Exodus 35
35
Nompangera dEzuva lyEpwizumuko
1Mosesa kwa zigidire mbunga zaIsraeli, ta zi tantere asi: “Eyi ana mu tantere Hompa asi mu yi rugane yeyi: 2Omu rugane yirugana yeni momazuva gatano‐nalimwe, nye ezuva lyautano‐nauvali epongoki kweni, alyo ezuva lyepwizumuko, va pongwera Hompa. Nkenye ogu ana kurugana mo yuma, yige kufa. 3Nomundiro si googu nokuguhwameka si membo lyoge mezuva lyautano‐nauvali.”
Yigava yekEvega lyoKupongoka
(Ex 25:1-9)
4Mosesa ta tantere mbunga nazinye zaIsraeli asi: 5“Gaveni nonzambo kwaHompa. Ogu ana hara kuyirugana eyi, a rete nonzambo edi: Ngorodo nosisiliveli nongoporo, 6nonongodi dosineguru nedi dopurupuli nedi donongeha, nekehe lyewa lyezera to, nekehe lyonohuki doyikombo, 7noyipapa yoyigeha yononzwi noyipapa ya pya kusunta nositji somusu, 8nomawoli gonoramba nosidumba somagadi gokugwava nesi sononzambo dedumba lyewa 9nomaurenga gomamanya gomutaro gokareneliya nomamanya gomutaro gokutura merwakani lyokupongoka nomoruhwira roponturo romupristeli gomunene.
Yininke yoNkongoronzugo
(Ex 39:32-43)
10“Vagara navenye wononkurungu mokatji keni va rugane yirugana, eyi ga va tantera Hompa eyi: 11Nkongoronzugo nondunda zazo neyi yokukudumika ko, noyinkongo nonongundi dayo nonompatji nonongundi nomatako gado, 12nosikesa noyitji yaso yonomudigo nekehe lyokusiviva, 13nositafura noyitji yaso yonomudigo noyiruganeso yaso nomboroto zokuzambera Karunga, 14nouzweko wonokinteli, nonoramba nomawoli gonoramba, 15nosizambero sokututumikidira edumba lyewa noyitji yaso yonomudigo nomurora nosidumba sedumba lyewa nekehe lyepevero lyoNkongoronzugo. 16Sizambero sokuswakererera nonzambo songoporo, va tunga pakwe, noyitji yaso yonomudigo neyi yapo nayinye nosiyaha sokulikuhwira netako lyaso, 17nomakehe gorugumbo nonongundi nomatako gado, nekehe lyepevero lyorugumbo 18nonompigetji murongo nonongundi doNkongoronzugo norugumbo, 19nomakehe peke‐peke gokuruganesa vapristeli mEvango lyoKupongoka — yikoverero yokupongoka yomupristeli Arona novana vendi moyirugana yawo youpristeli.”
Mbunga tazi reta yigava
20Mbunga nazinye zovantu makura tazi tundu po pwaMosesa. 21Nkenye ogu ga here kuyirugana, makura ta reta sigava kwaHompa, ngava ruganese ko Nkongoronzugo noyininke nayinye yokuhepa moukerelikarunga, neyi yokutungisa yikoverero yokupongoka. 22Vagara novakadi tava pu ko, nkenye ogu ga here kureta nongondo noyimbilingwa nomakwarara nomaurenga peke‐peke gongorodo. Nkenye ogu kwa retere yuma yongorodo, eyi ga pongwere ko, asi yi kare nzambo zokwaHompa. 23Nkenye ogu ga kere nonongodi dosineguru nedi dopurupuli nedi donongeha nekehe lyewa lyezera to nekehe lyonohuki doyikombo nosipapa sonzwi, va kwita mbapa zongeha nosipapa sa pya kusunta, nkenye tupu eyi ga weka ta reta. 24Ava va gwene sisiliveli ndi ngoporo, tava reta nzambo zawo kwaHompa, ano a kare ogu ga kere nositji somusu sokuruganesa moyo ngoso, nage ta reta. 25Nonkurungu nadinye tadi poho nongodi dosineguru nedi dopurupuli nedi donongeha nedi dekehe lyewa lyezera. 26Nonkurungu dononkadi nadinye tadi poho nongodi donohuki doyikombo. 27Vapitisili kwa retere mamanya gomutaro gokareneliya, mamanya gomutaro gokutura merwakani lyokupongoka nomoruhwira roponturo 28noyidumba nomawoli gonoramba nomurora neyi yedumba lyewa yokututumikidisa. 29Vaisraeli navenye wovagara nava wovakadi, ava va here kukwata ko koyirugana, eyi ga pangerere Hompa, Mosesa asi yiyo nayi kara po kwa retere yigava yawo kwaHompa.
