Matayo 7
7
Njàddí ndrǔ djú lò-tdèydha
(Lwk 6:37-38,41-42)
1“Nzǐ nyì tdey lò njàddí ndrǔ djú, ndaní nzǐ Ddrà tděy lò nyì djú. 2Ddrà rà lò-tdèy nyì djú gbè nyì tdèy njàddí ndrǔ djú níchú, ndèymí nyi ddêy ndanà ddiy njàddí ndrǔ dhò mí nò, karà ddey ndanà nyi dhò ddí.
3“Ddudhò nyi ní djû-nyi nyú ó tsúw-rà njǎ, yà nyi nì ddey nyi-nyú ó ddrǒngó ní tsúw-kòwrŕ djú nzǐ? 4Nyi dhó tdrà ŋǎchú djû-nyi dhò, ‘Bba ma ddá nyi nyú ó tsúw-rà,’ yà nyi nì ddrǒngó ní tsúw-kòwrŕ nà nyi nyú ó ro? 5Nyi, lò-shúwdha-dja, ddá nji nyi nyú ó ddrǒngó ní tsúw-kòwrŕ ndèymí nyi rà djû-nyi nyú ó tsúw-rà njà lǎní ya nyi nì dda ro.
6“Nzǐ nyì bbú nyìdhí thí ní ddiy tsǐ dhò, ddiydhò ndrǔ rà ngu ì li, nyì kà. Nzǐ nyì ngbò nyìdhí ddiy cha ndèy ɦuwdjò nì tǔw nì djòw dè, ddiydhò ndrǔ rà ǒnga chìy ì kotéy.
Nyì dhíy, nyì mey, nyì íy
(Lwk 11:9-13)
7“Nyì dhíy ka rà bbu nyì dhò, nyì mey nyì rà chùw ndèymí nyì íy ka rà pù nyì dhò. 8Wánì ndrǔ cha ì nì dhíy nì, ka rà bbu ndrǔ dhò, cha ì nì měy nì ndrǔ rà chùw ndèymí ì nì iy nì ndrǔ dhò, ka rà pù.
9“Li rò ní ney nyì kàó cha ndèy dho djuw bbu ddùwnì dhò, ya à dhîy mùkátì ro? 10Ǐngí nyi dhó ney à dhò ngìydhá bbu, ya à dhîy bbì ro? 11Nyì nì ngǎjìní ddiy ì nì njěy nì bbalè, chú nyì ddí tsì lǎní ddiy bbúdha nyìdhí nzòw dho. Nyì Dja rakpa ó nì rá ŋàbùkà ddrǒngó tǐ nì lǎní ddiy bbu cha ì nì dhiy nì ndrǔ dhò?
12“Njey njàddí ndrǔ dhò cha nyì nì jǐ ndrǔ njěy nyì dhò nì ddiy, ddiydhò í nì Musa-ngá yǎdha ndèymí nabi-kpà dhí gwíydha mí lò-tey.
Tdrŕ-ka-tdrŕ ní kaley-tsò ndèymí hwǐ ní nà
(Lwk 13:24)
13“Nyì tsuw tdrŕ-ka-tdrŕ ní kaley-tsò nà, ddiydhò hwǐ ní kaley-tsò ndèymí hwǐ ní tuw nà nì mba nì bbalè ndru-tey ró nì li sàdha mí kàss ò ndèymí bíy ní bbalè bbíy nì òmà luw. 14Chú ndèy mba nì bbalè djiy ò nì kaley-tsònì tdrŕ-ka-tdrŕ ndèymí ndèy ra nì à dè nì tuw nì klǒw, ndèymí drá ní bbalè chuw nì à ndey.
Yesu ddù bbalè nyú mbwa mí nabi-kpà róddù
(Lwk 6:43-44)
15“Nyì pbo nga nyì mbwa mí nabi-kpà róddù. Ndrǔ shi nì nyì dè ndèymí ndrǔ nja nì ì rúgòluw towmbù níchú, chú ndrǔ ónga nì gbè ɦùw nì ndèy njěy nì tsó téy tsǐ níchú. 16Nyì rà ndrǔ tsì ì tsi ró. Bbalè dhó ney dìváyì-tsi kli tsǎléy tsúw djúddù, ǐngí bbalè dhó ney mupela kli lòkú tsúw djúddù? 17Lǎní tsúw ꞌwo nì lǎní ndèy tsi, chú ngǎjìní tsúw ꞌwo nì ngǎjìní ndèy tsi. 18Lǎní tsúw dho nzǐ ngǎjìní ndèy tsi ꞌwò, chú ngǎjìní tsúw dho nzǐ lǎní ndèy tsi ꞌwò. 19Wánì tsúw cha nzá ndèy ꞌwò lǎní ndèy tsi nì, ka rà tdèy bbi gudjò ndèymí ka rà ngbò kàss ò. 20Fú ddiy dhò, nyì rà mbwa mí nabi-kpà tsì ndrǔ nì njěy nì ddiy ró.
