Abanyatesaloniki, iya 1 1
1
Indamutso
1Jyewe Pawulo, na Silivani, na Timote kuri Kiliziya#1.1 kuri Kiliziya: iryo jambo ni ikigereki, rigashaka kuvuga ikoraniro, cyangwa iteraniro ry’abakristu riri mu mugi uyu n’uyu. Hanyuma iryo jambo barikoresheje bashaka kuvuga amakoraniro yose y’abakristu bunze ubumwe ku isi yose. y’Abanyatesaloniki, yibumbiye ku Mana Data no kuri Nyagasani Yezu Kristu: tubifurije ineza n’amahoro.
Uko Abanyatesaloniki bakiriye Inkuru Nziza
2Iyo tubibutse mu masengesho yacu, ntiduhwema gushimira Imana kubera mwebwe mwese. 3Duhora twibuka ibikorwa byiza n’ukwemera kwanyu, n’imiruho muterwa n’urukundo rwanyu, n’ukuntu mwiringiye Umwami wacu Yezu Kristu mudatezuka imbere y’Imana Umubyeyi wacu.
4Bavandimwe, nkoramutima z’Imana, tuzi neza ko muri mu bo yatoye. 5Koko rero, Inkuru Nziza tubamenyesha, nta bwo yabagejejweho mu magambo gusa, ahubwo twayamamaje dushize amanga, twishingikirije ububasha butyaye#1.5 ububasha butyaye: Roho Mutagatifu ubwe yakomeje inyigisho za Pawulo, agaragaza n’ububasha bwe aha abanyamahanga kwemera ijambo ry’Imana no kurikomeraho. bwa Roho Mutagatifu. Muzi neza ukuntu twabagenjereje tugamije kubagirira akamaro. 6Namwe mwaratwiganye, mwigana na Nyagasani, maze mu bitotezo byinshi, mwakirana ijambo ry’Imana ibyishimo bikomoka kuri Roho Mutagatifu. 7Byatumye mubera urugero abemera bose bo muri Masedoniya n’abo muri Akaya. 8Koko rero, ijambo rya Nyagasani, rihereye iwanyu, ntiryasakaye muri Masedoniya no muri Akaya gusa, ahubwo inkuru y’ukuntu mwemeye Imana yamamaye hose, ku buryo nta cyo twakwirirwa tubivugaho. 9Bose kandi bavuga uko twakiriwe iwanyu, n’ukuntu mwayobotse Imana, mugata ibigirwamana, kugira ngo mukorere Imana nzima kandi nyakuri, 10kandi mutegereze Umwana wayo Yezu yazuye mu bapfuye, We uzaza ava mu ijuru ngo adukize uburakari#1.10 uburakari: ni uburakari bwo ku munsi wa nyuma, Imana izagaragariza abanyabyaha bazaba baranze guhinduka (reba 5,9; Rom 2,5–8; cyane cyane Rom 1,18 n’igisob.). bugiye kuza.
Currently Selected:
Abanyatesaloniki, iya 1 1: KBNT
Highlight
Share
Copy
Want to have your highlights saved across all your devices? Sign up or sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.