زبُور 84

شَوق بَلدِه زیارتِ خانِه خُدا

بَلدِه سردِستِه خانِنده ها، قد آلِه مُوسِیقی تاردار خانده شُنه. زبُورِ اَولادِه قورَح.

1اَی خُداوندِ لشکرها،

چِیقَس دِلپسند اَسته جای بُود-و-باش تُو!

2جان مه دِق شُده، بَلکِه مِیتَپه بَلدِه حَولی های خُداوند.

دِل مه و جِسم مه بَلدِه خُدای زِنده فریادِ خوشی مُونه.

3حتیٰ گُنجِشک بَلدِه خُو یگ خانه پَیدا کده

دَ بَغلِ قُربانگاه های تُو،

و غُچی بَلدِه خُو وور جور کده

تا چُوچه های خُو ره دَ اُونجی بیله، اَی خُداوندِ لشکرها،

پادشاهِ مه و خُدای مه.

4نیک دَ بَختِ کسای که دَ خانِه تُو بُود-و-باش دَره؛

اُونا همیشه تُو ره حمد-و-ثنا مُوگیه. سِلاه

5نیک دَ بَختِ مردُمای که قُوَت شی از تُو یَه

و دِلِ ازوا بَلدِه راه های خانِه ازتُو مِیتَپه.

6وختِیکه اُونا از دَرِّه «بَکا»#۸۴‏:۶ اِمکان دَره که «بَکا» چخرا معنیٰ بِدیه، یعنی «دَرِّه چخرا.» امچُنان دَمزُو دَره دِرختا بُود که دَ نامِ «بَکا» یاد مُوشُد. تیر مُوشه،

چشمه ھا ازُونجی جاری مُوشه

و بارِش ام نَوُر ها ره پُر مُونه.

7اُونا از قُوَت دَ قُوَت پیش موره

و هر کُدَم شی دَ صَهیون دَ حُضُورِ خُدا حاضِر مُوشه.

8اَی خُداوند، خُدای لشکر ھا، دُعای مَره بِشنَو!

اَی خُدای یعقُوب، گوش بِگِیر. سِلاه

9اَی خُدا، اَی سِپر مو، توخ کُو،

سُون رُوی مَسَح شُدِه خُو نظر کُو.

10چُون تیر کدونِ یگ روز دَ حَولی های تُو بِهتَر اَسته

از هزار روز دَ هر جای دِیگه.

درگه‌وانی خانِه خُدای خُو ره کَلوتر خوش دَرُم،

نِسبَت دَ زِندگی کدو دَ خَیمه ھای شرارَت،

11چراکه خُداوند-خُدا آفتَو و سِپر مو اَسته؛

اُو فَیض و عِزَت-و-اِحترام مِیدیه.

اُو ھیچ چِیزِ خُوب ره دِریغ نَمُونه

از کسای که دَ راستی-و-بےعَیبی رفتار مُونه.

12اَی خُداوندِ لشکرها،

نیک دَ بَختِ کسی که دَزتُو تَوَکُل دَره.

Currently Selected:

زبُور 84: HAZ

Highlight

Copy

Compare

Want to have your highlights saved across all your devices? Sign up or sign in

Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:

Scripture taken from Hazaragi Bible.

Learn More About Hazaragi Bible