Ekosio 1
1
1 #
1 Ika 4:32. Ekosio loitelekarit ikososinei, ŋes loka Solomon.
2Mere eama kanu ŋesi eoŋ kanueta nuka aitukuke!
Naarai aminakon itelekarit ebino kajokis.
3 #
Eko 6:8; Mat 25:1; 2 Kor 11:2. Eurok sa akinyetakon nukiledis;
Esubit ekonikiror bala akinyet naebukoritai;
Ŋes kiminatatar apesur,
4 #
Yer 31:3; Kos 11:4; Yok 6:44; Pil 3:12; Sab 45:14; Yok 14:2; Pes 2:6. Kiriunai; kikeri isio da kitupit jo:
Kayaŋ au ekabaka toma agolaike.
Kiyalamikini kalakaros kotomakon,
Kitatamenenei aminakon aitelekarit ebino:
Kiminasi jo kadolit.
5Enono eoŋ, konye etemelel,
Yes apesur nuka Yerusalem,
Kwape iweman luka Kedar,
Kwape aigalisio nuka Solomon.
6Sirikisesenete eoŋ, naarai awasar,
Naarai kapeit akoloŋ.
Kesiopakis odwe luka totoka,
Ketaraut akedaran imanikoria luka emusabibu;
Konye mam abu kedar emanikorika loka emusabibu.
7 #
Yok 10:27. Wu jo loemina ekatau, kolimokinai,
Neitadakenenei esipanikon,
Naisiuriakenenea kidiŋ paaran:
Naarai kanukinyo tikaraunor naerimi
Kaneejaas isipanin luka ipaupakon?
8Arai mam ijeni, ijo naitelekarit aŋor kere katemelel,
Koloma kibwap akejen nuka esipanikon loka amerekekin, Kitadak ikaleikon neejaas iweman luka ikeeokok,
9 #
Eko 2:2; 2 Siit 1:16. Wu jo naminataka, ketiriani jo
Kabalasit naka agalin nuka Parao.
10 #
Esk 16:11. Ibusak iitinyokon kaicipeta nuka itim,
Ekonimurisiŋ da kaunoi nuka iboro luka akais nuipu.
11Kiswamakini jo aicipeta nuka esabu
Nueropanakinio kepuesa.
12Nakiboio ekabaka kariri naka emesake,
Kouru sa akakinyet nakesai,
13Lominataka esubit bala eriagi loka emina,
Loenapakinitai kidiŋ kikisinaka.
14Lominataka esubit bala aibuŋet naka aturo nuka koper, Komanikoria luka emusabibu luka En-gedi.
15 #
Eko 4:1. Koany, itemelel, ijo naminataka; koany, itemelel:
Ŋaas kakonye nuka ajele.
16Koany, itemelel, lominataka, eebo, kesiyalamikinit:
Imeloikinit etutiwok.
17Akito nuka etogowok kes iresia,
Nuiriikino da iberosin.
Currently Selected:
Ekosio 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.