2 Samuel 6

1Kotukonok bobo Daudi ituŋa kere luseuna luka Isirael, ilukumin akaisauni. 2#Any 25:22; 1 Siit 13:5; 1 Sam 4:4; Sab 80:1. Konyou Daudi, kolot nepepe kituŋa kere luajaas kaŋes, anyoun koBaale-Yuda, ayaun kanen asaduku naka Edeke, naenyaritai Ekiror, ŋes ekiror loka EJAKAIT loka ajoresio loiboikin okerubin. 3#1 Sam 7:1-2; Mar 7:9. Kibwaikis asaduku naka Edeke agali nakitetet, kitolomut kotogo loka Abinadab loajai oukot: kireŋeata odwe luka Abinadab Usa ka Akio agali ŋin nakitetet. 4Kitolomut kotogo loka Abinadab loajai oukot kasaduku naka Edeke: kiŋarenik Akio asaduku. 5Koram Daudi ka ekek kere loka Isirael iponesio kere luka lueruos lueswamatai kakito, ka adeudeun, ka isabulin, ka isiman, ka ikacwi, ka aisinin nueruosi kakonyen nuka EJAKAIT.

6 # Mar 4:15. Nakedolioto kesi opejal loka Nakon, korio Usa akekan neejai asaduku naka Edeke, kikam ŋes; naarai apotu kiguikis imoŋin. 7#1 Sam 6:19. Kinep anyunyura naka EJAKAIT aluikin Usa; kinom Edeke ŋes kanuka aibucareteke; kotwanik nen eiduny kasaduku naka Edeke. 8Kokadak Daudi, naarai acil EJAKAIT Usa: komaik aibois ŋin Peres-Usa,#6:8 Peres-Usa Apolouke Acil naka Usa. kiton lolo. 9#Mar 17:12,13; 1 Sam 5:10,11; Sab 119:120; Luk 5:8. Kokurianar Daudi EJAKAIT kapaaran kaŋin; kotema atiar, “Ikonakini ai asaduku naka EJAKAIT ebuni mama ajai?” 10Koŋer Daudi alemar asaduku naka EJAKAIT ayaun ore loka Daudi; konye kodaka Daudi ŋes awai togo loka Obed-edom Egitit. 11#1 Siit 26:4-5; Age 30:27; 39:5; Awa 3:9,10; Isa 61:9. Kosalak asaduku naka EJAKAIT togo loka Obed-edom Egitit ilapio iuni: kisirereŋ EJAKAIT Obed-edom ka eketogo kere.

12Kolimokinai ekabaka Daudi ebe, “Esirereŋ EJAKAIT etogo loka Obededom, ka lukejaatar kaŋes kere, kanuka asaduku naka Edeke.” Kolot Daudi koyau asaduku naka Edeke kotogo loka Obed-edom kitoloma ore loka Daudi kaiyalama. 13#Mar 4:15; Yos 3:3; 1 Siit 15:2,15; 1 Ika 8:5; 2 Siit 5:6. Kojaun kwanata ebe, nakelosioto ŋul luadakete asaduku naka EJAKAIT ailameta akanykape, koinak emoŋ ka yenikasiepai. 14#Any 15:20; Tub 11:34; 21:21; Sab 30:11; 1 Sam 2:18; 1 Siit 15:27. Kikosi Daudi kakonyen nuka EJAKAIT kagogoŋuke kere; konap Daudi epod loka ebaputa. 15Kwaŋin koyau Daudi ka ekek kere loka Isirael asaduku naka EJAKAIT, keibwoŋ, ka eporoto loka arupepe.

16Kojaun kwanata ebe, kelom asaduku naka EJAKAIT ore loka Daudi, koŋolia Mikal akoku naka Saul kadirisa, koany ekabaka Daudi esomanari ikosie kakonyen nuka EJAKAIT; komwan ŋes kotauke. 17#1 Siit 15:1; Sab 132:8; 1 Ika 8:5. Kitolomut asaduku naka EJAKAIT, kibwaikis aiboisike, kidiŋ owema loebubukinit Daudi kanukeŋ: koinak Daudi ainakineta nuicweio ka ainakineta nuka ainapakin kakonyen nuka EJAKAIT. 18Kedau Daudi ainakin ainakinet naicweio ka ainakineta nuka ainapakin, kilipak ituŋa arereŋ kokiror loka EJAKAIT loka ajoresio, 19#1 Siit 16:43. Kokorak ituŋa kere, ŋes ekodet kere loka Isirael, ikiliok ka aŋor da, ŋinituŋanan emugati ka aturosit naka akiriŋ, ka aluŋuret naka imusabibun luaokito. Kwaŋin koloto ituŋa kere ŋinituŋanan togoke.

20 # Lim 7:16; Isa 59:15; 1 Sam 19:24; Tub 9:4. Kosodi Daudi aboŋor ailipakin lukokaleke arereŋ, Kolom Mikal akoku naka Saul airiamakin kaŋes, kotema atiar, “Ibus ca lolo ekabaka loka Isirael, loetodiar lolo kakonyen nuka akejaanakinak nuka ikejaanakinakake, kwape itodiaror ediopet kotuŋa luutai komam ileicikinit!” 21#1 Sam 13:14; 15:28. Kotema Daudi Mikal atiar, “Ajai akonyen nuka EJAKAIT, lokaseuni eoŋ aitelekar papakon, ka ekekike kere, adakakin eoŋ araun ekapolon ayait ituŋa luka EJAKAIT, ayait Isirael, ŋes ekosioo eoŋ akonyen nuka EJAKAIT. 22Ido eyatakini bobo araun lomam kayoŋitai, loasilior kakonyeneka; konye kayoŋete eoŋ akejaanakinak ŋun nuilimit ijo.” 23#1 Sam 15:35; Isa 22:14. Amamei Mikal akoku naka Saul ikoku kiton apaaran naatwania.

Currently Selected:

2 Samuel 6: AOV1961

Highlight

Copy

Compare