Leewwitotika Maxaafa 11
11
Indaaka Biniincha
(Fula. 14:3-21)
1Duuchchi Woddik Gootti Muusenna Aaroonii'i, 2«Isira'eeliki ardi: ‹Buttate'ni hedheeke biniinchuwwanaa'ninna horuwwanaa'ni itaaki: 3Faana darendeekanna hoone alalchaaka hore ita dandeetinaan.
4« ‹Yaane kinni alalchaakenaa'ni yookaan faana darendeekenaa'ni ittinabaake hedheeni; Gaali alalchaani; yaane kinni faana darema gopheemaxxee'e batto'eeken. 5Osole alalchitaan; yaane kinni faana darema gophphemmaxxee battooteexen. 6Hilleensi alalchaani; yaane kinni faana darema gophemaxxee ha'no'a batto'eeken. 7Booyyetanna ittinoqen; faana darendeexxe kaddolenna alalcha gophphammaxee battooteexxen. 8Kunni biniinchuwwi batto'eeke kademmaxxee ittinoqen; rensha insa'neekanna tuqqinoqen.
9« ‹Abbaayate'ninna laguwwi giddo hexxaaxxa keelanna hommorcha goga affeexa qulxu'muwwa duuchcha itte; 10Yaane kinni wodi'i giddo hedhe keelanna hommorcha goga afebaachcho duuchcha itiyyo hasissabaan. 11Iitta hedheeki biniinchuwwi batto'eeke kademmaxxee ita waalini rensha isika tuqiyyo hasissabaan. 12Tennexxee wodi'i giddo hexxaaxxi keelanna hommorcha goga affebaaxxi dada duuchcha ha'no'a batto'eechchon.
13« ‹Ci'atixxe sannenaa'ni battoteexxi ha'no ittinabaaxxiri: risa, qulxu'me ittammaxxa allaate, rumichcha, 14Jole, jajjo, 15Gargar hedheeka qoodhanduwwa, 16Baalguda, haanqa, qonga, daakiyyuwwa, 17Urungo, huummo, tuntichcha, 18Daatto, sinbira, horiinxa beltanna itammaka risa, 19Hageyyoole, golalooxa, Joluwwa, cirrichcho.
20« ‹Keela affe lekkati me'itaaxxi shiixxaramma dada duuchcha battooteexxen; 21Yaane kinni insa'ne giddii'ni shoole lekkanna keela affeexxi qeerraxxanna mikita afe xoggaachchuwwa ittinaani; 22Itinaachchuwwinna gargar gargar hedheeka awwaneessuwwanna gargar gargar hedheeka koro'miisuwwa, gargar gargar hedheeka magenii fadhachcho; 23Yaane kinni wele shiixxarra dada keelanna shoole lekka affeexxi battoteexxen.
24« ‹Koneechchinni butti'a hedheeke biniinchika rensha tuqaaki galgali qico'ni batto'aani; 25Insa'neeka renshanna fulche hunatee tuqaaki seemma borcedhowwaal; galgali qico'ninna batto'eeke kadowwaal; 26Faana darendebaakinna alalchabaaki horinna biniinchi duuchchi ha'no'a batto'eeken; isoonna tuqaaki duuchchi batto'aani; 27Shoole lekkani me'aake biniinchanaa'ni ba'linchiki me'aaki ha'no'a batto'eeken; isika renshanna tuqaaki galgali qico'ni batto'aan; 28Rensha isikanna fulche hunaaki seemma isixxa borcedhowwaal; isinna galgali qico'ni batto'aani; biniinchuwwi ikki ha'no'a batto'eeken.
29« ‹Buttate'ni le'mitaaxxe dadanaa'ni konnechchini butti'a hexxeexxi battoteexxen; tuqi, lama'i, gargar hexxeexxa dadda'le, 30Naachchi, qoci, gaararra, wele bifaxxi dadda'le, shiixxoka naacha. 31Kunni buttate'n le'maachi duuchchi giddii'n batto'eeken; insa'neenna kade rensha insa'neeka tuqaaki duuchchi galgali qico'ni batto'aan. 32Heene yaanenna renshi insa'neeki tuqoole itti yaane battootaan; ikkinna haqqeti hujemeeka miyuwwa, seemma, goga yooka dooniyya fakkaattaaxxa yaanuwwanna wele yaane duuchcha renshi insa'neeki tuqoole battootaani; konneera fakkaataaki miyuwwi duuchchi rensha insa'neeka tuqoole wodi'i giddo cuunphee'naa turowwaal; galgali qico'n batto'aani. Ookoneechi uduma ca'a hiyyaan. 33Insa'ne giddii'ninna mittiinkiki renshi faarinke miyi giddo iboole, miya okkone giddo hedheechchi duuchchi batto'ammaxxee faariinka miya okkonee shiwwe. 34Okkone faariinke miya'ni hedheeki wodi'i indaachcho tuqoole, ita itti battootaan; ha'wunaaxe yaanenna kaddoole midde okkone faarinke miyi giddo hexxoole battotaan. 35Heeni yaanenna renshi tuqeexxi duuchcha battooteexxen; laango kaddo huburi batto'eeke; ha'noonna batto'eechchishsha uude. 36Wele yaane duuchcha konne biniinchiki renshi tuqeexxe'e battootolenna muumme yookaan wode'e ikki'linaaxxi bale battootabaan. 37Sannete uggineexxa midha renshi tuqoole midha itti battootabaan; 38Yaane kinni sanne ettene wodi'iki lashshi assineechchi uduma renshi tuqeexxe kaddoole sanne itti battootaan.
39« ‹Indaake horenaa'ninna biniinchi giddii'n mitti rewoole, rensha isika tuqeeki duuchchi galgali qico'ni batto'aan. 40Ayyinna indaake horikanna biniinchika rensha itoole seemma isixxa borcedhowwaal; galgali qico'ninna batto'aan; ayyinna indaake horika yookaan biniinchika rensha dukoole seemma isixxa borcedhowwaal; isinna galgali qico'ni batto'aan.
41« ‹Butta shirri hita'ni godobiki mi'itaaxxa shiixaramma dada duuchcha battootemmaxxee ittinoqen; 42Shirri hita'ni godobik mi'itaaxxinna shoole lekka yookaan heddo lekka affeexi dada duuchcha battootemmaxxee ittinoqqe; 43Tenneranaa'ni mittetanna ittine ifi battesitinoqen; 44Ani ha'nooke Duuchchi Woddike Gootta Magenon; Ani woyyichake kadennaxxe ha'nonna ifi woyyoonse; butta shirri hita'ni godobik mi'itaaxxa yaane ittine ifi battesitinoqen. 45Mageno ha'nooke kadonna'a Gibtseke boginaa'ni fi'le ha'noo fulcheneki ante Duuchchi Woddike Goottan; tennexxee ani woyyichchaken; ha'nonna ifi woyyoonse.
46« ‹Yoona kunni wodi'i giddo hedhaakenna buttate'ni lele'maake biniinchuwwi'anna ci'atixxe sannuwwa duuchchi'a uwwemeeke seeran; 47Batto'ebakixxenna batto'eekixxe oddo'ni hexxexxa gargarunte ege'natee, iittanni indaakixxe'ninna indabaake horixxenaa biinchuwwixxe oddo'ni hexxeexxa gargarunte afatee xonxommantaashsha› » Isira'eelika arda barsiisse hiyye ajaje.
Currently Selected:
Leewwitotika Maxaafa 11: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia
Leewwitotika Maxaafa 11
11
Indaaka Biniincha
(Fula. 14:3-21)
1Duuchchi Woddik Gootti Muusenna Aaroonii'i, 2«Isira'eeliki ardi: ‹Buttate'ni hedheeke biniinchuwwanaa'ninna horuwwanaa'ni itaaki: 3Faana darendeekanna hoone alalchaaka hore ita dandeetinaan.
4« ‹Yaane kinni alalchaakenaa'ni yookaan faana darendeekenaa'ni ittinabaake hedheeni; Gaali alalchaani; yaane kinni faana darema gopheemaxxee'e batto'eeken. 5Osole alalchitaan; yaane kinni faana darema gophphemmaxxee battooteexen. 6Hilleensi alalchaani; yaane kinni faana darema gophemaxxee ha'no'a batto'eeken. 7Booyyetanna ittinoqen; faana darendeexxe kaddolenna alalcha gophphammaxee battooteexxen. 8Kunni biniinchuwwi batto'eeke kademmaxxee ittinoqen; rensha insa'neekanna tuqqinoqen.
9« ‹Abbaayate'ninna laguwwi giddo hexxaaxxa keelanna hommorcha goga affeexa qulxu'muwwa duuchcha itte; 10Yaane kinni wodi'i giddo hedhe keelanna hommorcha goga afebaachcho duuchcha itiyyo hasissabaan. 11Iitta hedheeki biniinchuwwi batto'eeke kademmaxxee ita waalini rensha isika tuqiyyo hasissabaan. 12Tennexxee wodi'i giddo hexxaaxxi keelanna hommorcha goga affebaaxxi dada duuchcha ha'no'a batto'eechchon.
13« ‹Ci'atixxe sannenaa'ni battoteexxi ha'no ittinabaaxxiri: risa, qulxu'me ittammaxxa allaate, rumichcha, 14Jole, jajjo, 15Gargar hedheeka qoodhanduwwa, 16Baalguda, haanqa, qonga, daakiyyuwwa, 17Urungo, huummo, tuntichcha, 18Daatto, sinbira, horiinxa beltanna itammaka risa, 19Hageyyoole, golalooxa, Joluwwa, cirrichcho.
20« ‹Keela affe lekkati me'itaaxxi shiixxaramma dada duuchcha battooteexxen; 21Yaane kinni insa'ne giddii'ni shoole lekkanna keela affeexxi qeerraxxanna mikita afe xoggaachchuwwa ittinaani; 22Itinaachchuwwinna gargar gargar hedheeka awwaneessuwwanna gargar gargar hedheeka koro'miisuwwa, gargar gargar hedheeka magenii fadhachcho; 23Yaane kinni wele shiixxarra dada keelanna shoole lekka affeexxi battoteexxen.
24« ‹Koneechchinni butti'a hedheeke biniinchika rensha tuqaaki galgali qico'ni batto'aani; 25Insa'neeka renshanna fulche hunatee tuqaaki seemma borcedhowwaal; galgali qico'ninna batto'eeke kadowwaal; 26Faana darendebaakinna alalchabaaki horinna biniinchi duuchchi ha'no'a batto'eeken; isoonna tuqaaki duuchchi batto'aani; 27Shoole lekkani me'aake biniinchanaa'ni ba'linchiki me'aaki ha'no'a batto'eeken; isika renshanna tuqaaki galgali qico'ni batto'aan; 28Rensha isikanna fulche hunaaki seemma isixxa borcedhowwaal; isinna galgali qico'ni batto'aani; biniinchuwwi ikki ha'no'a batto'eeken.
29« ‹Buttate'ni le'mitaaxxe dadanaa'ni konnechchini butti'a hexxeexxi battoteexxen; tuqi, lama'i, gargar hexxeexxa dadda'le, 30Naachchi, qoci, gaararra, wele bifaxxi dadda'le, shiixxoka naacha. 31Kunni buttate'n le'maachi duuchchi giddii'n batto'eeken; insa'neenna kade rensha insa'neeka tuqaaki duuchchi galgali qico'ni batto'aan. 32Heene yaanenna renshi insa'neeki tuqoole itti yaane battootaan; ikkinna haqqeti hujemeeka miyuwwa, seemma, goga yooka dooniyya fakkaattaaxxa yaanuwwanna wele yaane duuchcha renshi insa'neeki tuqoole battootaani; konneera fakkaataaki miyuwwi duuchchi rensha insa'neeka tuqoole wodi'i giddo cuunphee'naa turowwaal; galgali qico'n batto'aani. Ookoneechi uduma ca'a hiyyaan. 33Insa'ne giddii'ninna mittiinkiki renshi faarinke miyi giddo iboole, miya okkone giddo hedheechchi duuchchi batto'ammaxxee faariinka miya okkonee shiwwe. 34Okkone faariinke miya'ni hedheeki wodi'i indaachcho tuqoole, ita itti battootaan; ha'wunaaxe yaanenna kaddoole midde okkone faarinke miyi giddo hexxoole battotaan. 35Heeni yaanenna renshi tuqeexxi duuchcha battooteexxen; laango kaddo huburi batto'eeke; ha'noonna batto'eechchishsha uude. 36Wele yaane duuchcha konne biniinchiki renshi tuqeexxe'e battootolenna muumme yookaan wode'e ikki'linaaxxi bale battootabaan. 37Sannete uggineexxa midha renshi tuqoole midha itti battootabaan; 38Yaane kinni sanne ettene wodi'iki lashshi assineechchi uduma renshi tuqeexxe kaddoole sanne itti battootaan.
39« ‹Indaake horenaa'ninna biniinchi giddii'n mitti rewoole, rensha isika tuqeeki duuchchi galgali qico'ni batto'aan. 40Ayyinna indaake horikanna biniinchika rensha itoole seemma isixxa borcedhowwaal; galgali qico'ninna batto'aan; ayyinna indaake horika yookaan biniinchika rensha dukoole seemma isixxa borcedhowwaal; isinna galgali qico'ni batto'aan.
41« ‹Butta shirri hita'ni godobiki mi'itaaxxa shiixaramma dada duuchcha battootemmaxxee ittinoqen; 42Shirri hita'ni godobik mi'itaaxxinna shoole lekka yookaan heddo lekka affeexi dada duuchcha battootemmaxxee ittinoqqe; 43Tenneranaa'ni mittetanna ittine ifi battesitinoqen; 44Ani ha'nooke Duuchchi Woddike Gootta Magenon; Ani woyyichake kadennaxxe ha'nonna ifi woyyoonse; butta shirri hita'ni godobik mi'itaaxxa yaane ittine ifi battesitinoqen. 45Mageno ha'nooke kadonna'a Gibtseke boginaa'ni fi'le ha'noo fulcheneki ante Duuchchi Woddike Goottan; tennexxee ani woyyichchaken; ha'nonna ifi woyyoonse.
46« ‹Yoona kunni wodi'i giddo hedhaakenna buttate'ni lele'maake biniinchuwwi'anna ci'atixxe sannuwwa duuchchi'a uwwemeeke seeran; 47Batto'ebakixxenna batto'eekixxe oddo'ni hexxexxa gargarunte ege'natee, iittanni indaakixxe'ninna indabaake horixxenaa biinchuwwixxe oddo'ni hexxeexxa gargarunte afatee xonxommantaashsha› » Isira'eelika arda barsiisse hiyye ajaje.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia