II Kô-rinh-tô Baak ptơơm bôôk
Baak ptơơm bôôk
Khaak Wưt Baar Phao-lô ri piyơ aan bnih jơrnơ tu Kô-rinh-tô kươt 'bian knông klap kro rngiêl u baak gôq dơq nơơm bu n'hai Phung Jrah tal nei. Mbu baar du bnih knông Phung Jrah Kô-rinh-tô ja ta wal teq Phao-lô, dôh Phao-lô tơrsau nuih êch kơndưng rơih baak u bu broh đat tơt sau ntil au kươt lơh.
Knông pak ptơơm plơơp khaak, Phao-lô lah tơt baak gôq dơq bu ri n'hai Phung Jrah tal Kô-rinh-tô, rơih đươm geh baak bu ja ơh pơrjat teq n'hai baak đam điêl u wal pang knông Phung Jrah, đươm pang kot tơrsau baak broh đươm ntil pơrjat nei liêu tơt baak teq lơi dôih u ta krôih. Ja nei Phao-lô khuôl baak jraih pơrgum knông Phung Jrah Kô-rinh-tô jah joq jraih bơl bnih jơrnơ amơp kro rngiêl tal Ju-đê. Knông pal tap ptut Phao-lô koh roong kaar jơt jơng bơn ri đươm geh nak bnih knông Phung Jrah Kô-rinh-tô lơơt chhak nơơm êêng bei lah bơl jơt jơng sêch song, knông plah nei bu pơrkat Phao-lô lah jơt jơng lhiat.
Kôq dap
Ptơơm bôôk (1:1-11)
Phao-lô u Phung Jrah tal Kô-rinh-tô (1:12 – 7:16)
Baak ta jraih pơrgum bnih jơrnơ tu Ju-đe (8:1 – 9:15)
Phao-lô koh roong kaar jơt jơng bơn ri (10:1 – 12:21)
Ptut (13:1-13)
Currently Selected:
II Kô-rinh-tô Baak ptơơm bôôk: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.