1 Sam 1
1
Ane elta kï Luwah na ada ooj ngon kïdïngã
1Maði nu de mad ndï nõ, þebo loa i Ramataim Sopim kï døning mbalt kï Epraim, tøa i Elkana ko girr Epraim, i ngon Jeroham, ngon Elihu, ngon Tohu, ngon Sup. 2Elkana aw kï dekïdëg joo, tø kïkïða i Ane, na tø kïmad i Penina, Penina ooj ngan'g, na Ane ooj ngon al.
3De'n non a þai þebot lon, þal kï þal aw þebo Silot kïtakad øsï døn ber nõ Bïraþet Ngekoosïg, na kïta la kadkari kïjakø ada. Ngan Heli kïjioo'n nõ, tød i Hopni kï Pines. In ngéjamosïkadkari lo Bïraþe. 4Ndø kï Elkana a la kadkari kïjakø lon ad Bïraþe ye, ad gaj kadkari'n non nën Penina. Na ad ngana kïdïngã kï kïdë tube. 5Na tit kan tar Ane ngãi ye la ada gaj kïbo tøi kïta Bïraþe ut kujngon loa. 6Nia søka ngãi kïtakad kamkil ðaa kïta Bïraþe ut kujngon loa. 7Ða titbe þal kï þal, lon Ane a awïn kuju lo Bïraþe ye. Penina a søka titbe kï nja natnatbe ad Ane a nõn kï man kumïn, a ndig sanya al.
8Ngawa Elkana ela an: Ane, kïtøði i ndi nõ'n a? Kïtøði i sa'n nya al a? Kïtøði kamkil ðai'n a? Mî m'maj tøi ngan kïdïngãg kïlah roit ale?
9Lon deg san nya na ãin nya kam þebo Silot ye, Ane þai. Døkadat'n non Heli kï ngejanyamosï kadkari ndï ber dø sejt kad kag tabit kujt lo Bïraþe. 10Ro Ane ata kãrïr ad elta kï Bïraþe kï man nõ kumïnt, 11ad un køn kï yokïnda an: Bïraþe Ngekoosïg, rota, îla i nda kumi dø kamkølt lo þer loi kïdë, îla i ga kami dømt na kami oi dø þert loi kïdë al ho, îla i adïm ngon kïdïngã a ne, m'a m'ada Bïraþe ndø ndia kï dø dõ tube, yinga mad a ja bisïdøa nja kïða al. 12Lon Ane ndï elta nõ Bïraþet þaitø ye, Heli nda kumïn dø taat. 13Ane ndï elta kamïnt ad ndartaa ye koon, na de oo dø ndia al. Kïtø 'nten Heli oo tit kasï ðaa, 14Heli ela an: Ndø bãi a i nya ta kasï kï ðai titbe a? Un kasïnduu loi kø. 15Ane tur an: A'a. Ngeem, mî dekïdë kï ngekamkil. Mî m'ãi kasïnduu al, ke nyakãi kï kad ða de, na m'ndï m'el Bïraþe ta kï kammt tube. 16Ot ko þer loi tit dekïdë kïpãbe, kïta kamkøl lom kïngãi kï søkï kï søkïmïn la ad m'elïn ta mbã tajigla ye, 17Kamla Heli tur an: Aw kï lapia. Kï Luwah lo Israel ad nya i køa. 18Ane el an: Kï þer loi ngah maj takumit. Kamla Ane aw lo lon, sanya, na takuna høndo gog al.
19Þain kïsî ritit, øsïn død ber nõ Bïraþet, kamla telïn kï þe lod gog Ramat. Elkana to kï nën Ane, na Bïraþe ga kamïn døat.
20Kam þalt'n non Ane ndan ngon, na lon kaga asï ye, ooj kïdïngã. Nda tøa Samuela kïta el an: M'køa ro Bïraþet.
21Ngawa Elkana aw nat kï ngékïþe lon tube kad kï n'la kadkari kïjakø kïta þal'n non n'ad Bïraþe, na kï n'tølïn køn kunkø lon'n un kï yokïnda. 22Na Ane aw al, kïta el ngawïn an: Lon ngon a mbet mba a ne, m'a m'aw sia kïtakad ða nõ Bïraþet kad ndï nu kïndøgndøg. 23Ngawa Elkana ela an: I ða nya'n i oo maj. I ndï ne mbã ngon mbet mba. Kï Bïraþe tølkon ta lon. Titbe la Ane ngon ad ngon il mba mbã mbet mba.
24Lon mbet mba ye, una aw sia, na and sia kam kujt lo Bïraþe, þebo Silot. Ørr bøw mang kï þala i mïta, un epa nduj nyako kïða kï søl kasïnduu kïða to awïn. Ngon i kïdu þaitø. 25Jan kø bøw mang, na ðen kï ngon ro Helit. 26Ane elta kï yokïnda an: Rota ngeem, tit'n i ndïn kï døi dõ ye ngeem, kami gah dø dekïdët'n ndø madt ðe nëbe kad elta kï Bïraþe yo? Dekïdë'n non i mî. 27I kïta ngon'n ðàn la m'elïn ta ye, na Bïraþe adïm nya'n m'køa. 28Kïtø 'nten mî tø m'ada Bïraþe. A i lo Bïraþe ndø ndia kï døn dõ tube. Øsïn død ber nõ Bïraþet.
Currently Selected:
1 Sam 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.