غلاتیا 3
3
فصلِ سِوّم
ایمان یا انجام دَدونِ شریعت
1اَی غلاتیای نادو، کِی شُمو ره جادُو کده؟ آیا امِیطور نِییه که تصوِیرِ واضِح از عیسیٰ مسیح که دَ صلِیب میخکوب شُد دَ پیشِ چِیمای شُمو ایشتُم؟ 2تنها چِیزی ره که ما میخایُم از طرفِ شُمو بُفامُم اینی اَسته: آیا شُمو روح اُلقُدس ره دَ وسِیلِه انجام دَدونِ شریعت دَ دِست اَوُردِید یا دَ وسِیلِه ایمان دَ پَیغامی که شُمو شِنِیدِید؟ 3آیا شُمو اِیقَس نادو اَستِید که قد یافتونِ روح اُلقُدس شُروع کدِید و آلی میخاهِید که دَ وسِیلِه جِسم کامِل شُنِید؟ 4آیا شُمو امِیقَس سرگُذشت ها ره بےفایده تجربه کدِید؟ اگه اِی حقِیقت دَره، تجربِه شُمو بےفایده بُوده. 5آیا خُدا روح اُلقُدس ره دَز شُمو مِیدیه و دَ مینکل شُمو مُعجزه ها ره ظاهِر مُونه بخاطرِ ازی که شُمو کارای شریعت ره انجام مِیدِید یا بخاطرِ ایمان اَوُردو دَ پَیغامی که شِنِیدِید؟
6امُو رقم که نوِشته شُده، ”اِبراهِیم دَ خُدا ایمان اَوُرد و اِی بَلدِه ازُو یگ عملِ عادِلانه حِساب شُد،“#پَیدایش ۱۵:۶. 7شُمو مِیدَنِید دَ عَینِ رقم کسای که ایمان دَره، اُونا اَولادِه اِبراهِیم اَسته. 8چُون نوِشتِه مُقَدَّس پیشبِینی مُونه که خُدا مردُمای غَیرِ یهُود ره دَ وسِیلِه ایمان عادِل حِساب مُونه، امزی خاطر پیش از پیش دَ اِبراهِیم خوشخبری دَد که ”تمامِ مِلَّت ها دَ وسِیلِه ازتُو بَرکت پَیدا مُونه.“#پَیدایش ۱۲:۳. 9دَ امزی دلِیل کسای که ایمان دَره قد اِبراهِیم که ایمان اَوُرد یگجای بَرکت پَیدا مُونه.
10تمامِ کسای که تکیه دَ کارای شریعت کده، زیرِ لعنت اَسته، چُون نوِشته شُده: ”نالَت دَ کسی که دَ تمامِ چِیزای که دَ کِتابِ شریعت نوِشته شُده ثابِت قَدم نَمَنه و اُونا ره دَ جای نَیره.“#تَثنیه ۲۷:۲۶. 11پس واضِح اَسته که هیچ کس دَ وسِیلِه شریعت دَ حُضُورِ خُدا عادِل حِساب نَمُوشه، چُون «شخصِ عادِل دَ وسِیلِه ایمان زِندگی مُوکُنه.» 12مگم شریعت دَ ایمان تعلُق نَدره، بَلکِه «کسی که احکامِ شریعت ره دَ جای میره، اُو دَ مُطابِقِ ازوا زِندگی مُونه.»#لاویا ۱۸:۵. 13مسیح مو ره از لعنتِ شریعت بازخرِید کده بخاطرِ ازمو لعنت شُد، چُون نوِشته شُده: ”هر کسی که دَ دار اَوزو شُنه لعنَتی اَسته.“#تَثنیه ۲۱:۲۳. 14اِی کار شُد تا بَرکتِ اِبراهِیم دَ وسِیلِه عیسیٰ مسیح دَ مردُمای غَیرِ یهُود بِرَسه و تاکه مو روح اُلقُدسِ وعده شُده ره دَ وسِیلِه ایمان دَ دِست بیری.
شریعت و وعدِه خُدا
15اَی بِرارو، بیلِید که ما بَلدِه شُمو یگ مَثَل از زِندگی روزمَره بُگُم: وختی یگ عهد-و-پَیمان بسته شُد، حتیٰ اگه عهدِ اِنسانی ام بَشه، هیچ کس اُو ره باطِل نَمُونه و یا دَزُو کُدَم چِیز اِضافه نَمُوکُنه. 16ولے دَ اِینجی وعده ها دَ اِبراهِیم و دَ نسلِ ازُو دَده شُده. نوِشتِه مُقَدَّس نَمُوگه که، «دَ نسل ها» که دَ بارِه غَدر کسا بَشه، بَلکِه مُوگیه «دَ نسلِ ازتُو»#پَیدایش ۲۲:۱۸. یعنی دَ بارِه یگ نفر که اُو مسیح اَسته. 17مقصدِ ازمه اینی اَسته: عهد-و-پَیمانی ره که خُدا قد اِبراهِیم بسته کد، شریعتی که چار صد و سِی سال بعد دَ وجُود اَمَد، نَمِیتنه اُو ره باطِل کُنه تا وعده ره از بَین بُبره. 18چُون اگه میراث از طرِیقِ شریعت دَ دِست میمَد، دِیگه از طرِیقِ وعده قابِلِ دِسترَس نَمُوبُود. مگم خُدا امُو میراث ره از طرِیقِ وعده دَ اِبراهِیم دَد.
19پس مقصدِ شریعت چی بُود؟ شریعت بخاطرِ خطاها اِضافه شُد، اُو ام تا زمانِ اَمَدونِ امزُو نسل که وعده دَزشی دَده شُدُد. شریعت دَ وسِیلِه ملایکه ها و دَ دِستِ یگ میانجی مُقَرر شُد. 20ولے میانجی نُمایندِه یگ طرف نِییه، مگم خُدا یگ اَسته. 21پس آیا شریعت دَ ضِدِ وعده های خُدا اَسته؟ بِلکُل نَه! چُون اگه یگ شریعت دَده مُوشُد که مِیتنِست زِندگی بُبَخشه، حتماً عدالت از طرِیقِ شریعت دَ دِست میمَد. 22مگم نوِشتِه شریعت واضِح کد که تمامِ چِیزا دَ بندِ گُناه اَسته تا امُو چِیزی که وعده دَده شُدُد، دَ وسِیلِه ایمان دَ عیسیٰ مسیح بَلدِه ایماندارا دَده شُنه.
بچکِیچای خُدا
23مگم پیش از اَمَدونِ ایمان پگ مو دَ بندِ شریعت نِگاه شُده بُودی و تا زمانِ ظاهِر شُدونِ ایمان دَ بند شی بُودی. 24پس شریعت تا وختِ اَمَدونِ مسیح اِصلاح کُنِندِه مو بُود تاکه مو دَ وسِیلِه ایمان عادِل حِساب شُنی. 25لیکِن آلی که ایمان اَمَده، مو دِیگه دَ زیرِ فرمانِ اِصلاح کُنِنده نِیَستی، 26چراکه پگ شُمو دَ وسِیلِه ایمان دَ مسیح عیسیٰ بچکِیچای خُدا اَستِید. 27هر کُدَمِ از شُمو که دَ راهِ مسیح غُسلِ تعمِید گِرِفتِید، قد مسیح پوشَنده شُدِید. 28پس دِیگه نَه یهُود اَسته و نَه یونانی، نَه غُلام و نَه آزاد، نَه مَرد و نَه خاتُو، چراکه پگ شُمو دَ مسیح عیسیٰ یگ اَستِید. 29و اگه شُمو دَ مسیح تعلُق دَرِید، پس شُمو نسلِ اِبراهِیم و مُطابِقِ وعده، وارِث اَستِید.
Currently Selected:
غلاتیا 3: HAZ
Highlight
Copy
Compare
Share
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.
غلاتیا 3
3
فصلِ سِوّم
ایمان یا انجام دَدونِ شریعت
1اَی غلاتیای نادو، کِی شُمو ره جادُو کده؟ آیا امِیطور نِییه که تصوِیرِ واضِح از عیسیٰ مسیح که دَ صلِیب میخکوب شُد دَ پیشِ چِیمای شُمو ایشتُم؟ 2تنها چِیزی ره که ما میخایُم از طرفِ شُمو بُفامُم اینی اَسته: آیا شُمو روح اُلقُدس ره دَ وسِیلِه انجام دَدونِ شریعت دَ دِست اَوُردِید یا دَ وسِیلِه ایمان دَ پَیغامی که شُمو شِنِیدِید؟ 3آیا شُمو اِیقَس نادو اَستِید که قد یافتونِ روح اُلقُدس شُروع کدِید و آلی میخاهِید که دَ وسِیلِه جِسم کامِل شُنِید؟ 4آیا شُمو امِیقَس سرگُذشت ها ره بےفایده تجربه کدِید؟ اگه اِی حقِیقت دَره، تجربِه شُمو بےفایده بُوده. 5آیا خُدا روح اُلقُدس ره دَز شُمو مِیدیه و دَ مینکل شُمو مُعجزه ها ره ظاهِر مُونه بخاطرِ ازی که شُمو کارای شریعت ره انجام مِیدِید یا بخاطرِ ایمان اَوُردو دَ پَیغامی که شِنِیدِید؟
6امُو رقم که نوِشته شُده، ”اِبراهِیم دَ خُدا ایمان اَوُرد و اِی بَلدِه ازُو یگ عملِ عادِلانه حِساب شُد،“#پَیدایش ۱۵:۶. 7شُمو مِیدَنِید دَ عَینِ رقم کسای که ایمان دَره، اُونا اَولادِه اِبراهِیم اَسته. 8چُون نوِشتِه مُقَدَّس پیشبِینی مُونه که خُدا مردُمای غَیرِ یهُود ره دَ وسِیلِه ایمان عادِل حِساب مُونه، امزی خاطر پیش از پیش دَ اِبراهِیم خوشخبری دَد که ”تمامِ مِلَّت ها دَ وسِیلِه ازتُو بَرکت پَیدا مُونه.“#پَیدایش ۱۲:۳. 9دَ امزی دلِیل کسای که ایمان دَره قد اِبراهِیم که ایمان اَوُرد یگجای بَرکت پَیدا مُونه.
10تمامِ کسای که تکیه دَ کارای شریعت کده، زیرِ لعنت اَسته، چُون نوِشته شُده: ”نالَت دَ کسی که دَ تمامِ چِیزای که دَ کِتابِ شریعت نوِشته شُده ثابِت قَدم نَمَنه و اُونا ره دَ جای نَیره.“#تَثنیه ۲۷:۲۶. 11پس واضِح اَسته که هیچ کس دَ وسِیلِه شریعت دَ حُضُورِ خُدا عادِل حِساب نَمُوشه، چُون «شخصِ عادِل دَ وسِیلِه ایمان زِندگی مُوکُنه.» 12مگم شریعت دَ ایمان تعلُق نَدره، بَلکِه «کسی که احکامِ شریعت ره دَ جای میره، اُو دَ مُطابِقِ ازوا زِندگی مُونه.»#لاویا ۱۸:۵. 13مسیح مو ره از لعنتِ شریعت بازخرِید کده بخاطرِ ازمو لعنت شُد، چُون نوِشته شُده: ”هر کسی که دَ دار اَوزو شُنه لعنَتی اَسته.“#تَثنیه ۲۱:۲۳. 14اِی کار شُد تا بَرکتِ اِبراهِیم دَ وسِیلِه عیسیٰ مسیح دَ مردُمای غَیرِ یهُود بِرَسه و تاکه مو روح اُلقُدسِ وعده شُده ره دَ وسِیلِه ایمان دَ دِست بیری.
شریعت و وعدِه خُدا
15اَی بِرارو، بیلِید که ما بَلدِه شُمو یگ مَثَل از زِندگی روزمَره بُگُم: وختی یگ عهد-و-پَیمان بسته شُد، حتیٰ اگه عهدِ اِنسانی ام بَشه، هیچ کس اُو ره باطِل نَمُونه و یا دَزُو کُدَم چِیز اِضافه نَمُوکُنه. 16ولے دَ اِینجی وعده ها دَ اِبراهِیم و دَ نسلِ ازُو دَده شُده. نوِشتِه مُقَدَّس نَمُوگه که، «دَ نسل ها» که دَ بارِه غَدر کسا بَشه، بَلکِه مُوگیه «دَ نسلِ ازتُو»#پَیدایش ۲۲:۱۸. یعنی دَ بارِه یگ نفر که اُو مسیح اَسته. 17مقصدِ ازمه اینی اَسته: عهد-و-پَیمانی ره که خُدا قد اِبراهِیم بسته کد، شریعتی که چار صد و سِی سال بعد دَ وجُود اَمَد، نَمِیتنه اُو ره باطِل کُنه تا وعده ره از بَین بُبره. 18چُون اگه میراث از طرِیقِ شریعت دَ دِست میمَد، دِیگه از طرِیقِ وعده قابِلِ دِسترَس نَمُوبُود. مگم خُدا امُو میراث ره از طرِیقِ وعده دَ اِبراهِیم دَد.
19پس مقصدِ شریعت چی بُود؟ شریعت بخاطرِ خطاها اِضافه شُد، اُو ام تا زمانِ اَمَدونِ امزُو نسل که وعده دَزشی دَده شُدُد. شریعت دَ وسِیلِه ملایکه ها و دَ دِستِ یگ میانجی مُقَرر شُد. 20ولے میانجی نُمایندِه یگ طرف نِییه، مگم خُدا یگ اَسته. 21پس آیا شریعت دَ ضِدِ وعده های خُدا اَسته؟ بِلکُل نَه! چُون اگه یگ شریعت دَده مُوشُد که مِیتنِست زِندگی بُبَخشه، حتماً عدالت از طرِیقِ شریعت دَ دِست میمَد. 22مگم نوِشتِه شریعت واضِح کد که تمامِ چِیزا دَ بندِ گُناه اَسته تا امُو چِیزی که وعده دَده شُدُد، دَ وسِیلِه ایمان دَ عیسیٰ مسیح بَلدِه ایماندارا دَده شُنه.
بچکِیچای خُدا
23مگم پیش از اَمَدونِ ایمان پگ مو دَ بندِ شریعت نِگاه شُده بُودی و تا زمانِ ظاهِر شُدونِ ایمان دَ بند شی بُودی. 24پس شریعت تا وختِ اَمَدونِ مسیح اِصلاح کُنِندِه مو بُود تاکه مو دَ وسِیلِه ایمان عادِل حِساب شُنی. 25لیکِن آلی که ایمان اَمَده، مو دِیگه دَ زیرِ فرمانِ اِصلاح کُنِنده نِیَستی، 26چراکه پگ شُمو دَ وسِیلِه ایمان دَ مسیح عیسیٰ بچکِیچای خُدا اَستِید. 27هر کُدَمِ از شُمو که دَ راهِ مسیح غُسلِ تعمِید گِرِفتِید، قد مسیح پوشَنده شُدِید. 28پس دِیگه نَه یهُود اَسته و نَه یونانی، نَه غُلام و نَه آزاد، نَه مَرد و نَه خاتُو، چراکه پگ شُمو دَ مسیح عیسیٰ یگ اَستِید. 29و اگه شُمو دَ مسیح تعلُق دَرِید، پس شُمو نسلِ اِبراهِیم و مُطابِقِ وعده، وارِث اَستِید.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.