Kunni dhukkubi okkone manjo'ni hedhe qico'ni batto'aan. Tennexxee ardakenaa'ni gargari fule olla'iin gadho hedhaani.
Seematike Buqunika Seera
47«Gedhebiinxe ordani hujendeexxe seemma yookaan layinotixxi seemma buqundoole, 48Layinotike shimala'ni yookaan gedhebiinxe ordani hujendeexxe seemma yookaan gogiki giissineexxe seemma'ni buquni leelloole, 49Bifa okkone buqunixxi haanjiniinba'a yookaan diimminiinba'a gamatta'noole mittekenaa'ni weliinba'a sa'aake buquna kademmaxxee qeesichchi uudowwaal. 50Qeesichchikinna uude ke'eechchin udumi'a seemma duuchchiinxa torbaane barra qico'ni mitte kuta'ni uggine cunfee'naa turtowwaal. 51Torbeesso baro higgeenna uudaa wodda buquni birasa'oole, buquni ikki balleessaake kademmaxxee iitti seemmuwwa duuchcha battoteexeni; 52Kunni buquninna ba'lata'ni me'aammaxxe seemmuwwa eettene giirate'ni gunbowwaal.
53«Yaane kinni qeesichchi uudaa wodda buquni ikki ba'lata gophoole, 54Seemmuwwa eettene anshine higgeenna torbaane barra qico'ni qofi ugginaashsha qeesichchi assowwaal. 55Okkonechchi uduma Qeesichchi higgeenni uudowwaal; buquniinxi bifa jijjirema gophoole, buquni ba'late wele baanna geya gophoolenna seemmuwwa itti battoteexxenn; giddi darree'ni yookaan gadhi darree'ni buquna affeexxi seemmuwwa giirati gubendowaal. 56Yaane kinni qeesichchi higgeenna uuda wodda buquni ba'lata gophoole, buquni hedhemmaxxa bakka calla seemmatenaa'ni yookaan gogiinxe seemmanaa'ni dareexxi hoyyowaal. 57Buquni ikki higgeenna seemma ettene'ni leelloole, ba'lata'ni me'aake buquna kademmaxxee seematiki anni seemma eettene giirati gubowwaal. 58Seemma eettene borcinee'na buquni ba'oole higgenna borcowaal; okkonechchi uduma battootabaani.»
59Kunni seeri layinote kadi gedhebiinxe ordani giissineexxa seemma, layinotixxe seemma'ni yookaan gedhebiinxe ordani giissineexe seemma'ni, yookaan gogiki giissendeexxe heene seemma'ninna leellaaka buquna hitta uunde seemmat itti battoteexanna battootebaaxxa murra seeran.
Currently Selected:
Leewwitotika Maxaafa 13: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia
Leewwitotika Maxaafa 13
13
Bisiinke Dhukkubika Seera
1Mageni Muusenna Aaroonii, 2«Ayyinna biso isike'ni miseri yookaan fissi hiyyaachchi yookaan baraarra biso isike'ni birasa'e mundo fakkaatoole qeesichcho Aaroonibaa yookaan qeesete kaddeexxe isixxe oosenaa'ni mittiinbaa iyyedangowwaal. 3Qeesichchikinna mada eettene uudowaal; madatiba hexxeexxi orda gola'litoole, madatinna giddi'a qonfo hitoole iikki dhukkubi mundoke hiyyoten; qeesichchikinna ikki manji batto'eexxa ege'nishowwaal. 4Yaane kinni mada ittinna gola'lite giddi'a qonfo hita gophphoole, iittanni madatixxe bakka'ni hexxeexxi orda gola'la gophphoole qeesichchi torbaane barra'a okkone manjo'ni mine iso'ni cufe turaashsha assowaal; 5Qeesichchikinna torbeesoxxe barra'ni higgeenna uudowwaal; uudee'naa mada itti jijjirende ba'latebaangi hexxemmashani hexxoole ta'anna madatike manjo'ni torbaane barra'a mine iso'ni cunfe turaashsha assowwaal. 6Qeesichchikinna higgeenna torbeesoxxe barra'ni uudowwaal; uude'na mada itti qoortee'naa afoole mada itti qanxo calla kaddeexxanna manjichchi ikki batto'eebaaxxa ege'nishowwaal; manjichchikinna batto'eebaaxxa ege'nishatee seemma borccedhowwaal; 7Yaane kinni qeesichchi uude batto'eebaaxxa ege'nisheechchi udumi'a mada itti ha'yitoole ikki manjichchi qeesichchiinbaa illeema higowwaal; 8Qeesichchinna higgeenna uudowwaal; mada itti ba'late ha'yitoole mada itti mundoke kaddemmaxxee, mundiki batto'eeke manjo kadeexxa ege'nishowwaal.
9«Ayyeenna mundiinki dhukkubi abidoole manjo okkone qeesichchiinba idangowwaal; 10Qeesichchikinna mada eettene uudowwaal; bisoke'ni hedheeki miseri gola'loole, bisoke'ni iima hedheeki ordichchinna jijjireme gola'lee'na miseri ikkinna malaoole, 11Isenna bisoke'ni turteexxe mundiinxe mada kaddemmaxxe qeesichchi dhukkulichchi manji ikki batto'eexxa ege'nishowwaal; batto'eexxa farri assine kulleeke kademmaxxee mine cunfee'naa hedho'a hasissabaan.
