Sito 3

i Pētēro zi Yohanē paka'inava kana matripu'

1ulra a saya wari, a alusu kadaw kararuwa za teluwa tuki a kakiyanunan, i Pētēro zi Yohanē makuwa kana vangesar ruma'. 2kazu kanizu na vulay na sulray kinuwa na kinazuwan ulra sasa a pinialrak mu matripu' lra; ki'alu za trau kana wariwari iretra' i sulrasulray, kiyaami kana muwasavak i vangesar ruma' na trau. 3mena'u i intaw kani Pētēro zi Yohanē za muwasavak i vangesar ruma', zi kiyami kanazu za kiyaverayan. 4tremeketrek mena'u kantaw nazu; marengay i Pētēro: <<na'u kaniyam i inu!>> 5zi mena'una'u kanazu i intaw, maranger kiveray za eman. 6marengay i Pētēro kantaw: <<iniyan ku za kim zi ging, mawmu vaveray ku kana ulra ziyan kaninku: pakalrang ku kanantu ngadan na Nazalē na trau i Yēsu Kiristo semeratr kannu, karahan kakawang!>> 7kemazu zi i Pētēro kemezeng kanantu lima na tarawalran, parahan kantaw. izu na trau tu kuy zi vetringilan payas lra mikezang, 8zi menekun, matikezir penatezelr lra, zi kemakawang. zi kurelrang kanazu musavak kana vangesar ruma' i intaw, kemakakawang zi menekunekun, semenay pulihu kana Viruwa i itras. 9na trau mapiya mena'u kantaw za kemakawang, zi semasenay pulihu kana Viruwa i itras; 10nazu pakumaw mena'u kantaw mawna kemayan kana vangesar ruma' na vulay na sulray kiyaami izu na pakusiya, zi salaw pakumelri kana inupanayan na lremak.

i Pētēro kazu kana vangesar ruma' palenak za vati

11kazu kana Solomon salripi, izu na trau merukezang kemezeng kani Pētēro zi Yohanē; na kazu na trau salaw mare'alav, pavekas mapiya mukuwa mena'uwa kanazu. 12mena'u i Pētēro kananni na kazuwan na trau, zi marengay kanazu: <<i Iseraēl na mawan, amanan na mare'alav kanini na lremak ziyamaw? kemuda zi tremeketrek mu mena'u kaniyam? kema mu kaniyam za pakalrang zaniyam kezang nu 'azi mu maw na penakasa penatezelr zi maruwa pakakawang kanini na trau ziyamaw? 13i Aburaham, Isak, Yakob tu Viruwa i itras, mawna tu Viruwa i itras nanta temuwamuwan, pulihu lra kanantu pakarunan i Yēsu; ini i Yēsu mu tuluzanay kana ma'izang i zekalr, kemuret i Pilato za raretra' puveruk kantaw, muveliyas mu kazu i ngawayan kani Pilato 'ematelr kantaw. 14maw a vangesar penatezelr i intaw, muveliyas mu 'ematelr kantaw, kiyami kani Pilato meretra' veray kanmu kana mipinamelri za pinatray za trau. 15kemani mu, pinatray mu lra kana uwavaawan i Luzu; mawmu na Viruwa i itras parevaaw lra kantaw kemay kana minatray. maw mi na uwasay kanini na lremak na trau. 16ini ngadan ni Yēsu tu pinupana na kezang pukezang lra kanini na matripu'. nanmu nina'uwan kinalrazam na mupana i zazek kanini na trau mu mawna nirehayan kana pakutatena' kanantu ngadan. 'alrana i intaw pakutatena' kani Yēsu zi 'inava lra patulre'ay i intaw; zi mena'u mu lra mapiya.

17<<nu kemazu mu, 'ali'an, malrazam ku kanmu zi nanmu ma'izang mu kuwazuwaw temara i Yēsu mu mawna iniyan za lrazaman. 18na Viruwa i itras pungaway lra pakalrang kana patralritralri putralri marengay kani Kiristo za 'azika'azi kikaulep; ini na iputralri na ngay tatena' mula'esi lra. 19semeneng, uwasalr pakavekal i inmu, uveliyas kana Viruwa i itras, zi lalapus kananmu pinamelriyan i intaw. 20kemani mu, i Luzu vaveray kanmu kana pakavekal za Lu'em na kezang na wari; a azu, pakakarun kani Yēsu i intaw, mawna muramawan kanmu tu pinalimi' lra i Kiristo pazuwa. 21i Kiristo 'azika'azi muvilin i itras, palru za pinakavekal na eman ziya na wari; ini maw na Viruwa i itras kazu a awatr ziya pakalrang kanantu vangesar na patralritralri tu nirengay pakalrazam. 22marengay lra i Mosē: <Luzu -- nanmu Viruwa i itras kemay kananmu mawan i savak muramawan kanmu patikezir za sasa za patralritralri, kamawan kantaw za patikezir kaninku#3.22 <<muramawan kanmu patikezir za sasa za patralritralri, kamawan kantaw za patikezir kaninku>> karuwa marengay za <<muramawan kanmu patikezir za sasa maresan kaninku za patralritralri>>.. tu nirengay kanmu, kingera mu mapiya. 23na 'azi kiyaanger kanantu ngay kanini na patralritralri na trau mu, palremesen kemay kanatu zinekalranan i savakan kana Viruwa i itras.> 24na palalenak kana vati ziya na patralritralri mu, muravakan i Samuēl zi tu trungulran, marengay pakalrazam mapiya kananni na wari na uwapana na lremak. 25maw mu na tratrungulr kana patralritralri; kituluz mu kanantu karapinarahan kana Viruwa i itras zi mu temuwamuwan na kuret. na Viruwa i itras marengay lra kani Aburaham: <pakakalrang ku kanannu temuwan veray za ka'inavayan i punapunan kana tratrautrau ziyan.> 26semeneng, na Viruwa i itras patikezir kanantu pakarunan, iyanguwayan pakarun kantaw pazuwa kanmu i kani, veray za ka'inavayan kanmu, maruwaya mu mareveliyas mapapiya, kiruwaday kana pimamelri kuwaatrengan na dalan.>>

Currently Selected:

Sito 3: TPN

Highlight

Copy