လုကာ 20
20
တာထုတ်တာလွိုက်ဘာဇာ့ဒေါ်ဘွေယေရှုအခွက်အာဏာ
1ဘာတနုန်နူ ဘွေသွတ်ပေါင်ဒေါထွန့်လောင်တာခိန် ပရာအော်စရားကူးတဟယ် ဒေါ်ဖားဘွေအရီအကေးနူလော်။ ပရာလူတာဒူ၊ ပရာသိုက်မောရှေလိုင်ဆောင်းဆူးဆရာတဟယ်ဒေါ် ပရာယုဒအခူအနာ့တဟယ်နူ 2အလွိုင်းဇိန်ဘွေတုန်း “ပါးဖင်လောင်နာတာမာအကလဲဒုန်း နကာဒေါထွန့်လောင်တားဒေါ်နဲဘွေရီကေးတဟယ်နူဒုန်းစရာ့ကူးယိုးပရာ” နူလော်။ 3ယေရှုနူ “ခေးဘာလွိုက်သူးအော်တမီလော်။” 4ပရာဘလုန်းတာစရာယောဟန်နူ ပါးဖင်လောင်တာမာတာပရော်တာပရောက်ဒုန်း အကဘလုန်းနူးပရာဆူးနူလယ်။ ဘွေအတာဖင်ဝေအခွက်ဧါ။ ယေရှုလွိုက်ဇိန်ဘလယ်တာနူလော်။
5အဝေသူးနူ “ယေရှု၊ ကနဲတာဖင်လောင် ယောဟန်အခွက်သူးနဲဒေါ်ဘာသရားသူးဇာ့ယူးဝေ” ယေရှု လွိုက်ဇိန်နူလော်။ 6ပရာကဖင်လောင် တပရာပရာမယ် ပရာလောနူးတဟယ်နူ ကဟွေးပါဒေါ်လုတ်ဒေါ်ပါကသူးလော်။ ဘာသရားနဲမယ် အဝေသူးယူးအယ် ယောဟန် ဒုန်းမယ်ဝီးတပရာနူလော်။ တပရာဒေါ်တပရာလေဆိန့်လေရောက်လော်။ 7ဘုန်ဒေါ် ပရာဒူပရာ့တဟယ်နူ “ပါးဖင်လောင်အခွက်ဒုန်း ယောဟန်ကဘလုန်းတာနူမယ်ပါဇာ့သိုက်ကိုး” နဲနူလော်။ 8ဘုန်နူ ယေရှုနူ “ပါးဖင်လောင်တာခွက်တာယာ တကူးယိုးမယ်ခေးမယ်ခေးနဲဇာ့ဇောင့်” နဲဇိန်ကနူလော်။
တာအဒိုးဘာဇာ့ဒေါ်စပျစ်ဂိုင်အဘွေ
9ယေရှုဆိန့်နူးပရာလောနူးတဟယ်ဒေါ် ငေါ့စပရီးတတော်လော်။ “စပျစ်ဂိုင်ဘွေနူ အဖင်လောင်အကိုင်ဒုန်း ပရာအုတ်ခယ်ဟော့တာနူဒေါ် 10စပျစ်သာအခိန်ဘာဒေါ် အဘလိုင်လေအပရာတပရာမကိုက် ကလေဖိတ်ဇိန် မကိုက်ကိုင်ဘွေကဘာနူးဘာတာအော်နူလော်။ ပရာအုတ်ခယ်စပျစ်ဂိုင်တဟယ်နူ တိန်းပုန်ပရာနူပရာဒေါ် အာဇာ့ဖင်ဇိန်တာတမီကိုးဘုန် အခလူးဇိန်ယူးနူလော်။ 11ဘွေကိုင်နူ ဘလိုင်လေထိုက်သားမူး အပရာနု့ပရာတပရာလော်။ နဲမယ်ပရာအုတ်ခယ်ကိုင်တဟယ်နူ တိန်းပုန်သားနူလော်။ အဝေသူးတဟယ်နူမာပူမာကိန်း မာသရာ့သပလတ်အဝေဘုန်ဘလိုင်ဇိန်ယူးသားနူလော်။ 12ကိုင်ဘွေနူ ဘလိုင်လေသားအပရာတပရာဒေါ် အဝေမယ်မာမကိုက်ဒေါ် အရူးကူးတဟယ်နူ ဘာတိန်းဘာပုန်နူလော်။”
13ကိုင်ဘွေနူ “ခေးဘာမာကမားနူ ခေးသိုက်ဟုန်း ခေးကဘလိုင်လောင် ခေးဖော့ခူးအော်တပရာဒေါ်ခေးဒုန်း ခေးဘာလောနူလော်။ အဝေသူးကလားဒူခေးဖော့ခူးနူမယ်” အပရွီးထောင်တာ တပရာလော်ဘုန် ဘလိုင်လေအဖော့ခူးနူလော်။ 14ပရာအုတ်ခယ်ကိုင်တဟယ်နူ “ပရာယိုးပရာမယ်မွက်ပရာဒုန်း အကနူးဘာဇိန်ဂိုင်နူလော်၊ မာသူးကေးအဝေ” အနဲရောက်ကနူလော်။ 15တာမာနဲ ကယိုးခိန်နူ ဂိုင်ဘွေနူအကဘာမာကမား “ဘွေလွိုက်ဇိန်ပရာတဟယ်နူလော်” 16ကိုင်ဘွေနူ ကလေဒေါ် မာသူးကေးပရာအုတ်ခယ်ကိုင်တဟယ်နူလော်၊ ဘုန်နူအကဖင်လောင်အဂိုင်ဒုန်း ပရာကူးရူအစဓိန်းကူးနူလော်။ ပရာဒုန်းအနာဟူးဘာတာတဟယ်နူ “တာကယိုးတဟယ်နူဇာ့ဖီးထောင်ကာ” နဲနူလော်။ 17နဲမယ်ဘွေနူ အုတ်ဘီအဝေသူးဒေါ် “လိုင်ဆောင်းဆူးကူးနူ
ပရာပရောင်သင်တိုက် ဝိန်းကေးလုန်းတဟယ်နူ
အကထွားထောင်သင်ထူကာဘောက်နူလော်”
18ပရာဒုန်းအဘာဒိုးဒေါ်လုန်းတဟယ်ယိုးနူ အကထောင်တွန့်အကုပ်ကုပ်လောင်။ 19ပရာနာဓိန်းတာသဘားအခူအနာ့ဒေါ် ပရာဒါမောရှေအလိုင်ဆောင်းဆူးတဟယ် ဘွေယေရှုတုတ်ငေါ့စပရီး ယိုးတဟယ်နူအဝေသူးသိုက်ငှားနံပူဒေါ် အဝေသူးအရီအကေးပါ။ အခူစား အဝေသူးတဟယ် သနူးဖူဘွေတဘလယ်ထိုက်နူလော်။ နဲမယ်အဝေသူးသဘိုက် ပရာဆူးဖော့ဂက်ဖော့ပရာပူနူလော်။
ဖားဘွေဒေါ်စဟွာဆီဇာ
20အဝေသူးသနူး ဖူဒေါ်အားလောင်ဘွေယေရှုဒုန်း ရောမစဟွာစဓိန်းကူးဒေါ် အဒူအဒါးတဟယ်အုတ်ဒေါ့ယု့နူလော်။ မကိုက်ဒေါ်ဘွေယေရှုအတာကမှာကအော် ကသိုက်ဘာအနဲခူးနူ လားမွန်းအပရာမာမကိုက်ပရာရီပရာရောက်ဒေါ် လေအော်မွန်းဒုန်းဘွေအကားဒီနူလော်။ 21ပရာအုတ်ဟွန်တာနဲဘွေ “ဘွေပရာလောနူးတဟယ် ကမွက်ပရာဒုန်းနတာသနူးနဲခူး တာဒုန်းပါကဘာမာဇု့တဟယ်နူ နသွတ်ပါဒုန်းတာအမွက်ဘုန် နဇာ့အုတ်ဒူအုတ်ရှင်ကယောင်းတပရားကိုး” အနဲမူးကနူလော်။ 22ပါတဟယ်နူ ပါကဘာဖီရောမစဟွာ တာအခူနူအလိုဖီဧါမယ် အဇာ့လိုဧါနူ ဆိန့်နူးရှော့ပါတကင်
23ဘွေယေရှုနူ သိုက်ငှားပရာနူတဟယ် အာကူးအာသာ့ဒေါ် 24ဘွေနူနဲမူး “ပြရူးဘိန်ကာ” အနဲကနူလော်။ “ရူးဘိန်လော်နူသရားယွန်အော်မည် ဒေါ်အရီလောင်ပါးပရာအမီ” ဘွေလွိုက်မွန်းဝေဒေါ်။ “ရောမအင်ပါယာစဟွာအယွန်အော်ဒေါ်အမီ” အဝေနဲဇိန်မူးကနူလော်။ 25ဘုန်နူမယ် ဘွေယေရှုနဲမွန်းမွက် “ဘာဇာ့ဒေါ်အင်ပါယာစဟွာမယ် ဖင်ဇိန်အင်ပါယာစဟွာကာ။ မွက်ဘာဇာ့ဒေါ်ဖားဘွေဒူတာမယ်ဖင်ဇိန်ဖားဘွေဒူအတာကာ” ယေရှုမှာနူးမွန်းအဝေကနူလော်။ 26ပရာနူတဟယ်နူ ဒုန်းပရာပူအာလမောက်နူ အဝေသူးကွားလပ်ဘွေအတာကမာဒေါ် ကွားဇာ့အုတ်ဆူ ဒေါ်အဝေသူးဖူဘွေဇာ့ဒါကိုးနူလော်။