Dìchú ní ndèymí mbwa mí Yesu kodjú kpa
(Lwk 13:25-27)
21“Ngǎ bbalè wá cha ì íy nì ma ‘Ddrǒngóli, Ddrǒngóli’ ní nì, rà tsùw rakpa mí pey-mí-nga ò, chú ì njey nì cha Ma-Dja rakpa ó nì jì nì ddiy nì ndrǔ chúddì. 22Lò-tdèydha mí ddu rà shì ro, bíy ní ndrǔ rà tdrà ma dhò, ‘Ddrǒngóli, Ddrǒngóli, nyi tsì tdè nzá nyi ró dho ó mà tdrà tdè Ddrà mí lò-ɦéy, mà ddâ che thíy ndèymí mà njèy bíy ní ddùw nyi ró dho ó?’ 23Ma rà tdrà ndrǔ dhò, ‘Ma tsì nyì ddì kpe nzá, nyì ddá nyì gù ma róddù, nyì cha nyì nì Ddrǎ-ngá yǎdha kwòdha-djá.’
Dzà ss̀dha-djá rwo nì
(Lwk 6:47-49)
24“Ddì-ddì ní li cha ndèy rà màtsá lò rr̀ nì, ndèymí ndèy rà mí lò ley dhǐy ò nì, nì gbè nyǔꞌwiy-dja ní cha ndèy ss̀ ndèymí dza klǒw ní dza-tey djú nì. 25Ddì ní dji kwô, pbèydha ní ju-ddà kì věy, ndèymí vi vû rí fú dzà ró. Chú à chèy nzá, ddiydhò ka ss̀ tdè klǒw ní dza-tey djú. 26Chú ddì-ddì ní li cha ndèy nì màtsá lò rř ndèymí ndèy nì mí lò njěy nzǐ nì, fú li nì gbè vǐy níchú cha ndèy ss̀ dzà sǒwrr djú nì li níchú. 27Ddì ní dji kwô, pbèydha ní ju-ddà kì věy, ndèymí vi vú tdè rí fú dza ró. À lêy tdè fú dza chèy ngǎjìní chèydha jì nà.”
Yesu mí lò-gwíydha mí klôw
28Yesu sî tdè ndèymí lò-tdràdha ro, bbalè mí njuw ónga ꞌwiy tdè àmí li-gwíydha ró, 29ddiydhò à gwîy tdè gbè ndèy nì klôw nà nì li níchú, ngǎ gbè Musa-ngá yǎdha mí li-gwíydha-djá níchú.
Currently Selected:
Matayo 7: NDRULO
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Matayo 7
7
Njàddí ndrǔ djú lò-tdèydha
(Lwk 6:37-38,41-42)
1“Nzǐ nyì tdey lò njàddí ndrǔ djú, ndaní nzǐ Ddrà tděy lò nyì djú. 2Ddrà rà lò-tdèy nyì djú gbè nyì tdèy njàddí ndrǔ djú níchú, ndèymí nyi ddêy ndanà ddiy njàddí ndrǔ dhò mí nò, karà ddey ndanà nyi dhò ddí.
3“Ddudhò nyi ní djû-nyi nyú ó tsúw-rà njǎ, yà nyi nì ddey nyi-nyú ó ddrǒngó ní tsúw-kòwrŕ djú nzǐ? 4Nyi dhó tdrà ŋǎchú djû-nyi dhò, ‘Bba ma ddá nyi nyú ó tsúw-rà,’ yà nyi nì ddrǒngó ní tsúw-kòwrŕ nà nyi nyú ó ro? 5Nyi, lò-shúwdha-dja, ddá nji nyi nyú ó ddrǒngó ní tsúw-kòwrŕ ndèymí nyi rà djû-nyi nyú ó tsúw-rà njà lǎní ya nyi nì dda ro.
6“Nzǐ nyì bbú nyìdhí thí ní ddiy tsǐ dhò, ddiydhò ndrǔ rà ngu ì li, nyì kà. Nzǐ nyì ngbò nyìdhí ddiy cha ndèy ɦuwdjò nì tǔw nì djòw dè, ddiydhò ndrǔ rà ǒnga chìy ì kotéy.
Nyì dhíy, nyì mey, nyì íy
(Lwk 11:9-13)
7“Nyì dhíy ka rà bbu nyì dhò, nyì mey nyì rà chùw ndèymí nyì íy ka rà pù nyì dhò. 8Wánì ndrǔ cha ì nì dhíy nì, ka rà bbu ndrǔ dhò, cha ì nì měy nì ndrǔ rà chùw ndèymí ì nì iy nì ndrǔ dhò, ka rà pù.
9“Li rò ní ney nyì kàó cha ndèy dho djuw bbu ddùwnì dhò, ya à dhîy mùkátì ro? 10Ǐngí nyi dhó ney à dhò ngìydhá bbu, ya à dhîy bbì ro? 11Nyì nì ngǎjìní ddiy ì nì njěy nì bbalè, chú nyì ddí tsì lǎní ddiy bbúdha nyìdhí nzòw dho. Nyì Dja rakpa ó nì rá ŋàbùkà ddrǒngó tǐ nì lǎní ddiy bbu cha ì nì dhiy nì ndrǔ dhò?
