Jean 17

1K’a to oui̱ne d‐è sa, nè Jésus ba li a dingo̱ne, to oui̱ne, è gui: Sème, po‐ouichi è ma! Mè ha gloire hè Bi̱‐ouili ko‐mè, sè kè Bi̱‐ouili ko‐mè ha gloire ho mè. 2Hèmo no mè ha nè ngaïli h’a jou mourou nè oli higo, sè k’a ha monotouni ho ouino‐o no mè ha h’a hi. 3Monotouni doumè no mo, ndo ouo̱ i̱ngi mè o, mè, no mè nè bara oui̱ne Nzapa pome‐iè, dè Jésus Christ no mè toumbou hi. 4Mi ha gloire ho mè sènè nou, mi dè gossala no mè ha ho‐m’ hi sa. 5Kinè Sème, mè ha gloire ho‐m’ nè ka to mè mè, hèmo no mè ha ho‐m’ i̱nggati sè nè nou ma higo. 6Mi oussou yini mè ho ouili o no mè ha ho‐m’ bo̱bo̱ oui‐nou o hi. Ouo̱‐o nè ko‐mè; mè ha ouo̱‐o ho‐m’. Ouo̱ pama oui̱ne ko‐mè o. 7Kinè ouo̱ i̱ngi o mo nè oli no mè ha ho‐m’ hi, tèno nèda mè mè. 8Oui̱ne mi ha oui̱ne d‐è no mè ha ho‐m’ hi ho ouo̱‐o. Ouo̱ ba o; ouo̱ i̱ngi tana‐m’ o, no‐m’ téèno nèda mè mè hi nè bara oui̱ne. Ouo̱ i̱ngi nè ko sèlè ouo̱‐o no mè toumbou no‐m’ hi. 9Mi toro mè nèda oui̱ne ko ouo̱‐o. Bè mi toro mè nèda oui̱ne kè oui‐nou o go; mi toro mè nèda oui̱ne ko ouino‐o no mè ha ho‐m’ hi, oui̱ne ouo̱‐o nè ko‐mè. — 10Mo ko‐m’ nè oli nè ko‐mè; mo ko‐mè nè oli nè ko‐m’; — Mi ba gloire nè ouara to ouo̱‐o. 11Bè mi nè sènè nou nè go; ouo̱‐o nè sènè nou h‐è. Ko‐m’ chi nè ko‐m’ dida mè mè. Sème Saint, pama ouino‐o no mè ha ho‐m’ hi nè yini mè, sè ko ouo̱ o̱ o pome, hèmo nd’alè o̱ pome higo. 12Po‐ouichi no‐m’ mono nè do ouo̱‐o sènè nou nè hi, no‐m’ pama ouo̱‐o nè yini mè. Mi pama o ouino‐o no mè ha ho‐m’ hi; ma ouo̱‐o pome yo go, bè nè o̱ nè bi̱‐yokara nè, sè kè Mbèti kè Nzapa dè bara oui̱ne. 13Kinè mi chi dida mè mè. Mi to oui̱ne mo n‐o o ou‐è sènè nou nè, sè kè sa ko‐m’ dounou ko sèlè ouo̱‐o. 14Mi ha oui̱ne ko‐mè ho ouo̱‐o. Oui‐nou o sènè ouo̱‐o, oui̱ne ouo̱‐o bènè oui‐nou go, hè mi go, mi bènè oui‐nou go. 15Bè mi toro mè, è gui: Mè kara ouo̱‐o sènè nou dida ouo̱ go; mè pama ouo̱‐o sènè namo. 16Ouo̱‐o bènè oui‐nou go, hè mi go, mi bènè oui‐nou go. 17Mè kèkosanga ouo̱‐o nè bara oui̱ne ko‐mè; oui̱ne ko‐mè nè bara oui̱ne. 18Hèmo no mè toumbou no‐m’ di sènè nou nè higo, mi toumbou ouo̱‐o bo di sènè nou. 19Mi kèkosanga‐m’ nè oui̱ne ko‐ouo̱‐o, sè kè bara oui̱ne kèkosanga ouo̱‐o bo. 20Bè mi toro mè nèda oui̱ne ko ouo̱‐o pome‐iè go; mi toro mè nèda oui̱ne ko ouino‐o nè tè i̱ngi‐m’ nè ko sèlè lo‐o nè liouara oui̱ne ko‐ouo̱‐o hi. 21Sè ko ouo̱ o̱ o pome, hè mè go, Sème, mè do‐m’; hèmo no‐m’ hè do mè higo, sè ko ouo̱ o̱ o pome d’alè, sè ko oui‐nou o i̱ngi tana no mè toumbou no‐m’ hi. 22Mi ha gloire no mè ha ho‐m’ hi ho ouo̱‐o, sè ko ouo̱ o̱ o pome hèmo nd’alè o̱ nè pome higo. — 23Mi do ouo̱‐o, mè do‐m’, — sè ko ouo̱ o̱ o pome nè bara oui̱ne; sè ko oui‐nou o i̱ngi tana no mè toumbou no‐m’ hi, mè koa ouo̱‐o hèmo no mè koa no‐m’ higo. 24Sème, mi koa o ouino‐o no mè ha ho‐m’ hi, doungounou do‐m’ nè olo yara bèi no‐m’ tè o̱ sènè hi, sè ko ouo̱ joko gloire ko‐m’ o, gloire no mè ha ho‐m’ hi, oui̱ne mè koa mi i̱nggati sè no mè dè nou. 25Bolé Sème, oui‐nou o tè i̱ngi mè nè; mi i̱ngi mè, do ino‐o i̱ngi tana no mè toumbou no‐m’ hi. 26Mi oussou yini mè ho ouo̱‐o; mi tè oussou yini mè ho ouo̱, sè kè amour bèi no mè koa no‐m’ hi o̱ do ouo̱‐o, ko‐m’ o̱ do ouo̱‐o.

Currently Selected:

Jean 17: GBANU

Highlight

Copy