တာသားရိုက်ထောင်ပရာ့ဇိန်ဒေါ်ဇဒ္ဒုကဲတဟယ်
27ဇဒ္ဒုကဲ#20:27 ဇဒ္ဒုကဲ ဇဒ္ဒုကဲနဲမယ် မွက်ပရာတဟယ်ဒုန်း ဇာ့ယူးတာအော်မူးတဇူးပရာ၊ တာထောင်ပရာ့ဇိန် မွက်သူးဘုန်မယ် နဲသာ့နူမယ် ထမိုင်းကေးနူလော် မွက်ပရာဂျူခူနာ့တပူဒုန်းအယူအယ်ကနူလော်။ တဟယ်နူပရာဒုန်း အသူးဘုန်အထောင်ပရားဇိန်နူ အဝေသူးဇာ့ယူးကိုး။ အခူစား ဇဒ္ဒုကဲတဟယ်လေဒုန်းဘွေအလောင်မောက် 28ဘုန်လေဘထိတ်ဒေါ်ဘွေ မောရှေတာမှာလောင်လိုင်ဆောင်းဆူးကူးနူ ပရာမားအော်တပရာ အဖော့အယူဇာ့အော်ဒေါ် အဝေသူးကိုးနူဒေါ်သူးဖယ်နူလော်။ မူးရှိုက်ဒုန်းအော်တောင့်နူဘာဖိတ်ဇိန်အာပူးနူလော်။ ပဇာ့ဒုန်းအော်လောင်ရူးကူးနူမယ် ဘာလားမကိုက်အဝေးဒုန်း အသူးနူပရာအဖော့နူလော်။ 29တဘလယ်နူ “သပွန်းဝေးအော်သာ့နွိုက် အဒူခလုန်းတပရာနူ ဖိတ်အမားဒေါ်အဖော့ဇာ့အော် တပရားတပရာဘုန်အသူးကေးနူလော်။ 30အော်သားအပွန်းအကလာ့တပရာ ဖိတ်ဇိန်သားပွန်မွန်နူတပရာဒေါ် အဖော့န့်အဖော့ဇာ့အော်ဒေါ်သူးနူလော်။ 31သု့ပရာတပရာနူမယ် မာမကိုက်ကနူလော်။ ဖိတ်မူးရှိုက်တာပရာနူဒေါ် သူးလော်သာ့နု့လောနူလော်။ 32ထူးအနော်နူမူးရှိုက်နူသူးမူးနူလော် 33ပွန်မွန်ယိုးပရာနူ အဝါအော်သနွိုက်တဘလယ်ထိုက်ဒေါ် အဝေကတူးဇိန်မော့ခူခိန် အဝေကထွားမားပရာအမား” မယ်ဇဒ္ဒုကဲလွိုက်ဘွေနူလော်။
34ဘွေယေရှုနဲဇိန်မူး “တာဖိတ်စဓိန်းနူအအော်ဘုန်း ဟယ်ခူနူလော်။ 35နဲမယ်တာအော်မူးအလမောက်နူ သူးဘုန်သာရိုက်ဇိန်ခိန် ပရာဒုန်းအကဖိတ်စဓိန်းဒေါ်ဝေဇာ့အော်ဒေါ် တာသူးမယ်ဇာ့အော်ပယ်လော်။ 36အဝေသူးတဟယ်နူ မကိုက်ဘွေတနဲဖော့နူ ကာဖီးထောင်ဘွေအဖော့ယူတဟယ်နူလော်။ ဘာသရားနဲမယ် အဝေသူးတဟယ်နူ အသူးဒေါ်ထောင်ပရားဇိန်နူလော်။” 37ဒုန်းဂက်ခိုက်ကားနူ မီပလီဂိုက်ထောင် မောရှေအရီအကေးအော်တဒပ်နူလော်။ ဖားဘွေဒူနူ အဝေမယ်အာဗြဟံ၊ ဣဇက်၊ ယာကုပ်အဘွေဒူနူလော်။ မယ်တာနဲထောင်ဘလောင်းလောနူလော်။ မာကနူအခူစား သူးဘုန်မယ်ထောင်ပရာ့ဒါ အကလဲအော်အဆိန့်ကနူလော်။ 38မကိုက်တာဆိန့်ယိုးနူ ဖားဘွေဒူနူ အဝေဇာ့မွက်ပရာသူးအဘွေကိုးနူလော်။ အထောင်ပရဇိန်ဘွေဒူနူလော်။ သာနူးနဲယိုးမယ် ဖားဘွေဒူနူ ပရာလောနူးတဟယ်နူအော်မူးဒုန်းဘွေအတာဘာသာ့ကူးနူလော်။
39ပရာဒါမောရှေအလိုင်ဆောင်းဆူးစရာတဟယ်နဲမူး ဖားဘွေနတာနဲယိုးနူမယ် မယ်တာအကုန်ဒေါ်အရောက် အဝေသူးနဲကနူလော်။ 40ဇာ့ထောင်ဘုန်းနူဒေါ် ပရာတဟယ်နူဇာ့လွိုက်ထောင်ပယ် ဘွေယေရှုတာပရွီးတမီးတမီဘေကိုးနူလော်။
တာလွိုက်ဘာဇာ့ဒေါ်ဘွေခရစ်ရီကေး
41ယေရှုနဲမူးပရာတဟယ် ဘာသရား မေရှိယနူမယ် စဟွာဒါဝိဒ်အဖော့ခူးနဲခါးမာရား။ အဝေလွိုက်ကနူလော်။ 42စဟွာဒါဝိဒ် အဝေနူမယ်
လိုင်ဆောင်းဆူးကူး လိုင်စိထော်ပတရယ်ကူးနူ
43“ဖားဘွေဒူနူနဲ အဖင်လောင်အငေါ့ဒုန်းခေးဘွေမေရှိယအော်နူမယ် သူးဒူသူးဒါးတဟယ်ကတူးဒုန်း
သူးကဓိန်ကလာ့ခိန်နူနောင်းလောင်ဒုန်းခေကဓိန်းကားထွိုက်ဒေါ်အော်ကာ” နဲမူးနူလော်။
44စဟွာဒါဝိဒ်နူမေရှိယနူမယ် ခေးဘွေ အဝေနဲကနူအခူစား မေရှိယဘွေနူ ကထွားစဟွာဒါဝိဖော့ခူးဒါကမား ဘွေယေရှုဆိန့်မူးကနူလော်။
အော်သနဲသူးနဲဒုန်းပရာဒါလိုင်ဆောင်းဆူးတဟယ်ကာ
45ဘွေယေရှုနူ ဘုန်းပရာလောနူးတဟယ်နာဓိန်းအခိန်နူ ခီးပရာတဟယ်ဒေါ်ပရာဒါ မောရှေလိုင်ဆောင်းဆူးစရာတဟယ်နူ အော်သနဲဒေါ်ဆွားရိမ်ဆော့အဝေသူးကာ။ 46အဝေသူးတဟယ်နူ ဟော့စဒုန်းလောင်ရူအဒူတဟယ် ဆွားခလိုက်ကူးဒေါ် မာဒူးမာဒါအနဲတဟယ်လော်။ အဝေသူးတူးလေဒုန်း ပရာဆားတာကလဲဒေါ် အသနူးပရာလောနူးတဟယ် အုတ်ဆူအခလိုက်ဒေါ် ပရွီးဘာရောင့်အော်နူလော်။ 47မွက်မွက်မူးရိုက်အော်သင်ဖေါင်းနူ အဝေသူးရွတ်ဖယ်ထွန့်ဒါဘုန် အသဘားအခိန်နူမယ် အမာဘလာအနဲဒုန်း အသဘားထူးနူလော်။ ပရာယိုးတဟယ်နူ အကဘာတာခေါ်ဝယ်ဒုန်း အဒူတဟယ်နူလော်မယ် ဘွေဖင်သနဲထောင်တာနူလော်။
Currently Selected:
လုကာ 20: GHK
Highlight
Share
Copy
Want to have your highlights saved across all your devices? Sign up or sign in
Karen-Geko Bible by Beyond Translation is licensed under Creative Commons Attribution-ShareAlike 4.0 License.
လုကာ 20
20
တာထုတ်တာလွိုက်ဘာဇာ့ဒေါ်ဘွေယေရှုအခွက်အာဏာ
1ဘာတနုန်နူ ဘွေသွတ်ပေါင်ဒေါထွန့်လောင်တာခိန် ပရာအော်စရားကူးတဟယ် ဒေါ်ဖားဘွေအရီအကေးနူလော်။ ပရာလူတာဒူ၊ ပရာသိုက်မောရှေလိုင်ဆောင်းဆူးဆရာတဟယ်ဒေါ် ပရာယုဒအခူအနာ့တဟယ်နူ 2အလွိုင်းဇိန်ဘွေတုန်း “ပါးဖင်လောင်နာတာမာအကလဲဒုန်း နကာဒေါထွန့်လောင်တားဒေါ်နဲဘွေရီကေးတဟယ်နူဒုန်းစရာ့ကူးယိုးပရာ” နူလော်။ 3ယေရှုနူ “ခေးဘာလွိုက်သူးအော်တမီလော်။” 4ပရာဘလုန်းတာစရာယောဟန်နူ ပါးဖင်လောင်တာမာတာပရော်တာပရောက်ဒုန်း အကဘလုန်းနူးပရာဆူးနူလယ်။ ဘွေအတာဖင်ဝေအခွက်ဧါ။ ယေရှုလွိုက်ဇိန်ဘလယ်တာနူလော်။
5အဝေသူးနူ “ယေရှု၊ ကနဲတာဖင်လောင် ယောဟန်အခွက်သူးနဲဒေါ်ဘာသရားသူးဇာ့ယူးဝေ” ယေရှု လွိုက်ဇိန်နူလော်။ 6ပရာကဖင်လောင် တပရာပရာမယ် ပရာလောနူးတဟယ်နူ ကဟွေးပါဒေါ်လုတ်ဒေါ်ပါကသူးလော်။ ဘာသရားနဲမယ် အဝေသူးယူးအယ် ယောဟန် ဒုန်းမယ်ဝီးတပရာနူလော်။ တပရာဒေါ်တပရာလေဆိန့်လေရောက်လော်။ 7ဘုန်ဒေါ် ပရာဒူပရာ့တဟယ်နူ “ပါးဖင်လောင်အခွက်ဒုန်း ယောဟန်ကဘလုန်းတာနူမယ်ပါဇာ့သိုက်ကိုး” နဲနူလော်။ 8ဘုန်နူ ယေရှုနူ “ပါးဖင်လောင်တာခွက်တာယာ တကူးယိုးမယ်ခေးမယ်ခေးနဲဇာ့ဇောင့်” နဲဇိန်ကနူလော်။
တာအဒိုးဘာဇာ့ဒေါ်စပျစ်ဂိုင်အဘွေ
9ယေရှုဆိန့်နူးပရာလောနူးတဟယ်ဒေါ် ငေါ့စပရီးတတော်လော်။ “စပျစ်ဂိုင်ဘွေနူ အဖင်လောင်အကိုင်ဒုန်း ပရာအုတ်ခယ်ဟော့တာနူဒေါ် 10စပျစ်သာအခိန်ဘာဒေါ် အဘလိုင်လေအပရာတပရာမကိုက် ကလေဖိတ်ဇိန် မကိုက်ကိုင်ဘွေကဘာနူးဘာတာအော်နူလော်။ ပရာအုတ်ခယ်စပျစ်ဂိုင်တဟယ်နူ တိန်းပုန်ပရာနူပရာဒေါ် အာဇာ့ဖင်ဇိန်တာတမီကိုးဘုန် အခလူးဇိန်ယူးနူလော်။ 11ဘွေကိုင်နူ ဘလိုင်လေထိုက်သားမူး အပရာနု့ပရာတပရာလော်။ နဲမယ်ပရာအုတ်ခယ်ကိုင်တဟယ်နူ တိန်းပုန်သားနူလော်။ အဝေသူးတဟယ်နူမာပူမာကိန်း မာသရာ့သပလတ်အဝေဘုန်ဘလိုင်ဇိန်ယူးသားနူလော်။ 12ကိုင်ဘွေနူ ဘလိုင်လေသားအပရာတပရာဒေါ် အဝေမယ်မာမကိုက်ဒေါ် အရူးကူးတဟယ်နူ ဘာတိန်းဘာပုန်နူလော်။”
13ကိုင်ဘွေနူ “ခေးဘာမာကမားနူ ခေးသိုက်ဟုန်း ခေးကဘလိုင်လောင် ခေးဖော့ခူးအော်တပရာဒေါ်ခေးဒုန်း ခေးဘာလောနူလော်။ အဝေသူးကလားဒူခေးဖော့ခူးနူမယ်” အပရွီးထောင်တာ တပရာလော်ဘုန် ဘလိုင်လေအဖော့ခူးနူလော်။ 14ပရာအုတ်ခယ်ကိုင်တဟယ်နူ “ပရာယိုးပရာမယ်မွက်ပရာဒုန်း အကနူးဘာဇိန်ဂိုင်နူလော်၊ မာသူးကေးအဝေ” အနဲရောက်ကနူလော်။ 15တာမာနဲ ကယိုးခိန်နူ ဂိုင်ဘွေနူအကဘာမာကမား “ဘွေလွိုက်ဇိန်ပရာတဟယ်နူလော်” 16ကိုင်ဘွေနူ ကလေဒေါ် မာသူးကေးပရာအုတ်ခယ်ကိုင်တဟယ်နူလော်၊ ဘုန်နူအကဖင်လောင်အဂိုင်ဒုန်း ပရာကူးရူအစဓိန်းကူးနူလော်။ ပရာဒုန်းအနာဟူးဘာတာတဟယ်နူ “တာကယိုးတဟယ်နူဇာ့ဖီးထောင်ကာ” နဲနူလော်။ 17နဲမယ်ဘွေနူ အုတ်ဘီအဝေသူးဒေါ် “လိုင်ဆောင်းဆူးကူးနူ
ပရာပရောင်သင်တိုက် ဝိန်းကေးလုန်းတဟယ်နူ
အကထွားထောင်သင်ထူကာဘောက်နူလော်”
18ပရာဒုန်းအဘာဒိုးဒေါ်လုန်းတဟယ်ယိုးနူ အကထောင်တွန့်အကုပ်ကုပ်လောင်။ 19ပရာနာဓိန်းတာသဘားအခူအနာ့ဒေါ် ပရာဒါမောရှေအလိုင်ဆောင်းဆူးတဟယ် ဘွေယေရှုတုတ်ငေါ့စပရီး ယိုးတဟယ်နူအဝေသူးသိုက်ငှားနံပူဒေါ် အဝေသူးအရီအကေးပါ။ အခူစား အဝေသူးတဟယ် သနူးဖူဘွေတဘလယ်ထိုက်နူလော်။ နဲမယ်အဝေသူးသဘိုက် ပရာဆူးဖော့ဂက်ဖော့ပရာပူနူလော်။
ဖားဘွေဒေါ်စဟွာဆီဇာ
20အဝေသူးသနူး ဖူဒေါ်အားလောင်ဘွေယေရှုဒုန်း ရောမစဟွာစဓိန်းကူးဒေါ် အဒူအဒါးတဟယ်အုတ်ဒေါ့ယု့နူလော်။ မကိုက်ဒေါ်ဘွေယေရှုအတာကမှာကအော် ကသိုက်ဘာအနဲခူးနူ လားမွန်းအပရာမာမကိုက်ပရာရီပရာရောက်ဒေါ် လေအော်မွန်းဒုန်းဘွေအကားဒီနူလော်။ 21ပရာအုတ်ဟွန်တာနဲဘွေ “ဘွေပရာလောနူးတဟယ် ကမွက်ပရာဒုန်းနတာသနူးနဲခူး တာဒုန်းပါကဘာမာဇု့တဟယ်နူ နသွတ်ပါဒုန်းတာအမွက်ဘုန် နဇာ့အုတ်ဒူအုတ်ရှင်ကယောင်းတပရားကိုး” အနဲမူးကနူလော်။ 22ပါတဟယ်နူ ပါကဘာဖီရောမစဟွာ တာအခူနူအလိုဖီဧါမယ် အဇာ့လိုဧါနူ ဆိန့်နူးရှော့ပါတကင်
23ဘွေယေရှုနူ သိုက်ငှားပရာနူတဟယ် အာကူးအာသာ့ဒေါ် 24ဘွေနူနဲမူး “ပြရူးဘိန်ကာ” အနဲကနူလော်။ “ရူးဘိန်လော်နူသရားယွန်အော်မည် ဒေါ်အရီလောင်ပါးပရာအမီ” ဘွေလွိုက်မွန်းဝေဒေါ်။ “ရောမအင်ပါယာစဟွာအယွန်အော်ဒေါ်အမီ” အဝေနဲဇိန်မူးကနူလော်။ 25ဘုန်နူမယ် ဘွေယေရှုနဲမွန်းမွက် “ဘာဇာ့ဒေါ်အင်ပါယာစဟွာမယ် ဖင်ဇိန်အင်ပါယာစဟွာကာ။ မွက်ဘာဇာ့ဒေါ်ဖားဘွေဒူတာမယ်ဖင်ဇိန်ဖားဘွေဒူအတာကာ” ယေရှုမှာနူးမွန်းအဝေကနူလော်။ 26ပရာနူတဟယ်နူ ဒုန်းပရာပူအာလမောက်နူ အဝေသူးကွားလပ်ဘွေအတာကမာဒေါ် ကွားဇာ့အုတ်ဆူ ဒေါ်အဝေသူးဖူဘွေဇာ့ဒါကိုးနူလော်။
တာသားရိုက်ထောင်ပရာ့ဇိန်ဒေါ်ဇဒ္ဒုကဲတဟယ်
27ဇဒ္ဒုကဲ#20:27 ဇဒ္ဒုကဲ ဇဒ္ဒုကဲနဲမယ် မွက်ပရာတဟယ်ဒုန်း ဇာ့ယူးတာအော်မူးတဇူးပရာ၊ တာထောင်ပရာ့ဇိန် မွက်သူးဘုန်မယ် နဲသာ့နူမယ် ထမိုင်းကေးနူလော် မွက်ပရာဂျူခူနာ့တပူဒုန်းအယူအယ်ကနူလော်။ တဟယ်နူပရာဒုန်း အသူးဘုန်အထောင်ပရားဇိန်နူ အဝေသူးဇာ့ယူးကိုး။ အခူစား ဇဒ္ဒုကဲတဟယ်လေဒုန်းဘွေအလောင်မောက် 28ဘုန်လေဘထိတ်ဒေါ်ဘွေ မောရှေတာမှာလောင်လိုင်ဆောင်းဆူးကူးနူ ပရာမားအော်တပရာ အဖော့အယူဇာ့အော်ဒေါ် အဝေသူးကိုးနူဒေါ်သူးဖယ်နူလော်။ မူးရှိုက်ဒုန်းအော်တောင့်နူဘာဖိတ်ဇိန်အာပူးနူလော်။ ပဇာ့ဒုန်းအော်လောင်ရူးကူးနူမယ် ဘာလားမကိုက်အဝေးဒုန်း အသူးနူပရာအဖော့နူလော်။ 29တဘလယ်နူ “သပွန်းဝေးအော်သာ့နွိုက် အဒူခလုန်းတပရာနူ ဖိတ်အမားဒေါ်အဖော့ဇာ့အော် တပရားတပရာဘုန်အသူးကေးနူလော်။ 30အော်သားအပွန်းအကလာ့တပရာ ဖိတ်ဇိန်သားပွန်မွန်နူတပရာဒေါ် အဖော့န့်အဖော့ဇာ့အော်ဒေါ်သူးနူလော်။ 31သု့ပရာတပရာနူမယ် မာမကိုက်ကနူလော်။ ဖိတ်မူးရှိုက်တာပရာနူဒေါ် သူးလော်သာ့နု့လောနူလော်။ 32ထူးအနော်နူမူးရှိုက်နူသူးမူးနူလော် 33ပွန်မွန်ယိုးပရာနူ အဝါအော်သနွိုက်တဘလယ်ထိုက်ဒေါ် အဝေကတူးဇိန်မော့ခူခိန် အဝေကထွားမားပရာအမား” မယ်ဇဒ္ဒုကဲလွိုက်ဘွေနူလော်။
34ဘွေယေရှုနဲဇိန်မူး “တာဖိတ်စဓိန်းနူအအော်ဘုန်း ဟယ်ခူနူလော်။ 35နဲမယ်တာအော်မူးအလမောက်နူ သူးဘုန်သာရိုက်ဇိန်ခိန် ပရာဒုန်းအကဖိတ်စဓိန်းဒေါ်ဝေဇာ့အော်ဒေါ် တာသူးမယ်ဇာ့အော်ပယ်လော်။ 36အဝေသူးတဟယ်နူ မကိုက်ဘွေတနဲဖော့နူ ကာဖီးထောင်ဘွေအဖော့ယူတဟယ်နူလော်။ ဘာသရားနဲမယ် အဝေသူးတဟယ်နူ အသူးဒေါ်ထောင်ပရားဇိန်နူလော်။” 37ဒုန်းဂက်ခိုက်ကားနူ မီပလီဂိုက်ထောင် မောရှေအရီအကေးအော်တဒပ်နူလော်။ ဖားဘွေဒူနူ အဝေမယ်အာဗြဟံ၊ ဣဇက်၊ ယာကုပ်အဘွေဒူနူလော်။ မယ်တာနဲထောင်ဘလောင်းလောနူလော်။ မာကနူအခူစား သူးဘုန်မယ်ထောင်ပရာ့ဒါ အကလဲအော်အဆိန့်ကနူလော်။ 38မကိုက်တာဆိန့်ယိုးနူ ဖားဘွေဒူနူ အဝေဇာ့မွက်ပရာသူးအဘွေကိုးနူလော်။ အထောင်ပရဇိန်ဘွေဒူနူလော်။ သာနူးနဲယိုးမယ် ဖားဘွေဒူနူ ပရာလောနူးတဟယ်နူအော်မူးဒုန်းဘွေအတာဘာသာ့ကူးနူလော်။
39ပရာဒါမောရှေအလိုင်ဆောင်းဆူးစရာတဟယ်နဲမူး ဖားဘွေနတာနဲယိုးနူမယ် မယ်တာအကုန်ဒေါ်အရောက် အဝေသူးနဲကနူလော်။ 40ဇာ့ထောင်ဘုန်းနူဒေါ် ပရာတဟယ်နူဇာ့လွိုက်ထောင်ပယ် ဘွေယေရှုတာပရွီးတမီးတမီဘေကိုးနူလော်။
တာလွိုက်ဘာဇာ့ဒေါ်ဘွေခရစ်ရီကေး
41ယေရှုနဲမူးပရာတဟယ် ဘာသရား မေရှိယနူမယ် စဟွာဒါဝိဒ်အဖော့ခူးနဲခါးမာရား။ အဝေလွိုက်ကနူလော်။ 42စဟွာဒါဝိဒ် အဝေနူမယ်
လိုင်ဆောင်းဆူးကူး လိုင်စိထော်ပတရယ်ကူးနူ
43“ဖားဘွေဒူနူနဲ အဖင်လောင်အငေါ့ဒုန်းခေးဘွေမေရှိယအော်နူမယ် သူးဒူသူးဒါးတဟယ်ကတူးဒုန်း
သူးကဓိန်ကလာ့ခိန်နူနောင်းလောင်ဒုန်းခေကဓိန်းကားထွိုက်ဒေါ်အော်ကာ” နဲမူးနူလော်။
44စဟွာဒါဝိဒ်နူမေရှိယနူမယ် ခေးဘွေ အဝေနဲကနူအခူစား မေရှိယဘွေနူ ကထွားစဟွာဒါဝိဖော့ခူးဒါကမား ဘွေယေရှုဆိန့်မူးကနူလော်။
အော်သနဲသူးနဲဒုန်းပရာဒါလိုင်ဆောင်းဆူးတဟယ်ကာ
45ဘွေယေရှုနူ ဘုန်းပရာလောနူးတဟယ်နာဓိန်းအခိန်နူ ခီးပရာတဟယ်ဒေါ်ပရာဒါ မောရှေလိုင်ဆောင်းဆူးစရာတဟယ်နူ အော်သနဲဒေါ်ဆွားရိမ်ဆော့အဝေသူးကာ။ 46အဝေသူးတဟယ်နူ ဟော့စဒုန်းလောင်ရူအဒူတဟယ် ဆွားခလိုက်ကူးဒေါ် မာဒူးမာဒါအနဲတဟယ်လော်။ အဝေသူးတူးလေဒုန်း ပရာဆားတာကလဲဒေါ် အသနူးပရာလောနူးတဟယ် အုတ်ဆူအခလိုက်ဒေါ် ပရွီးဘာရောင့်အော်နူလော်။ 47မွက်မွက်မူးရိုက်အော်သင်ဖေါင်းနူ အဝေသူးရွတ်ဖယ်ထွန့်ဒါဘုန် အသဘားအခိန်နူမယ် အမာဘလာအနဲဒုန်း အသဘားထူးနူလော်။ ပရာယိုးတဟယ်နူ အကဘာတာခေါ်ဝယ်ဒုန်း အဒူတဟယ်နူလော်မယ် ဘွေဖင်သနဲထောင်တာနူလော်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Karen-Geko Bible by Beyond Translation is licensed under Creative Commons Attribution-ShareAlike 4.0 License.