Luka kalre'ayan pakalrazam
kalre'ayan pakalrazam
na Luka fukuing marengay kanta: i Yēsu maw a iyatuvang na Viruwa i itras veray kana Iseraēl na trau na venavaaw, zi maw na venavaaw kana tratrautrau ziyan i Luzu. na Luka venavalray kani Yēsu kidaulr kana Lu'em ni Luzu <<palenak kana 'inava na vati kana kalramalraman na trau>> (4.18), zi ini na 'inava na vati matemuy za marekamelrimelri na kinaranger na kalramanan kana tratrautrau ziyan. ini na valray matemuy za semangalan i makaiyaiyan, maulra na ngawayan na pida vakaran na kireeman kanantu pinialrakan ni Yēsu zi talikuzakuzan mukaitrasan i itras i intaw na pakalralrazaman. kema ta zantu inukaitrasan i itras ni Yēsu na fukuing na i palenak zi pu'ivat kema'izang, na venavalray kanini na valray ulra kana Sito tu pinakalrangan ulra vinavalrayan patulre'ay.
na pukazuwa zi na pukaenem sepad (parepana'u kana pupana pinazangal) niravak na emaeman mu, kamawan i Bētlēhēm panayan kana zekalr tu senay na tēnsi, na purarikan kana takulris semungala kana Vangesar Vu'enin, kinalralrakan ni Yēsu kazu kana vangesar ruma', zi na 'inava na Samaliya na trau zi na milramanan na Temama na vativatiyan zi na zuma, mawmau kurena'u kanini na fukuing na valray. ini na valray pakamelri kemapazangal za kiyaanunan, Vangesar Lu'em, na puwalrang kikarun kani Yēsu na vavayan, na Viruwa i itras tu ipuwavut melapus za pinamelriyan, zi rilreng ni Kiristo i kani punapunan.
pupana pinazangal
isa. pungaway na ngay (1.1-4)
zuwa. na semasuwap i Yohanē zi i Yēsu tu inupanayan zi kinalralrakan (1.5--2.52)
telu. kiyakarunan na semasuwap i Yohanē (3.1-20)
pat. tu kinisuwap zi kilralrimaw ni Yēsu (3.21--4.13)
lima. tu kiyakarunan i Galili ni Yēsu (4.14--9.50)
nem. kemay i Galili palru i Yērusalem (9.51--19.27)
pitu. talikuzakuzan na saliyusan kazu i Yērusalem zi i dalrep (19.28--23.56)
walu. marevaaw i Luzu, kurepana'u, zi mukaitrasan i itras (24.1-53)
Currently Selected:
Luka kalre'ayan pakalrazam: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023