Lukas 18
18
Tuz Puj Ntsuag has tuz Txabtxid Kwg tsi Ncaaj
1Yexus has is zaaj luz pibtxwb tu niz cob thwjtid has tas, kuas cud naj hnoos thob Vaajtswb tsi xod qawgzug. 2Yexus has tas, “Nyos hub is lus nroog, muaj is tug txabtxid kwg tsi ntshai Vaajtswb has tsi fwd tuz twg ni. 3Nyos hub lus nroog qhai muaj is tug puj ntsuag kwg naj hnoostuaj thob tuz txabtxid qhai has tas ‘Thob koj paas has rooj plaws kwg lag nkawg kud!’ 4Thaws chibthiaj tuz txabtxid tsi yeed has, tadsis tod qaas qhai, niz xaab has tas, ‘Txiad yog kud tsi ntshai Vaajtswb has tsi fwd tuz twg ni los 5tuz puj ntsuag na pheej tuaj plhob kud, kud yiad taw paas niz has kuas taaz, niz ha yiad tsi naj hnoostuaj plhob kud kuas kud ntxhub sas!’ ”
6Tuz Tswb has tu cud ntxib tas, “Mej ted hnob tuz txabtxid kwg sas tsi ncaaj qhai tej luz liad. 7Vaajtswb yaad neeg kwg naj hnoos naj hmo thob Vaajtswb paas, Vaajtswb yiad tsi paas has cud zaaj los? Vaajtswb yiad toz nteb maad ni paas cud los? 8Kud qha tu mej has tas, ‘Vaajtswb yeej yiad paas has cud zaaj sai sai. Thaws Neeg Leej Tus luz, cob neeg kwg nyos hub ntajtes na puas yiad muaj tuz kwg ntseeg niz liad?’ ”
Tuz Falixais has tuz saw Se
9Has Yexus has is zaaj luz pibtxwb tu cob neeg kwg khaab has tas, cud yog neeg ncaaj has cud nuad tsi tawz lwd tuz ni na, 10“Muaj is zag os tug yiag muz thob Vaajtswb hub lus Tuadtseb: is tug yog tuz Falixais has is tug yog neeg saw se.
11“Tuz Falixais siab ntsug has niz thob#18.11 siab ntsug has niz thob has tas; tej phaw qus has tas, siab ntsug has thob Vaajtswb tu niz. has tas, ‘Vaajtswb, kud ua koj tsawg, kud zoo tsi thooj ni lwd tuz, kud tsi ua neeg sas hlus, kud yog neeg ncaajnceeg, kud tsi zez lag tej puj, has kud tsi zoo ni tuz neeg saw se qhai. 12Xyaa hnoos twg kud ua kebcai yoo mo os zag, has muas tu koj is feed kawd qhai txhua yaad kwg kud khwb taw.’
13“Tadsis tuz neeg saw se siab nrug kes isntsis, niz tsi tsaa qhobmuag nuad saw ntuj, niz ntaws niz lus hawsas has has tas, ‘Vaajtswb, kud yog neeg txhud, thob koj taasncuas kud!’ 14Yexus has tas, ‘Kud qha tu mej has tas, thaws ostug rob muz tseb liad, tuz saw se yog tuz kwg ua hud Vaajtswb sas, tsi yog tuz Falixais. Tu qhob tuz kwg khaab has tas, niz muaj fwjchid, tuz qhai yiad poos fwjchid, tadsis tuz kwg txu fwjchid, tuz qhai yiad taw fwjchid.’ ”
Yexus Food Kooshmoob tu Cob Minyuas Yaw
15Muaj neeg coj cud cob minyuas tuaj cuag Yexus has thob niz ceb tez plhw cud tej minyuas. Thaws cob thwjtid pud ni qhai, cud txwb tsi pus cob neeg ua ni qhai, 16tadsis Yexus hu cob minyuas yaw luz cuag niz has has tas, “Ca ni tso cob minyuas yaw luz cuag kud, tsi xod txwb cud, tu qhob Vaajtswb lus Teschias yog cob neeg kwg muaj lus sas zoo ni cob minyuas yaw na tuz. 17Kud qha tu mej has tas, yog tuz twg tsi txais yuab Vaajtswb lus Teschias is yaad ni cob minyuas yaw na, ces tuz qhai yiad tsi taw muz tu hub Vaajtswb lus Teschias ni.”
Tuz Yiag Kwg Npluanuj
18Cob Yudais is tug thiajcoj tuaj noog Yexus has tas, “Tuz Xisfws kwg muaj lus sas zoo, kud yiad ua nyaab kud ha taw txujsa nteb dhaw muz is txhis?”
19Yexus noog niz has tas, “Vid nyaab koj hu kud has tas, tuz kwg muaj lus sas zoo? Yeej tsi muaj tuz twg sas zoo ni, tsuas yog Vaajtswb tuas tug nyaz. 20Koj yeej paws Vaajtswb txuj Kebcai kwg has tas, ‘Tsi xod ntxaz lag puj lag yiag; tsi xod tua neeg; tsi xod ua tusnyas; tsi xod ua tidkhiab tsi tsees, has fwd koj nad koj vaid.’ ”
21Tuz yiag qhai tes has tas, “Tej kebcai kwg koj has ko kud ted coj txhua nqai thaws kud tseed yaw luz liad.”
22Thaws Yexus hnob niz has ni qhai, Yexus has tu niz tas, “Tseed tshuab is yaad kwg koj tsi taw ua. Koj ca ni muz muas koj tej qhob txhua chia muag hubtsig, has muas cob nyaj qhai fais tu cob neeg pluag, koj ha yiad yog tuz kwg npluanuj nyos saw ntuj ceestsheej; tod qaas qhai, koj ca ni tuaj nrug kud muz.” 23Thaws tuz yiag qhai hnob Yexus has ni qhai, niz nyuaj sas heeb ni, tu qhob niz npluanuj heeb.
24Thaws Yexus pud tuz qhai nyuaj sas heeb, Yexus has tas, “Cob neeg npluanuj yiad muz Vaajtswb lus teschias mas nyuaj heeb ni! 25Is tus ntxhuab nkaas lus qhob koos tseed yoojyid kua is tug neeg npluanuj yiad muz tu Vaajtswb lus Teschias.”
26Cob neeg kwg hnob Yexus has ni qhai, cud noog Yexus has tas, “Yog ni qhai, tuz twg ha yiad kig taw?”
27Yexus tes has tas, “Tej kwg neeg ua tsi taw, Vaajtswb ua taw.”
28Ces Petus has tu Yexus has tas, “Pes ted tso vaaj tse tseg has tuaj nrug koj muz liad.”
29Yexus has tu cud tas, “Kud qha tsees tu mej has tas, yog tuz twg tso vaaj tse, tso puj minyuas, tso kwbtij has tso nad tso vaid tseg, vid niz xaab taw Vaajtswb lus Teschias, 30tad na niz yiad taw ntaw kua tej kwg niz muas tso tseg liad, has lwd tad, niz yiad taw txujsa nteb dhaw muz is txhis.”
Zag Pes Kwg Yexus Has Txug Niz Keb Tuag
31Yexus coj niz kawd os tug thwjtid muz tu is qho has niz has tu cud tas, “Mej ua tuaszoo noog! Pes yiad muz tu nraaz lus nroog Yeluxalees, kuas txhua yaad tab rias ni tej kwg cob ceb Vaajtswb luz taw saw has txug Neeg Leej Tus liad. 32Yiad muaj neeg ntez niz coj muz tu lwd yaad neeg, cud yiad nuad tsi tawz niz, thuad niz has nti qusncawg tu niz. 33Cud yiad muas niz npliad has muas niz tua laidtaa, tadsis tod qaas qhai pes hnoos, niz yiad siab rob qaas luz.”
34Cob thwjtid tsi totaws tej kwg Yexus has; Yexus tsi qha lus ntsas luz tu cud, cud ha tsi paws xyob Yexus has txug daastsi.
Yexus Khu tuz Xyuadtxwb Kwg Thob Khiab
35Thaws Yexus muz yiad txug lus nroog Yelikaws, muaj is tug yiag xyuadtxwb nyos tuasyws qhai ntug keb thob khiab. 36Thaws tuz xyuadtxwb hnob muaj neeg coos coos thaad zus ziaz tawgkeb tuaj, niz noog has tas, “Mej ua daastsi?”
37Cud qha tu niz has tas, “Yexus tuz kwg yog neeg Naxales taastod tawgkeb tuaj.”
38Tuz xyuadtxwb qhai hu nrob nrob has tas, “Yexus kwg yog Dasvib leej Tus! Thob koj taasncuas kud!”
39Cob neeg kwg nyos qhais niz hawb ntej txwb kuas niz nyos tuasyws tsi xod qw. Tadsis niz hajyaad qw nrob nrob has tas, “Dasvib leej Tus, thob koj taasncuas kud!”
40Yog ni qhai, Yexus txiad nrez has kuas cud coj tuz xyuadtxwb luz cuag niz. Thaws tuz xyuadtxwb luz ze liad, Yexus noog niz has tas, 41“Koj xaab kuas kud ua daastsi tu koj?”
Tuz xyuadtxwb tes has tas, “Tuz Tswb, thob paas kuas kud pud keb.”
42Yexus has tu niz has tas, “Koj ca ni pud keb! Koj txuj keb ntseeg ted ua tu koj zoo liad.”
43Taadsij qhai niz txiad pud keb, niz nrug Yexus muz has ua Vaajtswb tsawg. Thaws cob neeg coos coos pud ni qhai, cud qhuas Vaajtswb heeb ni.
Currently Selected:
Lukas 18: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Lukas 18
18
Tuz Puj Ntsuag has tuz Txabtxid Kwg tsi Ncaaj
1Yexus has is zaaj luz pibtxwb tu niz cob thwjtid has tas, kuas cud naj hnoos thob Vaajtswb tsi xod qawgzug. 2Yexus has tas, “Nyos hub is lus nroog, muaj is tug txabtxid kwg tsi ntshai Vaajtswb has tsi fwd tuz twg ni. 3Nyos hub lus nroog qhai muaj is tug puj ntsuag kwg naj hnoostuaj thob tuz txabtxid qhai has tas ‘Thob koj paas has rooj plaws kwg lag nkawg kud!’ 4Thaws chibthiaj tuz txabtxid tsi yeed has, tadsis tod qaas qhai, niz xaab has tas, ‘Txiad yog kud tsi ntshai Vaajtswb has tsi fwd tuz twg ni los 5tuz puj ntsuag na pheej tuaj plhob kud, kud yiad taw paas niz has kuas taaz, niz ha yiad tsi naj hnoostuaj plhob kud kuas kud ntxhub sas!’ ”
6Tuz Tswb has tu cud ntxib tas, “Mej ted hnob tuz txabtxid kwg sas tsi ncaaj qhai tej luz liad. 7Vaajtswb yaad neeg kwg naj hnoos naj hmo thob Vaajtswb paas, Vaajtswb yiad tsi paas has cud zaaj los? Vaajtswb yiad toz nteb maad ni paas cud los? 8Kud qha tu mej has tas, ‘Vaajtswb yeej yiad paas has cud zaaj sai sai. Thaws Neeg Leej Tus luz, cob neeg kwg nyos hub ntajtes na puas yiad muaj tuz kwg ntseeg niz liad?’ ”
Tuz Falixais has tuz saw Se
9Has Yexus has is zaaj luz pibtxwb tu cob neeg kwg khaab has tas, cud yog neeg ncaaj has cud nuad tsi tawz lwd tuz ni na, 10“Muaj is zag os tug yiag muz thob Vaajtswb hub lus Tuadtseb: is tug yog tuz Falixais has is tug yog neeg saw se.
11“Tuz Falixais siab ntsug has niz thob#18.11 siab ntsug has niz thob has tas; tej phaw qus has tas, siab ntsug has thob Vaajtswb tu niz. has tas, ‘Vaajtswb, kud ua koj tsawg, kud zoo tsi thooj ni lwd tuz, kud tsi ua neeg sas hlus, kud yog neeg ncaajnceeg, kud tsi zez lag tej puj, has kud tsi zoo ni tuz neeg saw se qhai. 12Xyaa hnoos twg kud ua kebcai yoo mo os zag, has muas tu koj is feed kawd qhai txhua yaad kwg kud khwb taw.’
13“Tadsis tuz neeg saw se siab nrug kes isntsis, niz tsi tsaa qhobmuag nuad saw ntuj, niz ntaws niz lus hawsas has has tas, ‘Vaajtswb, kud yog neeg txhud, thob koj taasncuas kud!’ 14Yexus has tas, ‘Kud qha tu mej has tas, thaws ostug rob muz tseb liad, tuz saw se yog tuz kwg ua hud Vaajtswb sas, tsi yog tuz Falixais. Tu qhob tuz kwg khaab has tas, niz muaj fwjchid, tuz qhai yiad poos fwjchid, tadsis tuz kwg txu fwjchid, tuz qhai yiad taw fwjchid.’ ”
Yexus Food Kooshmoob tu Cob Minyuas Yaw
15Muaj neeg coj cud cob minyuas tuaj cuag Yexus has thob niz ceb tez plhw cud tej minyuas. Thaws cob thwjtid pud ni qhai, cud txwb tsi pus cob neeg ua ni qhai, 16tadsis Yexus hu cob minyuas yaw luz cuag niz has has tas, “Ca ni tso cob minyuas yaw luz cuag kud, tsi xod txwb cud, tu qhob Vaajtswb lus Teschias yog cob neeg kwg muaj lus sas zoo ni cob minyuas yaw na tuz. 17Kud qha tu mej has tas, yog tuz twg tsi txais yuab Vaajtswb lus Teschias is yaad ni cob minyuas yaw na, ces tuz qhai yiad tsi taw muz tu hub Vaajtswb lus Teschias ni.”
Tuz Yiag Kwg Npluanuj
18Cob Yudais is tug thiajcoj tuaj noog Yexus has tas, “Tuz Xisfws kwg muaj lus sas zoo, kud yiad ua nyaab kud ha taw txujsa nteb dhaw muz is txhis?”
19Yexus noog niz has tas, “Vid nyaab koj hu kud has tas, tuz kwg muaj lus sas zoo? Yeej tsi muaj tuz twg sas zoo ni, tsuas yog Vaajtswb tuas tug nyaz. 20Koj yeej paws Vaajtswb txuj Kebcai kwg has tas, ‘Tsi xod ntxaz lag puj lag yiag; tsi xod tua neeg; tsi xod ua tusnyas; tsi xod ua tidkhiab tsi tsees, has fwd koj nad koj vaid.’ ”
21Tuz yiag qhai tes has tas, “Tej kebcai kwg koj has ko kud ted coj txhua nqai thaws kud tseed yaw luz liad.”
22Thaws Yexus hnob niz has ni qhai, Yexus has tu niz tas, “Tseed tshuab is yaad kwg koj tsi taw ua. Koj ca ni muz muas koj tej qhob txhua chia muag hubtsig, has muas cob nyaj qhai fais tu cob neeg pluag, koj ha yiad yog tuz kwg npluanuj nyos saw ntuj ceestsheej; tod qaas qhai, koj ca ni tuaj nrug kud muz.” 23Thaws tuz yiag qhai hnob Yexus has ni qhai, niz nyuaj sas heeb ni, tu qhob niz npluanuj heeb.
24Thaws Yexus pud tuz qhai nyuaj sas heeb, Yexus has tas, “Cob neeg npluanuj yiad muz Vaajtswb lus teschias mas nyuaj heeb ni! 25Is tus ntxhuab nkaas lus qhob koos tseed yoojyid kua is tug neeg npluanuj yiad muz tu Vaajtswb lus Teschias.”
26Cob neeg kwg hnob Yexus has ni qhai, cud noog Yexus has tas, “Yog ni qhai, tuz twg ha yiad kig taw?”
27Yexus tes has tas, “Tej kwg neeg ua tsi taw, Vaajtswb ua taw.”
28Ces Petus has tu Yexus has tas, “Pes ted tso vaaj tse tseg has tuaj nrug koj muz liad.”
29Yexus has tu cud tas, “Kud qha tsees tu mej has tas, yog tuz twg tso vaaj tse, tso puj minyuas, tso kwbtij has tso nad tso vaid tseg, vid niz xaab taw Vaajtswb lus Teschias, 30tad na niz yiad taw ntaw kua tej kwg niz muas tso tseg liad, has lwd tad, niz yiad taw txujsa nteb dhaw muz is txhis.”
Zag Pes Kwg Yexus Has Txug Niz Keb Tuag
31Yexus coj niz kawd os tug thwjtid muz tu is qho has niz has tu cud tas, “Mej ua tuaszoo noog! Pes yiad muz tu nraaz lus nroog Yeluxalees, kuas txhua yaad tab rias ni tej kwg cob ceb Vaajtswb luz taw saw has txug Neeg Leej Tus liad. 32Yiad muaj neeg ntez niz coj muz tu lwd yaad neeg, cud yiad nuad tsi tawz niz, thuad niz has nti qusncawg tu niz. 33Cud yiad muas niz npliad has muas niz tua laidtaa, tadsis tod qaas qhai pes hnoos, niz yiad siab rob qaas luz.”
34Cob thwjtid tsi totaws tej kwg Yexus has; Yexus tsi qha lus ntsas luz tu cud, cud ha tsi paws xyob Yexus has txug daastsi.
Yexus Khu tuz Xyuadtxwb Kwg Thob Khiab
35Thaws Yexus muz yiad txug lus nroog Yelikaws, muaj is tug yiag xyuadtxwb nyos tuasyws qhai ntug keb thob khiab. 36Thaws tuz xyuadtxwb hnob muaj neeg coos coos thaad zus ziaz tawgkeb tuaj, niz noog has tas, “Mej ua daastsi?”
37Cud qha tu niz has tas, “Yexus tuz kwg yog neeg Naxales taastod tawgkeb tuaj.”
38Tuz xyuadtxwb qhai hu nrob nrob has tas, “Yexus kwg yog Dasvib leej Tus! Thob koj taasncuas kud!”
39Cob neeg kwg nyos qhais niz hawb ntej txwb kuas niz nyos tuasyws tsi xod qw. Tadsis niz hajyaad qw nrob nrob has tas, “Dasvib leej Tus, thob koj taasncuas kud!”
40Yog ni qhai, Yexus txiad nrez has kuas cud coj tuz xyuadtxwb luz cuag niz. Thaws tuz xyuadtxwb luz ze liad, Yexus noog niz has tas, 41“Koj xaab kuas kud ua daastsi tu koj?”
Tuz xyuadtxwb tes has tas, “Tuz Tswb, thob paas kuas kud pud keb.”
42Yexus has tu niz has tas, “Koj ca ni pud keb! Koj txuj keb ntseeg ted ua tu koj zoo liad.”
43Taadsij qhai niz txiad pud keb, niz nrug Yexus muz has ua Vaajtswb tsawg. Thaws cob neeg coos coos pud ni qhai, cud qhuas Vaajtswb heeb ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.