Yeremia 1
1
1 #
Yos 21:18. Akiro nuka Yeremia okoku loka Kilikia, lokonabin luajaas Anatot akwap naka Benyamin, 2#2 Pet 1:21; Yer 25:3; 2 Ika 22:3–23:27; 2 Siit 34:8–35:19. Loabuni akirot naka EJAKAIT mamakeŋ kapaarasia nuka Yosia okoku loka Amon, ekabaka loka Yuda, kokaru lokitomonet kauni loka airumuke. 3#Yer 39:2; 52:12; 2 Ika 25:8; 2 Ika 23:36–24:7; 24:18–25:21; 2 Siit 36:5-8,11-21. Kobu da kapaarasia nuka Yekoiakim okoku loka Yosia, ekabaka loka Yuda, kiton osaŋe loka ekaru lokitomonet kalodiop loka Sedekia okoku loka Yosia, ekabaka loka Yuda; kiton neejoreorere luko Yerusalem olap lokikanyet,
4Kosodi kobu akirot naka EJAKAIT mama ajal eoŋ kobala ebe,
5 #
Luk 1:15. “Eriŋa kesuba jo kotoma akoik abu kajen jo,
Ido eriŋa ilomuna kakoik abu ketalau jo:
Kaseu jo araun enabi mama ejaas atekerin.”
6 #
Any 4:10. Kasodi eoŋ atemar atiar, “Wu okwe, EJAKAIT Edeke! Koany, mam apedori einer: naarai arai esapat.” 7#Any 7:1,2; Esk 2:3,4; Mat 28:20; Mk 16:15,16; Mar 22:20; 1 Ika 22:14. Konye kabala EJAKAIT eoŋ ebe,
“Sirikiner ebe, ‘Arai eoŋ esapat:’
Naarai ilosenenei mama ejaas ŋul kere lukejukanari jo, Inerenenei da ŋun kere nukecoranakini joo
8 #
Any 3:12; Ikis 31:6; Asw 26:17. Ebala EJAKAIT ebe:
Sirikikurianar kes:
Naarai ajaenena kajo ayuun jo,”
9 #
Isa 6:7; 51:16. Kosodi EJAKAIT arior akekan kotiroria akaituk; kabala EJAKAIT eoŋ ebe:
“Koany, ebwaik akakiro aitukukon:
10 #
1 Ika 17:1; Yer 25:15; Apu 11:3-6; 2 Kor 10:4. Koany, kadakak jo lolo ayait atekerin ka ajakanuto,
Arutun ka abilibil,
Amudiar, ka atiyaikin;
Aiduk ka aira da,”
11Ido da kobu akirot naka EJAKAIT mama ajai kobala ebe, “Yeremia, ianyu inyo?” Kabala ebe, “Aany ebela loka ekuŋur,” 12#Ikis 32:35. Kosodi EJAKAIT atemar eoŋ atiar, “Iany ejok: naarai edarenenei akakirot aitodolikin.”
13Kobu akirot naka EJAKAIT nakiareit mama ajai kobala ebe, “Ianyu inyo?” Kabala ebe, “Aany amot naekulai; kipuŋuno da kagolitomei.” 14Kosodi EJAKAIT atemar eoŋ atiar, “Ebuni atohis abelun kagolitomei mama ejaas kere luiboienenete kakwap kana. 15#Yer 39:3. Naarai ebala EJAKAIT ebe, Koany, anyarauni atekerin kere nuka ajakanuto nuka agolitomei; epote do, esipokinete kesi ŋinituŋanan ekeicoloŋ loka ajakanut neelomarere orutei luka Yerusalem, asurokin arwatatinike kere airimor, asurokin da ireria kere luka Yuda. 16#Leb 26:15; Yer 4:12; Ikis 28:20. Ido alimori ikatubesia aluikin kes kanuka nukaronokokec kere; naarai kajalata, kisupurunonokis lukisupurununo icedekesio, komaata da aswamisio nuka akaninikec. 17#1 Ika 18:46; Any 3:12. Aso do jo koen aŋabetekon, konyou, kolimok kes kere nukecoranakini jo: sirikiyaloŋoŋ nukee, kenyek eoŋ aisiyaloŋoŋ jo kakonyenekec, 18Naarai koany, ketuluo jo lolo ere loebwaitai, epir da lokasuat, arwatatin nukaisinin, aluikin akwap kere, aluikin ikabakan luka Yuda, aluikin ikapolokoke da, aluikin isasedotinike, ido aluikin ituŋa luka akwap kana. 19#Mar 14:9; Sab 27:1; Rom 8:31. Ejiikinos kesi kajo: konye mam kipikorete: naarai ebala EJAKAIT ebe, Ajaenena eoŋ kajo ayuun jo.”
Currently Selected:
Yeremia 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.