Lukas 13
13
Tso Keb Txhud Tseg
1Thaws lus sijhiad qhai, muaj qeetuz qha tu Yexus has txug zaaj kwg Philaaj muas cob neeg Kalilais tua, thaws cud taastod tua tsaj fij tu Vaajtswb. 2Yexus tes cud has tas, “Mej xaab has tas cob neeg Kalilais kwg rawg tua ni qhai, cud muaj txid luj kua lwd tuz neeg Kalilais hubtsig na los? 3Tsi yog ni qhai! Kud qha tu mej has tas, yog mej tsi tso mej tej keb txhud tseg, mej yiad tuag is yaad ni cud cob qhai has. 4Mej xaab has tas kawd yig tuz kwg lus chia tsodfaaj qawg luz ntaws tuag taaz hub Xilaw-aas qhai, yog cud ua txhud luj kua cob neeg kwg nyos hub lus nroog Yeluxalees hubtsig na los? 5Tsi yog ni qhai! Kud qha tu mej has tas, yog mej tsi tso mej tej keb txhud tseg, mej yiad tuag taaz is yaad ni cud cob qhai has.”
Tsos Txib Cua Kwg tsi Txi Txib
6Yexus has is zaaj luz pibtxwb tu cud noog has tas, “Muaj is tug yiag cos is tsos txib cua tu hub niz lus vaaj txib hmaas. Niz muz nuad puas txi txib, tadsis tsi pud txi txib ni. 7Niz txiad has tu tuz kwg tu lus vaaj qhai has tas, ‘Koj nuad, kud tuaj nuad tsos txib cua na taw pes xyoos liad, tadsis kud tsi pud txi is lus txib ni. Koj ca ni muas ntub laidtaa! Ua nyaab tseed yiad ca niz nyos ntxoob aab ua daastsi?’ 8Tadsis tuz kwg tu lus vaaj tes has tas, ‘Tuz tswb, thob ca niz nyos is xyoos has taws. Kud yiad khiaj aab npoog has raws chib tu. 9Yog lwd xyoos niz txi txib liad kuj zoo, yog niz tsi txi txib, koj maad ni muas ntub laidtaa.’ ”
Yexus Khu tuz Puj Khoob Dluab
10Muaj is hnoos kwg yog hnoos Xanpataws, Yexus taastod qha hub is lus tseb saaslaaj. 11Muaj is tug puj rawg daas has mos taw kawd yig xyoos liad; ua tu niz khoob dluab siab tsi taw ntseg. 12Thaws Yexus pud tuz puj qhai, Yexus hu niz luz has has tu niz tas, “Tuz ntxhais, koj tuz mos ted zoo liad!” 13Yexus ceb tez muz tuab nkaws tuz puj qhai, taadsij tuz puj qhai txiad siab tseez taw, has niz qhuas Vaajtswb.
14Thaws tuz kwg nuad lus tseb saaslaaj pud Yexus khu mos hnoos Xanpataws, niz txiad npaw tiaz heeb, niz has tu cob neeg kwg nyos qhais tas, “Ted muaj raws hnoos tu pes ua Vaajtswb hujlwd; ua nyaab raws hnoos qhai mej tsua tsi tuaj khu, Hnoos Xanpataws mej tsua tuaj khu?”
15Tuz tswb tes has tas, “Cob neeg ntsejmuag ncaaj sas nkhaws! Hnoos Xanpataws mej ted dias mej tej nyuj lossis neez luab caas tiad hub nkuaj muz haws dej. 16Tuz puj na ted yog Anplahaas is tug xeesntxwz has. Xataas ted muas niz khi taw kawd yig lus xyoos luz liad: Hnoos Xanpataws tseed tsi tsidnyog dias kuas niz kig has los?” 17Yexus tes ni qhai, ua tu cob neeg kwg tiadtsaad Yexus poos ntsejmuag heeb. Tadsis cob neeg kwg pud tej txujci kwg Yexus ua, cud zoo sas heeb ni.
Lus Noos Zaws
18Yexus noog has tas, “Kud yiad muas Vaajtswb lus Teschias pib tu daastsi? 19Vaajtswb lus teschias pib is yaad ni lus noos zaws kwg muaj is tug coj muz cos tu hub niz lus vaaj. Lus noos zaws qhai tuaj has luj hlus ua is tsos ntoo kwg luj heeb, has noog luz ua zez tu saw niz tej ceg.”
Cob Xaas
20Yexus rob noog kua has tas, “Kud yiad muas Vaajtswb lus Teschias pib tu daastsi? 21Vaajtswb lus Teschias pib is yaad ni cob xaas kwg muaj is tug puj muas xyia tu pes sas hmoob nplej, has ua tu cob hmoob nplej su taaz hubtsig.”
Lus Qhob rooj Nqaid
22Yexus tawgkeb muz qhuas qha tu tej neeg tuadtxhij hub tej nroog has tej zoz muz txug nraaz lus nroog Yeluxalees. 23Muaj is tug noog Yexus has tas, “Tuz tswb, cob kwg yiad kig txid muaj tsiag tsiag tuz nyaz los?”
Yexus tes cud has tas, 24“Mej ua tag txeed lus qhob rooj nqaid muz tusaas hub. Kud qha tu mej has tas, muaj ntaw tuz xaab muz saas hub, tadsis cud muz tsi taw. 25Thaws tuz tswb tseb siab luz kia qhob rooj liad; mej yiad siab saas nraw khos qhob rooj has hu has tas, ‘Tuz tswb, thob qhes qhob rooj tu pes!’ Tuz tswb tseb yiad tes mej has tas, ‘Kud tsi paws xyob mej tuaj qhob twg tuaj!’ 26Thaws qhai mej yiad tes has tas, ‘Pes ted nrug koj noj koj haws; has koj tes tuaj qha hub pes lus nroog!’ 27Tuz tswb tseb yiad rob has tu mej has tas, ‘Kud tsi paws xyob mej tuaj qhob twg tuaj. Cob neeg sas phed, mej ca ni tsib muz!’ 28Thaws mej pud Anplahaas, Ixaj, Yakhawj has cob ceb Vaajtswb luz tuadtxhij nyos hub Vaajtswb lus Teschias, thaws qhai mej cob kwg tseed nyos saas nraw, mej yiad quaj qw tud hnab qeez! 29Yiad muaj neeg tuaj saas hnoostuaj, saas hnoospoos, saas qawdtes, has saas qaastes tuaj nyos ua ke qhais rooj mo hub Vaajtswb lus Teschias. 30Thaws qhai tuz kwg nizna nyos tod tw yiad taw muz ua tuz thiaj, has tuz kwg nizna ua tuz thiaj, yiad taw luz nyos tod tw.”
Yexus Hlus Cob Neeg hub Yeluxalees
31Thaws lus sijhiad qhai, cob Falixais qeetuz tuaj cuag Yexus has has tu niz tas, “Koj ca ni tsib tiad qhob na has muz tu lwd qhob, Helawj yiad muas koj tua laidtaa.”
32Yexus tes cud has tas, “Mej ca ni muz qha tu tuz hmaa qhai has tas: ‘Hnoos na has txus kiz, kud tseed liab daas has khu tej neeg muaj mos, hnoos pes kud tez hujlwd maad ni tab.’ 33Txiad nyaab los xij, hnoos na, txus kiz has naaskiz, kud yeej yiad tawgkeb muz tu nraaz; tu qhob tsi tsidnyog yiad muas is tug kwg ceb Vaajtswb luz tua tu lwd qhob, tsuas tsidnyog muas tua tu hub lus nroog Yeluxalees nyaz.
