Jenadik 35
35
Kewarge Yakob umjog ma Bètèl
1Nòm kerek nak Allah nachal ma Yakob, “Sèbyab lah dak jog ma Bètèl, ma tempad Yék ipèrnéh rik Yéh ma hãk nèng-nèng tòp, mase hadèk-dok nòm kelok hãh Èsaw. Gel lah èn anak bok teꞌèl tempad jenamuk untok Yék.” #Jen 28:11-17.
2-3Jadik Yakob nachal ma kewarge eh bok ma kenèmbek sènꞌòy rik mok samak rik nak, “Èk akal èjog nòm doh bok èwèk ma Bètèl. Èn anak yék akal iteꞌèl néy tempad jenamuk untok èmsindol ma Allah. Allah nak hòj natulong ma yék bil mase senusah yéh nèng-nèng tòp, bok ma lok pon yék iwèk Rik Nak selaluk mok samak yék. Jadik puꞌdoh bes lah kenèmbek patong alëj nòm kaum mòy rik mok èn nyob nak. Ma-muh lah esik nyob nak, bok tukar nèglòg nyob supaye nyomjadik méj èn mad Tuhan.” 4Dak umnak pon umꞌog ma Yakob kenèmbek patong alëj bèj-bòj ròb subang gèntòkh#35:4 subang gèntòkh Mok guruk Kitab rik umbèdlod mungkin sènꞌòy Israꞌèl umdapad patong ròb subang nak bil umseyèj barang nòm kote Sikèm hatòp. Jadik mungkin èn subang nak mok gambah alëj bèj-bòj, atòw umlòg subang nak untok musindol ma alëj bèj-bòj umnak. umnak. Dak Yakob nakep kenèmbek barang nak èn kèd jehuk rayak tilok ma kote Sikèm.
5Pas nak Yakob ròb kewarge eh umtekèd umcha-chib. Dak Allah naberèngtukh geb ma kaum mòy rik umgèl-gel èn kote-kote belah nak, sampéy tok umbelamid muserang ma kewarge Yakob nak. 6Dak Yakob ròb kewarge eh umbeleh ma Bètèl èn tèk Kanaꞌan (kote Bètèl nak nèng-nèng tòp kenëh eh Lus). 7Unak lah tempad Allah hòj napèrnéh rik Eh ma Yakob nèng-nèng tòp, bil mase nadèk-dok nòm kelok eh. Sebab nak Yakob natèrjal kenëh pay tempad nak Èl-Bètèl (maksod eh nak “Allah Bètèl”). Dak Yakob nateꞌèl néy tempad jenamuk untok Allah èn anak.
8Dak anak mok néy babok samak Yakob rik bekenëh Dèborah. Rik nak lah kuli babok rik terènbòt bok bejagak manah tòp ma amèk Yakob, Ribkah. Dak puꞌdoh rik nak hòj jajak karõh bok nakebes. Dak umkep eh èn kèd jehuk rayak èn béng kote Bètèl nak. Unak lah sebab eh umdéh jehuk nak Alon Bakut (maksod eh nak “Jehuk Rayak Nèmyam”).
Allah napèrhod namteꞌèl méj ma Yakob
9Jadik gerèk nak lah cherite Yakob: hòj nòm kerek Yakob namak nòm Padan-Aram ma tèk Kanaꞌan, Allah napèrnéh rik Eh wèl ma Yakob dak napèrhod namteꞌèl méj ma rik nak. 10Allah nachal ma rik nak, “Kenëh hãk Yakob, tapik akal tok umkèw-kòw wèl ma hãk Yakob. Puꞌdoh kenëh hãk Israꞌèl.” Dak gerèk nak lah Allah natèrjal kenëh pay Yakob nak Israꞌèl. #Jen 32:28. 11Dak Allah nachal wèl, “Yék lah Allah Rik Paléng Bekuwase. Kènwòt lah kuwòt nyob, supaye waris nyob muchëy ibuk. Waris hãk akal umjadik kaum rik ibuk geb, sampéy umjadik jajéh kaum. Bok nòm waris hãh nak mok akal rik umjadik rajak. #Jen 17:4-8. 12Tèk rik hòj Yék iꞌog ma Abraham ròb Isak doh, Yék iꞌog ma hãk bok ma waris hãh keꞌjèk.” 13Dak hòj sòj nabecharak ma Yakob èn tempad nak, Allah naperak ma rik nak. 14Dak Yakob nabèrted néy batuk berènleng untok nambeleng ma tempad Allah nabecharak ma rik nak. Dak Yakob nasèd òng anggor ma batuk nak, gerèk jenamuk ma Allah. Dak nasèd binyak sayton ma batuk nak keꞌjèk, gerèk tande tempad nak suchi, has untok Allah. #Jen 28:18,19. 15Yakob natèrjal kenëh tempad nak Bètèl (maksod eh nak “Dékh Allah”), sebab èn anak lah Allah hòj nabecharak ma rik nak.
