Kol 1
1
Lapia
(Oo Ep 1:15 teen 19; Pil 1:3 teen 6; 1 Tes 1:2 teen 4)
1Mî Pol, ngombangkïla lo Jeju Krist kïgo ndigt lo Luwah, nat kï Timote kï ngonkõj, m'ndang maktub 'nten.
2M'adsï în deg kïjaþat, kï ngankõ kïro'n taan ta lo Krist kam þet kï Kolosï. Kï Bøwj Luwah adsï majkurr, kï kamsøl.
Pol ða mersi Luwah
3Kï ndï kï tel kï mersi j'ad Luwah, Bøw Bïraþe loj Jeju Krist ho, kï ndï kï kø kïtatøsï kïndøgndøg ho. 4Kïtø j'oo hoi kadkam losï Jeju Krist, kï tar'n hã i ndï øjïn girrdeg kïjaþat lo Luwah tube. 5Lon Hoita kïjeje, ad i Hoita kïmaj tee kusït dasabang ye, ða ad i gerïn nya ndahkamdøt'n hoita kï jeje'n non ndï ad, titbe kadkam losï kï tar losï ðan bijir dø nyat'n Luwah ndah køtkokïða kïtatøsï kam dørãt. 6Hoita kïmaj'n non ndï tee kï kandïn kusït, tit 'nten kï kandïn ku degt kï døningt kïtaagbe. Kamla aw kï ketekete, tit'n ndï ðan nya kusït ye be tø, kam ndøt'n oon ne ta dø kamkët lo Luwah dasabang, na i gerïn þet i kamkë kï jeje. 7Epapras kï madkïlaj, kï ngetar loj la ndoosï nya 'nten, i ngekïlaþer lo Krist kïro, kï asï kad i þankula, i ngegagootj. 8Epapras tø la, ørrj hoi tar losï'n Ndil Luwah adsï ye.
9Kïtø 'nten, jî tø, þai dø ndøtïn j'oo hoita losï ye, kï nyata kelta kï Luwah kïtatøsï al, na kï køa kad i þankot kï ger ndig lo Luwah kam terrt, kï goosï kïtaagbe kïgo Ndilt. 10I titbe la, nyaðasï a i kïgo ndigt lo Bïraþe na a i ðan nya kï nela kam nyagt tube, a i teen kï kand kam kïlat kïmaj kïðen, a i tøgïn kam ger Luwaht. 11Kï Luwah adsï tøg kïðen kad i telïn ne ngétøgg kïgo tøgt loa kï tøitøi kad i høn tøgsïbá, i ndïn døt kï ronel. 12I ðan mersi Luwah kï Bøwj'n ða ad în ngégana dø nyandubat'n ndah kam kõþet lon kï kunj kïta deg kïjaþat. 13Kïtø Luwah ug ørrj kam tøg tilt kad j'and kam kõþet lo ngon ngetar lon. 14Na kam ngonat tø la, kï ngah badøj kï nyàgo majal loj kø ye.
Krist i kete nõ nyagt tube, i kïbo tøid tube tø
(Knk 26:17 teen 18; Jã 1:1 teen 3,14,16; 1 Kor 15:20 teen 23; Ep 2:13 teen 19; 5:23 teen 27)
15Krist'n non taa, kooa i þakumta Luwah kïdum koo kï kum, i ngonderr ku nyandahgt tube. 16Kïtø kamat la Luwah ndah nyag tube, nyag kï kam dørãt dõ, kï nyag kï kam døningt, kï nyag kï koo kï kum, kï nyag kï dumkoo kï kum: Ad i pong kõþeg, kï bïradøg, kï tøg kõþeg, kï tøgg tube; nyag tube'n ndahd ye, i kïtakula ho, i kïtatøa ho tø. 17Ngon Luwah î kïþe kïdøn i kï dasabang nõ nyagt tube, na kïtakula tø la, nyag tube ndïn ne kari kïkanj ndøt. 18Î tø la i dø dãro ye, ad i bïradø ngékawna; i kamat tø la nyag tube yan þood'd tit tø ye, na i ngonderr, i kï dasabang ngeþai lo koit kï kumkajirt kad î kïkïðanbe ndï lot kï dasabang nõ nyagt tube. 19Kïtø nel Luwah kad dagïron kï jeje kïtaagbe ndï kam ngonïnt. 20Kïtakula la Luwah lan nooj nat sen kï nyandahg tube, kï nyag kï kam døningt, kï nyag kïkam dørãt, kad lapia ton mbïna degt sen kïtakul mosï ngonïn'n ü kø dø kagdosït.
21În tø, maði în sãi kï Luwah, în madngétaag kïgo halsït kï kïlaðasïg kïmajal. 22Na tajigla, Luwah lasï nooj nat sen kïtakul dãro Krist, ad i kïtakul koi ngonïn, kïtakad i telïn deg kïjaþat, kïkanj yerr, kïkanj ta døsït kad asïn ða nõat. 23Na maj kad i høn ta lo Krist'n i taan nõ sem, na i ðan bijir kamt kïkanj kørr kø dø nya ndahkamdøt'n i Hoita Kïmaj'n lan mbera adïn deg tube'n ndïn døningt, na mî Pol m'tel ngekïlaþer lo Hoita Kïmaj 'nten, n'lan mbera deg tube kï døningt ne.
Kïlaþer'n Pol ða kïta ngékawna
(Oo Ep 3:1 teen 13; 1 Kor 2:7 teen 13)
24Tajigla m'ndï m'ða ronel kam kamkølgt'n m'ngah kïtatøsï, kïta, m'ndï m'tølkon kamkølg lo Krist kï nãin þaitø kïta dãroa ad i ngékawna. 25M'tel ngekïlaþer lo ngékawna kïgo kïlat'n Luwah la jimt kïtatøsï, kad m'la mber ta loa tube. 26Ta 'nten i ta kïmund, kïyadø kokïro degt tube kï kaglot kï maði, na tajigla i kï tee dø kïta deg loa kïjaþat. 27Kïtø Luwah ndig kad deg gerïn girr nyamajg kïmaj dum, kïmaj tøitøi lo nya kïmund'n non ku girrdegt kïdangdang tube. Girra i titbe: Krist i kamsït, kïta 'nten kamsï i kï ndah dø majt kï tøitøi kï a ðe. 28I titbe la, kï ndï kï lan mber Krist kï ro degt tube. Ndï kï j'øjïn dekïðen ho, ndï kï j'ug j'elïn dekïðen kï terr kad oo maj, kïtakad j'ad dekïðen asïnatap kam Krist't kad ðan nõ Luwaht titbe. 29Kïtø 'nten la m'ndï m'ðan kïla ho, m'ndï m'ndurïn yom kï rotîm kï tøg'n Krist ad ndï ða kïla kammt kï tøg kïbobe.
Currently Selected:
Kol 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.