2 King Nani 1
1
Ocozías pruanka
1Ahab pruan ningkara,#1 Ki 22.34-37. Moab bui Israel mapara buan. 2Bara Ocozías#1 Ki 22.51-53. ba king watla kum Sameria ra kan ba windarka pura pali ba wina kauhan, bara latwan pali brin. Bara sturi twatwilkra nani bliki win, Ecrón gâdka Baal-zebub ra tânka pliki kaikbia, naha sikniska na wina witin rawbia sapa.
3Sakuna Dawan insalka ba, Ilayas Tisbé wina ba ra win: “Bus, bara Sameria kingka bîla twatwilkra aula ba wal prawaia was, bara makabi wals: ‘¿Israel ra Gâd âpu kan ki, Ecrón gâdka Baal-zebub ra kaina kaikaia auma ba?’ 4Bara Ocozías ra wis, yang Dawan sna ba, naku wisni: ‘Man kli krikri wina buma apia, yang kasak aisisna man pruma.’ ”
Bara Ilayas ba wih baku daukan. 5Bara sturi twatwilkra nani ba kli king ra tawi balan, bara witin ra makabi walan:
—¿Dîa muni man nani kli tawi aulma?
6Witin nani bui pana win:
—Kan yabal ra yang nani auna kan waitna kum takan bara wan win, yang nani kli tawi wamna king wan blikan ba ra, baku bamna wimna: ‘¿Israel ra Gâd âpu kan ki, man Ecrón gâdka Baal-zebub ra mangki kaikaia blikisma? Baha daukram bamna, krikrikam ba wina buma apia, sakuna pruaia kama.’
7Bara king ba makabi walan:
—¿Baha waitnika wal prawram ba dîa sât waitnika kan, bara naha bîla man nani ra mai win ba?
8—Waitna kum prâk tamayira dimi kan, bara ai maisa ra daiwan taya kum wilki kan#Mt 3.4; Mk 1.6. —witin nani baku win.
—¡Alai, baha ba Ilayas Tisbé wina sa! —king ba win. 9Baha ningkara, witin war kiaptinka kum bara aiklaklabra 50 wal blikan. Witin nani wan ba ra, Ilayas ba il bahna ra iwi kan, bara kiaptin ba bui win:
—¡Prapit, king bila man baha wina bal iwma!
10Bara Ilayas pana win:
—Yang na prapit sna kaka, kasbrika purara wina pauta klauhan kauhi âpu mai daukbia man ra bara suldiarkam 50 ba sut ra.#Lk 9.54.
Baha aisin ba wal laih pura wina pauta klauhan bal iwan, baha nani sut angki âpu daukan.
11Bara king ba bui kli aiklaklabra nani wala 50 saki, kiaptinka wala saki aikuki blikan wan, bara naku aisi, win:
—¡Prapit, king bui win sa, man istikira bal iwma!
12Bara Ilayas pana aisi, win:
—Yang na prapit sna kaka, kasbrika purara pali ba wina pauta klauhan bal kauhbia, bara aiklaklabrikam 50 nani ba aikuki ami âpu tiwma.
Bara pauta klauhan ba kasbrika pura pali wina balan, bara witin ai aiklaklabrika 50 sut aikuki angki âpu daukan.
13Kli aima yumhpa ra kiaptin wala ba blikan, ai aiklaklabrika nani 50 ba aikuki, bara naha kiaptinka na lika Ilayas bâra kata kat bal, ai lula kriki makaban:
—Pliskam pali, prapit, rayaki na kulks bara naha nani 50 waitna na sin. 14Kaiks kasbrika pura pali ba wina pat pauta klauhan bal iwan, bara baha nani angki âpu daukan kiaptinka wâl kata ba bara ai suldiar nani 50 bri balan kan nani ba sut sin. Bamna mamkabisna man bui yang nani ra wirâ luks.
15Bamna Dawan insalka ba bui Ilayas ra win:
—Witin wal was, man si bripara.
Bamna Ilayas buan bara kiaptin ba wal king ra wan, 16bara witin ra win:
—Dawan ba naku wisa: ‘Ecrón gâdka Baal-zebub ra kainam kaikaia sturi twatwilkra nani blikram wan, Israel ra Dawan âpu kan baku, baha tâwan man sip buma apia krikrikam na wina, sakuna man pruma.’
17Bara Dawan bîla Ilayas bâk dîa aisin kan ba kat takan, Ocozías ba pruan. Bara witin luhpa âpu kan ba ra, ai muihni Joram ba ai watlika ra king aimakan. Juda kingka, Joram, Josafat luhpia ba, king aimakan mani wâl bri kan taim baha takan.
18Ocozías sturka nani ba bara dîa daukan ba, Israel kingka nani wauhkataya ra ulban sa.
Currently Selected:
2 King Nani 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua