Jud 1
1
1Mî Jud, þerkïla lo Jeju Krist kï ngonkõ Jak. M'ndang maktub 'nten m'adsï îgïn Luwah kunsï, îgïn în ngétar lo Luwah kï Bøw, kï îgïn Jeju Krist ndï ngomsï tø. 2Kï kookumtondo, kï lapia kï tar bïlan kïdøsït kï døtdøt.
Ta lo ngéndoo deg nya kïngom
(Oo 2 Pie 2:1 teen 22; 3:1 teen 3)
3Ngétar, m'nda rom degir kad m'ndang ta m'adsï, m'ørrsïn girr ta kï dø kajt'n jîn døt tube. Kamla kamm øsïm kï m'ndang maktub 'nten m'øjsïn kad i tîn rosï kat i ðøøn kïta kadkam'n Luwah la ji degt kïjaþat nja kïða be. 4M'elta 'nten kïta deg madg'n nyaðad i kïgo lo Luwaht al, andïn kusït gid tilt, ndï mbelïn kamkë lo Luwah anan: Luwah nya ta ðob kad n'ðan kaya, ndï májïn ta kad Jeju Krist kï kïðanbe la i Ngej ho, i Bïraþe loj ho ye. Deg'n non ta lod i kï ndang kam maktubt maði nu, kad takïgang lo Luwah i dødt. 5Tajigla taa, m'ndig kï m'ad kamsï gah dø tagt 'nten, ke neni, i gerïn nyag 'nten tube køi køi woi: Dasabang Bïraþe ug Israelag ørrd kø kam døning Ejipt't, gog got nuj îgïn adïn kamd Luwah al kø. 6Adïn kamsï gah dø malaikagt'n ngomïn jindïd kïdasa'n Luwah ndahtd nõ al, na nyan londïd kø ye, Luwah hød dangãit kam tilt kïta ngoo ndø gangta'n Bïraþe a gang dødt. 7M'ad kamsï gah dø þebot kï Sodom kï þebo kï Gomorr kï þeg kï gugïn død. Deg kï kam þegt'n non ndahn rod ta kayat kï ða, tit'n malaikag'n non ðan ne, sahn go ðob ðamajal kï ngankõdang kï sumba kad de ða al. Luwah gangta dødt ad ndï oon kï wãiwãia kam horrt kï tokïnõt. 8Titbe tø la, deg'n andïn kusït ye, ndï ðan ne nyag kï titbe ho ye. Deg'n non ndï oon nyakoo kam ndilt'n aw sed ad ndï yerrïn kï rod. Ndï kidïn tøg kõþe'n Luwah ndïn; ndï elïn takïmal ndoorïn ne malaikag kï ngétøko kï dõ dørãt. 9Ke Misel bïradø malaikag tube kaa ne, ða titbe al. Lon ða køl kï sitan, ða mája'n ta dø tat lo dãro Moise ye, Mîsel mbet kelta kïmajal kï døsïr ndoorïn sitan. Na el an: Kï Bïraþe ndángi. 10Na deg kan m'elsï ta lod nõ, ða tajïn nyag kï gerïn girra al, na ðan nyag kï riw riw kari kï ndang tit dãg kï mut be. Go ðaat titbe, ndï ørrïn ne wong lo Luwah kï dødt. 11Be ðang to lo deg'n non. Kïtø unïn go ðob lo Kain, ndï elïn takïbal kad'n ngahn ne nar tit'n Balam ðan maði. A nujïn kø. Kïtø taan ðøø tit'n Kore taan ðøø Luwah maði ye be ho. 12Deg'n non în ngénuj kï nooj kï hø lo ngétaata lo Krist lo mburr namgt losï. Ndï san nya ngim ngim ho, ãin kasï ngim ngim ho, kïkanj rosøl; ndï ulïn rod în kïþeg koon. În tit kilndiii'n nél ndï laa kï nja dõ ad ndii ed al. În tit kagg kï kand'd goto, ke neni dønah asï kaa ne, teen kï kand'd al bat. Na în tit kagg kï retînd rup kï ngïradg be, ad oin sîya. 13În tit hulman kï kam bahbo kat't kï de asï øga dø hul al bat. Nya ðad kï rosøl bïla kï døt døt tit hulman kï bah ndï øsï kï bøgbaht be. În tit kïmëg kï ngendïa kï nõbe. Luwah øj lo kï dub kirir kï tokïnõt la kad ndïnt ye. 14Henok i kï kõ tanãimïta lo kaajg go Adamt, elta kï ta Luwaht maði nu, dan dø deg'n non an: Oon Bïraþe a ðe kï koosï malaikag lon kïjaþat. 15Ndï ðe kï takïgang dø degt tube kad takïgang loa a so dø degt kï ngéðanya kïgo lo Luwaht al, kï tag kïmajal'n deg'n non elïn ndoorïn ne Luwah tø. 16Deg'n Henok elta lod ye, în deg kï ngényur ngut ngut, în deg'n nya asï kumd nja kïða al, ndï ðan nyag tube kïgo nyurkõgt lod; tad eltag kïbobo kï pãbe kïgo ngomt, ndï elïnta kï søllom lõm ndon ne deg kad deg oon dø ta lod kad'n ngahn ne nya rodt.
Køjg kïta ngétaata lo Krist
17Na în ngétar, adïn kamsï gah dø tagt'n ngombangkïlag lo Bïraþe loj Jeju Krist elïn maði. 18Elsïn anan: Kam ndøgt kï døboit, deg madg kï ngégo deg lo Luwah a þain, i deg'n gerïn Luwah al ho, a ðan nya kïgo nyurkõt lod. 19Deg'n non la în ngéðe kï gang nag kusït, în deg kï nyaðad i kïgo lo dãrot; Ndil Luwah goto kamdt. 20Na în taa, ngétar, adïn ndïsï kïdødõ i kï ndah girra dø kadkam Luwaht, ad i kadkam kïjaþat kïtaitøi. Elïn ta kï Luwah kïndøgndøg kïtakul tøg Ndil kïkunjðang. 21Kï i ngomïn rosï kï kam tart lo Luwah. I ngoon ðe Bïraþe loj Jeju Krist keðengë, în a adj kumkajir kï mbãkïnõt kïtakul kookumtondo lon. 22Oon kumtondo lo deg'n ndï þadïn þaitø. 23Ajïnd, ug ørrïnd kam horrt. Deg madg tø oon kumtondo lod. Oon go rosï maj, na þeta i gan na sed dø majalt lod.
Ndub Luwah
24Tajigla, køsïgon kï dø Luwaht'n asï ngomsï kad i son kam majalt al. Kï ndasï kam kunjt lon kï ðagereng kïkanj ta mad døsït kam ronelt kï dumbit. 25Kï køsïgon i kï dø Luwaht kï kïðabe do Ngekaj'j kïtakul Jeju Krist kï Bïraþe loj, kïmaj kï tøitøi, kï tøg kï tøitøi, kï kõþe, kete nõ kohgt tube, kï tajigla tø, kï mbãkïnõt. Amin.
Currently Selected:
Jud 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.