12«Mundiinki dhukkubi lekkatike qe'yinaa'ni umiin qico'ni geyoole, 13Qeesichchi higgeenna uudowwaal; dhukkkulichchi manjika biso duuchcha biree'naa uudoole, bisi duuchchi gola'le mudeeke kadammaxxe qeesichchi manjichchi ikki batto'eebaaxxa ege'nishowwaal; 14Yaane kinni bisoke'ni mala yaassaaxxi mada hexxoole batto'aan. 15Qeesichchikinna higgeena uudee'naa mada haanni hitee'naa afoole, ikki manji mundiinke dhukkubinni batto'eexxa ege'nishowwaal; 16Mada itti fayyite higgeenna gola'litoole higgeenna qeesechchiinbaa hige maraan; 17Qeesichchikinna uude mada itti fayyite gola'litee'naa afoole ikki manji batto'eekebaan; qeesichchikinna manjichchi batto'eebaaxxa ege'nishaan.
18«Manjo mitte'ni fayyiteexxe madaki gadaneessi hedhoole, 19Udumii'ni kinni ikki gadaanessi hedhemmaba miseriinsha hedheechchi fule gola'loole yookaani diimattaashsha hexxeexxi baararra mada hexxemmaba leellitoole qeesichchiinbaa marowwaal; 20Qeesichchikinna uudaa wodda mada hexxeexxi bakka wele bisi irra giddi'a qonfo hitoole bisoke'ni hexxeexxi ordanna gola'litoole miserakenaa'ni ke'eeke mundiinke dhukkuba kademmaxxee manjichchi ikki batto'eexxa ege'nishshowwaal. 21Yaane kinni qeesichchi uudeexxi bisoke'ni iima hexxeexxi orda gola'la gophphe wele bisinaa'ninna qonfo hita gophphoole bisiinxi bifa jijjirendemaxxee qeesichchi okkone manjo torbaane barra'a mine iso'ni cuffe turraashsha assowaal; 22Madatinna ba'lata'ni me'itoole, mada iitti mundoke kaddemmaxxee ikki manji batto'eexxa qeesichchi ege'nishowwaal. 23Yaane kinni baararratinna jijjirendebaangi ba'lata'ni me'a gophphoole miseriinke gadaaneessa kademmaxxe qeesichchi manji ikki batto'eebaaxxa ege'nishshowwaal.
24«Giira gubbe manji hedhoole gubatemaki bisi ikki gola'loole yookaan diimmate gola'loole; 25qeesichchi uudowwaal; mada hexxeeke boonchchixxi orda gola'lite itti bakka qonfo hitoole giiratixxe gubachchonaa'ni dageeke mundiinke dhukkuban; tennexxee qeesichchi ikki manji batto'eexxa ege'nishowwaal. 26Yaane kinni mada hexxe boonchchixxi orda gola'la gophphoole ittanni madatixxi bakkanna giiddi'a qonfo hita gophphe bifatixxe jijjirenshsha calla kaddoole qeesichchi okkone manjo torbaane barra'a mine iso'ni cuffe turraashsha assowaali. 27Torbeesoxxe barra'ni qeesichchi illeema hige uudowwaal; mada itti ba'latoole mundoken hiyyoten; tennexxee qeesichchi manji ikki batto'eexxa ege'nishowwaal. 28Yaane kinni mada hexxeexxi bakka mitte jijjiranna leellisha gophphe bifatixxe jijjirensha calla kaddoole mada itti giiratixxe gubachchoke gadaneessa kademmaxxee qeesichchi manji ikki batto'ebaaxxa ege'nishowwaal.
29«Mitte labbake'ni yookaani meyyaxxe'ni umoke'ni kadi areedake'ni mada misexxi hexxoole, 30Qeesichchi mada eettene uudowwaal; mada itti giddi'a qonfo hite madate'ni hexxeexxi orda baaxxuntetiba jijjirendoolenna fillidoottoole mundoke kademmaxxee manji ikki batto'eexxa qeesichchi ege'nishowwaal. 31Yaane kinni qeesichchi uudaa wodda mada itti giddi'a qonfo hita gophphe, madatiba hexxeexxe ordaxxi bifa kinni fayyaxxe kada gophphoole, hoqooqissaaxxe mada'a qeesichchi okkone manjo torbaane barra qico'ni mine iso'ni cuffe turraashsha assowaal; 32Torbeessoxxe barra'ni higgeenna qeesichchi uudowwaal; mada itti ba'lata'ni me'a gophphoole, orda baaxxuntetibaa jijjirema gophphoolenna mada giddi'a qonfo hita gophphoole, 33Ikkin manji madati qarqara hexxeexxa orda haadowwaal; qeesichchi higgeenna wele torbaane barra'a mine iso'ni cuffe turraashsha assowaal. 34Torbeessoxxe barra'ni higgeenna qeesichchi mada eettene uudowwaal; mada itti ba'lata gophphe giddi'anna qonfo hita gophphoole manji ikki batto'ebaaxxa qeesichchi ege'nishshowwaal; manji ikkinna seemma isixxa borcedhowwaal; ca'ichchakenna kadaan. 35Yaane kinni batto'eebaaxxa qeesichchi ege'nisheechchi uduma mada itti wirri hite ha'yitoole, 36Qeesichchi illeema uudowwaal; mada itti ba'latoole orda itti baaxxoottolenna baaxxo'a gophphoole manjichchi ikki batto'ee'en. 37Yaane kinni qeesichchiinxe uushsho'ni mada itti ba'lata gophphee'na fayyaxxi orda fuldoole mada itti fayyiteexxe kaddemmaxxee manjichchi ikki batto'eebaaxxa qeesichchi ege'nishowwaal.
