اوّلِ پِترُس پیشگُفتار
پیشگُفتار
خطِ اوّلِ پِترُس بَلدِه ایماندارای نوِشته شُده که دَ شمالِ آسیای صغِیر، یعنی دَ تُرکیِه اِمروزی زِندگی مُوکد. مقصدِ پِترُس از نوِشته کدونِ امزی خط تشوِیقِ ایمانداری اَسته که بخاطرِ ایمان خُو آزار-و-اَذیَت مُوشُد. پِترُس یادآوَر مُوشه که عیسیٰ مسیح قد مَرگ و دُوباره زِنده شُدون خُو و وعدِه دُوباره اَمَدونِ خُو دَزوا اُمِید دَده. اُو قد بیانِ امزی حقِیقت ایماندارا ره تشوِیق مُونه که آزار-و-اَذیَت ره قبُول کده رَنج و دَرد ره تَحَمُل کنه و اِطمِینان دَشته بَشه که اِی آزمایش بَلدِه خالِص کدونِ ایمانِ ازوا اَسته و دَ روزی که عیسیٰ مسیح دُوباره مییه دَزوا اَجر دَده مُوشه.
پِترُس عِلاوِه ازی که ایماندارا ره تشوِیق مُونه که آزار-و-اَذیَت و سختی ها ره تَحَمُل کنه، امچُنان اُونا ره نصِیحَت مُونه که رقمِ کسای زِندگی کنه که دَ مسیح تعلُق دَره.
طبقه-بَندی مَوضوع ها
دُعا و سلام (فصلِ ۱)
اُمِیدِ زِنده (فصلِ ۱)
دعوَت بَلدِه زِندگی پاک و مُقَدَّس (فصلِ ۱ - ۲)
اِطاعَتِ ایماندارا دَ زِندگی فِعلی (فصلِ ۳ - ۴)
رَنج و زَحمت کشِیدو دَ راهِ مسیح (فصلِ ۴)
نصِیحَت بَلدِه رِیش سفیدا و جوانا (فصلِ ۵)
سلام های آخِری (فصلِ ۵)
Currently Selected:
اوّلِ پِترُس پیشگُفتار: HAZ
Highlight
Share
Copy
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.