Rahèl nakebes
16Hòj nòm kerek nak, Yakob ròb kewarge eh umperak nòm Bètèl untok mujog ma kote Èpratah. Tapik bil umnak tik èn gagid tèk, tik jerok nòm Èpratah, nalòy lah mase eh Rahèl untok namyos, tapik rik nak susah geb namyos kuwòt eh nak. 17Bil Rahèl nagahmak pènjèd éj eh nak hòj lèlwẽl geb, rik betuhat nak nachal ma rik nak, “Rayak lah hup hãh nak, Rahèl — hòj mok kuwòt babeh hãh wèl!” 18Tapik Rahèl hòj tilok namkèsbes. Dak bil rik nak hòj namtèrsèk henèmhum eh rik sèj-sòj, rik nak natèrjal kenëh kuwòt eh nak Bèn-Oni.#35:18 Bèn-Oni kenëh eh nak bemaksod “Kuwòt babeh rik nalãj nòm derite yéh.” Tapik apak eh nak natèrjal kenëh kuwòt eh nak Bènyamin.#35:18 Bènyamin kenëh eh nak bemaksod “Kuwòt ènlẽng tep yéh.” Maksod eh nak, Yakob naꞌanggap ma kuwòt Rahèl nak paléng penting untok rik nak.
19Jadik Rahèl nakebes, dak umkep eh èn chening nòng ma kote Èpratah (puꞌdoh umkòw kenëh kote nak Bètlehèm). 20Yakob nateꞌèl néy batuk berènleng èn kubor eh nak, dak batuk nak tèk-tik mok èn tempad kubor Rahèl nak sampéy puꞌdoh. 21Nòm kerek nak Israꞌèl nasèrjèkh nèbchib eh samak mèn kewarge eh. Dak hòj umhawul nòm tempad rik bekenëh Migdal-Èdèr, umnak umdèg kémah um dak umgel èn anak.
Kuwòt Israꞌèl
(1 Sej 2:1-2)
22Asòh kewarge Israꞌèl umgel èn tempad nak, Rubèn naselòg ma Bilhah, kuli babok rik apak eh Yakob hòj nababéy nak. Dak Yakob pon nakeyòkh ilok rik kuwòt eh hòj nateꞌèl nak. #Jen 49:4.
Yakob mok nar belas kuwòt bèhbeh eh:
23Doh lah kuwòt Léya: Rubèn (kuwòt Yakob rik mulak long), Simion, Lèwi, Yèhudah, Isakar, ròb Sèbulòn.
24Doh lah kenëh kuwòt Rahèl: Yusop ròb Bènyamin.
25Doh lah kenëh kuwòt Bilhah, kuli Rahèl nak: Dan ròb Naptali.
26Doh lah kuwòt Silpah, kuli Léya nak: Gad ròb Aser.
Kenèmbek kuwòt umnak mèn léh Yakob umyos èn Padan-Aram.
Isak nakebes
27Nòm kerek nak Yakob namak ma apak eh Isak èn Mamré, rik umkòw keꞌjèk Kiryat-Arba (tapik puꞌdoh umkòw tempad nak Hèbròn). Unak lah tempad Abraham ròb Isak wègel nèng-nèng tòp èn tèk kaum mòy. #Jen 13:18. 28-29Isak nagos méj bok jerok umor eh. Dak bil umor eh nalòy 180 tawon, rik nak natèrsèk henèmhum eh rik sèj-sòj bok namèk-mak ma yak dòt bej eh. Dak wèh kuwòt eh, Èsaw ròb Yakob, wèkep eh.
Currently Selected:
Jenadik 35: KKT
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.
Jenadik 35
35
Kewarge Yakob umjog ma Bètèl
1Nòm kerek nak Allah nachal ma Yakob, “Sèbyab lah dak jog ma Bètèl, ma tempad Yék ipèrnéh rik Yéh ma hãk nèng-nèng tòp, mase hadèk-dok nòm kelok hãh Èsaw. Gel lah èn anak bok teꞌèl tempad jenamuk untok Yék.” #Jen 28:11-17.
2-3Jadik Yakob nachal ma kewarge eh bok ma kenèmbek sènꞌòy rik mok samak rik nak, “Èk akal èjog nòm doh bok èwèk ma Bètèl. Èn anak yék akal iteꞌèl néy tempad jenamuk untok èmsindol ma Allah. Allah nak hòj natulong ma yék bil mase senusah yéh nèng-nèng tòp, bok ma lok pon yék iwèk Rik Nak selaluk mok samak yék. Jadik puꞌdoh bes lah kenèmbek patong alëj nòm kaum mòy rik mok èn nyob nak. Ma-muh lah esik nyob nak, bok tukar nèglòg nyob supaye nyomjadik méj èn mad Tuhan.” 4Dak umnak pon umꞌog ma Yakob kenèmbek patong alëj bèj-bòj ròb subang gèntòkh#35:4 subang gèntòkh Mok guruk Kitab rik umbèdlod mungkin sènꞌòy Israꞌèl umdapad patong ròb subang nak bil umseyèj barang nòm kote Sikèm hatòp. Jadik mungkin èn subang nak mok gambah alëj bèj-bòj, atòw umlòg subang nak untok musindol ma alëj bèj-bòj umnak. umnak. Dak Yakob nakep kenèmbek barang nak èn kèd jehuk rayak tilok ma kote Sikèm.
5Pas nak Yakob ròb kewarge eh umtekèd umcha-chib. Dak Allah naberèngtukh geb ma kaum mòy rik umgèl-gel èn kote-kote belah nak, sampéy tok umbelamid muserang ma kewarge Yakob nak. 6Dak Yakob ròb kewarge eh umbeleh ma Bètèl èn tèk Kanaꞌan (kote Bètèl nak nèng-nèng tòp kenëh eh Lus). 7Unak lah tempad Allah hòj napèrnéh rik Eh ma Yakob nèng-nèng tòp, bil mase nadèk-dok nòm kelok eh. Sebab nak Yakob natèrjal kenëh pay tempad nak Èl-Bètèl (maksod eh nak “Allah Bètèl”). Dak Yakob nateꞌèl néy tempad jenamuk untok Allah èn anak.
8Dak anak mok néy babok samak Yakob rik bekenëh Dèborah. Rik nak lah kuli babok rik terènbòt bok bejagak manah tòp ma amèk Yakob, Ribkah. Dak puꞌdoh rik nak hòj jajak karõh bok nakebes. Dak umkep eh èn kèd jehuk rayak èn béng kote Bètèl nak. Unak lah sebab eh umdéh jehuk nak Alon Bakut (maksod eh nak “Jehuk Rayak Nèmyam”).
Allah napèrhod namteꞌèl méj ma Yakob
9Jadik gerèk nak lah cherite Yakob: hòj nòm kerek Yakob namak nòm Padan-Aram ma tèk Kanaꞌan, Allah napèrnéh rik Eh wèl ma Yakob dak napèrhod namteꞌèl méj ma rik nak. 10Allah nachal ma rik nak, “Kenëh hãk Yakob, tapik akal tok umkèw-kòw wèl ma hãk Yakob. Puꞌdoh kenëh hãk Israꞌèl.” Dak gerèk nak lah Allah natèrjal kenëh pay Yakob nak Israꞌèl. #Jen 32:28. 11Dak Allah nachal wèl, “Yék lah Allah Rik Paléng Bekuwase. Kènwòt lah kuwòt nyob, supaye waris nyob muchëy ibuk. Waris hãk akal umjadik kaum rik ibuk geb, sampéy umjadik jajéh kaum. Bok nòm waris hãh nak mok akal rik umjadik rajak. #Jen 17:4-8. 12Tèk rik hòj Yék iꞌog ma Abraham ròb Isak doh, Yék iꞌog ma hãk bok ma waris hãh keꞌjèk.” 13Dak hòj sòj nabecharak ma Yakob èn tempad nak, Allah naperak ma rik nak. 14Dak Yakob nabèrted néy batuk berènleng untok nambeleng ma tempad Allah nabecharak ma rik nak. Dak Yakob nasèd òng anggor ma batuk nak, gerèk jenamuk ma Allah. Dak nasèd binyak sayton ma batuk nak keꞌjèk, gerèk tande tempad nak suchi, has untok Allah. #Jen 28:18,19. 15Yakob natèrjal kenëh tempad nak Bètèl (maksod eh nak “Dékh Allah”), sebab èn anak lah Allah hòj nabecharak ma rik nak.
Rahèl nakebes
16Hòj nòm kerek nak, Yakob ròb kewarge eh umperak nòm Bètèl untok mujog ma kote Èpratah. Tapik bil umnak tik èn gagid tèk, tik jerok nòm Èpratah, nalòy lah mase eh Rahèl untok namyos, tapik rik nak susah geb namyos kuwòt eh nak. 17Bil Rahèl nagahmak pènjèd éj eh nak hòj lèlwẽl geb, rik betuhat nak nachal ma rik nak, “Rayak lah hup hãh nak, Rahèl — hòj mok kuwòt babeh hãh wèl!” 18Tapik Rahèl hòj tilok namkèsbes. Dak bil rik nak hòj namtèrsèk henèmhum eh rik sèj-sòj, rik nak natèrjal kenëh kuwòt eh nak Bèn-Oni.#35:18 Bèn-Oni kenëh eh nak bemaksod “Kuwòt babeh rik nalãj nòm derite yéh.” Tapik apak eh nak natèrjal kenëh kuwòt eh nak Bènyamin.#35:18 Bènyamin kenëh eh nak bemaksod “Kuwòt ènlẽng tep yéh.” Maksod eh nak, Yakob naꞌanggap ma kuwòt Rahèl nak paléng penting untok rik nak.
19Jadik Rahèl nakebes, dak umkep eh èn chening nòng ma kote Èpratah (puꞌdoh umkòw kenëh kote nak Bètlehèm). 20Yakob nateꞌèl néy batuk berènleng èn kubor eh nak, dak batuk nak tèk-tik mok èn tempad kubor Rahèl nak sampéy puꞌdoh. 21Nòm kerek nak Israꞌèl nasèrjèkh nèbchib eh samak mèn kewarge eh. Dak hòj umhawul nòm tempad rik bekenëh Migdal-Èdèr, umnak umdèg kémah um dak umgel èn anak.
Kuwòt Israꞌèl
(1 Sej 2:1-2)
22Asòh kewarge Israꞌèl umgel èn tempad nak, Rubèn naselòg ma Bilhah, kuli babok rik apak eh Yakob hòj nababéy nak. Dak Yakob pon nakeyòkh ilok rik kuwòt eh hòj nateꞌèl nak. #Jen 49:4.
Yakob mok nar belas kuwòt bèhbeh eh:
23Doh lah kuwòt Léya: Rubèn (kuwòt Yakob rik mulak long), Simion, Lèwi, Yèhudah, Isakar, ròb Sèbulòn.
24Doh lah kenëh kuwòt Rahèl: Yusop ròb Bènyamin.
25Doh lah kenëh kuwòt Bilhah, kuli Rahèl nak: Dan ròb Naptali.
26Doh lah kuwòt Silpah, kuli Léya nak: Gad ròb Aser.
Kenèmbek kuwòt umnak mèn léh Yakob umyos èn Padan-Aram.
Isak nakebes
27Nòm kerek nak Yakob namak ma apak eh Isak èn Mamré, rik umkòw keꞌjèk Kiryat-Arba (tapik puꞌdoh umkòw tempad nak Hèbròn). Unak lah tempad Abraham ròb Isak wègel nèng-nèng tòp èn tèk kaum mòy. #Jen 13:18. 28-29Isak nagos méj bok jerok umor eh. Dak bil umor eh nalòy 180 tawon, rik nak natèrsèk henèmhum eh rik sèj-sòj bok namèk-mak ma yak dòt bej eh. Dak wèh kuwòt eh, Èsaw ròb Yakob, wèkep eh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.