2 Samuel 8

1 # 2 Sam 7:9; 21:15-22; 1 Siit 18:1. Kosodi kanen akaulo kanuŋ, kodany Daudi Ipilisitian, kipiko kes: koyaŋa Daudi aitiŋet kore lokapolon kakan naka Ipilisitian. 2#Mar 24:17; 1 Sam 14:47; Sab 60:8; 72:10. Kodany Moab, kitirian kaitemis, kiteperik kes kwap; kitirian ikokoron iarei aario, ido kitajar ekokoro ediopet, Koraut Imoabin ikejaanakinak luka Daudi, koyaut ainakineta.

3 # 2 Sam 10:6; Age 15:18. Kitoji da Daudi Kadadeser okoku loka Rekob, ekabaka loka Soba, nakelosio ainyakun ayaiteke kOcor. 4Kolema Daudi kamake ikebwanenok elukumit ka akwat akanykaarei, ka lualosete kakeje ilukumin akaisaarei: kitwaŋal Daudi ibalasin kere luka agalin, konye kiŋadak kakes akwatat. 5Kepotu Isurian luka Damasiko aisigalikin Kadadeser ekabaka loka Soba, kodany Daudi Isurian ilukumin akaisaarei ka luarei. 6Kosodi Daudi aibwaikin atukon nuka iserikalen Suria loka Damasiko: koraut Isurian ikejaanakinak luka Daudi, koyaut ainakineta. Koinak EJAKAIT Daudi aipikor kama kelosenenei kere. 7Koŋat Daudi ibukui luka esabu luajaas kikejaanakinak luka Kadadeser, koyau kes Yerusalem, 8Koŋat Daudi aisinit naepol noi koBeta ka Berotai, ireria luka Kadadeser.

9Kepupu Toi ekabaka loka Kamat ebe adany Daudi ajore kere naka Kadadeser, 10Kosodi Toi aijukar Yoram okokuke mama ejai ekabaka Daudi ayogan ŋes, ailipakin ŋes arereŋ, naarai etijiit Kadadeser, adany da; naarai abu Kadadeser kitijiite Toi. Koina Yoram iboro luka epuesa ka iboro luka esabu, ka iboro luka aisinit. 11#1 Ika 7:51; 1 Siit 18:11; 22:14-16; Mik 4:13; Apu 21:24. Ŋul da abu Daudi kotiakak EJAKAIT, nepepe kepuesa ka esabu luatiakenenei luka atekerin kere nuepikori. 12Luka Suria, ka luka Moab, ka luka idwe luka Amon, ka luka Ipilisitian, ka luka Amalek, ka luŋatuna luka Kadadeser, okoku loka Rekob, ekabaka loka Soba.

13 # Sab 60:1; 2 Ika 14:7. Kodum Daudi ekiror nakeboŋunia kaidany Isurian kAditot naka Abalaŋ, kes ituŋa ilukumin itomon ka lukanykauni. 14#Age 27:29; Mar 24:18; Sab 37:28; 121:8; 145:20. Kibwaik atukon nuka iserikalen Edom; kibwaik atukon nuka iserikalen anatar Edom kere, koraut Idomein ikejaanakinak luka Daudi. Koinak EJAKAIT Daudi aipikor kama kelosenenei kere.

15Kirum Daudi Isirael kere; kitodolenenei Daudi itubesia ka nuetenito kotuŋake kere. 16#2 Sam 19:13; 1 Ika 4:3. Kopolokinite Yoab okoku loka Seruia ajore; kerai Yekosapat okoku loka Akilud ekesiitonokinan: 17#1 Siit 24:3. Sadok okoku loka Akitub, ka Akimelek okoku loka Abiatar kes keraas isasedotin; kerai Seraia ekalani; 18#1 Siit 18:17; 1 Sam 30:14. Kopolokinite Benaia okoku loka Yekoiada Ikeretin ka Ipeletin; keraas odwe luka Daudi isasedotin.

Currently Selected:

2 Samuel 8: AOV1961

Highlight

Copy

Compare