1 Kor 1
1
1Mî Pol, ngombangkïla lo Jeju Krist'n Luwah kunïm kïgo ndigt lon, nat kï ngonkõ Sosten, m'ndang maktub 'nten, 2m'ad ngékawna lo Luwah kam þebot kï Korent, m'ad îgïn Luwah kund kad telïn kïkunjðang, kad în deg loa kïjaþat kam rot kïkïða nat kï Krist Jeju, kï deg tube ngendï lot kïðen, ngéko kï dø Bïraþet loj Jeju Krist, în i Bïraþed kï Bïraþej tu. 3Kï Bøwj Luwah kï Bïraþe loj Jeju Krist adsïn majkurr kï lapia. 4Majkurr kïdangdang kï ngah kïtakul Krist. M'ndï m'ða mersi Luwah kïndøgndøg kïtatøsï, kïta majkurr'n adsï kïtakul Jeju Krist. 5Kïtø kam rot kïkïða nat kï Krist la, Luwah telsïn ngényamajgt kï kadkarig kïdangdang kïgo ndilt tube ye, adsï kadkari goosï kelta, kï kadkari nyager tube tø. 6Tit kan lasïn mberta lo Krist, na i taan ta'n non kï tøgsï ye, 7titbe tø kadkari majkurr lo Luwah nalsï al, lon i ndï i ngoon ne keðeng ndø tee Bïraþe loj Jeju Krist høi. 8Î tø a ngomsï kad i ðan bijir lo ðasït mbã døngoia, kad în kïkanj ta døsït ndø tel Bïraþet loj Jeju Krist. 9Luwah i ngeða nya kïro, kunsï kad i høn nooj kï na kam rot kïkïða nat kï Ngonïn Jeju Krist kï Bïraþe loj.
Gangna to ku ngékawnat kï Korent't
10Tajigla ngankom, m'køsï kam tø Bïraþet loj Jeju Krist kad în tube takelsï i kïða, kï gangnag goton kusït, na kï în kï lana wur, kï kam kïkïða, kï tagahsï i kïða tø. 11Dø tat'n non, ngankom deg kï þe lo Kloe elmïn ta losï kï tïga wakïsï anan: Gangnag ton kusït. 12Ta'n m'gee kelsï laten: Dekïðen kusït ndï an: Mî de lo Pol, mî de lo Apolos, mî de lo Kepas ad i Pierr, kïmad an: Mî de lo Krist. 13Krist i kï gangnat e? Gan Pol kagdosït kïtatøsï e? Ke ðasïn baptem kam tø Polt e? 14M'ndï ða mersi Luwah kïta m'ða de mad kusït baptem al, na Krispus kï Gayusï tã; 15na þeta de mad an: Mî Pol m'ðan baptem kam tømt. 16M'ða baptem ngékïþe lo stepanas tø; na go îgït'n non, m'ða de mad baptem m'ger go al.
17Kïtø Krist lam kï m'ða deg baptem al, na kï m'el deg Hoita Kïmaj, na kï terr lo koo goosï kelta al, na þeta kagdosï lo Krist tel nya kï kari.
Krist i tøg lo Luwah kï terr lo Luwah. 18Kïtø ta koi Krist kagdosït i ta kï þood kï ro degt'n ndï nujïn kø; na rojt jî'n kï ndï kï j'aj ye i tøg lo Luwah. 19Kïtø ndangïn kam Maktubt lo Luwah anan: M'a m'nuj terr lo ngéterrg kø, m'a m'ørr goosï lo ngégoosïg kø tø.
20Taa ne, ngeterr i ða tajigla a? Ngendoo Maktub i ða a? Ngemajta kïgo terrt kï koht 'nten i ða? Luwah tel terr kï døningt nya kï þoodt ale? 21Tit kan kam terrt lo Luwah deg kï døningt gerïn Luwah al kïtakul terr lod ye, Luwah ndig kad n'aj ngékadkamg kïtakul ta'n lan mbera nõ, ad i ta'n deg oon a anan i ta þood. 22Juipg ndï ndïjen nyakøjg, Grekg tø ndï sahn terr. 23Jî taa ne, kï ndï kï la mber Krist kïga kagdosït, i ta kïmal ro juipgt, øgd taa ta lo Krist, i ta koi Krist i ta kï þood ro girrdegt kïdangdang. 24Na ro degt'n Luwah kund ye, ke Juipg, ke Grekg, Krist i tøg lo Luwah, i terr lo Luwah tø. 25Kïtø ta lo Luwah'n deg anan i ta kï þood ye, i terr kï tøi ta lo deg, na nya'n deg kunïna tõ lo Luwah i tøg kï tøi lo deg. 26Ngankom, maj kad oon titbãi Luwah kunsïn. Kusït Luwah kun ngéterrg kïgo dãrot ngãi al, kun ngétøgg ngãi al, kun ngan ngéþeg ngãi al tø ho. 27Na Luwah mbed nyag kï þood takum deg kï døningt kad n'lan rosøl dø ngéterrgt, mbed nyag kï tøgd goto kad kï'n lan rosøl dø nyagt kï ngang. 28Luwah mbed nyag kï dunia ger død al, kï deg ndï kïdind mbã oond nya madt al, kad'n nujïn nyag'n dunia ood nyagt kïbobo ad goton. 29Kïtø 'nten de mad kï asï gaburo nõ Luwaht goto. 30Na Luwah ðe sej kam rot kïkïða nat kï Krist Jeju, Luwah ða ad Krist Jeju i terr loj, kï kørrtadøt loj, i ðob tel roj kïkunjðangt, kï døkïba loj tø. 31Kïtø 'nten la Maktub lo Luwah elïn an: De'n ndig gaburo a ne, kï ga buro kam Bïraþet.
Currently Selected:
1 Kor 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.