2 Samuel 1
1
1 #
1 Sam 11:11; 30:17,26; 1 Ika 20:29,30. Kosodi kanen kedau Saul atwanare, keboŋu Daudi kaiar Imalekain, kodaunite da Daudi apaarasia aarei koSikilag; 2#2 Sam 4:10; Age 37:29; 44:13; Mar 14:6; Yos 7:6; 1 Sam 4:12; Yob 1:20; Asw 14:14. Kosodi kanen kapaaran nakiwuniet, koany, kobu etuŋanan koidukurun kama ejai Saul kocilicilite ikenapen, kojukite alupot da akouke; kosodi kedol mama ejai Daudi, kisuded, kiyoga. 3Kobala Daudi ŋes ebe, “Laali bo kibunio?” Kotema atiar, “Akui koidukurun luka Isirael.” 4#1 Sam 4:16. Kobala Daudi ŋes ebe, “Ekote bo ai? Keŋaiŋait kolimokinai.” Koboŋok ebe, “Akera ituŋa kojie, ido ebiroros ituŋa luipu atwaka; Saul ka okokuke Yonatan atwaka kesi da.” 5Kobala Daudi etelepat lokelimokini ŋes ebe, “Kijenuni biai ebe atwana Saul ka okokuke Yonatan?” 6#1 Sam 31:1-6; 1 Siit 10:1-6. Kotema etelepat lokelimokini ŋes atiar, “Napajaar eoŋ moru Giliboa, koany, kogoŋakin Saul akwarake; ido koany, agalin ka luibwanenito kituburuunitos. 7Kosodi keŋolia kau, kaany eoŋ, kanyara. Kaboŋok ebe, “Eoŋ lo.’ 8Katemaeoŋ atiar, ‘Iŋai bo ijo?’ Kaboŋok ŋes ebe, “Eoŋ Emalekait.’ 9Katema eoŋ atiar, ‘Keŋaiŋait, kobwo kosiepika, koar eoŋ, naarai kerumut iean; naarai akaijar eroko ejari kotomakaŋ.’ 10#Tub 9:54. Kasodi aibwo kosiepike, kaar ŋes, naarai abu kajen cut ebe mam epedori araut ekajaran kedau aibirokin kwap; kayaŋa aboko naajai akouke, ka aisinit naajai akanike, ido ayaunit mama ejai ekajakait.”
11 #
Yos 7:6; 2 Sam 3:31; 13:31; 2 Siit 34:27; Esr 9:3; Yok 2:13. Kosodi kitiŋ Daudi ikenapen kocil; kiswamata da kwape kwaŋin ituŋa kere lukejaas kaŋes. 12Kibworoto, komonyata akiyo, koluŋata aitiwar akwap, kanuka Saul, kanuka Yonatan da okokuke, kanuka ituŋa luka EJAKAIT, kanuka ekek da loka Isirael; naarai ebiroros kekileŋ, 13Kobala Daudi etelepat lokelimokini ŋes ebe, “Lokai bo ijo?” Koboŋok ebe, “Arai eoŋ okoku loka emoit, Emalekait.” 14#Mar 12:8; 1 Sam 24:6; Sab 105:15. Kobala Daudi ŋes ebe, “Kanukinyo mam kiyoŋia arior akonikan amudiar ŋol loinyonyoikinit EJAKAIT akinyet?” 15#Tub 8:20; 1 Sam 22:17,18; 2 Sam 4:10; 1 Ika 2:25,34,46. Konyarau Daudi ediopet kotelepai, kolimok atiar, “Kikunyak, kosomakin.” Kicum ŋes kotwana. 16#1 Sam 26:9; 1 Ika 2:32; Luk 19:22. Kobala Daudi ŋes ebe, “Akoniwokot kobeata akoukon; naarai akoniituk ŋes akajenan kamakon inera atiar, ‘Aar ŋol loinyonyoikinit EJAKAIT akinyet.’’’
17Kosodi kokuudian Daudi Saul ka Yonatan okokuke akuudian na: 18#Yos 10:13. Kicorak aisisianakin idwe luka Yuda ekosio loka akabwa: koany, kiwadikatai oitabo loka Yasar. Kobala ebe:
19“Aibusesukon, WU okwe Isirael, aari kaiboisiokon nuiceleleete!
Wu okwe ebiroros itikirigin!
20 #
Tub 16:23; 1 Sam 31:9; Mik 1:10; Any 15:20; Tub 11:34; 1 Sam 18:6; 31:4. Sirikilimonokis koGat,
Sirikisiarakis orotin luka Asukelon;
Kinyeis adwe nuka Ipilisitian aiyalama,
Kinyeis adwe nuka kalumam ekepitai ailel.
21 #
Tub 5:23; Yob 3:3,4; Yer 20:14; 1 Sam 10:1. Yes iroŋan luka Giliboa,
Kinyeis akopyo karaida akiru ajaut kokujukus,
Karaida imanikoria luka kaluiinakina;
Naarai ŋina acakakinio kileic ebuku loka itikirigin,
Ebuku loka Saul bala lomam enyonyoikinitai akinyet.
22 #
1 Sam 18:4. Kaokot nuka ŋul kalukearia,
Kasiepa da nuka itikirigin,
Akabwa naka Yonatan mam aboŋunenei kau,
Ka ekileŋ loka Saul da mam aboŋunenei atitai.
23 #
Tub 14:18. Saul ka Yonatan araas lukajokak ido luitalakaarito kaijarakec;
Mam aponi kotiakai katwanarekec;
Atiroko aitelekarit imorukaalen,
Agogoŋ aitelekarit iŋatunyo.
24Yes adwe nuka Isirael, kibworoto Saul,
Lokitanapi yes lukareŋak lukaitojoka,
Lokisiri ikusinapen kesabu.
25Wu okwe ebiroros itikirigin
Kokidiŋ ojie!
Aari Yonatan kaiboisiokon nuiceleleete.
26 #
1 Sam 18:1,3; 19:2; 20:17. Eturur kanukon, onaceka Yonatan;
Ibu kitalakaanari eoŋ noi noi;
Akonomin mamakaŋ arai nakaumokin,
Adepar amin naka aŋor.
27Wu okwe ebiroros itikirigin,
Amudiaros da lujiis luka ajore!”
Currently Selected:
2 Samuel 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.