လုကာ 17
17
ဘွေယေရှုအတာဖင်သနဲတဟယ်
1ဘုန်ဒေါ် ဘွေယေရှုမှာလောမှာလောင်ခီးပရာတဟယ်နူဒုန်း “တာဒုန်းအမွက်တာရီဒုန်းအကဖီးထောင် တာကမာကလဲနူကအော်နူလော်။ နဲမယ် ပရာဒုန်းအမာဖီးထောင် တာတဟယ်ယိုးနူပရာနူ အကဘာတာပေါင်းတာဆားနူလော်။ 2တရွန်းသူးမာဘာပရာအရှင်ယိုးနူဒေါ် သူးလိုင်ကလုန် လုန်းဒုန်း သူးကာကလီးလော်ဘုန် ဘာတာလားလောင်ဒုန်းဆူးဒူကားနူမယ် ကမွက်တာအရောက်ဒုန်း အနဲခူးနူလော်။ 3သူးတဟယ်နူ အော်သနဲဟော့သူးနဲကာ။ နပွန်းဝေးနူမွက်မာကမာနာနူဒေါ် သွတ်ပေါင်အော်ကာ။ အဝေမွက်သိုက်ငှားလောင်ဇိန်အနဲနူဒေါ် ဘလိုင်လွတ်ဆော့ဝေကာ။ 4တနုန်အကူးမွက်မာကမှာဘာနာ နွိုက်ဘလယ်ဒေါ် ကဇိန်ဘာ့ဘလယ်ဒုန်း နအော်နွိုက်ဘလယ်နူဒေါ် ခေးသိုက်ငှားလောင်ဇိန်ခေးနဲဟုန်း မွက်နဲကနူဒေါ် နဘာဘလိုင်လွတ်ဝေနူလော်” အဆိန့်လောင်မွန်းကနူလော်။
တာယူးတာနာဒေါ် တာဒုန်း ဘာမာမူးဒါးတဟယ်
5အနူဒေါ် ခီးပရာတဟယ်နူ နဲဘွေဒုန်း “မာအော်အာ့ထောင်ပတာယူးတာနာဆော့ကာ” အဝေသူးကွီးကနူဒေါ် 6ဘွေယေရှုနဲမွန်း “ပရာတာယူးတာတနာအော် ရှုပ်သာအူးခါဖလုံနူ အကာစွီထောင်ဖလောက်ခလုန်မုန်းတူးဒုန်းအခရိဘုန်လူးဇိန်ဒုန်း ဆူးဒူကွီးနူ ကဖင်ခလုန်မုန်း ငေါ့ကငှားမယ် ခလုန်နူအကာနာဓိန်းနူလော်။ 7သူးတဟယ်နူ ပရာမာတာဖေါ့ကထွန့်ဘာဆုန့်တုန် ဇာ့မွက်မယ် အာအုတ်ဟော့သိုးဒေါ် အတူးဇိန်နူ သားရိုက်ဒုန်းအကလိုက်ဘုန် နောင်းလောင်အယ်အွန်းတာဇာ့မွက်ပရာနဲကနူကအော် 8ဇာ့မွက်အကနဲကနူဒေါ် ခွက်လောင်နူးခေးတာအယ်တမူးမူးဘုန် စုန်းကလုန်သူးငါဓိန်းတူးဒုန်းခေးအယ်အွန်းကဘုန် တာဒုန်းခေးသနူးနူမာနူးခေးဆော့။ ဘုန်ကလယ်အယ်အွန်းမွန်းကာ အကနဲကနူဇာ့မွက်ဧါ။ 9ပရာမာတာဖေါ့တဟယ် မာတာမာဒုန်း အဘွေတဟယ်နခူး မသော်မယ် ဘွေတဟယ်နူဇာ့တာရီဘာအဝေသူး။ 10မကိုက်ကနူ သူးတဟယ်နူမယ် သူးမာလောဘုန်တာဒုန်း တာမုန်လောင်သူးတဟယ်နူအခိန်နူ ‘ပါမယ်ခီးပရာဒုန်း မာတာဒုန်းအဇု့ဇာ့အော်တဟယ်နူလော်။ ပမာတာဒုန်း တာဒုန်းပကုန်မာတဟယ်နူလော်’ နဲကနူကာ” အမှာလောင်မွန်းကနူလော်။
ပရာဘာတာဆားဒူအပရာတဆူး
11ဂါလိလဲဟယ်ခူဒေါ် ရှမာရိဂက် အဘုန်းဇုန်နူဘွေ လေဇွတ်ခလိုက် တူးလေဒုန်းဂျေရုဆလင် ဝိန်နူခလိုက် အော်တဘောနူလော်။ 12အလေနူးဒုန်း ဒုန်းတဒုန်းကူးနူဒေါ် ပရာဘာတဆားဒူ အပရာတဆူး လေတူးဇွတ်မွန်း ဘွေနူလော် ဘွေယေရှု ဇာ့ဆွားခါးဒေါ် အော်ထုန် ဘုန်းနူလော်။ 13ဘွေယေရှု ခေါ်ဝယ်စီစပ်ဘာဆော့ပါ ကာ့ကရီးဒေါ် ကွီးစီစပ်မွန်းနူလော်။ 14ဘွေယေရှုအုတ်ဝေသူးဘုန်နဲဝေသူးဒုန်း “လေပြသူးနဲဒုန်းသူးတာသဘားခူနက်အော်ကာ။” အလေခလိုက်လော်ခိန် ပရာဆားတဟယ်နူအအုတ်ဆူဒုန်းအတာဆားထာမိုင်းလောနူလော်။ 15ပရာတာဆား ထမိုင်းတဟယ်နူအကား တပရာတာနူအသိုက်ငှားဒုန်း အတာဆားထမိုင်းအခိန်နူ သာနောက်သဆူးဒေါ် သားပုန်းကာ့ကရီးကလိုက်ဒေါ် ထော်ထောင်ဟော့ဘွေဘူးယောင်းဘုန်ဇိန်မူးနူလော်။ 16ပရာနူ တပရာနူ လေမွန်ဒုန်းဘွေ အကဓိန်းကဒီ ဒေါ်ငေါ့လောင်ကောကော့ဒေါ် သဘားထောင် မွန်းနူလော် ပရာယိုးပရာမယ် ရှမာရိပရာနူလော်။ 17ဘွေယေရှုလွိုက်မွန်း ပရာအပရာ တဆူးလော် ဇာ့ထောင် မိုင်းလော့ကိုးဧါ အော်တောင့်သခွေ့ တူးလောမာလော။ 18ပရာဒုန်း အထော်ထောင်ဟော့ဘွေအဘူးအယောင်းနူ အော်ယိုးတာပရာလော်အကူးရူဇာ့အော်ဘယ်ကိုးဧါ အဝေလွိုက်မွန်း ကနူလော်။ 19ဘုန်မယ်ဆိန့် မွန်ပရာယိုးပရာ သရိုက်ဒေါ် ဆွားကာ နာတာယူးတာနာ မာထောင်မိုင်းကေး နူးလော့နာတာ ဆားတဟယ်ဟုန်းနူလော်။
ဆူးဂက်အော်လုန်းထောင်
20ဘာတနုန်နူဖာရိရှဲတဟယ်လွိုက်ဘွေဒုန်း “ဘွေမော့ခူဆူးဂက်နူအကအော်လုန်းထောင်သရားခိန်မီ” အလွိုက်ထောင်ကနူအခူစား ဘွေနူ “ဘွေမော့ခူဆူးဂက်နူဇာ့မွက်အကအော်လုန်းထောင်မကိုက် တာဒုန်းသူးကအုတ်ဆူဒါကိုး။ 21ဘွေနူ အုတ်ဘယိုးကာ၊ အုတ်ဆော့ဘုန်းနူကာ ဇာ့မွက်အကနဲဇောင့်ကနူကိုး။ ဘာသရားနဲနူမယ် ဘွေမော့ခူဆူးဂက်နူ အအော်နူးဒုန်းသူးကူးနူလော်” အဆိန့်လောင်မူးကနူလော်။ 22မာသားကနူဒေါ် ဘွေနူနဲခီးပရာတဟယ်ဒုန်း “သူးတဟယ်နူသူးကသနူးအုတ်ဆူဘာ ပရာဖော့ခူးအုတ်ကရူဟော့မုန်းနုန်အကားတနုန်မသော်မယ် မုန်းနုန်ကတူးဒုန်းသူးဇာ့အုတ်ဆူဘာကတူးလေနူလော်။ 23အနူဒေါ် ပရာတဟယ်နူ ကနဲသူး ‘ပရာဖော့ခူးယိုးနူ အုတ်ဆော့ဒုန်းငှား အအော်ဘုန်းနူလော်။ ဇာ့မွက်မယ်အုတ်ကာ။ အအော်ဘယိုးနူလော်’ အကနဲကနူမယ် ဇာ့လေဇွတ်ဒုန်းခေါကွန်ကာ။ 24အရီနူမယ် မကိုက်ကလောင်မုန်းလီးဒေါ် မော့ခူရခါးတဒေးဘာ ပရာဖော့ခူးကတူးလောင်ဇိန်အနော်တဘလယ်ခိန်နူ ပရာလောနူးတဟယ် အုတ်ဆူဘာကနူလော်။ 25နဲမယ် တာတဟယ်ယိုးဇာ့တူးမွန်းခိန်နူ ပရာဖော့ခူးယိုးနူ ကခေါင်ဘာတာဗေါင်းတာဆားဒူဘုန် ပရာခါးယိုးတဇွတ်ဟယ်နူ ကလားကေးအော်နူလော်။ 26မကိုက်တာမာနဲ#17:26 မကိုက်တာမာနဲ ဖားဘွေနူ အစရောင်ပရာလူဟယ်ခူဖော့တဟယ်ဒေါ်ဆူးဒူအခိန်နူ အမာပူးဘလွတ်နောဧဒေါ်အပရာသင်ကူးဖော့တဟယ်နူလော်။ (ကမ္ဘာ ၁၉း၁-၂၉) ဒုန်း နောဧဇု့ခိန်နူ ပရာဖော့ခူးကဇိန်လောင်မုန်းနုန်တူးလေအခိန်နူ တာကမာနဲမကိုက်” ကနူလော်။ 27နောဧ တူးလေနူးဒုန်းကဘောကူးခိန်နူမယ် အဝေသူးတဟယ်နူ မာတာအယ်တာအွန်းဒေါ် တာဖိတ်စဓိန်းဒေါ်ဆူးဒူဘု့တာဘုန် တာဒုန်းအအော်ဟယ်ခူတဘာကူးတဟယ်နူကလောင်ပရူးလောမူးနူလော်။ 28မာကနူဒေါ် လောတဇု့ခိန်#17:28 လောတဇု့ခိန် ဘွေစရောင်သောဒုံဝိန်ဒေါ်ဂေါမောရဝိန်အခိန်နူ အမာပူးဘလွတ်လောတဒေါ်အသင်ကူးဖော့တဟ ယ်နူလော်။ (ကမ္ဘာ ၁၉း၁-၂၉)နူ ပရာအော်သောဒုံဝိန်တဟယ်နူ အယ်တာအွန်းတာ လု့လောင်တာမုတ်၊ ပရောင်ထောင်သင်ဘုန် ဆားအယ်ဆားအွန်းတာဒေါ် အအော်ကနူတဟယ်နူလော်။ 29လောတဆွားထောင်ကေးဒုန်း သောဒုံဝိန်မုန်းနုန်အခိန်နူ ဒုန်းမော့ခူနူမီအော်ဒေါ်ကန့် ဆွိုက်လောင်ဒေါ် ပရာလောနူးသူးကေးဘာဒုန်း တာကေးတပြား အကလှက်နူလော်။ 30ပရာဖော့ခူး အော်လုန်းထောင်မုန်းနုန်ခိန်နူမယ် ကမာမကိုက်ကယိုးနူလော်။ 31ဘုန်းနူအခိန်နူ ပရာဒုန်းအအော်သင်ခူတဟယ်ဒုန်းမကိုက်ကဖိတ်တာတမီမီဒုန်း သင်ကူးနဲခူးနူဇာ့ဇိန်လောင်ဒုန်းသင်ကူးကာ။ မကိုက်ကနူ ပရာဒုန်း အတူးလေဆုန့်တုန်တဟယ်ဇိန်ဘလယ်မာသင်ကူးမာကာ။ 32နသု့ထောင်နူးဆော့ လောတအမားကာ။ 33ပရာဒုန်းအာရကိတ်ဟော့ အသာ့နူ ကဘာလားကေးတာဖိတ်ဒူနဲနူကူးလောလော်။ နဲမယ်ပရာဒုန်း အလန်းလောင်အသာ့သမူးဒုန်းဘွေနဲခူးတဟယ်နူ တာကမာကွားအသာ့သမူး နူလော်။ 34ခေးကဆိန့်နူးသူးတာနူလော်။ “ဘုန်းနူဟနူ ပရာသနု့ မှီးဘလုန်ကလဲမှီးတဒပ်လော်ဒေါ်တာကကန့်ဆွားကေးပရာဒုန်း အယူးနာခေးဒုန်းပရာသာ့နု့ကားတပရာဒေါ် ကလားတောင့်ကေးပရာဒုန်းဇာ့ယူးနာအယ်ခေးတပရာလော်။ 35ပရာဆွန်း အယ်ဘလုန်ဘုတ်ကအော်သနု့နူ ကကန့် ဆွားကေးပရာဒုန်းအယူးနာခေးတပရာနူဒေါ် ကလားတောင့်ကေးပရာဒုန်းဇာ့ယူးနာအယ်ခေးနူလော်။ 36ဒုန်းဆုန့်တုန်ပရာ ကအော်သာ့နု့ဒေါ် တာကကာ့ဆွားကေး ပရာဒုန်းအယူးနာအယ်ခေးဒေါ် တာကလားတောင့်ကေးပရာဒုန်း အဇာ့ယူးနာအယ်ခေးတပရာနူလော်” ဆိန့်မူးကနူလော်။ 37ခီးပရာတဟယ်နူ လွိုက်မွန်း “ဘွေ၊ တာရီတာကေးယိုးတဟယ်နူ အကာဖီးထောင်ဂက်မလောကလောင်” အလွိုက်ကနူတဟယ်နူလော်။
ဘွေနူ “တာလောင်သုန်းအော်ကလဲနူ လိုင်းဒူတဟယ်ကတူးလေဘလုန် ဘုန်းနူလော်” နဲလောင်မူးကနူလော်။
Currently Selected:
လုကာ 17: GHK
Highlight
Share
Copy
Want to have your highlights saved across all your devices? Sign up or sign in
Karen-Geko Bible by Beyond Translation is licensed under Creative Commons Attribution-ShareAlike 4.0 License.
လုကာ 17
17
ဘွေယေရှုအတာဖင်သနဲတဟယ်
1ဘုန်ဒေါ် ဘွေယေရှုမှာလောမှာလောင်ခီးပရာတဟယ်နူဒုန်း “တာဒုန်းအမွက်တာရီဒုန်းအကဖီးထောင် တာကမာကလဲနူကအော်နူလော်။ နဲမယ် ပရာဒုန်းအမာဖီးထောင် တာတဟယ်ယိုးနူပရာနူ အကဘာတာပေါင်းတာဆားနူလော်။ 2တရွန်းသူးမာဘာပရာအရှင်ယိုးနူဒေါ် သူးလိုင်ကလုန် လုန်းဒုန်း သူးကာကလီးလော်ဘုန် ဘာတာလားလောင်ဒုန်းဆူးဒူကားနူမယ် ကမွက်တာအရောက်ဒုန်း အနဲခူးနူလော်။ 3သူးတဟယ်နူ အော်သနဲဟော့သူးနဲကာ။ နပွန်းဝေးနူမွက်မာကမာနာနူဒေါ် သွတ်ပေါင်အော်ကာ။ အဝေမွက်သိုက်ငှားလောင်ဇိန်အနဲနူဒေါ် ဘလိုင်လွတ်ဆော့ဝေကာ။ 4တနုန်အကူးမွက်မာကမှာဘာနာ နွိုက်ဘလယ်ဒေါ် ကဇိန်ဘာ့ဘလယ်ဒုန်း နအော်နွိုက်ဘလယ်နူဒေါ် ခေးသိုက်ငှားလောင်ဇိန်ခေးနဲဟုန်း မွက်နဲကနူဒေါ် နဘာဘလိုင်လွတ်ဝေနူလော်” အဆိန့်လောင်မွန်းကနူလော်။
တာယူးတာနာဒေါ် တာဒုန်း ဘာမာမူးဒါးတဟယ်
5အနူဒေါ် ခီးပရာတဟယ်နူ နဲဘွေဒုန်း “မာအော်အာ့ထောင်ပတာယူးတာနာဆော့ကာ” အဝေသူးကွီးကနူဒေါ် 6ဘွေယေရှုနဲမွန်း “ပရာတာယူးတာတနာအော် ရှုပ်သာအူးခါဖလုံနူ အကာစွီထောင်ဖလောက်ခလုန်မုန်းတူးဒုန်းအခရိဘုန်လူးဇိန်ဒုန်း ဆူးဒူကွီးနူ ကဖင်ခလုန်မုန်း ငေါ့ကငှားမယ် ခလုန်နူအကာနာဓိန်းနူလော်။ 7သူးတဟယ်နူ ပရာမာတာဖေါ့ကထွန့်ဘာဆုန့်တုန် ဇာ့မွက်မယ် အာအုတ်ဟော့သိုးဒေါ် အတူးဇိန်နူ သားရိုက်ဒုန်းအကလိုက်ဘုန် နောင်းလောင်အယ်အွန်းတာဇာ့မွက်ပရာနဲကနူကအော် 8ဇာ့မွက်အကနဲကနူဒေါ် ခွက်လောင်နူးခေးတာအယ်တမူးမူးဘုန် စုန်းကလုန်သူးငါဓိန်းတူးဒုန်းခေးအယ်အွန်းကဘုန် တာဒုန်းခေးသနူးနူမာနူးခေးဆော့။ ဘုန်ကလယ်အယ်အွန်းမွန်းကာ အကနဲကနူဇာ့မွက်ဧါ။ 9ပရာမာတာဖေါ့တဟယ် မာတာမာဒုန်း အဘွေတဟယ်နခူး မသော်မယ် ဘွေတဟယ်နူဇာ့တာရီဘာအဝေသူး။ 10မကိုက်ကနူ သူးတဟယ်နူမယ် သူးမာလောဘုန်တာဒုန်း တာမုန်လောင်သူးတဟယ်နူအခိန်နူ ‘ပါမယ်ခီးပရာဒုန်း မာတာဒုန်းအဇု့ဇာ့အော်တဟယ်နူလော်။ ပမာတာဒုန်း တာဒုန်းပကုန်မာတဟယ်နူလော်’ နဲကနူကာ” အမှာလောင်မွန်းကနူလော်။
ပရာဘာတာဆားဒူအပရာတဆူး
11ဂါလိလဲဟယ်ခူဒေါ် ရှမာရိဂက် အဘုန်းဇုန်နူဘွေ လေဇွတ်ခလိုက် တူးလေဒုန်းဂျေရုဆလင် ဝိန်နူခလိုက် အော်တဘောနူလော်။ 12အလေနူးဒုန်း ဒုန်းတဒုန်းကူးနူဒေါ် ပရာဘာတဆားဒူ အပရာတဆူး လေတူးဇွတ်မွန်း ဘွေနူလော် ဘွေယေရှု ဇာ့ဆွားခါးဒေါ် အော်ထုန် ဘုန်းနူလော်။ 13ဘွေယေရှု ခေါ်ဝယ်စီစပ်ဘာဆော့ပါ ကာ့ကရီးဒေါ် ကွီးစီစပ်မွန်းနူလော်။ 14ဘွေယေရှုအုတ်ဝေသူးဘုန်နဲဝေသူးဒုန်း “လေပြသူးနဲဒုန်းသူးတာသဘားခူနက်အော်ကာ။” အလေခလိုက်လော်ခိန် ပရာဆားတဟယ်နူအအုတ်ဆူဒုန်းအတာဆားထာမိုင်းလောနူလော်။ 15ပရာတာဆား ထမိုင်းတဟယ်နူအကား တပရာတာနူအသိုက်ငှားဒုန်း အတာဆားထမိုင်းအခိန်နူ သာနောက်သဆူးဒေါ် သားပုန်းကာ့ကရီးကလိုက်ဒေါ် ထော်ထောင်ဟော့ဘွေဘူးယောင်းဘုန်ဇိန်မူးနူလော်။ 16ပရာနူ တပရာနူ လေမွန်ဒုန်းဘွေ အကဓိန်းကဒီ ဒေါ်ငေါ့လောင်ကောကော့ဒေါ် သဘားထောင် မွန်းနူလော် ပရာယိုးပရာမယ် ရှမာရိပရာနူလော်။ 17ဘွေယေရှုလွိုက်မွန်း ပရာအပရာ တဆူးလော် ဇာ့ထောင် မိုင်းလော့ကိုးဧါ အော်တောင့်သခွေ့ တူးလောမာလော။ 18ပရာဒုန်း အထော်ထောင်ဟော့ဘွေအဘူးအယောင်းနူ အော်ယိုးတာပရာလော်အကူးရူဇာ့အော်ဘယ်ကိုးဧါ အဝေလွိုက်မွန်း ကနူလော်။ 19ဘုန်မယ်ဆိန့် မွန်ပရာယိုးပရာ သရိုက်ဒေါ် ဆွားကာ နာတာယူးတာနာ မာထောင်မိုင်းကေး နူးလော့နာတာ ဆားတဟယ်ဟုန်းနူလော်။
ဆူးဂက်အော်လုန်းထောင်
20ဘာတနုန်နူဖာရိရှဲတဟယ်လွိုက်ဘွေဒုန်း “ဘွေမော့ခူဆူးဂက်နူအကအော်လုန်းထောင်သရားခိန်မီ” အလွိုက်ထောင်ကနူအခူစား ဘွေနူ “ဘွေမော့ခူဆူးဂက်နူဇာ့မွက်အကအော်လုန်းထောင်မကိုက် တာဒုန်းသူးကအုတ်ဆူဒါကိုး။ 21ဘွေနူ အုတ်ဘယိုးကာ၊ အုတ်ဆော့ဘုန်းနူကာ ဇာ့မွက်အကနဲဇောင့်ကနူကိုး။ ဘာသရားနဲနူမယ် ဘွေမော့ခူဆူးဂက်နူ အအော်နူးဒုန်းသူးကူးနူလော်” အဆိန့်လောင်မူးကနူလော်။ 22မာသားကနူဒေါ် ဘွေနူနဲခီးပရာတဟယ်ဒုန်း “သူးတဟယ်နူသူးကသနူးအုတ်ဆူဘာ ပရာဖော့ခူးအုတ်ကရူဟော့မုန်းနုန်အကားတနုန်မသော်မယ် မုန်းနုန်ကတူးဒုန်းသူးဇာ့အုတ်ဆူဘာကတူးလေနူလော်။ 23အနူဒေါ် ပရာတဟယ်နူ ကနဲသူး ‘ပရာဖော့ခူးယိုးနူ အုတ်ဆော့ဒုန်းငှား အအော်ဘုန်းနူလော်။ ဇာ့မွက်မယ်အုတ်ကာ။ အအော်ဘယိုးနူလော်’ အကနဲကနူမယ် ဇာ့လေဇွတ်ဒုန်းခေါကွန်ကာ။ 24အရီနူမယ် မကိုက်ကလောင်မုန်းလီးဒေါ် မော့ခူရခါးတဒေးဘာ ပရာဖော့ခူးကတူးလောင်ဇိန်အနော်တဘလယ်ခိန်နူ ပရာလောနူးတဟယ် အုတ်ဆူဘာကနူလော်။ 25နဲမယ် တာတဟယ်ယိုးဇာ့တူးမွန်းခိန်နူ ပရာဖော့ခူးယိုးနူ ကခေါင်ဘာတာဗေါင်းတာဆားဒူဘုန် ပရာခါးယိုးတဇွတ်ဟယ်နူ ကလားကေးအော်နူလော်။ 26မကိုက်တာမာနဲ#17:26 မကိုက်တာမာနဲ ဖားဘွေနူ အစရောင်ပရာလူဟယ်ခူဖော့တဟယ်ဒေါ်ဆူးဒူအခိန်နူ အမာပူးဘလွတ်နောဧဒေါ်အပရာသင်ကူးဖော့တဟယ်နူလော်။ (ကမ္ဘာ ၁၉း၁-၂၉) ဒုန်း နောဧဇု့ခိန်နူ ပရာဖော့ခူးကဇိန်လောင်မုန်းနုန်တူးလေအခိန်နူ တာကမာနဲမကိုက်” ကနူလော်။ 27နောဧ တူးလေနူးဒုန်းကဘောကူးခိန်နူမယ် အဝေသူးတဟယ်နူ မာတာအယ်တာအွန်းဒေါ် တာဖိတ်စဓိန်းဒေါ်ဆူးဒူဘု့တာဘုန် တာဒုန်းအအော်ဟယ်ခူတဘာကူးတဟယ်နူကလောင်ပရူးလောမူးနူလော်။ 28မာကနူဒေါ် လောတဇု့ခိန်#17:28 လောတဇု့ခိန် ဘွေစရောင်သောဒုံဝိန်ဒေါ်ဂေါမောရဝိန်အခိန်နူ အမာပူးဘလွတ်လောတဒေါ်အသင်ကူးဖော့တဟ ယ်နူလော်။ (ကမ္ဘာ ၁၉း၁-၂၉)နူ ပရာအော်သောဒုံဝိန်တဟယ်နူ အယ်တာအွန်းတာ လု့လောင်တာမုတ်၊ ပရောင်ထောင်သင်ဘုန် ဆားအယ်ဆားအွန်းတာဒေါ် အအော်ကနူတဟယ်နူလော်။ 29လောတဆွားထောင်ကေးဒုန်း သောဒုံဝိန်မုန်းနုန်အခိန်နူ ဒုန်းမော့ခူနူမီအော်ဒေါ်ကန့် ဆွိုက်လောင်ဒေါ် ပရာလောနူးသူးကေးဘာဒုန်း တာကေးတပြား အကလှက်နူလော်။ 30ပရာဖော့ခူး အော်လုန်းထောင်မုန်းနုန်ခိန်နူမယ် ကမာမကိုက်ကယိုးနူလော်။ 31ဘုန်းနူအခိန်နူ ပရာဒုန်းအအော်သင်ခူတဟယ်ဒုန်းမကိုက်ကဖိတ်တာတမီမီဒုန်း သင်ကူးနဲခူးနူဇာ့ဇိန်လောင်ဒုန်းသင်ကူးကာ။ မကိုက်ကနူ ပရာဒုန်း အတူးလေဆုန့်တုန်တဟယ်ဇိန်ဘလယ်မာသင်ကူးမာကာ။ 32နသု့ထောင်နူးဆော့ လောတအမားကာ။ 33ပရာဒုန်းအာရကိတ်ဟော့ အသာ့နူ ကဘာလားကေးတာဖိတ်ဒူနဲနူကူးလောလော်။ နဲမယ်ပရာဒုန်း အလန်းလောင်အသာ့သမူးဒုန်းဘွေနဲခူးတဟယ်နူ တာကမာကွားအသာ့သမူး နူလော်။ 34ခေးကဆိန့်နူးသူးတာနူလော်။ “ဘုန်းနူဟနူ ပရာသနု့ မှီးဘလုန်ကလဲမှီးတဒပ်လော်ဒေါ်တာကကန့်ဆွားကေးပရာဒုန်း အယူးနာခေးဒုန်းပရာသာ့နု့ကားတပရာဒေါ် ကလားတောင့်ကေးပရာဒုန်းဇာ့ယူးနာအယ်ခေးတပရာလော်။ 35ပရာဆွန်း အယ်ဘလုန်ဘုတ်ကအော်သနု့နူ ကကန့် ဆွားကေးပရာဒုန်းအယူးနာခေးတပရာနူဒေါ် ကလားတောင့်ကေးပရာဒုန်းဇာ့ယူးနာအယ်ခေးနူလော်။ 36ဒုန်းဆုန့်တုန်ပရာ ကအော်သာ့နု့ဒေါ် တာကကာ့ဆွားကေး ပရာဒုန်းအယူးနာအယ်ခေးဒေါ် တာကလားတောင့်ကေးပရာဒုန်း အဇာ့ယူးနာအယ်ခေးတပရာနူလော်” ဆိန့်မူးကနူလော်။ 37ခီးပရာတဟယ်နူ လွိုက်မွန်း “ဘွေ၊ တာရီတာကေးယိုးတဟယ်နူ အကာဖီးထောင်ဂက်မလောကလောင်” အလွိုက်ကနူတဟယ်နူလော်။
ဘွေနူ “တာလောင်သုန်းအော်ကလဲနူ လိုင်းဒူတဟယ်ကတူးလေဘလုန် ဘုန်းနူလော်” နဲလောင်မူးကနူလော်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Karen-Geko Bible by Beyond Translation is licensed under Creative Commons Attribution-ShareAlike 4.0 License.