ລູກາ 6
6
ບັນຫາເລື່ອງຕະງາຍຊະບາໂຕ
(ມທ 12:1-8; ມຣກ 2:23-28)
1ມູຕະງາຍ ເຕິຕະງາຍວັນຊະບາໂຕ ພຣະເຢຊູເຈົ້າກຳລັງຫະດ້າວກາຍກະລ້າງຫະແຣ້ ຈຸມສາວົກຂອງພຣະອົງບອນເດ້ະເຣິຮວງຫະຣໍ ແລະແງັ້ນຈ້າກະລ້ອງຫະຣໍ. 2ຈຸມຟາຣີຊາຍບາງກຸ້ຍຈຶ່ງໂຊລຣ້ວຍ,“ອາໄມ້ຈຸມແປຼຈຶ່ງຕະເຕິສິ່ງທີ່ກົດບັນຍັດຂອງຈຸມແຮເລິ້ຍອະນຸຍາດໂຢນຕະເຕິຕະງາຍຊະບາໂຕ?”
3ພຣະເຢຊູເຈົ້າທຣະອອຍຈຸມປີດໍຣ້ວຍ,“ຈຸມແປຼເລິ້ຍບອນອ່ານລະນຸງພຣະຄາໍພີກ່ຽວນັງສິ່ງທີ່ດາວິດບອນຕະເຢີດໍ ແລະກຸ້ຍຂອງບອມຢຼະໄອຈ້າໂດ້ຍ? 4ຄືດໍ(ດາວິດ)ບອນໂມດປໍ້້ຫະຣ້າເຄົ້ຣາບໍລິເວນຫໍເຕັນສັກສິດເຄິ້ຣຍບ້ອນທີ່ພຣະເຈົ້າສະຖິດອັດ ເຣິໂດ້ຍກະແຣັ້ມທີ່ບອນຖວາຍເຢີພຣະເຈົາ້ເຕິຈ້າ ແລະນັງແບ່ງຫະແປໂຢນພັກພວກຈຸມບອມຢຼະຈ້າໂຢຼ,ຊຶ່ງກົດບັນຍັດຄຣ້າຊິນໂຢນນູ້ມໍ້ຈ້າໂດ້ຍກຼະແຣ້ມນໍ ນອກເກີດປະໂຣຫິດມະນະກຼີຈຶ່ງຈ້າບອນ.”
5ເຢີພຣະເຢຊູເຈົ້າກໍບອນກ່າວເຢີຈຸມຟາຣີຊາຍຣ້ວຍ,ກື“ບຸດມະນຸດຜູ້ເວິຍອຳນາດນຸງການຕັດສິນໃຈລວມທັງສິ່ງມໍ້ທີ່ປະຊາຊົນຄວນຕະ ຕະງາຍຊະບາໂຕແລະເລິ້ຍຄວນຕະ ຕະງາຍສະບາໂຕ.”
ພຣະເຢຊູເຈົ້າປິ່ນປົວກຸ້ຍໂກນຕີລີບ(ຕີລອຍ)
(ມທ 12:9-14; ມຣກ 3:1-6)
6ເຕິຕະງາຍຊະບາໂຕແອັ້ນມູຕະງາຍ ພຣະເຢຊູເຈົ້າບອນໂມດປໍ້້ກະລຸງທໍາມະສາລາ ແລະສັ່ງສອນເຕິບ້ອນກຼີ ເວິຍກຸ້ຍໂກນມະນະທີ່ຕີຫະຣ້າເຕິ້ມລີບ. 7ຈຸມທໍາມະຈານນັງຈຸມຟາຣີຊາຍບາງກຸ້ຍ ໄອຫລັ້ງຂໍ້ຟ້ອງພຣະເຢຊູເຈົ້າຣ້ວຍ ຕະຜິດ ຈຸມປີດໍຈຶ່ງຊອມແນ້ຣ້ວຍ ພຣະເຢຊູເຈົ້າຈະຕະບາງສິ່ງບາງຢ່າງທີ່ຕໍ່ຕ້ານນັງກົດບັນຍັດ ເພື່ອຈະແນ້ພຣະເຢຊູເຈົ້າຈະຕະງານປິ່ນປົວຮັກສາກຸ້ຍໂກນນໍໂຢນອໍພະຍາດເຕິຕະງາຍຊະບາໂຕບາງສິ່ງບາງຢ່າງຫລືເລິ້ຍ. 8ແຕ່ພຣະເຢຊູເຈົ້າ ຮອຍຄວາມຄຶດຂອງປີດໍ ຈຶ່ງກ່າວເຢີໂກນຕີລີບກຼີຣ້ວຍ,“ຈົ່ງຕະເຢິ່ງຊໍ້ ແລະເຕິ ຫະຣ້າບຣານນໍ” ກຸ້ຍໂກນກຼີຈຶ່ງໂຢຼລຊໍ້ ແລະປໍ້້ຕະເຢິ່ງເຕິບອນກຼີເຢີ ບຣານຄູນະ. 9ເຢີພຣະເຢຊູເຈົ້າ ກໍກ່າວເຢີຈຸມປີດໍຣ້ວຍ. “ກືແສ້ຕະມໍ໋ຈຸມແປຼຣ້ວຍ. ກົດຕະງາຍຊະບາໂຕຂອງຈຸມແຮອະນຸຍາດໂຢນຈຸມແຮຕະອໍ ຫລືຕະເລິ້ບອໍ? ໂຢນຮັກສາທຣະງຶ້ດໍ້ຫລືໂຢນທຳລາຍທຣະງຶ້ຕູ້” 10ພຣະອົງຕະເປິ້ງແນ້ບຣານຈຸມປີດໍຄູນະຢ້ຼາຍກ່າວ ເຢີໂກນຕີລີບຣ້ວຍ, “ຈົ່ງເຢິ້ງຕີມາຍລໍ້” ໂກນຕິີລີບເຢິ້ງຕີຂອງບອມຢຼະລໍ້ ແລະຕີຂອງດໍກໍອໍເກີດປົກກະຕິ.
11ຫະຣ້າກຸ້ຍອັນກຼີກໍເປິ້ນປໍ້້ດ້ວຍຄວາມຫຶນໄອຢັ໋ອງ ແລະບອນປຶກສາຣ້ວຍມະຕຼຸ້ສິ່ງມໍ້ທີ່ຈຸມປີດໍຕະເພື່ອຈະກະເຈຼດພຣະເຢຊູເຈົ້າ.
ພຣະເຢຊູເຈົ້າບອນເລືອກອິດອັກຄະສາວົກສິບສອງນະ
(ມທ 10:1-4; ມຣກ 3:13-19)
12ເຕິຕອນທຣືບຕະແມ້,ພຣະເຢຊູເຈົ້າບອນບອນລໍ້ປໍ້ເກີດເມືອງກຼີປໍ້ເຕິໂກ໋ມູໜ່ວຍ ເພື່ອອັດມະນະ ແລະໃຊ້ເວລາພາວັນນາອະທິຖານເຢີພຣະເຈົ້າອັດບອນກຼີເອີ້ຍຫະດາວ. 13ເຕິທຣືບຕະງາຍແມ້ເຢີ,ພຣະເຢຊູເຈົ້າບອນກາວຈຸມສາວົກເຕິເຢີພຣະອົງ ແລະຈຸມປີດໍກໍເຕິເຢີພຣະອົງ.ພຣະອົງບອນເລືອກອິດສິບສອງນະ ຢຼ້າຍພຣະອົງຕັ້ງພະນຶ້ໂຢນຈຸມປີດໍຣ້ວຍອັກຄະສາວົກ . 14ຄືຊີໂມນ (ທີ່ພຣະອົງຕັ້ງພະນຶ້ຣ້ວຍ,“ເປໂຕ”) ແລະ ອັນເດອາແອ້ມໂກນຂອງຊີໂມນຢຼະຢາໂກໂບ ແລະ ໂຢຮັນ,ຟີລິບ ແລະ ບາຣະໂທໂລມາຍ, 15ມັດທາຍ ແລະໂທມາ,ຢາໂກໂບໄກ້ໂກນຂອງອາລະຟາຍ,ແລະຊີໂມນເກີດຜູ້ຮັກຊາດ(ນູ້ທີ່ກາວກັນຣ້ວຍ,“ເຊໂລເຕ”) 16ຢູດາໄກ້ໂກນຂອງຢາໂກໂບ ແລະ ຢູດາອິດສະກາຣີອົດນູ້ທີ່ຫັກຫລັງເຢີພຣະເຢຊູເຈົ້າ.
ພຣະເຢຊູເຈົ້າສັ່ງສອນ ແລະ ຊົງໂຜດກຸ້ຍໂຢນອໍພະຍາດ
(ມທ 4:23-25)
17ເຢີພຣະເຢຊູເຈົ້ານັງຈຸມສາວົກຂອງພຣະອົງແຊ້ງເຕິເກີດໂກ໋ເຢີ ກໍເຄິ້ຣນຕະເຢິ່ງອັດບອນບິ້ເລິ່ຍມູແຫ່ງ ເຕິບອນກຼີ ເວິຍໄກ້ສິດຂອງພຣະອົງກະເລິ່ງນະນັງປະຊາຊົນຈຳນວນກະເລິ່ງນະ ທີ່ເຕິເກີດທົ່ວທັງແຂວງຢູດາຍ ເກີດ ນະຄອນເຢຣູຊາເລັມ ແລະເກີດຫະຣາ້ທະເລຂອງເມືອງຕີເຣນັງເມືອງຊີໂດນ, 18ຈຸມປີດໍເຕິເພື່ອຫະແງ້ຄຳສອນຂອງພຣະເຢຊູເຈົ້າ ແລະເພື່ອໂຢນພຣະອົງປິ່ນປົວຮັກສາໂຢນອໍພະຍາດໂຣຄາຂອງຈຸມປີດໍ ແລະບັນດານູ້ທີ່ຄຣາຍຢຼາງເລິ້ຍອໍລົບກວນກໍຊົງໂຜດຮັກສາໂຢນອໍທຣະເລິຍ 19ປະຊາຊົນຄູນະຕ່າງກໍພະຍາຍາມແຕະຕ້ອງພຣະອົງ ເພາະຣິດອໍານາດລໍ້ເກີດພຣະອົງ ແລະປິ່ນປົວຮັກສາພະຍາດໂຣຄາຈຸມປີດໍຄູນະໂຢນເປິ້ດອໍໂດຍຣິດອຳນາດຂອງພຣະເຈົ້າ.
ຄວາມສຸກ ແລະວິບັດ(ໂຊກເລິ້ຍອໍ)
(ມທ 5:1-12)
20ເກີດກຼີພຣະເຢຊູເຈົ້າຕະເປິ້ງແນ້ຈຸມສາວົກຂອງພຣະອົງເຢີ ກໍກາ່ວຣ້ວຍ,“ພຣະເຈົ້າຈະອວຍພອນຈຸມແປຼນູ້ທີ່ຖອມຕົວ(ຈຽມຈະ)ເຢີບຣານພຣະເຈົ້າແລະນູ້ທີ່ເພິ່ງພາພຣະເຈົ້າສຳລັບຄູສິ່ງແລະກຸ້ຍທີ່ກະເລິ່ງນະທີ່ເວິຍຄວາມເຊື່ອນຸງພຣະເຈົ້າເພາະຣ້ວຍພຣະເຈົ້າເກີດກະສັດປົກຄອງຂອງຈຸມແປຼແລະຈຸມແປຼເກີດປະຊາຊົນຂອງອານາຈັກພຣະອົງ 21ພຣະເຈົ້າຈະອວຍພອນຈຸມແປຼນູ້ທີກຳລັງເປິ້ນພຣະເຈົ້າ ແລະຄວາມຊອບທຳຈຸມປີດໍເວິຍຄວາມປາຖະນາຢ່າງຊັ໋ລຊ໋າ(ຮ້ອນຮົນ)ສຳລັບພຣະຄຳຂອງພຣະອົງ,ພຣະຄຸ່ນຂອງພຣະອົງການອະໄພແລະຄວາມຮັກການນຳພາຂອງພຣະອົງແລະຣິດອຳນາດ ,ເພາະພຣະເຈົ້າຈະໂຜດໂຢນຈຸມແປຼປະຊາຍເປິ້ນ ຈຸມແປຼທີ່ໂອ້ຍຍ້າມນີນໍກໍເກີດສຸກ,ເພາະຣ້ວຍ ຈຸມແປຼຈະບອນກະຈັ້ງດ້ວຍຄວາມລ້າງ.” 22“ຈຸມແປຼກໍເກີດສຸກປູດ ເຢີກຸ້ຍຄູນະເອິ້ຍຈຸມແປຼ,ຕູ໋ຍໄລ່ຈຸມແປຼຫະລຸ້ປໍ້້,ຈົມແນວເລິ້ຍອໍຈຸມແປຼ ແລະປະຕິເສດພະນຶ້ຂອງຈຸມແປຼຣ້ວຍເລິ້ຍອໍ ເພາະຈຸມແປຼຫອມເຢີບຸດມະນຸດ. 23ເຕິຕະງາຍກຼີ ຈຸມແປຼຈົ່ງເວິຍຄວາມສຸກ ແລະຈົ່ງເຫິ້ນດ້ວຍຄວາມລ້າງອໍເພາະ ແນ້ແມ້!ບຳເໜັດຂອງຈຸມແປຼເວິຍບໍຣິບູນເຢີເຕິສະຫວັນ ເພາະຣ້ວຍບັນພະບຸລຸດຂອງຈຸມປີດໍບອນຕະແບບກຼີ ເຢີຜູ້ປະກາດພຣະທາໍກໍທຣະເລິຍ.” 24“ແຕ່ວິທີ່ການທີ່ເລິ້ຍອໍເຢີຈຸມແປຼ ນູ້ເກີດກຸ້ຍຮັ່ງມີ,ເພາະຈຸມແປຼເວິຍຊີວິດອັດຢາ່ງສຸກສະບາຍ 25ຈະເວິຍການແຊ້ງໂທດເກີດຕາກໍຼ້ຂອງພຣະເຈົ້າສຳລັບຈຸມແປຼນູ້ທີ່ຄຶດຣ້ວຍຈຸມແປຼເວິຍຄູສິ່ງ ທີ່ຈຸມແປຼຕ້ອງການນຸງເວລານໍ ເລິ້ຍບອນຕະໂຢນຈຸມແປຼປະຊາຍເປິ້ນຕໍ່ມາເຢີຈຸມແປຼປະເຊີນບຣານນັງການພິພາກສາຂອງພຣະເຈົ້າ,ຈຸມແປຼຈະເລິ້ຍເກີດສຸກແອັ້ນຕໍ່ໜ້າຈຸມແປຼຈະອຶດຫະຫຼ້າ.” 26“ວິບັດເວິຍເຢີຈຸມແປຼ ເຢີເວິຍກຸ້ຍຍ້ອງຍໍຣ້ວຍຈຸມແປຼອໍ ເພາະບັນພະບຸລຸດຂອງຈຸມປີດໍກໍບອນໂຊລມູແບບນໍເຫິ້ຍ ສິ່ງນໍ້ສະແດງໂຢນຫອມຣ້ວຍ ຈຸມແປຼກໍເກີດຄືຈຸມປີດໍນູ້ທີ່ເກີດຜູ້ປະກາດພຣະທຳປອມ.”
ຄວາມຮັກເຢີສັດຕູ
(ມທ 5:38-48; 7:12)
27“ແຕ່ພຣະເຢຊູເຈົ້າອ້າເລື່ອງນໍເຢີຈຸມແປຼທີ່ບອນຫະແງ້ກືຣ້ວຍ,ຈົ່ງຮັກສັດຕູຂອງຈຸມແປຼ ຈົ່ງຕະອໍເຢີນູ້ທີ່ເອິ໋ຍຈຸມແປຼ, 28ຈົ່ງແສ້ໂຢນພຣະເຈົ້າອວຍພອນກຸ້ຍທີ່ປ້ອຍຢັ໋ອງຈຸມແປຼ ແລະຈົ່ງພາວັນນາອະທິຖານເພື່ອກຸ້ຍທີ່ຂົ່ມເຫັງຈຸມແປຼ. 29ຄັນນູ້ມໍ້ນູ້ມະນະໝິ່ນປະໝາດພຣະເຈົ້າໂດຍການຕະປ້ະຕະເບາະມາຍຫະຣ້າມະແບ້ງ ຈົ່ງປິ່ນໂຢນດໍຕະປ້ະແອັນຫະຣ້າມະແບ້ງ ຄັນນູ້ມໍ້ໂຕ່ຍເຣິຈະແຮຊັ້ນເຄຣົ້າອັນມາຍປໍ້້ ຄັນດໍຈະເຣິຈະແຮຊັ້ນກະລຸງກໍຊິນຄຣ້າຢຼ້າຍ. 30ຈົ່ງໂຢນເຢີຄູນະທີ່ແສ້ເກີດມາຍ ແລະຄັນນູ້ມໍ້ເຣິປຼອງຂອງມາຍປໍ້້ ຢ່າງເລິ້ຍຍຸດຕິທຳຊິນຕະມໍ໋ອິດແອັ້ນ, 31ມາຍໄອ ໂຢນກຸ້ຍກະນໍ້ຕະອີມໍ້ເຢີມາຍຈົ່ງຕະແບບກຼີເຢີດໍທຣະເລິຍ.” 32“ຄັນຈຸມແປຼຮັກກຸ້ຍທີ່ຮັກຈຸມແປຼແຕ່ອັນກຼີ ຈະເກີດຄຸນອະໄມ້ເຢີຈຸມແປຼ?ຄຣາຍແຕ່ບັນດາກຸ້ຍອັນກຼີ ທີ່ເກີດກຸ້ຍບາບກໍນັງຮັກ ນູ້ທີ່ຮັກຈຸມປີດໍທຣະເລິຍ. 33ແລະ ຄັນຈຸມແປຼຕະອໍ ເຢີກຸ້ຍທີ່ຕະອໍແຕ່ອັນກຼີ ຈະເກີດຄຸນອະໄມ້ເຢີຈຸມແປຼ?ຄຣາຍແຕ່ກຸ້ຍອັນກຼີທີ່ເກີດກຸ້ຍບາບກະເລິ່ງນະກໍນັງຕະແບບກຼີທຣະເລິຍ 34ແລະ ຄັນຈຸມແປຼໂຢນກຸ້ຍຢື່ມພຣະ ໂດຍຫວັງຈະບອນລ້າແອັ້ນເກີດດໍແຕ່ອັນກຼີ ຈະເກີດຄຸນອະໄມ້ເຢີຈຸມແປຼ?ຄຣາຍແຕ່ກຸ້ຍບາບກໍ່ນັງໂຢນກຸ້ຍບາບຢືມ ໂດຍຫວັງຈະບອນລ້າແອັ້ນທຣະເລິຍ. 35ຈົ່ງຮັກສັດຕູຂອງຈຸມແປຼ ຈົ່ງຕະອໍເຢີຈຸມປີດໍ,ຈົ່ງເຣິພຣະໂຢນຈຸມປີດໍຢື່ມ ໂດຍເລິ້ຍຫັວງຈະບອນຣຳ້ລ້າແອັ້ນ ພຣະເຈົ້າຈະປະທານກຽດຕິຍຸດອັນເຄິ້ຣຍທີ່ສຸດໂຢນຈຸມແປຼແລະຈຸມແປຼກໍຈະເກີດໄກ້ທີ່ແທ້ຈິ່ງຂອງພຣະເຈົ້າອົງຫະຢຼົ໋ງສຸດນຸງສະຫວັນ ເພາະຣ້ວຍພຣະອົງຊົງໂຜດເຢີກຸ້ຍເນລະຄຸນແລະກຸ້ຍຊົ່ວເລິ້ຍອໍ. 36ແປຼຄູນະຈົ່ງເວິຍຄວາມຫະເອກ ທຣະເລິຍພຣະບິດາເຈົ້າຂອງຈຸມແປຼ ຜູ້ຊົງເວິຍຄວາມຫະເອກ(ເມຕາກະໂລນາ).”
ເລື່ອງການຕັດສີນກຸ້ຍກະນໍ້
(ມທ 7:1-5)
37“ຊິນຕັດສິນກຸ້ຍກະນໍ້ ແລະພຣະເຈົ້າຈະເລິ້ຍຕັດສິນຈຸມແປຼ ຊິນກ່າວໂທດກຸ້ຍກະນໍ້ຢ່າງຮຸ່ນແຮງກ່ຽວນັງການຕະບາບເພື່ອພຣະເຈົ້າຈະເລິ້ຍກາ່ວໂທດຈຸມແປຼກ່ຽວນັງການຕະຜິດ ຈົ່ງຍົກໂທດໂຢນກຸ້ຍກະນໍ້ທີ່ຕະຜິດບາບເພື່ອພຣະເຈົ້າຈະຍົກໂທດໂຢນຈຸມແປຼສຳລັບສິ່ງເລິ້ຍອໍຕ່າງໆທີ່ຈຸມແປຼຕະ. 38ພຣະເຈົ້າຈະຕະເຢີຈຸມແປຼອີພໍ່ຄ້າທີ່ເວິຍພະໄຫ້ງກວ້າງຂວາງບອນຕະ ພຣະອົງຈະຕ້ອງກະຕວງໂຢນເປິ້ນດ້ວຍຟຼອງຜອງທີຕະມັດແຊ້ງ ແລະຕະເກຼິລໂຢນໂມດມະຕຼຸ ເພື່ອຈະສາມາດຫະຍະບອນແອັ້ນ ແລະຈະຫະໂຕ໋ລໍ້ສິ່ງມໍ້ກໍຢຼ້າຍທີ່ຈຸມແປຼຫະຍະບໍວ່າປູດ ຫຼືເຢຼ້ຍ ຟຼອງຜອງທີ່ຈຸມແປຼໃຊ້ສຳລັບກຸ້ຍກະນໍ້ ເກີດຟຼອງຜອງ ທີ່ພຣະເຈົ້າໃຊ້ສຳລັບມາຍ.” 39ຢ້ຼາຍພຣະເຢຊູເຈົ້າກໍນັງບອນກ່າວເຢີຈຸມປີດໍເກີດຄໍາອຸປະມາຣ້ວຍ. “ກຸ້ຍກະລອ້ງໝັ້ນຕອ໋ລຈະອໍກຸ້ຍກະລອງໝັ້ນຕອ໋ລກໍເລິ້ຍຮອຍບອນ ຄັນດໍຕະເອີ້ຍບາລກໍຈະຫະໂຕ້ແຊ້ງພຣຸງຢະຣູ. 40ສິດເລິ້ຍເຄິ້ຣຍກວ່າຄູຂອງບອມຢຼະ ແຕ່ສິດຄູນະເຢີບອນຣຳ້ການຝຶກສອນຢ່າງຄົບຖ້ວນເຢີ ກໍຈະເກີດອີຄູຂອງບອມຢຼະ.”
41“ ຈຸມແປຼສັງເກດແນ້ຫອມຄວາມຜິດບາບເຢ້ຍທີ່ພີນ້ອງຂອງແປຼບອນຕະ ກະເລິ້ຍຄຣາຍຣ້ວຍ ຄວາມຜິດບາບອັນກຼີ ເກີດທຣະເລິຍຄືບໍ້ເຕິກະລ້ອງໝັ້ນຂອງດໍ ຈຸມແປຼຜິດທີ່ຈະແນ້ສິ່ງອັນກຼີ ແລະນັງປະຕິເສດຄວາມຜິດບາບອັນເຄິ້ຣຍປູດທີຈຸມແປຼຕະເກີດທຣະເລິຍຄືລ້ອງເອີ້ຍທ່ອນນຸງກະລຸງກະລ້ອງໝັ້ນແປຼຢຼະ? 42ດ້ວຍເຫດມໍ້ແປຼຈຶ່ງກ້າໂຊເຢີພີ່ນ້ອງຂອງແປຼຣ້ວຍ, ພີ່ນ້ອງເອີຍ, ກາລຸນາໂຢນກືເຣິອໍ້ບະໄຫ້ລລໍ້ເກີດກະລ້ອງໝັ້ນມາຍໂຢຼ ເຢີລອ້ງເອີ້ຍທ່ອນນັງອັດເຕິກະລ້ອງໝັ້ນຂອງແປຼຢຼະພັດແນ້ເລິ້ຍຫອມ?ໂອກຸ້ຍບຣານອໍ,ພະໄຫງ້ເລິ້ຍອໍເອີຍ ຈົ່ງເຣິທ່ອນລ້ອງລໍ້ເກີດກະລ້ອງໝັ້ນແປຼຢຼະຍຸງ ຢຼ້າຍແປຼກໍຈະຫອມແຈ້ງອໍ ເພື່ອຄຣ໋ວຍອໍ້ໝັ້ນລໍ້ເກີດໝັ້ນພີ່ນອ້ງຂອງແປຼ.”
ເລື່ອງຕະໂກ້ລ້ອງ ແລະ ຜົນຂອງດໍ
(ມທ 7:16-20; 12:33-35)
43“ຕະໂກລ້ອງອໍ ເລິ້ຍເຄີຍເກີດຜົນເລິ້ຍອໍ ແລະຕະໂກລ້ອງເລິ້ຍອໍ ກໍເລິ້ຍເຄີຍເກີດຜົນອໍ. 44ຕະໂກລ້ອງຄູຊະນິດຍ່ອມຮອຍບອນດ້ວຍຜົນຂອງອາຢຼະ ຈຸມແປຼເລິ້ຍເຄີຍໄກ໋ກະລ່າຍລະວ້າເທດເກີດຕະໂກເວິຍຫະລ້າ ແລະເລິ້ຍກະລ່າຍໄກ໋ອະງຸ່ນເກີດໂກງທີ່ເວີຍຫະລ້າ. 45ກຸ້ຍອໍຍ່ອມອິດສິ່ງທີ່ອໍລໍ້ເຕິເກີດຄັງອໍແຫ່ງພະໄຫ້ງຂອງບອມຢຼະ ກຸ້ຍເລິ້ຍອໍຍອມອິດສິ່ງເລິ້ຍອໍລໍ້ເຕິເກີດຄັງເລິ້ຍອໍແຫ່ງພະໄຫ້ງຂອງບອມຢຼະ ເພາະຣ້ວຍ ພະໄຫ້ງເປິ້ນປະລ້າຍດ້ວຍສິ່ງມໍ້ປຼອຍກໍໂຊລສິ່ງກຼີລໍ້ເຕິ.”
ເລື່ອງຮາກຖານບາລຢ່າງ
(ມທ 7:24-27)
46“ອາໄມ້ແປຼກະເລິ່ງນະຈຶ່ງກາວກືຣ້ວຍ, ພຣະອົງເຈົ້າຂ້າ. ພຣະອົງເຈົ້າຂ້າ ແຕ່ເລິ້ຍບອນປະຕິບັດຕາມສິ່ງອັນກືອ້າຈຸມແປຼໂຢນຕະ? 47ຄູນະທີ່ເຕິເຢີກື ແລະຫະແງ້ຖ້ອຍຄຳຂອງກື ແລະອິດເຣິປໍ້້ປະຕິບັດ ກືຈະໂຢນຕົວຢ່າງມະໄຫ້ລເຢີຈຸມແປຼ ຣ້ວຍກຸ້ຍກຼີທຣະເລິຍຄືອັນມໍ້. 48ກໍປຽບຄືກຸ້ຍມະນະ ທີ່ບອນຕະດຸງຂອງບອມຢຼະ ດໍປິດບິຢຼະຣູແຊ້ງ ແລະຕັ້ງຮາກຖານຫະຍະເຕິຫະຢົ້ງຕະມໍ້ໍ ແລະເຢີເດີ໋ເຕິຖ້ວມ ຢ້ຼາຍແປວເດີ໋ກໍຕະກຼຸ໋ທັ່ງຫະກຣາຍຕຶກຫລັງກຼີ,ແຕ່ເລິ້ຍສາມາດຕະໂຢນຕຶກກຼີເລິ້ຍດື໋ລເພາະຣ້ວຍບອນຕະອໍເຢີ. 49ສ່ວນກຸ້ຍທີ່ບອນຊັງຖ້ອຍຄຳຂອງກື ແລະເລິ້ຍປະຕິຕາມ ດໍກໍທຣະເລິຍຄືກຸ້ຍມະນະ ທີ່ກໍ່ຕະຕຶກຂອງບອມຢຼະເຕິບິ້ ໂດຍເລິ້ຍກໍຮາກຖານ ເຢີແປວເດີ໋ຕະກຼຸ໋ທັ່ງຫະກຼາຍຕຶກອັນກຼີກໍເຈື່ອນແຊ້ງມູໄປ໋ ແລະຄວາມພິນາດຈິບຫາຍຂອງຕຶກກຼີກໍເຄິ້ຣຍປູດ.”
Currently Selected:
ລູກາ 6: IRR
Highlight
Copy
Compare
Share
Want to have your highlights saved across all your devices? Sign up or sign in
Inh/In Bible by Beyond Translation is licensed under Creative Commons Attribution-ShareAlike 4.0 License.
