Sito kalre'ayan pakalrazam
kalre'ayan pakalrazam
Sito tu pinakalrangan mu maw patrungulr kana Luka fukuing, tu pauwayan mu venavalray marengay kana maw ziyan kanantu temakesi ni Yēsu za kemuda kazu kana Vangesar Lu'em tu ikakezeng kazu i <<Yērusalem, Yodaya makaiyaiyan, i Samaliya peniya kana pinidare'an, arusay merederedek makasesek>> palenak za fukuing (1.8). na Kiristo kiyo nirevuwa'an i Yodaya na trau i savakan, zi marekamudaway lra mutu singko i punapunan, ini maw kanantu kinapazangalan na vavatiyan. na venavalray penazangal marengay kana Kiristo kiyo amelri venelaliyas kana Roma kanatal a saya sēzi na kahuwahuwan, zi meruwakezang marengay tu singko na Kiristo kiyo za maw pula'esi mutulre'ay lra kana Yodaya kiyo.
Sito tu pinakalrangan karuwa musepad za marekatelu, mararengay kazu kana marekalalawas na pinidare'an mupalenak tu fukuing ni Yēsu zi pinarahan na Kiyokay:
sa. i Yēsu a mukaitrasan i itras mu na sinziya kazu i Yēlusalem semukun kana fukuing na kiyakarunan;
zuwa. mukuwa i Yodaya zi i Samaliya peniya na pinidare'an pakakawang;
telu. puwapuwa mukuwa ziya kana Ticonghay i paliyus pakakawang, palru i Roma.
Sito tu pinakalrangan tu pinazangal a saya kirekamelriyan mu mawna tu kiyakarunan na Vangesar Lu'em. na ma'izang na kezang kana Vangesar Lu'em kazu kana goziyunsēc kanizu na wari mulusu i Yēlusalem kanantu zazek kana sinziya, pawnung kazu kanini na valray tu nirengay na saya saya na lremak patrutru kemezeng zi puwapuwa veray za kezang kana kiyokay zi na kemakezeng i kiyokay. a melrivak ziya i kiyokay na vati kararuwa ta mena'u kemay kanini na valray kanantu nirarengay panadam. na vinavalray i savakan a sazu na penazangal na lremak kurena'uwan tu kezang na vati za kemuda kireeman puvalis kana melrivak na sinziya zi i kiyokay tu wayway na uwakasayan za sevang.
pupana pinazangal
sa. paadangan za uwasay (1.1-26)
(sa) talikuzakuzan tu seratr ni Yēsu zi na iyatuvang (1.1-14)
(zuwa) venulas kani Yoda na trau (1.15-26)
zuwa. na uwasay i Yēlusalem (2.1--8.3)
telu. na uwasay i Yodaya zi i Samaliya (8.4--12.25)
pat. kiyakarunan ni Pawlo (13.1--28.31)
(sa) a ngawngaway mu'ivat palenak za fukuing (13.1--14.28)
(zuwa) na kaygi i Yēlusalem (15.1-35)
(telu) karepapuwan mu'ivat palenak za fukuing (15.36--18.22)
(pat) karetatelun mu'ivat palenak za fukuing (18.23--21.16)
(lima) i Pawlo kazu i Yēlusalem, Kaysaliya, zi i Roma muimeng (21.27--28.31)
Currently Selected:
Sito kalre'ayan pakalrazam: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023