2 Samuel 9
9
1 #
1 Sam 20:15-17; 18:3; Awa 27:10. Kotema Daudi atiar, “Ejai idio yenideuna yenikokek loka Saul, ketodik ŋes asianut kanuka Yonatan?” 2#2 Sam 16:1; 19:17. Kejai ekejaanakinan kotogo loka Saul ekekiror Siba, konyaraunai mama ejai Daudi; kotema ekabaka ŋes atiar, “Irai ijo Siba?” Kotema atiar, “Ŋes ekonikejaanakinan.” 3#2 Sam 4:4; Ikis 10:15; 1 Sam 20:14; Mat 5:44,45; Luk 6:36; Tit 3:3,4. Kotema ekabaka atiar, “Eriŋa ejai idio yenideuna yenikokek loka Saul, ketodik ŋes asianut naka Edeke?” Kotema Siba ekabaka atiar, “Ejai okoku loka Yonatan, loeŋwalito akejeke.” 4#2 Sam 17:27. Kotema ekabaka ŋes atiar, “Ai bo ejai ŋesi?” Kotema Siba ekabaka atiar, “Koany, ejai togo loka Makir okoku loka Amiel, koLo-debar.” 5Kosodi ekabaka Daudi aijukar, koomai ŋes kotogo loka Makir okoku loka Amiel, koLo-debar. 6Kobu Mepiboset, okoku loka Yonatan, okoku loka Saul, mama ejai Daudi, kibirokin ebuburia, kisuded. Kotema Daudi atiar, “Mepiboset,” Koboŋok ebe, “Koany ekejaanakinanikon!” 7#Age 43:18,23; 50:21; 1 Sam 12:19-24; Yer 52:33. Kotema Daudi ŋes atiar, “Sirikuriana: naarai abeit ketodik eoŋ jo asianut kanuka Yonatan papakon, kenyakakini jo alup kere nuka Saul papaakon; inyamenenei ijo atap komesaka tiritir.” 8#1 Sam 24:14; 2 Sam 16:9. Kisuded, kotema atiar, “Inyo bo ekonikejaanakinan, ijo asesen ekiŋok lokatwan kwape keoŋ?”
9 #
2 Sam 16:4; 19:29; Isa 32:8. Kosodi ekabaka anyaraun Siba ekejaanakinan loka Saul, kotema ŋes atiar, “Ainak okoku loka ejakaitikon kere lukolo araas luka Saul ka etogoke kere. 10#2 Sam 19:17. Ikorionokini ŋes alup, ijo ka odwekon, ka ikejaanakinakakon; iinununei iraan, tetere edumuni okoku loka ejakaitikon atap naenyami: konye enyamenenei Mepiboset okoku loka ejakaitikon atap komesaka duc.” Ajaas Siba odwe itomon ka lukany, ka ikejaanakinak akaisaarei. 11#2 Sam 16:1-4; 19:24-30; Awa 12:17. Kosodi Siba atemar ekabaka atiar, “Kwape ejaatar kere nueeorakini ekajakait ekabaka ekejaanakinanike, iswamai ekejaanakinanikon kwaŋin.” Kobala ekabaka ebe, “Konye Mepiboset, enyamenenei ŋesi komesaka, kwape ediopet kodwe luka ekabaka.” 12#1 Siit 8:34. Kejai Mepiboset okoku losapat, ekekiror Mika. Kere lueboienenete kotogo loka Siba araas ikejaanakinak luka Mepiboset. 13#2 Sam 19:33,36; 2 Ika 25:29; Yer 52:33,34. Kwaŋin kiboienenei Mepiboset ko Yerusalem; naarai konyamenenei duc komesa loka ekabaka; eŋwalito akejeke kere.
Currently Selected:
2 Samuel 9: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
