YouVersion Logo
Search Icon

Jer 1

1
Luwah kun Jeremi kïta kïla
1Tag lo Jeremi ngon Hilkïja, kïkïða ku ngejanyamosït îgïn ndin Anatot kam døning Benjamint.
2Ta lo Bïraþe ðe ro Jeremit kaglot lo Josias ngon Amon, ngar kï Juda kam þalt kïkïlah gidaimïta lo kõþe loa. 3Ela ta þaitø kaglot lo Jojakim ngon Josias, ngar kï Juda. Elata þaitø kam naht kïmi lo þal kïkïlah gidaikïða lo Sedekias ngon Josias, ngar kï Juda kam þalt'n non la ngéndï Jerusalem awïn þert. 4Ta lo Bïraþe ðe romt an:
5M'geri kete lon
m'þain kam kõit al þaitø,
lon i teen kam kõit kïtïga al þaitø,
m'ndai køtkokïða
kad î ngekelta
kïtamt kï ro girrdegt.
6M'tur m'an:
Ah Bïraþe Luwah,
m'ger kelta al kïta mî ngon þaitø.
7Na Bïraþe turïm an:
Ot kel kan, mî ngon
na a aw kï log tube'n
m'a m'lait
a eld ta tube'n
m'ndai mbera.
8Ot þoold
na mî nat sei kad m'aji,
Titbe la i ta'n Bïraþe elim.
9Kamla la jin ødïn tam,
el an:
Oo, m'nda ta lom tait.
10Oo, þone m'adi tøg dø girrdegt
kï kõþeg kad
i retd ruprup, i tød køsïkøsï,
kad i nujd, i tøsï i tïlad,
kad i ndad gog, i hød ningt.
11Ta lo Bïraþe elïm an: Jeremi, oo ði a? M'tur m'an: M'oo døji kag amandie. 12Kamla Bïraþe elïm an: Oo maj, kïta m'ndï m'ngom go ta lom kï tøl kõna.
13Ta lo Bïraþe ðe romt kïkõjoo an: Oo ði a? M'tur m'an. M'oo jo mad ndï leg na jo'n non tel kï þodo.
14Bïraþe elïm an:
Ko þodo la nyakïto a þait,
so dø ngéndï døningt'n ðan tube ye.
15Oo m'a m'kun girrdeg
kï kõþeg kïdangdang kï þodo,
kel Bïraþe.
A ðen,
ngar dekïðen a nda pong kõþe lon
ta tabitgt kï Jerusalem.
A gugïn dø ndogbørrgt loa,
gug dø kï kïnõ þebogt
kï Juda tube.
16M'a m'elta dø tat kïngang lom
kï dødt kïtø majal lod
kïta nyàmïn kø,
lan horr nyag
kïkootmbî adïn yog,
øsïn død ber nõ kïlaða jidt.
17I þai dõ i døboi
na eld tag tube'n m'ndai mbera.
Ot þool na þeta a ne,
m'adi ndahd nõdt.
18Oo, þone m'ndai tit þebo kïngang
dø døningt kïtaagbe tit pilie hand,
tit ndogbørr ningakasï,
nõ ngargt kï Juda
kï mbaiþeg loa,
kï ngéjanyamosï loa,
kï ngéndï
døningt'n non ho.
19A ðøøin na a tetin ðøø al,
kïta m'a mî sei nat kad m'aji,
kel Bïraþe kï Ngetøg tube.

Currently Selected:

Jer 1: MB80

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy