Maruko 9

1masalr ziya marengay i Yēsu kanazu: <<penazangala ku marengay kanmu, na matikezir i kani na trau mu, ulra na nu kiyanatray pakangawayan nana'u kanantu pinitrepa na kezang kana Viruwa i itras mikezang mula'esi.>>

muvalis za pinizazekan

(Matay 17.1-13; Luka 9.28-36)

2melavat lra za nanema wariyan mu, i Yēsu tu pilralrangaw i Pētēro, Yakob, zi i Yohanē, marapengan paseki za saya atras na zenan. zi kazu kanazu i ngawayan, muvalis nantu pinizazek ni Yēsu, 3tu kavang muvalis za vulreti' zi meleni'; i punapunan iniyan za trau maruwa semelrevu' kana inuwan za kemazu kana vulretri'. 4na tatelu na temakesi maherareher za mena'u kani Ēliya zi i Mosē kazu kimazazayar kani Yēsu. 5i Pētēro marengay kani Yēsu: <<sinsi, kazu ta i kani tatena' za 'inava! patalraviyaw mi i kani za teluwa, vaveray kannu na saya, vaveray kani Mosē na saya, vaveray kani Ēliya na saya.>> 6i Pētēro zi na zuma na trau tatena' mu salaw makaud, 'azi malrazam za eman kemaya zi ka'inava.

7ulra sa'upuwan a kutrem metrav kanazu. maherareher, mupana a lrengaw kemay kana kutrem i savakan, marengay: <> 8mavangavang nazu malangalang mena'u i paliyuliyus, mawmu 'azi mena'u za ulra zuma a trau, mawmau i Yēsu na mukasa kanazu.

9a muwalusu kana zenan nazu mu, i Yēsu patalru kanazu: <<Alrak na trau nu 'azi ziya marevaaw kemay kana kininatrayan a pakangawayan mu, iyauwauwa marengaya kanimaeman kana nina'uwan ziya.>>

10tu iturusay tu ipatalru ni Yēsu nazu, mawmu mazayazayar marengay: <<a eman tu pauwayan izu na marevaaw kemay kana minatray ziyamaw?>> 11kiyumalr ziya kani Yēsu nazu: <<kemuda zi marengay na sinsi kana Sēsiyo za 'azika'azi iyanguwayan zuwa kema kani Ēliya ziyamaw?>>

12temuvang i Yēsu: <<i Ēliya tatena' za kinganguwayan zuwa masalra temulre'ay kana eman ziya; mawmu, na Sēsiyo kemuda zi marengay za na Alrak na trau 'azika'azi muelep za ulepan zi ki'atelr ziyamaw? 13marengaya ku kanmu, mizinuwayan lra i Ēliya, mawmu pasasevang temara kantaw nazu, penauwa kamawan kanantu nirengay na Sēsiyo na kireeman kantaw na ngay.>>

paka'inava kana kipalrar na lralrak

(Matay 17.14-21; Luka 9.37-43)

14mareveliyas mukuwa nazu kana zuma na temakesi i kazu mu, mena'u za salepun na zinekalranan mulitrung kanazu, ulra papida na sinsi kana Sēsiyo penauwa kazu kimatatuvang kanazu. 15na zinekalranan a mena'u kani Yēsu mu salaw pakumelri mapiya; pavekas mapiya mukuwa kiyatrevunga kantaw. 16kiyumalr i Yēsu kana temakesi: <<kimatatuvang mu za eman kanazu?>>

17kana mulepun na trau i savakan ulra a sasa marengay: <<sinsi, murung ku kananku alrak na ma'inayan zuwa mena'uwa kannu; 'alrana ulra kipalrar za ma'umuy i intaw, 'azi maruwa marengay. 18nu temengez na palrar kantaw, zi temapelra' kantaw i dare', pauta' za vure' kantaw, pakakaratr pakirev, kerezeng i zazek. kiyami ku kanannu temakesi venerelrang puveruk kanini na palrar, mawmu iniyan za kezang nazu.>>

19marengay i Yēsu kanazu: <<i inmu kanini na ziday na trau kemuda kana iniyan za pakutena'an awa! kaazu ku ziya kanmu i kani manueman za kasawariyan ziyamaw? saseker ku ziya kanmu palru nu aidan ziyamaw? urungu na alrak kaninku i kani!>> 20zi tu urungaw i intaw zuwa nazu.

izu na palrar a mena'u kani Yēsu, payas tu pakirevay pararutreng na alrak, mureve' i dare' mukulukulung, venure' i udung. 21kiyumalr i Yēsu kani temamataw: <<kuwaleng i intaw kanini mu manueman lra kana sawariyan?>>

temuvang i intaw: <<ulra lra a kinamakitengan. 22na palrar parepidapidan maranger pinatray kantaw, venulru' kantaw kana apuy i savakan, sukunanay pulusu kana zanum i savakan. mawmu nu karuwa u kemakuda za eman mu, kiyami ku kannu za kalramanaw mi, puwalrangay mi!>>

23marengay i Yēsu: <<marengay u <nu karuwa u>, tatena' mu na ulra tu pakutatena'an na trau mu, maruwa kemakuda za eman ziya!>>

24i temamataw na alrak payas kematamuni 'emuy'uy: <<pakutatena' ku, mawmu 'azi penauwa nanku pakutatena'an, kiyami kannu puwalrangay ku!>>

25mena'u i Yēsu kana zinekalranan zuwa mulitrunga, zi maselru kanizu na palrar: <>

26izu na palrar pakirev zema'ung, zi pakirevay pararutreng na alrak, zi mupana lra. na alrak kamawan kana minatray na trau, marengay mapiya: <<minatray lra i intaw!>> 27mawmu i Yēsu kemezeng kanantu lima, parahan kantaw, zi matikezir i intaw.

28a musavak kana ruma' i Yēsu mu, na temakesi mulrek kiyumalr kantaw: <<kemuda zi 'azi mi maruwa venerelrang kanizu na palrar ziyamaw?>>

29marengay i Yēsu: <<mawmau kuretalrima za kiyanun mu karuwa venerelrang kana kemani na palrar, nu amelri ini iniyan a pakazuma za kudayan.>>

i Yēsu masalr ziya putralri marengay kanantu kiyanatrayan i intaw

(Matay 17.22-23; Luka 9.43-45)

30muveruk lra nazu kanizu na kinazuwan, makalrang i Galili. i Yēsu 'azi muwai pakalrazam kani maeman kanantu kakawangan, 31'alrana penauwa za pananadam kana temakesi i intaw. marengay i intaw: <<Alrak na trau uri tatuluzanay kana lima za trau; tu i piyanatrayaw i intaw nazu, a minatray katelu wariyan, kavavaaw i intaw.>>

32mawmu 'azi patulre'ay malrazam nazu kanantu pauwayan ini na ngay, zi makaud ziya kiyumalr kantaw.

i eman na maraayawayawan

(Matay 18.1-5; Luka 9.46-48)

33meredek nazu i Kabēnum, a musavak kana ruma' mu kiyumalr i Yēsu kanantu temakesi: <<a eman nanmu pinasakisakiyan i dadalan ziyamaw?>>

34marapengan nazu, 'alrana kazu i dadalan masakisaki nazu za i eman na maraayawayawan. 35kemayan i Yēsu, venina kana papulu' zi zazuwa na sito pazuwa i ngawayan kantaw, marengay kanazu: <> 36kemazu zi miya' za sasa za alrak pazuwa i intaw, katikezir i paduk kanazu kema kantaw, zi mava ziya kantaw, marengay kanazu: 37<<na mawili kaninku zi temara kana kemani makiteng na alrak mu, mawna temara kaninku. na temara kaninku mu, 'azi mawmau temara kaninku, kemazu maw temara kanizu na pakarun pazuwa kaninku izu na sasa.>>

na semuveli zi za paturus

(Luka 9.49-50)

38i Yohanē marengay kani Yēsu: <<sinsi, mena'u mi ulra a trau pakalrang kanannu ngadan venerelrang kana palrar, zi paziyazi mi kantaw, 'alrana 'azi muwai kurekasa kaniyam.>>

39marengay i Yēsu: <<amanan na paziyazi kantaw; 'alrana iniyan za trau karuwa pakalrang kananku ngadan pupana za karepalripalri, zi payas ziya marepiles zuwa marengay kana kuwatreng na ngay semu'i kaninku. 40'alrana na 'azi semuveli kanta mu mawna paturus kanta. 41kanmuwa patezelray marengay, nu i eman lra mu, mawmau 'alrana muravak mu kani Kiristo zi veray kanmu za satakilran za zanum mu, 'azika'azi kiveray za pakasahar.>>

iauwa kemezenga za trau papamelri

(Matay 18.6-9; Luka 17.1-2)

42marengay i Yēsu: <<nu i eman lra tu pakiruwadayaw za sasa na mara'azi'azi kirungetr na sinziya kaninku mu, mara'inava tilu'ay kana ma'izang na varasa' na ailangan kanantu ni'en, tenepanay i intaw kana lrevek. 43nu papamelri kannu nu lima na saya mu, salretevu puelak intaw! parainiyan za saya lima zi melak za uwavaawan munayun mu, na milima za zuwaya zi mutani i zikok, mara'inava za sazu kana mutani kana 'azi ma'a'evut na mavengangeveng na apuy i savakan lra.#9.43 ulra pidaya na awatranan lulun puwayay za 44 vatras <> 45nu papamelri kannu nu kuy na saya mu, salretevu puelak intaw! parainiyan za saya kuy zi melak za uwavaawan munayun mu, mara'inava za sazu kana mikuy za zuwaya zi ki'atelr i zikok lra.#9.45 ulra pidaya na awatranan lulun puwayay za 46 vatras <>. 47nu papamelri kannu nu matra na saya mu, kerutru pupana! nu iniyan za saya matra zi musavak kana kanatal na Viruwa i itras, mara'inava za sazu kana mimatra za zuwaya zi ki'atelr i zikok lra. 48i kazu mu, 'azi miyanatray na 'uled, na mavengangeveng na apuy 'azi ma'a'evut munayun.

49<<tu i surepuwaw kana apuy na trau ziyan, kamawan kana iniyaman. 50na iyam mu nintaw 'inavayan, mawmu nu 'azi lra 'asilr mu, kemuda lra masalr paka'asilr ziyamaw? ulraya mu tu pauwayan kana iyam, pareka'inavanava mukasakasa.>>

Currently Selected:

Maruko 9: TPN

Highlight

Copy