YouVersion Logo
Search Icon

Yokana 14

14
1 # Yok 14:27; Mk 11:22. “Sirikiyaloŋoŋoto ikusitauon; kiyuutu Edeke, eoŋ da kiyuunai. 2Togo loka Papaka ejaas aiboisio nuipu; arai mere kwaŋin tikalimokis kereka yes ebe alosi aitemokin yes aibois? 3#Yok 12:26; 17:24. Arai kalot eoŋ aitemokin yes aibois, aboŋuni bobo kesukunyu yes mamakaŋ, tetere neajai eoŋ ijaikinos yesi da nen. 4Ijenete yesi erot loalosi eoŋ,” 5Kotema Tomas atiar, “Ejakait, mam sio kijeni neilosi ijo; kijenuni biai erot?” 6#Bur 10:20; Mat 11:27; Yok 11:25; Rom 5:1,2. Kotema Yesu atiar, “Arai eoŋ erot, ka abeit, ka aijar da; emamei yenebuni mama ejai Papa, dimikito itorit tomakaŋ. 7Arai kiijenete eoŋ, tikijenutu Papaka da; amear kwana ijenete ŋes, ianyut da.”
8Kotema Pilip atiar, “Ejakait, kitodikinai Papa, kidauni.” 9#Yok 12:45; Bur 1:3; Mat 17:17. Kotema Yesu atiar, “Ajai lem eoŋ kayes apak naetia nen kere, mam jo da kijeni eoŋ, Pilip? Yenikaanyunit eoŋ, eanyunit Papa; aso biai bo ibalar ijo ebe, ‘Kitodikinai Papa’? 10#Yok 12:49. Mam kereka jo iyuunit ebe ajai eoŋ toma Papa, Papa da tomakaŋ? Akiro nuabala yes mam enera kanukaŋ bon; konye Papa loiboie tomakaŋ iswamai akeswamisio. 11#Yok 14:20; Yok 10:25,38. Kiyuunai ebe ajai eoŋ toma Papa, Papa da tomakaŋ; arai mere kwaŋin, kiyuunai kanuka aswamisio akulepek.
12 # Mk 16:19,20. “Abeit, abeit, katemari yes atiar, Yenikeyuuni eoŋ, iswamai ŋesi da aswamisio nueswamai eoŋ; iswamai da aswamisio nuitelekarito ŋun, naarai alosi neejai Papa. 13#Yok 15:7; Mk 11:24; 1 Yok 5:14. Akirot kere nailipete kokirorika, eswamai ŋin, tetere itopoloorio Papa kotoma Okoku; 14#Yok 16:23,24. Arai kilipa akirot kere kokirorika, eswamai ŋin,
15 # Yok 15:10; 1 Yok 5:3. “Arai kiminas eoŋ, iricete akaicorakineta. 16#Yok 14:26; 15:26; 16:7; 1 Yok 2:1. Eoŋ da elipi Papa, kiinakini ŋesi yes Ekayuunan ece, tetere ejaenena kayes ikar kere, 17#Yok 7:39; 16:13; Mat 10:20; Rom 8:26. ŋes Emoyo lokabeit, lomam epedorete akwapin adumun; naarai mam eanyunete ŋes karaida ajenun; ijenete yesi ŋes; naarai esalit mamakus, ejaenena da tomakus.
18“Mam kenyeinete yes iraas ikokiok; abuni mama ijaas. 19#Yok 16:16. Apak edit mam kaanyunete bobo akwapin; konye yes kianyunete; naarai ajari eoŋ, yes da ijarete. 20#Yok 17:21-23. Kapaaran kaŋin ijenunete ebe ajai eoŋ toma Papaka, yes da tomakaŋ, eoŋ da tomakus. 21#2 Kor 3:18; 1 Yok 5:3. Ŋin yenejaas kakaicorakineta, koricite da kes, ŋin ŋes kamina eoŋ: ŋin da yenikamina eoŋ, eminuni Papaka, eoŋ da aminuni ŋes ka aitakanikin mamake.” 22#Asw 10:41. Kotema Yuda (mere Isikariot) atiar, “Ejakait, ikwaikini ai ikoto aitakanikin mamakosi, kwabo mere akwapin?” 23#Yok 13:34; 14:21; Awa 8:17; Mat 18:20; 28:20; Pes 3:17; 2 Kor 6:16. Koboŋok Yesu ebe, “Arai kamina ituŋanan, erici da akakirot, eminuni Papaka, sio da kiponi mamakeŋ kitarauni ŋes ekosire. 24#Yok 7:16; 1 Yok 2:5. Ŋin yenimam kamina eoŋ, mam erici akakiro; akirot da naiirarete mam erai nakaŋ dimarai naka Papa lokejukuni.
25“Kalimokis yes akiro ŋun, naariŋar ajai kayes. 26#Yok 14:16; Mat 10:19. Konye Ekayuunan, ŋes Emoyo Lokalaunan, loijukuni Papa kokirorika, kisisianakini ŋol yes akiro kere, kisiituni da kere nukalimokinit yes. 27#Yok 1:16,33; Pil 4:7. Kenyeiniata ainapakin; kainak yes akainapakin; mere kwape einakiniata akwapin, kainakinia eoŋ yes. Sirikiyaloŋoŋoto ikusitauon, kinyeis da akurian. 28#Yok 14:3,6,18; Luk 24:52. Ipuput eoŋ abala ebe, Alosi eoŋ, abuni da bobo mama ijaas. Arai kiiminasi eoŋ, tikilakaros, naarai alosi mama ejai Papa; naarai Papa ŋes lokapolon adepar eoŋ. 29#Yok 13:19. Kwana da kalimok yes eriŋa edoluno, tetere naedolunio, kiyuut. 30#Yok 12:31; Pes 2:2. Mam bobo kinera kayes akiro nuipu, naarai ebunit ekapolon loka akwapin kanu. Konye emamei ŋes adiokirot kotomakaŋ; 31#Yok 10:18; Mat 26:46; Mk 14:42. konye eswamai eoŋ kwape kecorakinitor Papa, tetere ejenunete akwapin ebe amina eoŋ Papa. Konyoutu do, kaloto kane.

Currently Selected:

Yokana 14: AOV1961

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy