पेरेरित 4
4
बर्कि पन्चायतक अगाम पत्रुस आ युहन्ना
1पत्रुस आ युहन्ना मानुकसिसङ बज्ति-बज्ति पुजारिसब, मन्दिरक देख्भाल कर्लाहार सिपाहिसिक कप्तान आ सदुकि दलक मानुकसब ओइलग एले। 2अनि ओकर्स्या पिटस खम-खम भेले किरकि पत्रुस आ युहन्नाले येसुक उदाहरन दैक मोर्ल मानुकसब पनि ओनाहिमे जिउँत हेतो कहिक पर्चार कर्ति छले। 3ओहेस ओकर्स्या पत्रुस आ युहन्नाका पक्रिक रातभोरि जेलम राखल्के किरकि उजुमा साँझ् परिसक्ल छले। 4तर पत्रुस आ युहन्नाक बात सुन्लाहार थुप्रे मानुकस्या प्रभुका बिस्वास करल्के। अनि बिस्वास कर्लाहार मानुकसब लग्भग पाँच हजार भेले।
5ओक्र दस्रो दिन् मुल पुजारि, धर्मगुरु आ अरु अगुवासब यरुसलेमम धेर्याइले। 6ओइलग सभेस बर्कि पुजारि हन्नास अनि कैयाफा, युहन्ना, अलेक्जेन्डर आ ओक्र परिबारक अरु मानुकसब पनि छले। 7ओकर्स्या पत्रुस आ युहन्नाका सभेक बिचम ठेर्याब लगाइक एनामे पुछल्के, “तोर्स्या कुन सक्तिस आ कक्र नामम यि नेङ्राका अस्लि कर्ल स्या?”
8तब पबित्र आत्मास भोरिक पत्रुसले ओकर्सिका एनामे कहल्के, “ए मानुकसिक सासक आ अगुवासब, 9आजु हमर्स्या यि नेङ्राका दया करिक अस्लि कर्ले कारनस तोर्स्या हमर्सिका अइलग ठेर्याइब लगाइल रहब आ यि मानुक केनामे अस्लि भेलो कहिक साँच्चेक जान चाहाछ त, 10तोर्सिका आ इस्राएलक सभे मानुकसिका यि थाहा हउस कि तोर्सिक अगाम ठेर्याइल यि मानुक नासरतक येसुक नामम अस्लि भेल स्यो, जक्रा तोर्स्या कुरुसम लट्काइक मार्ल। तर पर्मेसोरले ओक्रा फेरि जिउँत करल्को। 11धर्मसास्तरम पनि येसुक बारेम एनामे निख्ल छो,
‘जुन पाखनका मिस्तिरिस्या काम नाइ छो कहिक फेक्ल छलो,
ओहे पाखन घर बनाइत खुमा जगक मुल पाखन बन्लो।’#भजन ११८:२२
12येसु बाहेक अरु कुन्हुँले मुक्ति दिअ नाइ सक्तो किरकि आपन्स्या मुक्ति पाब लागि यि सन्सारम मानुकसिका दस्रो नामे नाइ छो देल।”
13जब ओकर्स्या पत्रुस आ युहन्नाक साहास देखल्के अनि एकर्स्या त कम पह्र्ल आ साधारन मानुकसब स्यो कहिक थाहा पाइल्के त ओकर्स्या सभे जना छक पर्ले। अनि ओकर्स्या पत्रुस आ युहन्ना येसुसङि रहोक कहिक पनि थाहा पाइल्के। 14तर अस्लि भेल नेङ्रा मानुक पत्रुस आ युहन्नासङ ठेर्याइल देखिक ओकर्स्या कथ्यो बज नाइ सकल्के। 15ओहेस ओकर्स्या पत्रुस आ युहन्नाका बर्कि पन्चायतस बाहार निकालिक एनामे सल्लाहा कर लग्ले, 16“आब् आपस्या एकर्सिका कथि कर्ब? किरकि एकर्सिक मार्फत साँच्चेक एगो अचम्मक काम भेल छो। यि बात यरुसलेमक सभे मानुकस्या थाहा पाइसक्ल छो, जुन बातका आपन्स्या इन्कार कर नाइ सक्ब। 17तर यि बात अरु मानुकसिक बिचम आरो नाइ फैलुस कहिक आब् यि नामक बारेम कक्रोसङ नाइ बज्ह्य कहिक एकर्सिका चेताबनि दिउँ।”
18ओहेस ओकर्स्या पत्रुस आ युहन्नाका भित्रि बलाइक “आजुस येसुक बारेम कथ्यो नाइ बज्ह्य आ कक्राहु नाइ सिखाह्य” कहिक करा आग्या देल्के। 19तर पत्रुस आ युहन्नाले ओकर्सिका एनामे जबाफ देल्के, “तोर्स्या आप्नि बिचार कर्, पर्मेसोरक नजरम कुन ठिक स्यो? तोर्सिक बात मान कि पर्मेसोरले कहल बात मान? 20किरकि हमर्स्या देख्ल आ सुन्ल बातसब अरुका बिना कहिक चुप-चाप रह नाइ सक्बो।” 21पछास ओकर्स्या सजाए देल्हार कथ्यो कारन नाइ पाइक पत्रुस आ युहन्नाका धम्काइक छोरि देल्के किरकि ओइलग जुन अचम्मक काम भेल छले, उ घट्नाका देखिक सभे मानुकस्या पर्मेसोरक पर्संसा कर्ति छले। 22जुन नेङ्रा मानुक अस्लि भेल छले, ओक्र उमेर चालिस बरिसस बेसि छले।
बिस्वासिसिक पर्थना
23ओइलगस छुट्ति बितिन पत्रुस आ युहन्ना आप्न सङ्सिलग गेले। अनि मुल पुजारि आ धर्मगुरुस्या कहल बात ओकर्सिका सुनाइल्के। 24यि बात सुनिक ओकर्स्या सभे जनाले एके मन भइक पर्मेसोरसङ एनामे पर्थना कर लग्ले, “हे सर्बसक्तिमान प्रभु, तुहिं सोर्ग, पिर्थिबि, समुन्द्र आ ओइम भेल सभे चिजका बनाइल स्या।#प्रस्थान २०:११; नहेम्याह ९:६; भजन १४६:६ 25अनि तुहिं पबित्र आत्माक मार्फत हमर्सिक पुर्खा दाउदक मुहस एनामे कहल स्या,
‘दस्रो जातक मानुकसब किर पिटस खम-खम हब्छो,
आ मानुकस्या किर खराब योजना बनाइ छो?#भजन २:१-२
26अनि परमप्रभु आ ओक्र खिरिस्टक बिरोधम
पिर्थिबिक रजासब
आ सासकसब एकजुत भइक धेर्याइल छो।’
27साँच्चेक तोर अभिसेक कर्ल तोर पबित्र सेबक येसुक बिरोधम हेरोद आ पन्तियस पिलातस दुनु जना इस्राएलि आ दस्रो जातक मानुकसिसङ एहे सहरम धेर्याइल छलो।#लुका २३:७-११; मत्ति २७:१-२; मर्कुस १५:१; लुका २३:१; युहन्ना १८:२८-२९ 28तर ओकर्स्या ओहे मत्रे करल्को, जुन योजना तुइं अगाहि आप्न सक्ति आ इच्छा अन्सार बनाइल छल। 29ओहेस हे प्रभु, आब् तुइं ओकर्सिक धम्किका ध्यान धि आ तोर बचन बिना डेराइक सुनाब लागि आप्न सेबकसिका सक्ति दे। 30अनि तोर पबित्र सेबक येसुक नामम रोगिसिका अस्लि कर्लाहार आ अचम्मक काम अनि चिनहसब देखाइलाहार सक्ति दे।”
31जब ओकर्स्या पर्थना करि सकल्के त ओकर्स्या धेर्याइल ठाउँ हिल्ले। अनि ओकर्स्या सभे जना पबित्र आत्मास भोरिक बिना डेराइक पर्मेसोरक बचन सुनाब लग्ले।
बिस्वासिसिक सभे सम्पति सझ्या
32प्रभुका बिस्वास कर्लाहार सभे जना एके मन आ एके आत्माक भेल छले। ओहेस ओकर्सिभोरि कुन्हुँ न आप्न सम्पतिका यि हम्र सम्पति स्यो कहिक नाइ कहेक। तर ओकर्सिसङ भेल सभे चिज सभे जनाले सझ्या मानेक।#पेरेरित २:४४-४५ 33पेरेरितस्या एक्दम जोसिलो भइक प्रभु येसु फेरि जिउँत भेल बातक गबाहि दिएक। अनि ओकर्सिक उप्रिम पर्मेसोरक बर्कि किर्पा छले। 34ओकर्सिभोरि कक्राहु कथ्यो चिजक खाँचो नाइ परेक किरकि जतेक जना जग्गा-जमिन आ घरक मालिक छले, ओकर्स्या उ बेचिक ओक्र ढेवा पेरेरितसिका आनिक दिएक। 35अनि पेरेरितस्या चाहिं जक्रा जे चिजक खाँचो परेक ओहे अन्सार बाँटि दिएक।
36एक जना साइपरस टापुक लेबि कुलक योसेफ कहलाहार मानुक छले। ओक्रा पेरेरितस्या बर्नबास कहिक ना राखि देल छले, जक्र मत्लब हौसलाक बेटा स्यो। 37ओहोले आप्न खेत बेचल्के आ सभे ढेवा आनिक पेरेरितसिका देल्के।
Currently Selected:
पेरेरित 4: DANU
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
पेरेरित 4
4
बर्कि पन्चायतक अगाम पत्रुस आ युहन्ना
1पत्रुस आ युहन्ना मानुकसिसङ बज्ति-बज्ति पुजारिसब, मन्दिरक देख्भाल कर्लाहार सिपाहिसिक कप्तान आ सदुकि दलक मानुकसब ओइलग एले। 2अनि ओकर्स्या पिटस खम-खम भेले किरकि पत्रुस आ युहन्नाले येसुक उदाहरन दैक मोर्ल मानुकसब पनि ओनाहिमे जिउँत हेतो कहिक पर्चार कर्ति छले। 3ओहेस ओकर्स्या पत्रुस आ युहन्नाका पक्रिक रातभोरि जेलम राखल्के किरकि उजुमा साँझ् परिसक्ल छले। 4तर पत्रुस आ युहन्नाक बात सुन्लाहार थुप्रे मानुकस्या प्रभुका बिस्वास करल्के। अनि बिस्वास कर्लाहार मानुकसब लग्भग पाँच हजार भेले।
5ओक्र दस्रो दिन् मुल पुजारि, धर्मगुरु आ अरु अगुवासब यरुसलेमम धेर्याइले। 6ओइलग सभेस बर्कि पुजारि हन्नास अनि कैयाफा, युहन्ना, अलेक्जेन्डर आ ओक्र परिबारक अरु मानुकसब पनि छले। 7ओकर्स्या पत्रुस आ युहन्नाका सभेक बिचम ठेर्याब लगाइक एनामे पुछल्के, “तोर्स्या कुन सक्तिस आ कक्र नामम यि नेङ्राका अस्लि कर्ल स्या?”
8तब पबित्र आत्मास भोरिक पत्रुसले ओकर्सिका एनामे कहल्के, “ए मानुकसिक सासक आ अगुवासब, 9आजु हमर्स्या यि नेङ्राका दया करिक अस्लि कर्ले कारनस तोर्स्या हमर्सिका अइलग ठेर्याइब लगाइल रहब आ यि मानुक केनामे अस्लि भेलो कहिक साँच्चेक जान चाहाछ त, 10तोर्सिका आ इस्राएलक सभे मानुकसिका यि थाहा हउस कि तोर्सिक अगाम ठेर्याइल यि मानुक नासरतक येसुक नामम अस्लि भेल स्यो, जक्रा तोर्स्या कुरुसम लट्काइक मार्ल। तर पर्मेसोरले ओक्रा फेरि जिउँत करल्को। 11धर्मसास्तरम पनि येसुक बारेम एनामे निख्ल छो,
‘जुन पाखनका मिस्तिरिस्या काम नाइ छो कहिक फेक्ल छलो,
ओहे पाखन घर बनाइत खुमा जगक मुल पाखन बन्लो।’#भजन ११८:२२
12येसु बाहेक अरु कुन्हुँले मुक्ति दिअ नाइ सक्तो किरकि आपन्स्या मुक्ति पाब लागि यि सन्सारम मानुकसिका दस्रो नामे नाइ छो देल।”
13जब ओकर्स्या पत्रुस आ युहन्नाक साहास देखल्के अनि एकर्स्या त कम पह्र्ल आ साधारन मानुकसब स्यो कहिक थाहा पाइल्के त ओकर्स्या सभे जना छक पर्ले। अनि ओकर्स्या पत्रुस आ युहन्ना येसुसङि रहोक कहिक पनि थाहा पाइल्के। 14तर अस्लि भेल नेङ्रा मानुक पत्रुस आ युहन्नासङ ठेर्याइल देखिक ओकर्स्या कथ्यो बज नाइ सकल्के। 15ओहेस ओकर्स्या पत्रुस आ युहन्नाका बर्कि पन्चायतस बाहार निकालिक एनामे सल्लाहा कर लग्ले, 16“आब् आपस्या एकर्सिका कथि कर्ब? किरकि एकर्सिक मार्फत साँच्चेक एगो अचम्मक काम भेल छो। यि बात यरुसलेमक सभे मानुकस्या थाहा पाइसक्ल छो, जुन बातका आपन्स्या इन्कार कर नाइ सक्ब। 17तर यि बात अरु मानुकसिक बिचम आरो नाइ फैलुस कहिक आब् यि नामक बारेम कक्रोसङ नाइ बज्ह्य कहिक एकर्सिका चेताबनि दिउँ।”
18ओहेस ओकर्स्या पत्रुस आ युहन्नाका भित्रि बलाइक “आजुस येसुक बारेम कथ्यो नाइ बज्ह्य आ कक्राहु नाइ सिखाह्य” कहिक करा आग्या देल्के। 19तर पत्रुस आ युहन्नाले ओकर्सिका एनामे जबाफ देल्के, “तोर्स्या आप्नि बिचार कर्, पर्मेसोरक नजरम कुन ठिक स्यो? तोर्सिक बात मान कि पर्मेसोरले कहल बात मान? 20किरकि हमर्स्या देख्ल आ सुन्ल बातसब अरुका बिना कहिक चुप-चाप रह नाइ सक्बो।” 21पछास ओकर्स्या सजाए देल्हार कथ्यो कारन नाइ पाइक पत्रुस आ युहन्नाका धम्काइक छोरि देल्के किरकि ओइलग जुन अचम्मक काम भेल छले, उ घट्नाका देखिक सभे मानुकस्या पर्मेसोरक पर्संसा कर्ति छले। 22जुन नेङ्रा मानुक अस्लि भेल छले, ओक्र उमेर चालिस बरिसस बेसि छले।
बिस्वासिसिक पर्थना
23ओइलगस छुट्ति बितिन पत्रुस आ युहन्ना आप्न सङ्सिलग गेले। अनि मुल पुजारि आ धर्मगुरुस्या कहल बात ओकर्सिका सुनाइल्के। 24यि बात सुनिक ओकर्स्या सभे जनाले एके मन भइक पर्मेसोरसङ एनामे पर्थना कर लग्ले, “हे सर्बसक्तिमान प्रभु, तुहिं सोर्ग, पिर्थिबि, समुन्द्र आ ओइम भेल सभे चिजका बनाइल स्या।#प्रस्थान २०:११; नहेम्याह ९:६; भजन १४६:६ 25अनि तुहिं पबित्र आत्माक मार्फत हमर्सिक पुर्खा दाउदक मुहस एनामे कहल स्या,
‘दस्रो जातक मानुकसब किर पिटस खम-खम हब्छो,
आ मानुकस्या किर खराब योजना बनाइ छो?#भजन २:१-२
26अनि परमप्रभु आ ओक्र खिरिस्टक बिरोधम
पिर्थिबिक रजासब
आ सासकसब एकजुत भइक धेर्याइल छो।’
27साँच्चेक तोर अभिसेक कर्ल तोर पबित्र सेबक येसुक बिरोधम हेरोद आ पन्तियस पिलातस दुनु जना इस्राएलि आ दस्रो जातक मानुकसिसङ एहे सहरम धेर्याइल छलो।#लुका २३:७-११; मत्ति २७:१-२; मर्कुस १५:१; लुका २३:१; युहन्ना १८:२८-२९ 28तर ओकर्स्या ओहे मत्रे करल्को, जुन योजना तुइं अगाहि आप्न सक्ति आ इच्छा अन्सार बनाइल छल। 29ओहेस हे प्रभु, आब् तुइं ओकर्सिक धम्किका ध्यान धि आ तोर बचन बिना डेराइक सुनाब लागि आप्न सेबकसिका सक्ति दे। 30अनि तोर पबित्र सेबक येसुक नामम रोगिसिका अस्लि कर्लाहार आ अचम्मक काम अनि चिनहसब देखाइलाहार सक्ति दे।”
31जब ओकर्स्या पर्थना करि सकल्के त ओकर्स्या धेर्याइल ठाउँ हिल्ले। अनि ओकर्स्या सभे जना पबित्र आत्मास भोरिक बिना डेराइक पर्मेसोरक बचन सुनाब लग्ले।
बिस्वासिसिक सभे सम्पति सझ्या
32प्रभुका बिस्वास कर्लाहार सभे जना एके मन आ एके आत्माक भेल छले। ओहेस ओकर्सिभोरि कुन्हुँ न आप्न सम्पतिका यि हम्र सम्पति स्यो कहिक नाइ कहेक। तर ओकर्सिसङ भेल सभे चिज सभे जनाले सझ्या मानेक।#पेरेरित २:४४-४५ 33पेरेरितस्या एक्दम जोसिलो भइक प्रभु येसु फेरि जिउँत भेल बातक गबाहि दिएक। अनि ओकर्सिक उप्रिम पर्मेसोरक बर्कि किर्पा छले। 34ओकर्सिभोरि कक्राहु कथ्यो चिजक खाँचो नाइ परेक किरकि जतेक जना जग्गा-जमिन आ घरक मालिक छले, ओकर्स्या उ बेचिक ओक्र ढेवा पेरेरितसिका आनिक दिएक। 35अनि पेरेरितस्या चाहिं जक्रा जे चिजक खाँचो परेक ओहे अन्सार बाँटि दिएक।
36एक जना साइपरस टापुक लेबि कुलक योसेफ कहलाहार मानुक छले। ओक्रा पेरेरितस्या बर्नबास कहिक ना राखि देल छले, जक्र मत्लब हौसलाक बेटा स्यो। 37ओहोले आप्न खेत बेचल्के आ सभे ढेवा आनिक पेरेरितसिका देल्के।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.