12“Njey njàddí ndrǔ dhò cha nyì nì jǐ ndrǔ njěy nyì dhò nì ddiy, ddiydhò í nì Musa-ngá yǎdha ndèymí nabi-kpà dhí gwíydha mí lò-tey.
Tdrŕ-ka-tdrŕ ní kaley-tsò ndèymí hwǐ ní nà
(Lwk 13:24)
13“Nyì tsuw tdrŕ-ka-tdrŕ ní kaley-tsò nà, ddiydhò hwǐ ní kaley-tsò ndèymí hwǐ ní tuw nà nì mba nì bbalè ndru-tey ró nì li sàdha mí kàss ò ndèymí bíy ní bbalè bbíy nì òmà luw. 14Chú ndèy mba nì bbalè djiy ò nì kaley-tsònì tdrŕ-ka-tdrŕ ndèymí ndèy ra nì à dè nì tuw nì klǒw, ndèymí drá ní bbalè chuw nì à ndey.
Yesu ddù bbalè nyú mbwa mí nabi-kpà róddù
(Lwk 6:43-44)
15“Nyì pbo nga nyì mbwa mí nabi-kpà róddù. Ndrǔ shi nì nyì dè ndèymí ndrǔ nja nì ì rúgòluw towmbù níchú, chú ndrǔ ónga nì gbè ɦùw nì ndèy njěy nì tsó téy tsǐ níchú. 16Nyì rà ndrǔ tsì ì tsi ró. Bbalè dhó ney dìváyì-tsi kli tsǎléy tsúw djúddù, ǐngí bbalè dhó ney mupela kli lòkú tsúw djúddù? 17Lǎní tsúw ꞌwo nì lǎní ndèy tsi, chú ngǎjìní tsúw ꞌwo nì ngǎjìní ndèy tsi. 18Lǎní tsúw dho nzǐ ngǎjìní ndèy tsi ꞌwò, chú ngǎjìní tsúw dho nzǐ lǎní ndèy tsi ꞌwò. 19Wánì tsúw cha nzá ndèy ꞌwò lǎní ndèy tsi nì, ka rà tdèy bbi gudjò ndèymí ka rà ngbò kàss ò. 20Fú ddiy dhò, nyì rà mbwa mí nabi-kpà tsì ndrǔ nì njěy nì ddiy ró.
Dìchú ní ndèymí mbwa mí Yesu kodjú kpa
(Lwk 13:25-27)
21“Ngǎ bbalè wá cha ì íy nì ma ‘Ddrǒngóli, Ddrǒngóli’ ní nì, rà tsùw rakpa mí pey-mí-nga ò, chú ì njey nì cha Ma-Dja rakpa ó nì jì nì ddiy nì ndrǔ chúddì. 22Lò-tdèydha mí ddu rà shì ro, bíy ní ndrǔ rà tdrà ma dhò, ‘Ddrǒngóli, Ddrǒngóli, nyi tsì tdè nzá nyi ró dho ó mà tdrà tdè Ddrà mí lò-ɦéy, mà ddâ che thíy ndèymí mà njèy bíy ní ddùw nyi ró dho ó?’ 23Ma rà tdrà ndrǔ dhò, ‘Ma tsì nyì ddì kpe nzá, nyì ddá nyì gù ma róddù, nyì cha nyì nì Ddrǎ-ngá yǎdha kwòdha-djá.’
Dzà ss̀dha-djá rwo nì
(Lwk 6:47-49)
24“Ddì-ddì ní li cha ndèy rà màtsá lò rr̀ nì, ndèymí ndèy rà mí lò ley dhǐy ò nì, nì gbè nyǔꞌwiy-dja ní cha ndèy ss̀ ndèymí dza klǒw ní dza-tey djú nì. 25Ddì ní dji kwô, pbèydha ní ju-ddà kì věy, ndèymí vi vû rí fú dzà ró. Chú à chèy nzá, ddiydhò ka ss̀ tdè klǒw ní dza-tey djú. 26Chú ddì-ddì ní li cha ndèy nì màtsá lò rř ndèymí ndèy nì mí lò njěy nzǐ nì, fú li nì gbè vǐy níchú cha ndèy ss̀ dzà sǒwrr djú nì li níchú. 27Ddì ní dji kwô, pbèydha ní ju-ddà kì věy, ndèymí vi vú tdè rí fú dza ró. À lêy tdè fú dza chèy ngǎjìní chèydha jì nà.”
Yesu mí lò-gwíydha mí klôw
28Yesu sî tdè ndèymí lò-tdràdha ro, bbalè mí njuw ónga ꞌwiy tdè àmí li-gwíydha ró, 29ddiydhò à gwîy tdè gbè ndèy nì klôw nà nì li níchú, ngǎ gbè Musa-ngá yǎdha mí li-gwíydha-djá níchú.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved