ລູກາ 7
7
ພຣະເຢຊູເຈົ້າປິ່ນປົວກຸ້ຍຣຳ້ໃຊ້ຂອງນາຍທະຫານໂຣມ
(ມທ 8:5-13; ຢຮ 4:43-54)
1ເຢີພຣະເຢຊູເຈົ້າບອນກ່າວສິ່ງອັນນໍ ເຢີປະຊາຊົນຢຼ້າຍແຊ້ງເຢີພຣະອົງກໍປໍ້້ບອ້ນເມືອງກາເປນາອູມ. 2ເຕິເມືອງກຼີເວິຍນາຍທະຫານໂຣມມະນະ ດໍເວິຍກຸ້ຍຣຳ້ໃຊ້ມະນະ ທີ່ດໍຮັກປູດ ກຸ້ຍຮັບໄອໂຊໜັກແລະຈົນຈະໄອກະເຈດ. 3ເຢີນາຍທະຫານນູ້ນໍບອນຊັງຂ່າວກະເລິ້ຍເລື່ອງພຣະເຢຊູເຈົ້າ ດໍບອນແຕງຈຸມຜູ້ນຳຂອງປະຊາຊົນຢິວ ປໍ້້ແສ້ອອນວອນເຊີນພຣະອົງໂຢນເຕິປິ່ນປົວຮັກສາກຸ້ຍຣຳ້ໃຊ້ຂອງດໍໂຢຼ. 4ເຢີຈຸມດໍເຕິກະເລິ້ຍພຣະເຢຊູເຈົ້າຢຼ້າຍ ກໍອ້ອນວອນແສ້ພຣະອົງດ້ວຍຄວາມຕັ້ງພະໄຫ້ງຣ້ວຍ, “ນາຍທະຫານນູ້ນໍ ສົມຄວນຈະບອນຣຳ້ຄວາມຊ່ວຍເຫລືອເກີດທ່ານ 5ເພາະພຣະເຢຊູເຈົ້າຮັກປະເທດຊາດຂອງຈຸມແຮ ແລະດໍກໍບອນສ້າງທໍາມະສາລາໂຢນຈຸມແຮໂຢຼ.” 6ອັນກຼີ,ພຣະເຢຊູເຈົ້າຈຶ່ງບອນປໍ້້ນັງຈຸມປີດໍ ເຢີພຣະອົງເກືອບຈະກະເລິ້ຍດຸງເຢີ ນາຍທະຫານບອນແຕງຈຸມມູນູ້ເຕິໂຊລນັງພຣະເຢຊູເຈົ້າຣ້ວຍ, “ພຣະອົງເຈົ້າເອີຍ ຊິນໂຢນເກີດການລຳບາກເຢີທາ່ນເລີຍ ເພາະຣ້ວຍກືຢຼະເລິ້ຍສົມຄວນທີ່ຈະໂຢນ ທ່ານຈະໂມດປໍ້້ກະກະລຸງດຸງຂອງກື, 7ເພາະອີກຼີ ກືຢຼະຈຶ່ງຫອມຣ້ວຍ ກືເກີດຜູ້ເລິ້ຍສົມຄວນ ທີ່ຈະປໍ້້ເຢີພຣະເຢຊູເຈົ້າດ້ວຍກືຢຼະ ແສ້ດໍພຽງແຕ່ສັ່ງມູຫະໂຣ້ອັນກີຼ ແລະກຸ້ຍຣຳ້ໃຊ້ຂອງກືຢຼະກໍຈະເປິ້ດອໍພະຍາດ. 8ດ້ວຍຣ້ວຍ, ກືຢຼະໂຊລອີນໍເພາະຣ້ວຍກືຢຼະກໍເຂົ້າໃຈສິດອຳນາດທຣະເລິຍນູ້ເວີຍອຳນາດກະເລິ່ງຂອງກືຢຼະບອນມອບຄຳສັ່ງໂຢນເຢີກືແລະກືກໍເຊື່ອຫະແງ້ດໍ ກືສັ່ງກຸ້ຍນໍຣ້ວຍ, ປໍ້້ ດໍກໍປໍ້້ ກືສັ່ງກຸ້ຍກຼີແອັ້ນຣ້ວຍ, ເຕິ ດໍກໍເຕິ ແລະກືສັ່ງກຸ້ຍຣຳ້ໃຊ້ຂອງ ກືຢຼະຣ້ວຍ, ຕະອັນນໍ'ດໍກໍຕະກືຮອຍເຢີທ່ານເວິຍສິດອຳນາດທີ່ເຄິ້ຣຍກວ່າອີກຼີ ທ່ານສາມາດໂຢນຄຳສັ່ງແລະກໍຢຼ້າຍຕາມກຼີ.” 9ເຢີພຣະເຢຊູເຈົ້າບອນຊັງອີກຼີເຢີ ກໍກະຫລັກພະໄຫ້ງດ້ວຍນາຍທະຫານນູ້ນໍພຣະອົງຕະເປິ້ງຫະຣ້າໂກນເຕິ ແລະກ່າວເຢີປະຊາຊົນທ່ີ່ຕິດຕາມເຕິກຼີຣ້ວຍ, “ກືອ້າຈຸມແປຼກະເລິ່ງນະຣ້ວຍ ກືເລິ້ຍເຄີຍບອນທ້ຣຸມທີ່ເວິຍຄວາມເຊື່ອອີນໍເລີຍ ຄຣາຍແຕ່ເຕິຊາດອິດສະຣາເອນ ນອກເກີດກຸ້ຍໂກນນໍທີໄຕກຸ້ຍຢິວ.” 10ຢ້ຼາຍຈຸມທີ່ນາຍທະຫານແຕງເຕິ ກໍລ້າແອັ້ນເຕິປໍ້້ເຢີດຸງ ແລະຫອມຣ້ວຍ ກຸ້ຍຣຳ້ໃຊ້ນູ້ກຼີເປິດອໍພະຍາດເຢີ.
ພຣະເຢຊູເຈົ້າປິ່ນປົວໄກ້ໂກນອຸຍກະມ້າຍໂຢນລ້າແອັ້ນເກີດກະເຈດ
11ຢຼ້າຍເກີດນໍເລິ້ຍບອນດິນ ພຣະເຢຊູເຈົ້າບອນປໍ້້ເມືອງມະໄຫ້ລພະນຶ້ຣ້ວຍ ນາອິນ ແລະຈຸມສາວົກນັງປະຊາຊົນຢ່າງປູດກະເລິ່ງນະຕິດຕາມພຣະອົງປໍ້້. 12ເຢີພຣະອົງເຕິຕະໝັ້ນພະເຫຼິ້ງເມື່ອງ ກໍເວິຍກຸ້ຍຕະກຣ້າງຊາກສົບຂອງຫະໂກນຮັອງມະນະລໍ້ເຕິ ກຸ້ຍທີ່ກະເຈດນໍ ເກີດໄກ້ໂກນມະນະຂອງກຸ້ຍກັນມະນະທີ່ເກີດກະມ້າຍ ເວິຍຊາວເມືອງກະເລິ່ງນະລໍ້ເຕິນັງກັນເພື່ອປໍ້ເຕິບສົບ. 13ເຢີພຣະເຢຊູເຈົ້າບອນຫອມກັນກຼີ ພຣະອົງກໍເວິຍພະໄຫ້ງຫະເອກກັນປູດ ແລະກ່າວຕໍ່ນາງຣ້ວຍ, “ຊິນໂອ້ຍຍ້າມເລີຍ.” 14ເຢີພຣະອົງກໍບອນຫຍັບໂມດປໍ້້ຕະໝັັັັັັັັ້ນປຼຶ້ຍໂລງກຸ້ຍກະເຈດ ແລະຈຸມທີ່ຕະກຣ້າງໂລງກຸ້ຍກະເຈດກໍເຄຣິ້ນຕະເຢິ່ງອັດ ພຣະອົງກ່າວ. “ຫະໂກນຮັອງເອີຍ,ກືສັ່ງມາຍ ຈົ່ງໂຢຼລຊໍ້.” 15ຢ້າຍກຸ້ຍທີ່ກະເຈດກຼີ ກໍໂຢຼລຊໍ້ຕະກູແລະບອນເລີ່ມຕົ້ນໂຊລ. ພຣະເຢຊູເຈົ້າຈຶ່ງມອບກຸ້ຍໂກນກຼີໂຢນອຸຍຂອງດໍນຸງຄະນະທີ່ເວິຍຊີວິດອັດ. 16ເຢີປະຊາຊົນບອນຮອມພຣະເຢຊູເຈົ້ານຳອິດຫະໂກນກຸ້ຍກຼີລ້າເຕິເວິຍຊີວິດຈຸມປີດໍຄູນະຕ່າງກໍຢຳເກງພຣະເຈົ້າ ແລະບອນສະແດງຄວາມນັບຖືຢ່ງເລິກເຊິ່ງສຳລັບພຣະເຢຊູເຈົ້າຈຶ່ງກຼໍ້ປູດແລະຫະໂຕ້ພະໄຫ້ງ ແລະຕ່າງກໍສັນລະເສີນພຣະເຈົ້າຣ້ວຍ. “ນູ້ທໍານວາຍທີ່ເຄິ້ຣຍສຸດກຸ້ຍມະນະ ບອນຫະຟ້ຣາຈະເຄິ່ງທຣະດີຂອງຈຸມແຮຢ້ຼາຍ ພຣະເຈົ້າບອນເຕິຢ້ຽມຢາມເພື່ອຊ່ວຍແຮປະຊາຊົນຂອງພຣະອົງໂຢນພົ້ນ.” 17ຂ່າວກ່ຽວນັງພຣະເຢຊູເຈົ້າ ບອນຊ່າລືປໍ້້ທົ່ວທັງແຂວງຢູດາຍ ແລະທົ່ວຂົງເຂດທີ່ອັດອ້ອມຂ້າງກຼີໂຢຼ.
ຈຸມທີ່ໂຢຮັນບັບຕິສະໂຕ ແຕງເຕິເຢີພຣະເຢຊູເຈົ້າ
(ມທ 11:2-19)
18ຂະນະທີ່ໂຢຮັນນູ້ທີ່ໂຢນບັບຕິສະໂຕບອນຄຣາຍຄຸກ, ຈຸມລູກສິດຂອງດໍບອນເລົ່າອ້າເອິ້ຍຄູສິ່ງທີ່ພຣະເຢຊູກາໍລັງຕະກຼີ. ອີກຼີ,ໂຢຮັນບອນກາວໄກ້ບາລນະຂອງດໍເຕິ 19ຄັນຣ້ວຍ. “ພຣະອົງເກີດພຣະຄິຣດພຣະຜູ້ຊ່ວຍໂຢນພົ້ນນູ້ທີ່ບອນສັນຍາຣ້ວຍຈະສະເດັດເຕິ ຫຼືຣ້ວຍຈຸມປີດໍຄວນຈະເປິ້ນຫລັ້ງຊູພຣະຄຣິດພຣະຜູ້ຊ່ວຍໂຢນພົ້ນອົງກະນໍແອັ້ນ.” 20ເຢີຈຸມສາວົກບາລນະເຕິທຣຸ້ມພຣະເຢຊູເຈົ້າ ຢຼ້າຍກໍຕະມໍ໋ພຣະອົງຣ້ວຍ ຄັນພຣະອົງເກີດພຣະຄຣິດພຣະຜູ້ຊ່ວຍໂຢນພົ້ນຜູ້ທີ່ພຣະເຈົ້າບອນຊົງສັນຍາຣ້ວຍຈະສະເດັດເຕິ ຫຼື ຣ້ວຍຈຸມປີດໍຄວນເປິ້ນ ຫຼືຫລັ້ງຊູພຣະຄຣິດພຣຜູ້ຊ່ວຍພົ້ນອົງກະນໍ້ແອັ້ນ, “ໂຢຮັນບັບຕິສະໂຕບອນແຕງຈຸມກືຢຼະຕະມໍ໋ຣ້ວຍ, ດໍຄຣາຍພຣະຄຣິດນູ້ທີ່ຈະເຕິກຼີເລິ້ຍຫລືຈຸມກືຢຼະຈະຕ້ອງຄອງຄອຍເປິ້ນນູ້ກະນໍ້ແອັນ?” 21ເຕິເວລາອັນກຼີ ພຣະເຢຊູເຈົ້າບອນປິ່ນປົວຮັກສາກຸ້ຍກະເລິ່ງນະທີ່ເວິຍພະຍາດຊະນິດຕ່າງໆ ໂຢນເປິ້ດອໍເກີດການໄອໂຊເກີດພະຍາດໂຣຄາຕ່າງໆ,ໂຢນພົ້ນເກີດຢຼາງເລິ້ຍອໍແລະໂຜດກຸ້ຍກະລ້ອງໝັ້ນໂສດກະເລິ່ງນະໂຢນບອນແນ້ຫອມ. 22ຢຼ້າຍພຣະອົງກໍທະອອຍກຸ້ຍທີ່ໂຢຮັນແຕງເຕິກຼີຣ້ວຍ, “ຈົ່ງລາ້ປໍ້້ອ້າໂຢຮັນ ຕາມທີຈຸມແປຼບອນຫອມແລະບອນຊັງ ອີຣ້ວຍກຸ້ຍກະລ້ອງໝັ້ນໂສດຫອມປຼ້າບອນ ກຸ້ຍເປ້ຍລ່ອຍຫະດາ້ວບອນ ນູ້ທີ່ທົນທຸກດ້ວຍພະຍາດຂີ້ທູດກໍສະອາດອໍ,ກຸ້ຍກະໂຕລຕຸງກໍບອນຊັງ, ກຸ້ຍກະເຈດເຢີກໍລ້າມົ້ງເຕິເວິຍຊີວິດແອັ້ນ ແລະຂ່າວອໍກໍຄຣາຍປະກາດໂຢນເຢີກຸ້ຍອັນກຼີນູ້ທີ່ເລິຍບອນຊັບສິ່ງຂອງ ແລະກຸ້ຍກຼີນູ້ທີ່ຕ້ອງການໂຢນພຣະເຈົ້າຊ່ວຍເຫືອຈຸມປີດໍ. 23ກຸ້ຍນູ້ມໍ້ທີ່ເລິ້ຍສະດຸດສົງໃສ່ເຕິກື ນູ້ກຼີກໍເກີດສຸກ.” 24ເຢີສາວົກທີ່ໂຢຮັນບອນແຕງເຕິກຼີ ບອນລ້າປໍ້້ເຢີ ພຣະເຢຊູເຈົ້າກໍເລີ່ມກ່າວເຢີປະຊາຊົນ ກະເລິ້ຍເລື່ອງຂອງໂຢຮັນຣ້ວຍ,“ເຢີແປຼກະເລິ່ງນະບອນລໍ້ປໍ້້ນຸງຖິ່ນແທ້ຣງກະແດ້ງກັນດານກຼີ ເພື່ອໄອແນ້ອະໄມ້?ໄອແນ້ຕະໂກອໍ້ໄຫວແອ່ນປໍ້້ເຕິຕາມກະແສຕະກຼັ້ນລະ? 25ຈຸມແປຼບອນລໍ້ປໍ້້ແນ້ອະໄມ້?ແນ້ກຸ້ຍທີ່ເສິບປຼອງລະຄ່າແພງອໍມາມລະ?ແທ້ຈິງເຢີ ກຸ້ຍທີ່ເສິບປຼອງລາຄາແພງອໍມ້າມທີ່ສຸດ ແລະໃຊ້ຊີວິດຢ່າງສະໜຸກສະບາຍກໍອັດນຸງຣາຊວັງຂອງກະສັດ. 26ແຕ່ຈຸມແປຼລໍປໍ້້ແນ້ອະໄມ້?ປໍ້້ແນ້ນູ້ທໍານວາຍລະ?ຄຣາຍເຢີ ກືອ້າຈຸມແປຼຣ້ວຍ ໂຢຮັນເວິຍພາລະກິດທີ່ເຄິ້ຣຍກ່ວາ ນູ້ທີປະກາດພຣະທໍາກຸ້ຍກະນໍ້. 27ດ້ວຍຣ້ວຍ, ໂຢຮັນຄຣາຍນູ້ທີ່ພຣະຄໍາພີຂຽນດໍ້ກະເລິ້ຍດໍຣ້ວຍ,ພຣະເຈົ້າບອນກ່າວເຢີພຣະຄຣິດນັງພຣະຜູ້ຊ່ວຍໂຢນພົ້ນຣ້ວຍ ເພິ່ນຈະຈັດກຽມປະຊາຊົນສຳລັບການຈະສະເດັດເຕິຂອງທ່ານ ກືຈະແຕງນູ້ຢຼວນຂ່າວ ຂອງກື ປໍ້້ຍຸງທ່ານ ເພື່ອຈັດຕຽມຄະນາດໍ້ສຳລັບທ່ານ. 28ກືອ້າຈຸມແປຼກະເລິ່ງນະຣ້ວຍ,ໂຢຮັນເຄຣິ້ຍກວ່າກຸ້ຍອັນມໍ້ນິ້ ທີ່ເກີດ ເກີດກຸ້ຍກັນ,ແຕ່ນູ້ອັນແກັດທີ່ສຸດເຕິອານາຈັກສະຫວັນ ກໍເຄິ້ຣຍກວ່າໂຢຮັນແອັ້ນ.” 29ປະຊາຊົນສ່ວນກະເຄິ້ຣຍລວມນັງຈຸມກຸ້ຍເກັບພາສີສຳລັບລັດທະບານໂຣມັນບອນຣຳ້ຫະແງ້ການປະກາດຂອງໂຢຮັນບອນຍອມຣຳ້ຣ້ວຍ ພຣະເຈົ້າຊົງທ່ຽງທຳເພາະຈຸມປີດໍບອນຣຳ້ບັບຕິສະມາໂດຍທ່ານໂຢຮັນ. 30ເຢີຈຸມຟາຣີຊາຍແລະຈຸມທໍາມະຈານ ບອນຂັດຂວາງພຣະປະສົງຂອງພຣະເຈົ້າ ທີ່ເວິຍສຳລັບປີດໍ ໂດຍທີ່ຈຸມປີດໍເລິ້ຍບອນຣຳ້ບັບຕິສະມາເກີດໂຢຮັນ. 31ພຣະເຢຊູເຈົ້າກ່າວປໍ້້ແອັ້ນຣ້ວຍ,“ຄັນອີກຼີ,ກືຈະປຽບທຽບກຸ້ຍສະໄໝ່ນໍຫະຄຣາຍນັງອັນມໍ້?ຈຸມປີດໍປຽບທຽບຄືອັນມໍ້? 32ກໍປຽບທຽບຄືໄບ້ໃກ້ ຕະກູຫລິ້ນເກມເຕິຕະຫລາດ ໂອ້ຍເຢີນູ້ແລະນູ້ຣ້ວຍ, ຈຸມແຮເສບເພງລ້າງໂຢຼນເຕັ້ນ ຈຸມປີດໍພັດເລິ້ຍເຕັ້ນປຼອນ ຈຸມແຮລອງເພງໄຫວ້ທຸກ ແຕ່ຈຸມແປຼພັດເລິ້ຍໂອ້ຍຍາ້ມ' 33ນຸງທຳນອງທຣະເລິຍ,ຈຸມແປຼປະຊາຊົນນູ້ທີ່ເລິ້ຍພໍໃຈນັງໂຢຮັນຜູ້ໂຢນບັບຕິສະມາແລະກືໂຢຮັນເລິ້ຍບອນຈ້າແນວຈ້າທຳມະດາແລະເລິ້ຍບອນຫງ້ອຍເດີ໋ອະງຸ່ນ ແຕ່ຈຸມປີດໍພັດໂຊລຣ້ວຍ 'ດໍເວິຍຢຼາງເລິ້ຍອໍໂມດອັດ' 34ຫະລ້າບຸດມະນຸດເຕິທັງປໍ້້ຈ້າທັງຫງ້ອຍ ຈຸມແປຼສຳພັດໂຊລຣ້ວຍ, ແນ້ກຸ້ຍນໍແມ ດໍເກີດກຸ້ຍມັກງ້ອຍເກີນກຳນົດ ມັກໂບລທັງເກີດເພືອນມິດນັງກຸ້ຍເກັບພາສີແລະກຸ້ຍບາບ.' 35ແຕ່ອີມໍ້ກໍຢຼ້າຍສະຕິປັນຍາຂອງພຣະເຈົ້າ ກໍຊົງຄຣາຍສຳແດງເກີດຄວາມຈິງ ໂດຍຜານທຣະງຶ້ຂອງຄູນະທີ່ຍອມຣຳ້ເຊື່ອ.”
ພຣະເຢຊູເຈົ້າປໍ້້ບ້ອນດຸງຂອງຊີໂມນກຸ້ຍຟາຣີຊາຍ
36ເວິຍກຸ້ຍຟາຣີຊາຍມະນະ ບອນເຊີນພຣະເຢຊູເຈົ້າປໍ້້ຣຳ້ຈ້າແນວຈ້ານັງບອມຢຼະ,ພຣະເຢຊູເຈົ້າຈຶ່ງບອນໂມດປໍ້້ກະລຸງດຸງຂອງກຸ້ຍຟາຣີຊາຍ ແລະພຣະເຢຊູເຈົ້າຕະກູຫະກຼ່ອກຈະແຊ້ງ. 37ນັງໄດເວິຍກັນເລິ້ຍອໍມະນະເຕິເມືອງກຼີ ເຢີນາງບອນຊັງຣ້ວຍ,ພຣະເຢຊູເຈົ້າບອນເຕິຈ້າໂດ້ຍໂມດອັດກະລຸງດຸງຂອງກຸ້ຍຟາຣີຊາຍ ນາງຈຶ່ງກະດັງເຕົ້າຕະມໍ້ບະລ້າຍ ທີ່ເວິຍເດີ໋ປະໂຫມລາຄາແພງເປິ້ນກຼີ 38ແລະນາງເຕິຕະເຢິ່ງອັດຫະຣ້າໂກນພຣະເຢຊູເຈົ້າຕະໝັ້ນຢື່ງຂອງພຣະອົງ.ນາງໂອ້ຍຍ້າມເດີ໋ຫະໝັ້ັັັັັັັັນຫະໂຕ້ລໍ້ ຈົນຢື່ງພຣະອົງຫະໂຣະຊຸ່ມ ເຢີນາງກໍປ້ວນຢື່ງຂອງພຣະເຢຊູ ດ້ວຍສັອກຂອງບອມຢຼະທັງຈູບແລະທັງໂຈະຢືງຂອງພຣະເຢຊູ ດ້ວຍເດີ໋ປະໂຫມກຼີ. 39ເຢີກຸ້ຍຟາຣີຊາຍ ນູ້ທີ່ເຊີນພຣະອົງເຕິຫອມອີນໍ ດໍກໍຄິດເຕິພະໄຫ້ງຣ້ວຍ,“ຄັນນູ້ນໍ ຄຣາຍຜູ້ທໍານວາຍແທ້ ດໍຄົົົົົງຫອຍເຢີ ກັນທີ່ກຳລັງປຼືຍຕະເກິຼດຈະກຼີ ເກີດນູ້ມໍ້ ດໍຄົງຫອຍເຢີ ນາງເກີດກຸ້ຍເລິ້ຍອໍ.” 40ເຢີພຣະເຢຊູເຈົ້າ ກໍກ່າວເຢີຊີໂມນຣ້ວຍ,ຊີໂມນເອີຍ ກືເວິຍສິ່ງມະໄຫ້ລ ທີ່ຈະຣ້ວຍນັງມາຍ.“ຊີໂມນທະອອຍຣ້ວຍ ອາຈານເອີຍ.” 41ພຣະເຢຊູເຈົ້າເລີ່ມກ່າວຣ້ວຍ,“ນັງເວິຍໂກນບາລນະ ທີ່ເກີດໜີ້ພຣະຂອງເຈົ້າໜີ້ກຸ້ຍມະນະ ກຸ້ມມະນະກໍໜີ້ພຣະໂຢຼຫ້າລ້ອຍຫລຽນ ແລະກຸ້ຍມະນະແອັ້ນ ເກີດໜີ້ພຣະໂຢຼຫ້າສິບຫລຽນ. 42ເຢີເລິ້ຍບອນນູ້ມໍ້ ສາມາດແທນໜີ້ບອນ ດໍຈຶ່ງຍົກໜີ້ໂຢນຈຸມປີດໍເອິ້ຍບາລ ເອີ້ຍບາລນະນໍຄຣາຍນູ້ມໍ້ ທີ່ຈະຮັກເຈົ້າໜີ້ປູດກວ່າກັນ.” 43ຊີໂມນທະອອຍຣ້ວຍ,“ກືຢຼະຄຶດຣ້ວຍ ຄົງຈະຄຣາຍນູ້ທີ່ດໍທີ່ດໍບອນຍົກໜີ້ໂຢນປູດກວ່າກຼີ.”ພຣະເຢຊູເຈົ້າບອນທະອອຍຣ້ວຍ. “ມາຍຄິດຄຣາຍເຢີ.” 44ເຢີພຣະອົງຕະເປິ້ງແນ້ກຸ້ຍກຼີເຢີ ກໍກ່າວເຢີຊີໂມນຣ້ວຍ,“ມາຍຫອມກັນນໍເລິ້ຍ?ກືບອນໂມດເຕິກະລຸງດຸງຂອງມາຍ ແລະມາຍເລິ້ຍບອນໂຢນເດີ້ສຳລັບກະຣ້າວຢື່ງຂອງກື ແຕ່ກັນໂນນໍບອນກະຣ້າວຢື່ງຂອງກືດ້ວຍເດີ໋ຫະໝັ້ນ ລະປ້ວນຢື່ງຂອງກືດ້ວຍສັອກຂອງນາງ. 45ມາຍເລິ້ຍບອນຈູບກື ເພື່ອເກີດການຕອນຣຳ້,ແຕ່ກັນອັນນໍ ຕັ້ງແຕ່ກືໂມດເຕິນາງເລິ້ຍບອນຫະເອີ້ຍຈູບຢື່ງຂອງກືເລີຍ. 46ມາຍເລິ້ຍບອນອິດເດີ໋ປະໂຫມໂຈະປະລໍຂອງກື ແຕ່ນາງບອນອິດເດີ໋ນໍ້າມັນປະໂຫມລາຄາແພງໂຈະຢື່ງຂອງກື. 47ເພາະອັນກຼີ ກືຈຶ່ງອ້າມາຍຣ້ວຍ,ເພາະນາງຮັກປູດ ຈຶ່ງພິສູດໂຢນຫອມເຢີການບາບກໍາກະເລິ່ງປູດຂອງນາງ ບອນຣຳ້ການອາໄພເຢີ,ແຕ່ນູ້ມໍ້ກຼໍ້ ທີ່ບອນຣຳ້ການຍົກໂທດອາໄພເຢ້ຍ ນູ້ກຼີກໍຮັກເຢ້ຍ.” 48ຢຼ້າຍພຣະເຢຊູເຈົ້າກໍກ່າວເຢີກັນກຼີຣ້ວຍ,“ການບາບກໍາກະເລິ່ງປູດຂອງມາຍ ບອນຣຳ້ການຍົກໂທດອາໄພເຢີ.” 49ສ່ວນກຸ້ຍກະເລິ່ງປູດ ທີ່ຕະກູຣຳ້ຈ້າແນວຈ້າມະຕຼຸນັງພຣະເຢຊູເຈົ້າຕ່າງກໍເລີ່ມຄຶດກະລຸງພະໄຫ້ງຣ້ວຍ,“ນູ້ນໍຄຣາຍງ້າຍ ທີ່ກ້າໂຢນຍົກໂທດອາໄພບາບກໍາ?” 50ພຣະເຢຊູເຈົ້າກ່າວເຢີກັນກຼີຣ້ວຍ,“ຄວາມເຊື່ອຂອງມາຍຮັກສາໂຢນມາຍພົ້ນເຢີ ຈົ່ງປໍ້້ເກີດສຸກໂຢຼ.”
Currently Selected:
ລູກາ 7: IRR
Highlight
Copy
Compare
Share
Want to have your highlights saved across all your devices? Sign up or sign in
Inh/In Bible by Beyond Translation is licensed under Creative Commons Attribution-ShareAlike 4.0 License.
