Sito 2
2
tu iwalusu na Vangesar Lu'em
1goziyunsēc kanizu na saya wari. na sinziya mapiya muwazuk mukasa kana saya na kinazuwan. 2maherareher za ulra a lrengaw kemay i lingatr mulusu, kamawan za venali za ma'izang na lrengaw, matemuy kanantu kinayanan na ruma' peniya. 3mena'u ziya nazu tu nirekudayan kamawan za apuy na lidam, maretepitepi', mulusu maziyazi kana kurisaesa i zazek. 4tu katemuyay za Vangesar Lu'em nazu mapiya, paturus kanantu iveray na Vangesar Lu'em na kezang kemirakaz marengay kana zuma na ngay.
5a azu, ulra a kemay kana makaiyaiyan na kanatanatal zuwa na penakasa penatezelr na Yodaya na trau kaazu i Yērusalem. 6a kinger kanini na maruni na lrengaw mu, mulalepun na trau mukasakasa muwaazuk kana saya na kinazuwan. kasemangalan mapapiya, 'alrana kurisaesa kinger kana sinziya za mararengay kanantu ngay i zekalr. 7kana kinarareheran pakumelri mu, marengay nazu: <<na'uwi, na kemani venavati na trau ziya mu amelri na trau i Galili ziyamaw? 8kemuda zi inta na sasa sasa kinger ta kanazu za mararengay kananta ngay i zekalr awa? 9kaniyam i savakan ulra a Partia na trau, Mēdiya na trau, Ēlam na trau; ulra ziya na kemay Mēsopotamia, Yodaya, Kapadokiya, Pontus, Asiya, 10Fulika, Pamfiliya, Ēzibuto, zi na adalrep i Kulinay na Libiya i kazu na trau, zi ulra ziya na zuwa kemay Roma. 11muravak na Yodaya na trau zi na pakutatena' kana Yodaya kiyo i sizumayan na trau; pakazuma ulra na Kerēto na trau zi na Arabiya na trau. maruwaruwa mi kinger kanazu za mararengay kananiyam ngay i zekalr venavati kanantu kaayawan na kinakudayan na Viruwa i itras!>> 12maherareher zi mule'ule'utr nazu, kiyumalr u kaninku, kiyumalra ku kannu: <<kemudakuda ini na lremak?>>
13ulra a zuma na trau semiri kana sinziya marengay: <<nanni na trau mu mawna marekalaliyay lra!>>
vati ni Pētēro
14a azu, i Pētēro zi na zuma na papulu' zi sasa na sito matikezir. i intaw kematamuni marengay kanazu mapiya: <<na Yodaya na trau zi na kaazu i Yērusalem na trau a, kalrazam i inmu, tarekinger kananku ngay. 15marekalaliyay kema mu kananni na trau ziyamaw? amelri, 'alrana a 'emanamanan ziya harem za iwaya tuki. 16ini na nirekudayan penauwa maw nirengay na patralritralri i Yoēr:
17marengay na Viruwa i itras:
ini maw ku kakudayan nu uwaludus lra i punapunan:
vaveray ku kananku Lu'em kana kurisaesa.
nanmu lralrak rarengay pakalrazam kananku vati;
nanmu vangesaran nana'u kana kirekamelri na nirekudayan;
nanmu dawadawan katiya' kana kirekamelri na tiya'.
18kanazu na wari mu,
ku i selretrahanay pupana ku Lu'em,
arusay veray kananku pakarunan zi na pakarunan na vavayan;
rarengay pakalrazam kananku vati nazu.
19kaazu ku i itras pupana za karepalripalri,
kazu i dare' pupana za kirekamelri a lremak;
ulra a dara', ulra a apuy, ulra a 'asevan;
20ka'aremeng na kadaw iniyan za senan;
na vulan kamawan kana dara' zemiyar;
i Luzu kanizu na kaayawan milihu na wari nu raredek pakangawayan mu,
uri uwapana ini peniya.
21a azu, na venina ziyan kiyami kanantu ngadan ni Luzu na trau mu 'azika'azi muvaaw.
22<<i Iseraēl na mawan a, kingeri nanku ngay i inmu. na Nazalē na trau i Yēsu tu rilreng na vangesangesar, tena' patulre'ay za kemay kana Viruwa i itras pakalrang kanantu pinupana na karepalripalri, kirekamelri na kezang, kirekamelri za lremak, pakurena'u kanmu lra. ini na lremak malrazam mu, 'alrana mupana kanmu i savakan. 23na Viruwa i itras paturus kanantu nirangeran zi malrazam lra pangaway kemuret verayanay i Yēsu kanmu; zi pakalrang mu kana pimamelri na trau tremehetreh kantaw kana ziyuzika i itras, pinatray lra kantaw. 24mawmu na Viruwa i itras parevaaw kantaw kemay kana minatray, puelakaw lra na nanayan za kiyanatrayan, 'alrana kiyanatrayan 'azi pakakuwa demadikus kantaw. 25i Davidē marengay lra kantaw:
marayas ku mena'u kani Luzu kazu kaninku i ngawayan;
i intaw kazu i tarawalran kaninku, zi 'azi ku uwavalis.
26mawna kemani, semangal ku anger,
ku ngay matemuy za semangalan;
zi ku zazek na karametr kaazu temalaulep i talrimayan.
27'alrana 'azi u paputani kaninku mukuwa i 'aremeremeng,
zi 'azi u wawai patupa' kananu penakasa na pakarunan.
28panadam u lra kaninku kana uwavaawan na dalan;
nannu uwakasa kaninku mu temuyay ku za semangalan.
29<<ta mawan, na kireeman kananta temuwamuwan i Davidē na lremak mu, 'azi ku ka'azi penatezelr marengay kanmu. 'azi mawmau a minatray lra i intaw, zi trinevelr lra; tu trevelran palru harem ulra ziya kaniyam i kani. 30maw a patralritralri i intaw, malrazam i intaw kanantu iyatuvang kantaw na Viruwa i itras: na Viruwa i itras putani lra za ngay patikezir za sasa a yawan kemay kanantu temuwan zuwa kemayana kanantu kakayanan na penazangal. 31i Davidē iyanguwayan malrazam kanantu kiniyaanger na Viruwa i itras, semeneng nu marengay i intaw kana kireemana za marevaaw i Kiristo mu, marengay i intaw:
'azi ki'atelr i 'aremeremeng i intaw;
zi tu zazek 'azi matupa'.
32ini i Yēsu, na Viruwa i itras parevaaw lra kantaw; inta mapiya maw a uwasay kanini na lremak na trau. 33i intaw kipuitras lra kazu i tarawalran kana Viruwa i itras, pawnung kituluz lra kemay kani Temamataw kanantu iyatuvang na Vangesar Lu'em i intaw. harem nanmu nina'uwan kiningeran mu, mawna Viruwa i itras na semelretrah veray kaniyam na iputrepa. 34i Davidē 'azi mukaitrasan i intaw, mawmu marengay i intaw:
i Luzu marengay kananku Luzu:
kayan kaninku i tarawalran i inu,
35ngangara kaninku za puilusaw nannu 'alra kanannu kuy i makalusu.
36<<semeneng, i Iseraēl na mawan mapiya a, patulre'aya mu malrazam, nanmu trinehetreh i ziyuzika ini i Yēsu, na Viruwa i itras patikezir lra kantaw putu Luzu, putu Kiristo lra!>>
37a kinger lra mapiya kanini na ngay mu, panana i anger, marengay kani Pētēro zi kana zuma na sito: <<wadiyan a, kemudaya ta za eman?>>
38marengay i Pētēro kanazu: <<i inmu kurisaesa uwasalr mapiya, pawnung pakalrang kanantu ngadan ni Yēsu Kiristo kisuwap, maruwaya mu kilapus za pinamelriyan, zi karuwa mu kituluz kanantu iveray na Viruwa i itras na Vangesar Lu'em. 39'alrana tu iyatuvang na Viruwa i itras maw vaveray kana dinaulr ziya na trau kananta Luzu na Viruwa i itras, maw i inmu, nanmu lralrak, zi na kazu ziya i dawilr na trau.>>
40i Pētēro marengay ziya za sazu a ngay uwasay kanazu, pukezang kanazu marengay: <<vaawaw mu i inmu kiruwaday kananni na kuwatrengan na trau kanantu kipasavungan!>> 41kazuwan na kituluz lra kanantu vati, pawnung kisuwap; kanizu na saya wari na sinziya puwapuwa za kararuwa teluwa kuzulr na trau. 42nazu pakasa kipanadam kana sito, kurelrang kanantu wayway na uwakasayan na sevang, kipalrang pa'inava kana lramanan na aekanan, mukasa kiyanun.
na wayway kana uwakasayan na sevang
43na sito pupana lra sazu a karepalripalri kirekamelri na lremak; na tratrautrau ziya mawna kemani zi mureha kemaira kemakaud i anger. 44na sinziya mapiya patrutru mukasa za wayway i uwakasayan na sevang, na ulra ziyan na eman mu pinukasa peniya. 45zi tu tratrima'anay na 'uma zi pinieman nazu, paturusanay kanantu kinaranger na trau panini kana paisu veray mapapiya. 46mukasa za anger nazu, kana wariwari kazu muwazuk i vangesar ruma', zi kazu ziya kana raruma'ruma' na trau kipalrang pa'inava za lramanan na aekanan, misemangalan penatezelr i anger zi mukasa mekan, 47semenay pulihu kana Viruwa i itras, marayas mareka'inavanava kana trau ziya. i Luzu tu puwapuwayay veray kanazu na muvaaw na trau kana wariwari.
Currently Selected:
Sito 2: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Sito 2
2
tu iwalusu na Vangesar Lu'em
1goziyunsēc kanizu na saya wari. na sinziya mapiya muwazuk mukasa kana saya na kinazuwan. 2maherareher za ulra a lrengaw kemay i lingatr mulusu, kamawan za venali za ma'izang na lrengaw, matemuy kanantu kinayanan na ruma' peniya. 3mena'u ziya nazu tu nirekudayan kamawan za apuy na lidam, maretepitepi', mulusu maziyazi kana kurisaesa i zazek. 4tu katemuyay za Vangesar Lu'em nazu mapiya, paturus kanantu iveray na Vangesar Lu'em na kezang kemirakaz marengay kana zuma na ngay.
5a azu, ulra a kemay kana makaiyaiyan na kanatanatal zuwa na penakasa penatezelr na Yodaya na trau kaazu i Yērusalem. 6a kinger kanini na maruni na lrengaw mu, mulalepun na trau mukasakasa muwaazuk kana saya na kinazuwan. kasemangalan mapapiya, 'alrana kurisaesa kinger kana sinziya za mararengay kanantu ngay i zekalr. 7kana kinarareheran pakumelri mu, marengay nazu: <<na'uwi, na kemani venavati na trau ziya mu amelri na trau i Galili ziyamaw? 8kemuda zi inta na sasa sasa kinger ta kanazu za mararengay kananta ngay i zekalr awa? 9kaniyam i savakan ulra a Partia na trau, Mēdiya na trau, Ēlam na trau; ulra ziya na kemay Mēsopotamia, Yodaya, Kapadokiya, Pontus, Asiya, 10Fulika, Pamfiliya, Ēzibuto, zi na adalrep i Kulinay na Libiya i kazu na trau, zi ulra ziya na zuwa kemay Roma. 11muravak na Yodaya na trau zi na pakutatena' kana Yodaya kiyo i sizumayan na trau; pakazuma ulra na Kerēto na trau zi na Arabiya na trau. maruwaruwa mi kinger kanazu za mararengay kananiyam ngay i zekalr venavati kanantu kaayawan na kinakudayan na Viruwa i itras!>> 12maherareher zi mule'ule'utr nazu, kiyumalr u kaninku, kiyumalra ku kannu: <<kemudakuda ini na lremak?>>
13ulra a zuma na trau semiri kana sinziya marengay: <<nanni na trau mu mawna marekalaliyay lra!>>
vati ni Pētēro
14a azu, i Pētēro zi na zuma na papulu' zi sasa na sito matikezir. i intaw kematamuni marengay kanazu mapiya: <<na Yodaya na trau zi na kaazu i Yērusalem na trau a, kalrazam i inmu, tarekinger kananku ngay. 15marekalaliyay kema mu kananni na trau ziyamaw? amelri, 'alrana a 'emanamanan ziya harem za iwaya tuki. 16ini na nirekudayan penauwa maw nirengay na patralritralri i Yoēr:
17marengay na Viruwa i itras:
ini maw ku kakudayan nu uwaludus lra i punapunan:
vaveray ku kananku Lu'em kana kurisaesa.
nanmu lralrak rarengay pakalrazam kananku vati;
nanmu vangesaran nana'u kana kirekamelri na nirekudayan;
nanmu dawadawan katiya' kana kirekamelri na tiya'.
18kanazu na wari mu,
ku i selretrahanay pupana ku Lu'em,
arusay veray kananku pakarunan zi na pakarunan na vavayan;
rarengay pakalrazam kananku vati nazu.
19kaazu ku i itras pupana za karepalripalri,
kazu i dare' pupana za kirekamelri a lremak;
ulra a dara', ulra a apuy, ulra a 'asevan;
20ka'aremeng na kadaw iniyan za senan;
na vulan kamawan kana dara' zemiyar;
i Luzu kanizu na kaayawan milihu na wari nu raredek pakangawayan mu,
uri uwapana ini peniya.
21a azu, na venina ziyan kiyami kanantu ngadan ni Luzu na trau mu 'azika'azi muvaaw.
22<<i Iseraēl na mawan a, kingeri nanku ngay i inmu. na Nazalē na trau i Yēsu tu rilreng na vangesangesar, tena' patulre'ay za kemay kana Viruwa i itras pakalrang kanantu pinupana na karepalripalri, kirekamelri na kezang, kirekamelri za lremak, pakurena'u kanmu lra. ini na lremak malrazam mu, 'alrana mupana kanmu i savakan. 23na Viruwa i itras paturus kanantu nirangeran zi malrazam lra pangaway kemuret verayanay i Yēsu kanmu; zi pakalrang mu kana pimamelri na trau tremehetreh kantaw kana ziyuzika i itras, pinatray lra kantaw. 24mawmu na Viruwa i itras parevaaw kantaw kemay kana minatray, puelakaw lra na nanayan za kiyanatrayan, 'alrana kiyanatrayan 'azi pakakuwa demadikus kantaw. 25i Davidē marengay lra kantaw:
marayas ku mena'u kani Luzu kazu kaninku i ngawayan;
i intaw kazu i tarawalran kaninku, zi 'azi ku uwavalis.
26mawna kemani, semangal ku anger,
ku ngay matemuy za semangalan;
zi ku zazek na karametr kaazu temalaulep i talrimayan.
27'alrana 'azi u paputani kaninku mukuwa i 'aremeremeng,
zi 'azi u wawai patupa' kananu penakasa na pakarunan.
28panadam u lra kaninku kana uwavaawan na dalan;
nannu uwakasa kaninku mu temuyay ku za semangalan.
29<<ta mawan, na kireeman kananta temuwamuwan i Davidē na lremak mu, 'azi ku ka'azi penatezelr marengay kanmu. 'azi mawmau a minatray lra i intaw, zi trinevelr lra; tu trevelran palru harem ulra ziya kaniyam i kani. 30maw a patralritralri i intaw, malrazam i intaw kanantu iyatuvang kantaw na Viruwa i itras: na Viruwa i itras putani lra za ngay patikezir za sasa a yawan kemay kanantu temuwan zuwa kemayana kanantu kakayanan na penazangal. 31i Davidē iyanguwayan malrazam kanantu kiniyaanger na Viruwa i itras, semeneng nu marengay i intaw kana kireemana za marevaaw i Kiristo mu, marengay i intaw:
'azi ki'atelr i 'aremeremeng i intaw;
zi tu zazek 'azi matupa'.
32ini i Yēsu, na Viruwa i itras parevaaw lra kantaw; inta mapiya maw a uwasay kanini na lremak na trau. 33i intaw kipuitras lra kazu i tarawalran kana Viruwa i itras, pawnung kituluz lra kemay kani Temamataw kanantu iyatuvang na Vangesar Lu'em i intaw. harem nanmu nina'uwan kiningeran mu, mawna Viruwa i itras na semelretrah veray kaniyam na iputrepa. 34i Davidē 'azi mukaitrasan i intaw, mawmu marengay i intaw:
i Luzu marengay kananku Luzu:
kayan kaninku i tarawalran i inu,
35ngangara kaninku za puilusaw nannu 'alra kanannu kuy i makalusu.
36<<semeneng, i Iseraēl na mawan mapiya a, patulre'aya mu malrazam, nanmu trinehetreh i ziyuzika ini i Yēsu, na Viruwa i itras patikezir lra kantaw putu Luzu, putu Kiristo lra!>>
37a kinger lra mapiya kanini na ngay mu, panana i anger, marengay kani Pētēro zi kana zuma na sito: <<wadiyan a, kemudaya ta za eman?>>
38marengay i Pētēro kanazu: <<i inmu kurisaesa uwasalr mapiya, pawnung pakalrang kanantu ngadan ni Yēsu Kiristo kisuwap, maruwaya mu kilapus za pinamelriyan, zi karuwa mu kituluz kanantu iveray na Viruwa i itras na Vangesar Lu'em. 39'alrana tu iyatuvang na Viruwa i itras maw vaveray kana dinaulr ziya na trau kananta Luzu na Viruwa i itras, maw i inmu, nanmu lralrak, zi na kazu ziya i dawilr na trau.>>
40i Pētēro marengay ziya za sazu a ngay uwasay kanazu, pukezang kanazu marengay: <<vaawaw mu i inmu kiruwaday kananni na kuwatrengan na trau kanantu kipasavungan!>> 41kazuwan na kituluz lra kanantu vati, pawnung kisuwap; kanizu na saya wari na sinziya puwapuwa za kararuwa teluwa kuzulr na trau. 42nazu pakasa kipanadam kana sito, kurelrang kanantu wayway na uwakasayan na sevang, kipalrang pa'inava kana lramanan na aekanan, mukasa kiyanun.
na wayway kana uwakasayan na sevang
43na sito pupana lra sazu a karepalripalri kirekamelri na lremak; na tratrautrau ziya mawna kemani zi mureha kemaira kemakaud i anger. 44na sinziya mapiya patrutru mukasa za wayway i uwakasayan na sevang, na ulra ziyan na eman mu pinukasa peniya. 45zi tu tratrima'anay na 'uma zi pinieman nazu, paturusanay kanantu kinaranger na trau panini kana paisu veray mapapiya. 46mukasa za anger nazu, kana wariwari kazu muwazuk i vangesar ruma', zi kazu ziya kana raruma'ruma' na trau kipalrang pa'inava za lramanan na aekanan, misemangalan penatezelr i anger zi mukasa mekan, 47semenay pulihu kana Viruwa i itras, marayas mareka'inavanava kana trau ziya. i Luzu tu puwapuwayay veray kanazu na muvaaw na trau kana wariwari.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023