Aswamisio 1
1
1 #
Luk 1:1-4. Abu kewadik eitabo losodit, wu Teopilo, kotoma akiro kere nukegeuni Yesu aswam ka aisisianakin da, 2#Luk 6:13. kiton apaaran naayaŋarere ŋes toma akuj, naadaunitor aicorakin ikiyakia luaseunit kanuka Emoyo Lokalaunan, 3Nakedaunia aiticanio kitodikin kes ejari kanuka nuitogogoŋete nuipu, kitakananakin kes apak naka apaarasia akaisaoŋon, ka ainerenen akiro nuebeito ajakanut naka Edeke. 4#Luk 24:49; Asw 10:41; Yok 15:26. Nakiriamunotor kakes kicorak kinyeis anyoun koYerusalem, konye kidarata aisumunet naka Papa. Kobala ebe, “Ipotu kiirasi ŋun kamakaŋ; 5#Mat 3:11; Mk 1:8; Luk 3:16; Yok 1:33. naarai abu Yokana kibatis kakip, konye yes kibatisao kEmoyo Lokalaunan eriŋa etuboro apaarasia nuipu.”
6 #
Luk 24:21; Asw 3:21. Kosodi naketukokinotor, kiŋita ŋes ebe, “Ejakait, apak na ŋes kereka nainyakakinia Isirael ajakanut?” 7#Mk 13:32. Kotema kes atiar, “Mere nakus ajenun apakio karaida ikar luabu Papa kitemok kapedorike. 8#Mat 28:19; Mk 16:15; Luk 24:47-48. Konye idumunete agogoŋ kedau Emoyo Lokalaunan adoikin yes; iraunete yesi ikakajenak kotoma Yerusalem, ka Yudaya kere, ka Samaria, kiton osaŋe da loka akwap.” 9#Mk 16:19; Luk 24:50-51; Yok 6:62. Kedau einer ŋun, naperoko esesenete, kodakarai, kiteribo edou kakonyenekec, 10#Luk 24:4. Napesesenete noi akuj naalosio ŋesi, koany kobwaata ikiliok iarei aapu kakes enapito lukakwaŋak, 11#Mat 26:64; Luk 21:27; 1 Tim 3:16; Apu 1:7. kobalas ebe, “Yes ikiliok luko Galilaya, kanukinyo ibwoiata kosesenete akuj? Yesu ŋol, loayaŋaar kamakus alosit toma akuj, eboŋuni kopone kaŋope kaŋol loianyuniata ŋes elosi toma akuj.”
12 #
Luk 24:50-53. Kosodete koboŋosi Yerusalem anyoun komoru loenyaritai loka Iseitunin, loeapias ka Yerusalem, alosit bala naka apaaran nakasabato. 13#Mat 10:2-4; Mk 3:16-19; Luk 6:14-16. Nakelomariata kodokasi agola nakokuju, nakiboienenoto; Petero ka Yokana, ka Yakob, ka Anderea, Pilip ka Tomas, Batolomayo ka Matayo, Yakob okoku loka Alipayo, ka Simon Selot, ka Yuda okoku loka Yakob. 14#Asw 2:1; Yok 7:3-5; Mat 13:55. Ŋul kere kinyikokinito ailip ketau ediopet, nepepe kaŋor ka Mariam toto naka Yesu, ka ikeinacan.
15Kapaarasia kaŋun kobwo Petero kokidiŋ kiinacan, (etiai loka ekodet kerai bala akwatat ka akaisaarei) kobala ebe, 16#Sab 41:9.“Iinacan, ibusakinit kodolo nakiwadikatai, nakinerit kolo Emoyo Lokalaunan kaituk naka Daudi, nuka Yuda lokiŋarenikinit ŋul lukikamunete Yesu. 17Naarai kimaritai nepepe kaoni, kodum ekewai kotoma aijaanakin kana. 18#Mat 27:3-8. (Naarai kogwelia etuŋanan ŋol amana keropit loka aronisike; kibiror keŋeso kocila, kolomut amoetenake kere. 19Kojenunos kotuŋa kere luibojete koYerusalem, konyarai amana ŋin kaŋajepakec Akeledama, apolouke ebe Amana naka Aokot.) 20#Sab 69:25; 109:8. Naarai iwadikatai kotoma oitabo loka Isabulin ebe,
‘Kosilior ekere,
Komamuun ituŋanan yeniboie kanen.’
Bobo da ebe, ‘Kirum ece akepolou,’ 21#Yok 15:27. Aso kotoma otuŋa luaupenenas kaoni kapakio kere nukelomanaria Ejakait Yesu kolomununei da mamawok, 22#Mat 3:16; Mk 1:9; 16:19; Luk 3:21; 24:51. ameun kaibatis naka Yokana, kiton apaaran naayaŋarere kamawok alosit toma akuj, ibusakinit ediopet kakesi araun ekajenan loka ajarunike nepepe kaoni.” 23Koseut iarei, Yosep loenyaritai Barasaba, lokerai ekekiror Yusito, ka Matiya. 24#Yok 2:24,25; 6:70. Kilipa, kotemasi atiar, “Ijo Ejakait loijeni itauon luka ituŋa kere, kitodikinai loiseunit ijo kotoma kalu luarei, 25kirum aibois kotoma aijaanakin kana ka aiyakianut na, naebuci Yuda kolot akeibois elopet.” 26#Awa 16:33. Kilamilamata eroet, kobeik eroet Matiya; kimarakinai nepepe kikiyakia itomon kalodiopet.
Currently Selected:
Aswamisio 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.