Varugani woNkongoronzugo zoMagwanekerero
(Ex 31:1-11)
30Mosesa ta tantere Vaisraeli asi: “Hompa ana horowora Besareli munwaUli zaHuru gonkwaJuda. 31Karunga ana mu zwida mpepo zendi, a kare nonondunge nomayere noukonentu wounkurungu wankenye karugana, 32nokufaneka panandunge nokuyirugana mongorodo nosisiliveli nongoporo, 33nokuteta mamanya gomutaro, nokuhonga yitji nankenye tupu karugana kounkurungu. 34Awo naOholiyaba zaAhisamaki, Hompa ana va pe mayere gokuronga vakwaawo maunkurungu peke‐peke. 35Age ana va zwida unkurungu wounzi wankenye karugana, aka a rugana muhambuli ndi muhongi goyitji ndi mupohi gonongodi dosineguru nedi dopurupuli nedi donongeha nomakehe gomawa gomazera neyi a tungu nkenye mutungi. Awo kuvhura kurugana nkenye karugana, awo nonkurungu dononene.
Currently Selected:
Exodus 35: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 35
35
Nompangera dEzuva lyEpwizumuko
1Mosesa kwa zigidire mbunga zaIsraeli, ta zi tantere asi: “Eyi ana mu tantere Hompa asi mu yi rugane yeyi: 2Omu rugane yirugana yeni momazuva gatano‐nalimwe, nye ezuva lyautano‐nauvali epongoki kweni, alyo ezuva lyepwizumuko, va pongwera Hompa. Nkenye ogu ana kurugana mo yuma, yige kufa. 3Nomundiro si googu nokuguhwameka si membo lyoge mezuva lyautano‐nauvali.”
Yigava yekEvega lyoKupongoka
(Ex 25:1-9)
4Mosesa ta tantere mbunga nazinye zaIsraeli asi: 5“Gaveni nonzambo kwaHompa. Ogu ana hara kuyirugana eyi, a rete nonzambo edi: Ngorodo nosisiliveli nongoporo, 6nonongodi dosineguru nedi dopurupuli nedi donongeha, nekehe lyewa lyezera to, nekehe lyonohuki doyikombo, 7noyipapa yoyigeha yononzwi noyipapa ya pya kusunta nositji somusu, 8nomawoli gonoramba nosidumba somagadi gokugwava nesi sononzambo dedumba lyewa 9nomaurenga gomamanya gomutaro gokareneliya nomamanya gomutaro gokutura merwakani lyokupongoka nomoruhwira roponturo romupristeli gomunene.
Yininke yoNkongoronzugo
(Ex 39:32-43)
10“Vagara navenye wononkurungu mokatji keni va rugane yirugana, eyi ga va tantera Hompa eyi: 11Nkongoronzugo nondunda zazo neyi yokukudumika ko, noyinkongo nonongundi dayo nonompatji nonongundi nomatako gado, 12nosikesa noyitji yaso yonomudigo nekehe lyokusiviva, 13nositafura noyitji yaso yonomudigo noyiruganeso yaso nomboroto zokuzambera Karunga, 14nouzweko wonokinteli, nonoramba nomawoli gonoramba, 15nosizambero sokututumikidira edumba lyewa noyitji yaso yonomudigo nomurora nosidumba sedumba lyewa nekehe lyepevero lyoNkongoronzugo. 16Sizambero sokuswakererera nonzambo songoporo, va tunga pakwe, noyitji yaso yonomudigo neyi yapo nayinye nosiyaha sokulikuhwira netako lyaso, 17nomakehe gorugumbo nonongundi nomatako gado, nekehe lyepevero lyorugumbo 18nonompigetji murongo nonongundi doNkongoronzugo norugumbo, 19nomakehe peke‐peke gokuruganesa vapristeli mEvango lyoKupongoka — yikoverero yokupongoka yomupristeli Arona novana vendi moyirugana yawo youpristeli.”
Mbunga tazi reta yigava
20Mbunga nazinye zovantu makura tazi tundu po pwaMosesa. 21Nkenye ogu ga here kuyirugana, makura ta reta sigava kwaHompa, ngava ruganese ko Nkongoronzugo noyininke nayinye yokuhepa moukerelikarunga, neyi yokutungisa yikoverero yokupongoka. 22Vagara novakadi tava pu ko, nkenye ogu ga here kureta nongondo noyimbilingwa nomakwarara nomaurenga peke‐peke gongorodo. Nkenye ogu kwa retere yuma yongorodo, eyi ga pongwere ko, asi yi kare nzambo zokwaHompa. 23Nkenye ogu ga kere nonongodi dosineguru nedi dopurupuli nedi donongeha nekehe lyewa lyezera to nekehe lyonohuki doyikombo nosipapa sonzwi, va kwita mbapa zongeha nosipapa sa pya kusunta, nkenye tupu eyi ga weka ta reta. 24Ava va gwene sisiliveli ndi ngoporo, tava reta nzambo zawo kwaHompa, ano a kare ogu ga kere nositji somusu sokuruganesa moyo ngoso, nage ta reta. 25Nonkurungu nadinye tadi poho nongodi dosineguru nedi dopurupuli nedi donongeha nedi dekehe lyewa lyezera. 26Nonkurungu dononkadi nadinye tadi poho nongodi donohuki doyikombo. 27Vapitisili kwa retere mamanya gomutaro gokareneliya, mamanya gomutaro gokutura merwakani lyokupongoka nomoruhwira roponturo 28noyidumba nomawoli gonoramba nomurora neyi yedumba lyewa yokututumikidisa. 29Vaisraeli navenye wovagara nava wovakadi, ava va here kukwata ko koyirugana, eyi ga pangerere Hompa, Mosesa asi yiyo nayi kara po kwa retere yigava yawo kwaHompa.
Varugani woNkongoronzugo zoMagwanekerero
(Ex 31:1-11)
30Mosesa ta tantere Vaisraeli asi: “Hompa ana horowora Besareli munwaUli zaHuru gonkwaJuda. 31Karunga ana mu zwida mpepo zendi, a kare nonondunge nomayere noukonentu wounkurungu wankenye karugana, 32nokufaneka panandunge nokuyirugana mongorodo nosisiliveli nongoporo, 33nokuteta mamanya gomutaro, nokuhonga yitji nankenye tupu karugana kounkurungu. 34Awo naOholiyaba zaAhisamaki, Hompa ana va pe mayere gokuronga vakwaawo maunkurungu peke‐peke. 35Age ana va zwida unkurungu wounzi wankenye karugana, aka a rugana muhambuli ndi muhongi goyitji ndi mupohi gonongodi dosineguru nedi dopurupuli nedi donongeha nomakehe gomawa gomazera neyi a tungu nkenye mutungi. Awo kuvhura kurugana nkenye karugana, awo nonkurungu dononene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003