१ थेसलोनिकिर 3
3
1औंगे एम निम्हय ती छिन्डर'आ की र'आ पोल्लकम ख़ने, एम एथेन्स सहर नू तिमोथिस बेगर र'आ गे बिद्दकम।#मुध चेलर १७:१५ 2अउर एम तिमोथिसिन निम्हय हेद्दे त'इय्यकम। आस एम्हय भ'इस ख्रिस्तस ही दवसमाचार मिन्त'ऊ धर्मेस ही सेवक हिकदस। औंगे एम निमरिन पत्त'अना नू बड़ियर अउर डिढ़ नना गे आसिन निम्हय गुसन त'इय्यका र'अदम। 3एम्हय मने इद र'ई का निम मधे ने हूँ बरचका साधरना ही खिलपत गुट्ठी ही करने मला हदियार'आ। एन्देरगेका निम अपनेम अख़दर, एम इदिही खतरिम चाजरका र'अदम। 4एन्देरगेका एकाबिरी एम निम्हय गने रहचकम, ताब निमा गे दुक्खे खेप'अम पड़ार'ओ ब'आ की एम पहलेम बाचका रहचकम अउर एन्नेम मन्जा। अदिन निम हूँ अख़दर। 5ई करने एन और बग्गे उल्ला इज'आ पोल्लकन। औंगे एन निम्हय पत्त'अनन अख़'आ गे तिमोथिसिन त'इका रहचकन। सैतान निमरिन फसाब'ओ की एम्हय नलखन बिगड़ब'ओ का ब'आ की एंगा गे इल्चका लक्की रहचा।
6लेकिन अक्कुन तिमोथिस निम्हय गुस्ते ती एम्हय गुसन बरचस की निम्हय पत्त'अना अउर चोन्हा ही दव कत्थन एमन मेन्ताचस। निम एकसे एमन कोहड़े भेट नना बिद्दका र'अदर अउर सगरो एमरिन सम्झारदर ब'आ की तिमोथिस बाचस। अन्नेम एम हूँ निमरिन कोहड़े भेट नना बेद्दम।#मुध चेलर १८:५ 7औंगे भ'इ-बहिनरो, एम्हय हुरमी दुक्खे अउर खिलपत नू निम्हय पत्त'अना ही पत्त नू मेन्जकम की एम डिढ़ ख़क्खका र'अदम। 8एन्देरगेका निम उर्बस नू बड़ियर मन्जकन मेन्जकम ख़ने, एमा गे पुना जिन्गी ख़क्खका लेखम लग्गिया। 9निम्हय खतरी धर्मेस ही अगू नू एका रिझ ती एम रिझरदम, आ हुरमी रिझ ही खतरी एम निम्हय पत्त नू धर्मेसिन ए बग्गे धन्नेबाद चि'ओम अन्नू हूँ थोरहेम मनो। 10एम तो, निमरिन भेट ननाकिम निम्हय पत्त'अना नू और बड़ियर मना नेक'आ ब'अना उदेस्य ती एम उल्ला-माख़ा सौसे जिया तिम गोहरारदम।
11अक्कू नम्हय धर्मे बबस तानुम अउर उर्बा येसुस एमा गे निम्हय गुसन बरना डहरेन खोल्ला चि'आ नेक'आ। 12एकन्नेकी एम निमरिन चोन्हा नन्दम, अन्नेम उर्बस एक-दोसरर ही अउर होरमा आलर ही मझी नू चोन्हा नन्ना नू कोहड़े परद'आ चि'आ नेक'आ। 13एन्नेकी आस ही होरमा नेम्हा आलर#३:१३ नेम्हा आलर: इद ही मने मेर्ख़ादुतर मनी। गने नम्हय उर्बा येसू ख्रिस्तस बर'ओस होले आस नम्हय धर्मे बबस ही अगू नू निम्हय जियन नेम्हा अउर निर्दोस नना नेक'अन।
Currently Selected:
१ थेसलोनिकिर 3: KRUX
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