34“Yeluxalees, Yeluxalees! Koj muas cob kwg ceb Vaajtswb luz tua laidtaa, koj muas poszes ntaws cob tusqhe kwg Vaajtswb txis luz qha koj! Muaj ntaw zag kud ted yiad muas koj cob pejxeed luz puas, is yaad ni tuz puj qas cuas niz cob minyuas luz puas tu hub niz os phos tid, tadsis koj tsi ca kud ua ni qhai! 35Nizna Vaajtswb yiad muas koj lus Tuadtseb tso laidtaa nyos qhuab nkuab ca. Kud qha tu koj has tas, koj yiad tsi pud kud muz txug hnoos kwg koj has tas, ‘Thob Vaajtswb food kooshmoob tu tuz kwg Vaajtswb txis luz.’ ”
Currently Selected:
Lukas 13: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Lukas 13
13
Tso Keb Txhud Tseg
1Thaws lus sijhiad qhai, muaj qeetuz qha tu Yexus has txug zaaj kwg Philaaj muas cob neeg Kalilais tua, thaws cud taastod tua tsaj fij tu Vaajtswb. 2Yexus tes cud has tas, “Mej xaab has tas cob neeg Kalilais kwg rawg tua ni qhai, cud muaj txid luj kua lwd tuz neeg Kalilais hubtsig na los? 3Tsi yog ni qhai! Kud qha tu mej has tas, yog mej tsi tso mej tej keb txhud tseg, mej yiad tuag is yaad ni cud cob qhai has. 4Mej xaab has tas kawd yig tuz kwg lus chia tsodfaaj qawg luz ntaws tuag taaz hub Xilaw-aas qhai, yog cud ua txhud luj kua cob neeg kwg nyos hub lus nroog Yeluxalees hubtsig na los? 5Tsi yog ni qhai! Kud qha tu mej has tas, yog mej tsi tso mej tej keb txhud tseg, mej yiad tuag taaz is yaad ni cud cob qhai has.”
Tsos Txib Cua Kwg tsi Txi Txib
6Yexus has is zaaj luz pibtxwb tu cud noog has tas, “Muaj is tug yiag cos is tsos txib cua tu hub niz lus vaaj txib hmaas. Niz muz nuad puas txi txib, tadsis tsi pud txi txib ni. 7Niz txiad has tu tuz kwg tu lus vaaj qhai has tas, ‘Koj nuad, kud tuaj nuad tsos txib cua na taw pes xyoos liad, tadsis kud tsi pud txi is lus txib ni. Koj ca ni muas ntub laidtaa! Ua nyaab tseed yiad ca niz nyos ntxoob aab ua daastsi?’ 8Tadsis tuz kwg tu lus vaaj tes has tas, ‘Tuz tswb, thob ca niz nyos is xyoos has taws. Kud yiad khiaj aab npoog has raws chib tu. 9Yog lwd xyoos niz txi txib liad kuj zoo, yog niz tsi txi txib, koj maad ni muas ntub laidtaa.’ ”
Yexus Khu tuz Puj Khoob Dluab
10Muaj is hnoos kwg yog hnoos Xanpataws, Yexus taastod qha hub is lus tseb saaslaaj. 11Muaj is tug puj rawg daas has mos taw kawd yig xyoos liad; ua tu niz khoob dluab siab tsi taw ntseg. 12Thaws Yexus pud tuz puj qhai, Yexus hu niz luz has has tu niz tas, “Tuz ntxhais, koj tuz mos ted zoo liad!” 13Yexus ceb tez muz tuab nkaws tuz puj qhai, taadsij tuz puj qhai txiad siab tseez taw, has niz qhuas Vaajtswb.
14Thaws tuz kwg nuad lus tseb saaslaaj pud Yexus khu mos hnoos Xanpataws, niz txiad npaw tiaz heeb, niz has tu cob neeg kwg nyos qhais tas, “Ted muaj raws hnoos tu pes ua Vaajtswb hujlwd; ua nyaab raws hnoos qhai mej tsua tsi tuaj khu, Hnoos Xanpataws mej tsua tuaj khu?”
15Tuz tswb tes has tas, “Cob neeg ntsejmuag ncaaj sas nkhaws! Hnoos Xanpataws mej ted dias mej tej nyuj lossis neez luab caas tiad hub nkuaj muz haws dej. 16Tuz puj na ted yog Anplahaas is tug xeesntxwz has. Xataas ted muas niz khi taw kawd yig lus xyoos luz liad: Hnoos Xanpataws tseed tsi tsidnyog dias kuas niz kig has los?” 17Yexus tes ni qhai, ua tu cob neeg kwg tiadtsaad Yexus poos ntsejmuag heeb. Tadsis cob neeg kwg pud tej txujci kwg Yexus ua, cud zoo sas heeb ni.
Lus Noos Zaws
18Yexus noog has tas, “Kud yiad muas Vaajtswb lus Teschias pib tu daastsi? 19Vaajtswb lus teschias pib is yaad ni lus noos zaws kwg muaj is tug coj muz cos tu hub niz lus vaaj. Lus noos zaws qhai tuaj has luj hlus ua is tsos ntoo kwg luj heeb, has noog luz ua zez tu saw niz tej ceg.”
Cob Xaas
20Yexus rob noog kua has tas, “Kud yiad muas Vaajtswb lus Teschias pib tu daastsi? 21Vaajtswb lus Teschias pib is yaad ni cob xaas kwg muaj is tug puj muas xyia tu pes sas hmoob nplej, has ua tu cob hmoob nplej su taaz hubtsig.”
Lus Qhob rooj Nqaid
22Yexus tawgkeb muz qhuas qha tu tej neeg tuadtxhij hub tej nroog has tej zoz muz txug nraaz lus nroog Yeluxalees. 23Muaj is tug noog Yexus has tas, “Tuz tswb, cob kwg yiad kig txid muaj tsiag tsiag tuz nyaz los?”
Yexus tes cud has tas, 24“Mej ua tag txeed lus qhob rooj nqaid muz tusaas hub. Kud qha tu mej has tas, muaj ntaw tuz xaab muz saas hub, tadsis cud muz tsi taw. 25Thaws tuz tswb tseb siab luz kia qhob rooj liad; mej yiad siab saas nraw khos qhob rooj has hu has tas, ‘Tuz tswb, thob qhes qhob rooj tu pes!’ Tuz tswb tseb yiad tes mej has tas, ‘Kud tsi paws xyob mej tuaj qhob twg tuaj!’ 26Thaws qhai mej yiad tes has tas, ‘Pes ted nrug koj noj koj haws; has koj tes tuaj qha hub pes lus nroog!’ 27Tuz tswb tseb yiad rob has tu mej has tas, ‘Kud tsi paws xyob mej tuaj qhob twg tuaj. Cob neeg sas phed, mej ca ni tsib muz!’ 28Thaws mej pud Anplahaas, Ixaj, Yakhawj has cob ceb Vaajtswb luz tuadtxhij nyos hub Vaajtswb lus Teschias, thaws qhai mej cob kwg tseed nyos saas nraw, mej yiad quaj qw tud hnab qeez! 29Yiad muaj neeg tuaj saas hnoostuaj, saas hnoospoos, saas qawdtes, has saas qaastes tuaj nyos ua ke qhais rooj mo hub Vaajtswb lus Teschias. 30Thaws qhai tuz kwg nizna nyos tod tw yiad taw muz ua tuz thiaj, has tuz kwg nizna ua tuz thiaj, yiad taw luz nyos tod tw.”
Yexus Hlus Cob Neeg hub Yeluxalees
31Thaws lus sijhiad qhai, cob Falixais qeetuz tuaj cuag Yexus has has tu niz tas, “Koj ca ni tsib tiad qhob na has muz tu lwd qhob, Helawj yiad muas koj tua laidtaa.”
32Yexus tes cud has tas, “Mej ca ni muz qha tu tuz hmaa qhai has tas: ‘Hnoos na has txus kiz, kud tseed liab daas has khu tej neeg muaj mos, hnoos pes kud tez hujlwd maad ni tab.’ 33Txiad nyaab los xij, hnoos na, txus kiz has naaskiz, kud yeej yiad tawgkeb muz tu nraaz; tu qhob tsi tsidnyog yiad muas is tug kwg ceb Vaajtswb luz tua tu lwd qhob, tsuas tsidnyog muas tua tu hub lus nroog Yeluxalees nyaz.
34“Yeluxalees, Yeluxalees! Koj muas cob kwg ceb Vaajtswb luz tua laidtaa, koj muas poszes ntaws cob tusqhe kwg Vaajtswb txis luz qha koj! Muaj ntaw zag kud ted yiad muas koj cob pejxeed luz puas, is yaad ni tuz puj qas cuas niz cob minyuas luz puas tu hub niz os phos tid, tadsis koj tsi ca kud ua ni qhai! 35Nizna Vaajtswb yiad muas koj lus Tuadtseb tso laidtaa nyos qhuab nkuab ca. Kud qha tu koj has tas, koj yiad tsi pud kud muz txug hnoos kwg koj has tas, ‘Thob Vaajtswb food kooshmoob tu tuz kwg Vaajtswb txis luz.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.