38«Manjo Labbakike biso'ni yookaani mayyaxxike biso'ni baararra gola'litaaxxi hexxoole, 39Qeesichchi okkone manjo uudowwaal; baararra hexxeexxi bakka hara gola'litebaaxxe kadoole miidhdhama lumoka bisoke'ni geesisabaachcho kademmaxxee manji ikki batto'eekebaan.
40«Mitti manjik umi ca'a hiyye mudoole itti molote kaddemmaxxee manji ikki batto'eekebaan. 41Mitti manji umi edii'ninna umiinxe wirtobaa'ni umiinki ordichchi ca'a hiyyoole molete kaddemmaxxee ikki manji batto'eekebaan. 42Yaane kinni molote'ni yookaan albake'ni diimmate gola'litaaxxi mada leellitoole itti mada mundiinke dhukkuban. 43Qeesichchikinna uudeexxi molete'ni yookaan faaxote'ni hana leelliteexxi mada bisoke'ni fulammake mundiinxe madashsha diimmata'neeke miserixxa mada afoole, 44Ikki manjinna mundiinki dhukkubi umo isike'ni hedheeke dhukkulichcha kademmaxxe batto'eeken; tennexxee batto'eexxa qeesichchi ege'nishowwaal.
45«Konne qicinni mundiinke dhukkubinni abidemeeki manji dadaarendeexxa seemma oddo'wowaal; umokanna fi'loqen, suumetanna buqedhowwaal; okkonechchi uduma, ‹Ani batto'eenekeni! Ani batto'eenekeni› hiyya'ni raarowwaal. 46Kunni dhukkubi okkone manjo'ni hedhe qico'ni batto'aan. Tennexxee ardakenaa'ni gargari fule olla'iin gadho hedhaani.
Seematike Buqunika Seera
47«Gedhebiinxe ordani hujendeexxe seemma yookaan layinotixxi seemma buqundoole, 48Layinotike shimala'ni yookaan gedhebiinxe ordani hujendeexxe seemma yookaan gogiki giissineexxe seemma'ni buquni leelloole, 49Bifa okkone buqunixxi haanjiniinba'a yookaan diimminiinba'a gamatta'noole mittekenaa'ni weliinba'a sa'aake buquna kademmaxxee qeesichchi uudowwaal. 50Qeesichchikinna uude ke'eechchin udumi'a seemma duuchchiinxa torbaane barra qico'ni mitte kuta'ni uggine cunfee'naa turtowwaal. 51Torbeesso baro higgeenna uudaa wodda buquni birasa'oole, buquni ikki balleessaake kademmaxxee iitti seemmuwwa duuchcha battoteexeni; 52Kunni buquninna ba'lata'ni me'aammaxxe seemmuwwa eettene giirate'ni gunbowwaal.
53«Yaane kinni qeesichchi uudaa wodda buquni ikki ba'lata gophoole, 54Seemmuwwa eettene anshine higgeenna torbaane barra qico'ni qofi ugginaashsha qeesichchi assowwaal. 55Okkonechchi uduma Qeesichchi higgeenni uudowwaal; buquniinxi bifa jijjirema gophoole, buquni ba'late wele baanna geya gophoolenna seemmuwwa itti battoteexxenn; giddi darree'ni yookaan gadhi darree'ni buquna affeexxi seemmuwwa giirati gubendowaal. 56Yaane kinni qeesichchi higgeenna uuda wodda buquni ba'lata gophoole, buquni hedhemmaxxa bakka calla seemmatenaa'ni yookaan gogiinxe seemmanaa'ni dareexxi hoyyowaal. 57Buquni ikki higgeenna seemma ettene'ni leelloole, ba'lata'ni me'aake buquna kademmaxxee seematiki anni seemma eettene giirati gubowwaal. 58Seemma eettene borcinee'na buquni ba'oole higgenna borcowaal; okkonechchi uduma battootabaani.»
59Kunni seeri layinote kadi gedhebiinxe ordani giissineexxa seemma, layinotixxe seemma'ni yookaan gedhebiinxe ordani giissineexe seemma'ni, yookaan gogiki giissendeexxe heene seemma'ninna leellaaka buquna hitta uunde seemmat itti battoteexanna battootebaaxxa murra seeran.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia