Yokana 16
16
1 #
Yok 14:29. “Abu kalimok yes akiro nu, kinyeis aitiguikinio, 2#Yok 9:22; Mat 5:11; 24:9; Luk 6:22. Kireŋeanario katukosia; eebo, ebunit esawa loeomitor ŋinituŋanan yenikiari yes ebe iiaanakini Edeke. 3#Yok 15:21. Iswamaete ŋun da naarai mam ejenunito Papa, karaida eoŋ. 4#Luk 22:53; Yok 17:12. Konye abu kalimok yes ŋun tetere naedolio esawakec, kiitunete ebe abu kalimokinite yes.
5 #
Yok 7:33. Mam abu kalimok yes nu ameun kageunet, naarai ajai nepepe kayes. “Konye kwana alosi mama ejai je lokejukunit; emamei edio kayesi lokeŋisi ebe, ‘Ilosi bo ai?’ 6Konye naarai kalimokis yes akiro nu, elelebunos ican otauonokus, 7#Yok 14:16,26. Konye eoŋ kalimokini yes abeit; ejok kamakus arai kalot eoŋ, naarai arai mam alosi mam ebuni Ekayuunan mama ijaas; konye arai alosi ejukuni ŋes mamakus. 8#1 Kor 14:24; Bur 4:12. Kebu ŋol, ilepilepi ŋesi akwapin kanuka aronis ka adolit, ka etube da, 9#Yok 3:18; Rom 1:18. Aronis, naarai mam keyuunito eoŋ; 10#Asw 5:31; Rom 4:25. adolit, naarai alosi mama ejai Papa, mam bobo kianyunete; 11#Yok 12:31; 14:30. ka etube da, naarai adaun lokapolon loka akwapin kanu atubokinio.
12 #
1 Kor 3:1. “Eroko ejaas eoŋ nuipu alimokin yes, konye mam ipedorete atitiŋikin kwana. 13#Yok 14:26; 1 Yok 2:27. Kebu je, Emoyo loka abeit, kiŋarenikini yes kabeit kere; naarai mam inera nuke bon, konye inera kere nuepupuni, kitejenuni da yes akiro nuepote. 14Ketopoloori ŋesi eoŋ, naarai elemuni nueraas nukaŋ kitejenuni yes, 15#Yok 17:10. Nuejaatar Papa kere eraas nukaŋ; kanuka ŋun ŋes abalar ebe elemuni nueraas nukaŋ ka aitejenun yes.
16 #
Yok 14:19. “Apak naedit, mam kianyunete eoŋ; bobo da apak naedit, kianyunete.” 17Kineranakinos ice kokesisiakake atiar, “Anyoika bo nu nuebala ŋesi oni ebe, ‘Apak naedit, mam kianyunete eoŋ, bobo da apak naedit, kianyunete’; ido ebe, ‘Naarai alosi mama ejai Papa’?” 18Kobalas ebe, “Anyoika bo nu nuebala ebe, ‘Apak naedit’? Mam kijeni nuinera.” 19Kojeni Yesu ebe ekotosi aiŋit ŋes; kotema kes atiar, “Nupenu kereka nuiŋitanaros yesi nuabala eoŋ ebe, ‘Apak naedit, mam kianyunete eoŋ, bobo da apak naedit kianyunete’? 20Abeit, abeit, katemari yes atiar, Imonyete yesi, ka aibworo, konye iyalamikinos akwapin; itururwete yesi, konye akusiiturur eraun ailel. 21#Isa 26:17. Naeriebar aberu aidoun eanyuni ican, naarai adolu ekesawa; konye kedau auruun ikoku, mam bobo iituni ariebo ŋin, kanuka ailel! naarai aurii ituŋanan kotoma akwapin, 22#Isa 66:14. Yes da, kwape kwaŋin ianyunete ican kwana, konye eoŋ kaanyuni yes bobo, elelete ikusitauon, emamei yenikidemari akusiilel. 23#Yok 14:13,14,20; 1 Yok 5:14; Mat 7:7; Mk 11:24. Kapaaran kaŋin mam kiŋisete eoŋ adiokirot. Abeit, abeit, katemari yes atiar, Arai kilipa Papa akirot kere kiinakini kokirorika. 24#Yok 15:11. Kiton kwana mam ipotu kilipata akirot kokirorika; kilipa, idumunete tetere itodolikin akusiilel.
25 #
Yok 10:6. “Enera eoŋ ŋun kayes kawaragasia; konye ebunit esawa lomam kinerar bobo kayes kawaragasia, konye kalimokinete kaitebeikin nuka Papa. 26Kapaaran kaŋin ilipete kokirorika; kwabo mam kabala ebe eoŋ kelipakini yes kama ejai Papa; 27#Yok 14:21. naarai Papa elopet kimina yes, naarai kiminasi yesi eoŋ, ido iyuunito ebe abu kabu kama ejai Papa. 28Abu kabu kama ejai Papa, kabu toma akwapin; bobo da enyeini akwapin, alosi mama ejai Papa.”
29 #
Yok 16:25. Kotemasi ikekesisiak atiar, “Kwana do inera kaitebeikin, kwabo mam bobo inera kawaragan. 30#Yok 2:25. Kijeni do kwana ebe ijeni akiro kere, mam bobo ipuda ituŋanan aiŋit jo; kanuka ŋun kiyuunit ebe ibu kobu kama ejai Edeke.” 31Koboŋok Yesu kes ebe, “Aso iyuunito do kwana? 32#Sek 13:7; Mat 26:31,45; Mk 14:27,50; Yok 8:29. Koany, ebunit esawa, eebo, adau adolun, naisiarakinotor ŋolituŋanan oreke, ka ajalakin eoŋ kasilikinit, Konye mam eoŋ kasilikini, naarai ejai Papa keoŋ. 33#Yok 14:27; Rom 5:1; 1 Yok 5:4. Kalimokis yes akiro ŋun tetere ijaunete kainapakin tomakaŋ, Toma akwapin ejaas yes ican; konye kotitiŋikis, epiko eoŋ akwapin.”
Currently Selected:
Yokana 16: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.