२ थेसलोनिकिर 2
2
उर्बस बरना ती अगू मन्ना घटना गुट्ठी
1अना भ'इ-बहिनरो, नम्हय उर्बा येसू ख्रिस्तस ही बरना अउर आसिन भेट नना गे ख़ोड़ोरना ही पत्त नू एम निमरिन बिन्ती नन्दम। #१ थेसलोनिकिर ४:१५-१७ 2अगर नेक'उम एक'अम मुन्द कत्था आ बचन आ एक'अम चिठी ती उर्बस ही बरना उल्ला हेद्दे बरचकी र'ई ब'ओर की ब'ओर होले, आद एम्हय ती बरचा ब'आ की निम चाँड़ेम अमके अक्तार'आ अउर अमके पत्त'आ। 3लेकिन निमन नेक'उम हूँ एक'अम खल्ल ती ठक'आ गे मोका अमके चि'आ, एन्देरगेका पहले धर्मेस ही बिड़दो नू कोहाँ हुलहुली मला मन्ना गुटी पाप ही आलस अदिही मने नास मनू आलस मला एथरना गुटी आ उल्ला मल बर'ओ। 4आस हुरमी धर्मेसिन अउर आलर ओहमा नन्जका हुरमी चिज गुट्ठी ही बिड़दो ननोस की तंगन हुरमी ती कोहाँ हिकदन ब'ओस। अउर एनुम धर्मे हिकदन ब'अदस की धर्मेस ही मन्दिर नू र'ओस।#दानि'एलस ११:३६; इजिकि'एलस २८:२
5एन निम्हय गने रहचकन ख़ने, इबड़ा कत्था गुट्ठिन तिंगका रहचकन। एन्दरा निमा गे याद मल्ला? 6अदिही बेड़ा बर'ओ होले आ पाप ही आलस एथर'ओस। लेकिन आसिन अक्कुन गुटी एका कत्था छेकचकी र'ई, अदिन निम अख़दर। 7एन्देरगेका आ पाप ही आलस तंग्हय नलखन भितरी-भितरिम ओरे नन्जस होच्चका र'अदस। लेकिन आसिन एका सवंग छेकचकी र'ई, आ सवंग मला अम्बना गुटी आसिन छेकचकिम र'ओ। 8ताबसिले आ पाप ही आलस एथर'ओस। लेकिन आसिन नम्हय उर्बा येसुस तंग्हय ब'ई ही सास लेके नास ननोस अउर उर्बस ही बरना ही महबा बिल्ली ती आसिन नास ननोस।#यसायाहस ११:४ 9आ पाप ही आलस सैतान ही सवंग ती बर'ओस अउर हुरमी खल्ल ही ठकना चिन्ह गुट्ठी अउर हयकट नलख गुट्ठी ननोस।#मत्तिस २४:२४ 10अउर आस नास मनुरिन हुरमी खल्ल ही मलदव नलख ती ठक'ओस, एन्देरगेका आर बछर'आ गे मानी कत्थन मल इन्जरर अउर चोन्हा मल नन्जर। 11औंगे आर ठकना कत्थन पत्त'आ नेक'आ ब'आ की धर्मेस आर गुसन कोहाँ घुरियू सवंग त'इयोस। 12एन्नेकी मानी कत्थन मल पत्त'उर अउर अधर्म नू खुस मनुर होरमर दन्डे ख़क्खू मना नेक'आ।
पत्त'अना नू बड़ियर र'आ
13लेकिन उर्बस ही चोन्हा भ'इ-बहिनरो, निम्हय खतरी सगरो उल्ला धर्मेसिन धन्नेबाद चि'अम पड़ार'ओ, एन्देरगेका नेम्हा बोलतस नेम्हा नन्जका नलख ती अउर मानी कत्था ही पत्त'अना ती धर्मेस निमरिन ओरेतिम बछरना ही खतरी चज्जका र'अदस। 14इदिही खतरिम एम्हय तिंगका दवसमाचार ती धर्मेस निमन मिख़का र'अदस। नम्हय उर्बा येसू ख्रिस्तस ही महबा निमा गे ख़क्खा नेक'आ ब'आ की आस निमन मिख़का र'अदस। 15औंगे भ'इ-बहिनरो, निम पत्त'अना नू बड़ियर मना की इज'आ, अउर एम्हय ब'ई ती सिखबाचका बचन या एम्हय चिठी ती सिख्रका र'अदर आ कत्था नूम लक्का र'आ।
16अक्कू नम्हय उर्बा येसू ख्रिस्तस अउर धर्मे बबस ने नमन चोन्हा नन्जस की आस ही अनुग्रह ती नमन मला मुन्जरना ही असरा अउर सान्त्वना चिच्चस। 17धर्मेस निम्हय जियन डिढ़ ती निन्द'आ चि'आ नेक'आ अउर निम कच्छनखरका कत्था गुट्ठी नू अउर दव नलख गुट्ठी नू बड़ियर नना नेक'आ।
Currently Selected:
२ थेसलोनिकिर 2: KRUX
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
२ थेसलोनिकिर 2
2
उर्बस बरना ती अगू मन्ना घटना गुट्ठी
1अना भ'इ-बहिनरो, नम्हय उर्बा येसू ख्रिस्तस ही बरना अउर आसिन भेट नना गे ख़ोड़ोरना ही पत्त नू एम निमरिन बिन्ती नन्दम। #१ थेसलोनिकिर ४:१५-१७ 2अगर नेक'उम एक'अम मुन्द कत्था आ बचन आ एक'अम चिठी ती उर्बस ही बरना उल्ला हेद्दे बरचकी र'ई ब'ओर की ब'ओर होले, आद एम्हय ती बरचा ब'आ की निम चाँड़ेम अमके अक्तार'आ अउर अमके पत्त'आ। 3लेकिन निमन नेक'उम हूँ एक'अम खल्ल ती ठक'आ गे मोका अमके चि'आ, एन्देरगेका पहले धर्मेस ही बिड़दो नू कोहाँ हुलहुली मला मन्ना गुटी पाप ही आलस अदिही मने नास मनू आलस मला एथरना गुटी आ उल्ला मल बर'ओ। 4आस हुरमी धर्मेसिन अउर आलर ओहमा नन्जका हुरमी चिज गुट्ठी ही बिड़दो ननोस की तंगन हुरमी ती कोहाँ हिकदन ब'ओस। अउर एनुम धर्मे हिकदन ब'अदस की धर्मेस ही मन्दिर नू र'ओस।#दानि'एलस ११:३६; इजिकि'एलस २८:२
5एन निम्हय गने रहचकन ख़ने, इबड़ा कत्था गुट्ठिन तिंगका रहचकन। एन्दरा निमा गे याद मल्ला? 6अदिही बेड़ा बर'ओ होले आ पाप ही आलस एथर'ओस। लेकिन आसिन अक्कुन गुटी एका कत्था छेकचकी र'ई, अदिन निम अख़दर। 7एन्देरगेका आ पाप ही आलस तंग्हय नलखन भितरी-भितरिम ओरे नन्जस होच्चका र'अदस। लेकिन आसिन एका सवंग छेकचकी र'ई, आ सवंग मला अम्बना गुटी आसिन छेकचकिम र'ओ। 8ताबसिले आ पाप ही आलस एथर'ओस। लेकिन आसिन नम्हय उर्बा येसुस तंग्हय ब'ई ही सास लेके नास ननोस अउर उर्बस ही बरना ही महबा बिल्ली ती आसिन नास ननोस।#यसायाहस ११:४ 9आ पाप ही आलस सैतान ही सवंग ती बर'ओस अउर हुरमी खल्ल ही ठकना चिन्ह गुट्ठी अउर हयकट नलख गुट्ठी ननोस।#मत्तिस २४:२४ 10अउर आस नास मनुरिन हुरमी खल्ल ही मलदव नलख ती ठक'ओस, एन्देरगेका आर बछर'आ गे मानी कत्थन मल इन्जरर अउर चोन्हा मल नन्जर। 11औंगे आर ठकना कत्थन पत्त'आ नेक'आ ब'आ की धर्मेस आर गुसन कोहाँ घुरियू सवंग त'इयोस। 12एन्नेकी मानी कत्थन मल पत्त'उर अउर अधर्म नू खुस मनुर होरमर दन्डे ख़क्खू मना नेक'आ।
पत्त'अना नू बड़ियर र'आ
13लेकिन उर्बस ही चोन्हा भ'इ-बहिनरो, निम्हय खतरी सगरो उल्ला धर्मेसिन धन्नेबाद चि'अम पड़ार'ओ, एन्देरगेका नेम्हा बोलतस नेम्हा नन्जका नलख ती अउर मानी कत्था ही पत्त'अना ती धर्मेस निमरिन ओरेतिम बछरना ही खतरी चज्जका र'अदस। 14इदिही खतरिम एम्हय तिंगका दवसमाचार ती धर्मेस निमन मिख़का र'अदस। नम्हय उर्बा येसू ख्रिस्तस ही महबा निमा गे ख़क्खा नेक'आ ब'आ की आस निमन मिख़का र'अदस। 15औंगे भ'इ-बहिनरो, निम पत्त'अना नू बड़ियर मना की इज'आ, अउर एम्हय ब'ई ती सिखबाचका बचन या एम्हय चिठी ती सिख्रका र'अदर आ कत्था नूम लक्का र'आ।
16अक्कू नम्हय उर्बा येसू ख्रिस्तस अउर धर्मे बबस ने नमन चोन्हा नन्जस की आस ही अनुग्रह ती नमन मला मुन्जरना ही असरा अउर सान्त्वना चिच्चस। 17धर्मेस निम्हय जियन डिढ़ ती निन्द'आ चि'आ नेक'आ अउर निम कच्छनखरका कत्था गुट्ठी नू अउर दव नलख गुट्ठी नू बड़ियर नना नेक'आ।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.