Pilimon 1
1
Lakula bîla
1Yang Pal, Kraist Jisas tâwan silak ra ai brisa, bara naha wauhkataya na, yang wan muihni Timoti wal wina upliki Pilimon ra mai ulbi banhwisna, wan uplika latwankira aikuki wark daukri ba. 2Ulbisna baha sertska, man wamtla ra asla taki nani ba ra sin, wan lakra Apia ra bara Arquipo ra,#Kol 4.17. baha nani aikuki asla wan tâ baiki ba naha warkka tara ra. 3Bamna wan Aisika Gâd bara Dawan Jisas Kraist wina, yamnika nani bara kupia kumi lâka man nani puramra blîkbia.
Pilimon latwanka lâka bara kasak lukanka ba
4Muihki Pilimon ra puri sunisna bani, man dukiamra yang Gâdki ra tingki wisni, 5kan yang walri man ba Gâd uplika nani sut ra latwan kaikisma, bara Dawan Jisas ra kasak lukan lâka brisma. 6Gâd ra makabisna man kasak lukankam tâka ba mita, tânka brima, Kraist wina yawan nani nahki yamnika nani sut brisa tânka. 7Bamna man latwankam lâka ba mita, uya lilia bara karnakira ai daukram, bara man tânkam mita, muihki laitwankira, kristian ailal maisa nihkram sa.
Pal Onésimo alba lâka ra ba dukiara Pilimon ra makabisa
8Bahamna, yang na Kraist apastilka sna, ba mita sip sna man ra adar maikaia diara daukaia sma ba, 9sakuna latwan lâka ba nina ra man ra mamkaban ai daukisa. Yang Pal lika pat almuk pali sna, bara nanara sin Kraist Jisas tâwan silak ra ai brisa. 10Yang bui man ra Onésimo dukiara hilp makabisna;#Kol 4.9. witin lika naha silak watla na kat, spirit lâka ra yang luhpi baku takan sa.
11Kaina piua ra Onésimo ba, man mampara alba pain apia kan, kuna nanara lika witin na wan mapara alba pain pali#Onésimo nina tânka ba kau laki kaikbia ba ra, tânka wisa pain pali. sa, man mampara bara yang maipara sin. 12Bamna Onésimo na kli man ra blikuna; witin na bris sim yang ra baku. 13Brin ai dauki kan, witin na yang wal nahara takaskbia man wamtlika ra duki daukaia, sturi yamni tâwan silak ra ai bri na piua ra. 14Man nahki lukisma sapa tânka walras kira, diara kumi sin daukan ai daukras, baku lika man hilp ai munisma ba, taiban lâka ra kabia apia, kuna kupiam lukra wina kabia. 15Onésimo piua kum man wina dakwi takan ba, nanara man wal kabia ban kaia ra, 16alba baku lika apia, kuna alba wal kau pain kulkan lâka ra, baha tânka lika, wan muihni latwankira baku lâka ra. Yang bui witin ra uya latwan kaikisna, kuna man pali bui lika kau latwan kaikaia sma, alba baku baman apia, kuna Dawan lâka ra wan muihni baku.
17Baku bamna, yang na muihkam pali ai kulkisma kaka kasak lukanka ra, Onésimo na yang pali baku waitlika ra bris. 18Mampara diara saura daukan, apia kaka man wal tras diman sa kaka, baha ba yang ra ai kulks. 19Yang Pal, mihti pali ni naha na mai ulbisni: Swis yang mai aibapamna. Yang mita kupiam kraukan lika ai daukras, kuna damra walisma si man pali rayakam ba yang ra tras aikaia brisma. 20Âu, muihki, Dawan wal asla lâka ra naha hilpka na dauki aik; Kraist wal wan muihni lâka ra maisi nihks.
21Naha man ra ulbisna, kan kasak lukisna kiamam lihni sa, bara dîa mamkabisna ba kau pura lui sin daukma. 22Bara sin, yang yapaiki pliska rum kum ridi dauks; puram suni banhwisma ba mita, kasak lukisna Gâd hilp ai munbia, yang na man nani ra waia.
Prakaia lakula nani
23Pâinika Epafras,#Kol 1.7; 4.12. Kraist Jisas tâwan yang wal silak ra ba mita ai lakula mai blikisa, 24bara Mk,#Ap St 12.12,25; 13.13; 15.37-39; Kol 4.10. Aristarco,#Ap St 19.29; 27.2; Kol 4.10. Dimas,#Kol 4.14; 2 Ti 4.10. bara Luk sin;#Kol 4.14; 2 Ti 4.11. naha nani sika wark daukaia hilp ai muni nani ba.
25Wan Dawan Jisas Kraist man nani ra yamni mai munbia.
Currently Selected:
Pilimon 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua