II Kô-rir-tô 7
7
1Pathau dei ai uranam, kaywa hu dôm panôic he ni, khol drei xang jamưah êng drei klah di abih nưm mưrag anưd thap thong mat xwan, lijang xang ngak ka gruk thrah nưbi bihu tamo tamê dalam gruk hôic taka di Pô Lingik.
Phao-lô hu pajiông kaywa bôl Kô-rir-tô
2Xang piêh ka khol dahlak tha libik dalam tian dei ai. Khol dahlak krung hu ôh jamrah ôh kahanôt thong thei, ôh ngak rugi thei, ôh chat thei. 3Dahlak ôh đôm kabha ni piêh padok an dei ai, kaywa dahlau dêh dahlak krung hu đôm laic dei ai takung mưdok dalam tian dahlak, thubik mưtai thubik diup thong gaup. 4Dahlak biak parcaya dei ai, thong biak mưyeh mưyom ka dei ai. Dahlak bihu mưthik mưdar boh pajiông thong jamji pakal bui ôn krưh di abih rijan. 5#II Kô 2:13.Tuk mưrai Ma-xê-đô-ni-a, thap khol dahlak ôh bihu padei gleh đơ xit halei, kathrưg vang yơng khol dahlak – mưthuh kalin gah lingiu, thur mưk gah dalam. 6Min Pô Lingik, Dê pajiông ra aic hatai, krung hu pajiông dahlak tuk pachai Tit mưrai; 7ô kan kaywa bruk Tit mưrai thoh ô, min dok kaywa gruk pajiông bloh xaai nan krung hu tôk mưng dei ai gêk. Xaai nan krung hu đôm thong khol dahlak ka gruk mong akok, apakar pađik padrôi thong tian tatang tiak anưd dei ai piêh ka dahlak, ngak ka dahlak bik bui ôn hơl vơk.
Gruk pađik padrôi tui gimnit Pô Lingik
8Mưyah harak dahlak hu ngak ka dei ai pađik padrôi yơ dahlak lijang ôh padug damưn. Bloh mưyah dahlau di nạn dahlak hu padug damưn – kaywa dahlak ƀôh harak nan krung hu ngak ka dei ai pađik padrôi, kanê ciêt dalam takik tuk vag – 9yơ urak ni dahlak gilaic bui ôn. Dahlak bui ôh njaup kaywa dei ai krung hu pađik padrôi, min kaywa gruk pađik padrôi dei ai krung hu ba mai gruk tumal. Biak, dei ai krung hu pađik padrôi tui gimnit Pô Lingik; yau nan, khol dahlak ôh ngak rugi haget ka dei ai trah. 10Kaywa gruk pađik padrôi tui gimnit Pô Lingik pajiơng tabiak gruk tumal piêh bihu dong paklah; kabha ni ôh hu haget xang padug damưn; min gruk pađik padrôi tui dunya yơ ba tal gruk mưtai. 11Yau nan, dei ai xang iơk, gruk pađik drôi tui gimnit Pô Lingik krung hu pajiơng tabiak dalam dei ai tian tatang tiak yau halei! Ô kan yau nan bloh abih gruk ran padah payah, mưrakek, hôic taka, mong akok, tati tatang, pamưk tamar gêk! Dei ai krung hu xakrưn ka abih drei laic drei ôh hu xwel dalam bruk nan. 12Biak rei, mưyah dahlak krung hu vak harak ka dei ai, nan ôh njaup kaywa ra ngak xwel, lijang ôh njaup kaywa mưnuix gok dok dang xwel, min piêh tian tatang tiak anưd dei ai jom thong khol dahlak bihu sahadah ka dei ai di anak Pô Lingik. 13Nan nạn kabha pajiông khol dahlak.
Ganak boh pajiông nan, khol dahlak dok bihu bui ôn hơl vơk ywa pakal bui anưd Tit, kaywa abih dei ai krung hu ngak ka mat ar xaai nan bihu njôl njaic. 14Mưyah dahlak hu đơ xit mưyeh mưyom ka dei ai thong Tit yơ dahlak lijang ôh mưlau mưlit, kaywa yau dôm haget khol dahlak krung hu đôm thong dei ai nạn tapak tape, gruk mưyeh mưyom anưd khol dahlak di anak Tit lijang bihu xakrưn nạn tapi tapak. 15Thong tiak anit ranam anưd Tit jom thong dei ai bik jamji hơl, tuk xaai nan kanal tal gruk pang panôic abih dei ai thubik thong gruk hôic taka, yuh yuh tuk dei ai rok daa xaai nan. 16Dahlak bui ôn kaywa hu mưda purmưta padul dei ai.
Currently Selected:
II Kô-rir-tô 7: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
