Leb 4
4
Kadkari kutdø majal kïta ngéjanyamosï
1Bïraþe elta kï Moij an: 2Elta kï Israelag an: Lon de mad ða majal kï kamndig al ndoorïn kïkïða ku mberkïndagt lo Bïraþe ad ða nya kï sumba ða al.
3Îla ngejanyamosï'n wurïna kï yib la ða majal ad ta ðen dø degt a ne, a ad Bïraþe kadkari kïta majal'n ðà nõ, ad i bøw mang kïkanj nya mad ðaa, kadkari kutdø majal. 4A ðe kï bøw mang tabit kujkub ndødnat nõ Bïraþet. A nda jin dø bøw mangt'n non, na a jakø bøw mang'n non nõ Bïraþet. 5Ngejanyamosï'n wurïna kï yib a ød mosï bøw mang ðen kam kujkub ndødnat, 6ngejanyamosï a la ngon jin kam mosït, a tud nja tanãimïta nõ Bïraþet nõ kubganglot kam lot kïjaþat. 7Ngejanyamosï a tud mosa dø gaj dïngïr la horr dukan nõ Bïraþet kam kujkub dødnat na ndeg mosï bøw mang'n non a mbel girr dïngïr kadkari kïlahorrt'n i tabit kuj kub ndødnat.
8Kamla a ørr mbool bøw mang in laa kadkari kutdø majal, mboola kï ut dø tia kï mboola kï dø tiat tube, 9munjo duna kïjoo kï mboola kï døt kï kïkadat kï wura kïbo'n ørr nat kï munjo duna. 10Ngejanyamosï a ørr nyag 'nten tit'n a ørrïn kïlo bøw mang kadkari kï kad kamsøllom ye be, a la horro dø dïngïr kadkari kïlahorrt.
11Na ngïra bøw mang, kï dãa tube, nat kï døa kï njaa kï tia kï kïna.
Kadkari kïta ngékawnag.
12A un bøw mang'n non kïtaagbe aw sia gid gongt kam lot kïjanjoi, lot'n a ün buhorr tit. A laa horro dø kirt kad horr õa, lot'n ün buhorr tit.
Kadkari kutdø majal kïta ngékawna
13Îla ngékawna lo Israel kïtaagbe la ðan majal kï kamndig al kanj kad gerïn, ad ðan majal ndoorïn ne kïkïða ku mberkïndagt lo Bïraþe, ad ðan nya kï sumba ða al, ad ta ðe dødt. 14Lon majal'n non i kï tee døa ne, ngékawna a adïn bøw mang kadkari kutdø majal, a awïn sia nõ kujkub ndødnat. 15Kïbog lo ngékawna a ndan jid dø bøw mangt'n non nõ Bïraþet, a jan kø bøw mang'n non nõ Bïraþet.
16Ngejanyamosï'n wurïna kï yib a ød mosï bøw mang ðen kam kujkub ndødnat, 17a la ngon jin kam mosït, a tud nja tanãimïta nõ Bïraþet nõ kubganglot. 18A tud mosï dø gaj dïngïrt nõ Bïraþet kam kujkub ndødnat, na ndeg mosï a mbel girr dïngïr kadkari kïlahorrt'n i tabit kujkub ndødnat.
19A ørr mboola tube la horro dø dïngïrt. 20A ða kï bøw mang 'nten tit'n ðan kï bøw mang kadkari kutdø majal. Titbe tø la ngejanyamosï a ða kïta kutïn dø majal lod, na a nyan go majal lod kø. 21A un bøw mang'n non aw sia gid gongt, na a laa hort tit'n lan horr bøw mang kïkete. I kadkari kutdø majal lo ngékawna.
Kadkari kutdø majal kïta ngekõþe
22Îla mbaiþe la ða majal kï kamndig al ndoorïn kïkïða ku mberkïndagt lo Bïraþe Luwah, ad ða nya kï sumba ða al, ad ta ðe døat. 23Îla majal loa i kï tee dø a ne, a ðe kï kadkari lon, ad i bal binya kïkanj nya mad ðaa, 24a nda jin dø bal binyat'n non, a jakøa lot'n a jan kø dã kadkari kïlahorr nõ Bïraþet. I kadkari kutdø majal. 25Kamla ngéjanyamosï a la ngon jin ødïn mosï dã kadkari kutdø majal, a tud dø gàj dïngïr kadkari kïlahorrt, na ndeg mosï a mbel girr dïngïr kadkari kïlahorrt. 26A la horr mboola tube dø dingïrt tit'n ðan kï mbool dã kadkari kï kad kamsøllom ye be. Titbe la ngejanyamosï a ðan kï mbaiþe ka nõ kïta kut dø majal loa, na a nyan go majal loa kø.
Kadkari kutdø majal kïta de kïkari
27Îla de mad kïkari ða majal kï kamndig al ndoorïn kïkïða ku mberkïndagt lo Bïraþe, ad ða nya kï sumba ða al ad ta ðe døat, 28lon majal loa i kï tee dø a ne, a ðe kï kadkari lon, ad i binya, kõ binya kïkanj nya mad ðaa, kadkari kutdø majal'n ða. 29A nda jin dø kadkari kutdø majalt, a jakøa lot'n a jan kø dã kadkari kïla horrt tit. 30Ngejanyamosï a la ngon jin ødïn mosa, a tud dø gaj dïngïr kadkari kïlahorrt, na ndeg mosï a mbel girr dïngïrt. 31A ørr mboola tube tit'n ørrïn mbool dã kadkari kï kad kamsøllom, na a laa horro dø dïngïrt, i sé kïkootmbî kï nel Bïraþe. Ngejanyamosï a ða titbe kïta kutïn dø majal lo de'n non, na a nyan go majal loa kø.
32Îla ad ngon bat kadkari kutdø majal lon a ad kon bat kïkanj nya mad ðaa. 33A nda jin dø kadkari kutdø majalt, na a jakø kadkari kutdø majal lot'n a jan kø dã kadkari kïlahorrt tit. 34Kamla ngejanyamosï a la ngon jin ødïn mosï kadkari kutdø majal, a tud dø gàj dïngïr kadkari kïlahorrt, na ndeg mosï a mbel girr dïngïrt. 35A ørr mboola tube tit'n ørrïn mbool ngon bat kadkari kï kad kamsøllom. Ngejanyamosï a laa horro dø dïngïrt dø kadkarigt kïlahorr nõ Bïraþet. Titbe ngejanyamosï a la kadkari kutdø kïta majal'n de'n non ða na a nyan go majal loa kø.
Currently Selected:
Leb 4: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
